مياده دكتورة اختصاص اطفال عمرهه 30 سنه
متزوجه من حيدر. استاذ جامعي وايضآ معروف ومحبوب كلش وهم عائله معروفه. ومحترمه بأخلاقهم الطيبه وسمعتهم بالمنطقه وهم معروفين بإن هم معدهم اطفال صار 8 سنوات .....
مياده.. حيدر تدري كلماا يجوني للعياده اطفال اضل ابوس بيهم وتخنگني العبره اتمنى يصير عندي طفل الحمدلله والشكر على كل حال بس والله دااختنك اريد اشعر بالأمومه عمري موصغير لشوكت انتظر بعد
حيدر.. يمعوده دگولي ياالله بعدنه شباب ههههههه وبعد شي بيد ربج العلينه سوينا وعالجنه وحاولنه بشتى الطرق لكن بعده رزقنه مجاي يجوز ربج ضاملج 10 توم
مياده هههههههه والله ياحيدر ميهون عليه غير ضحكتك الحلوه الله ليحرمني منك ولامن حنيتك
حيدر.. يلا عووفي كل النقاشات عصافير بطني تتعارك روحي جيبي الغده لو تلحگين لو متلحكين عليه
مياده .. تؤمرني امر رايحه حياتي وراحت تصب الغده
حيدر بداخله .اووووف يامياده لعد اني شگول عمري وصل الاربعين وماعندي طفل يحمل اسمي وطلابي يسئلوني استاذ عندك ولد اسويهه بالشقه انتوا ولدي
بس مااكدر ابين الج نار گلبي ولاملامة الناس اليه. اجت ميادة قطعت صفنته حيدوري حبيبي اليوم على العشه معزومين ابيت اهلي كلهم مجتمعين واصروا ان نروح.
اي ماشي ان شااءالله نروح يله اروح انام
هاي شبيك حيدر شو انگلب كيانك متريد نروح لا نروح نروح اكعد من النوم نروح
زين اوكف اتغده گلهه لا شوو مااشتهي يمكن لان تعبان من اكعد من النوم اكل اكلي انتي
مياده ضليت حايره ليش هيج حيدر شبي اي ماكو غيرهه اكيد يفكر بالاطفال اوووووف ياربي فدوه اروحلك اترس بطني حتلو واحد وبعد مااريد شي من الدنياا انت كملت سعادتي من كلشي كملهه بطفل اختباري صعب ياربي طبيب يعالج الناس وهو عليل اعالج الاطفال وبحسرة كلمة ماما وبحسرة ريحة طفل 😔 صار المغرب كعدت حيدر وصلينه ورحنه لبيت اهلي وكالعاده من الباب ريحة طبخ نبع الحناان وهي من تشوفني تبجي وتبوسني وتدعيلي يوم التجونه وطفلكم وياكم ياحبيبتي ياماما صار 8 سنوات على هذا الدعااء
كعدوا حيدر مو ع بعضه متعلمين علي شقه وضحك وميانه ويه الكل حبيبي حيدر شبيك
هااا مابيه شي بس شويه تعبان كوم نروح للبيت
لا عيوني من يروحون نروح
قاطعتنه سهاد واللي هي مرت اخويه اكلج مياده كالوا دكتور جاي من بريطانيا يعالج العقم وهوايه صار عدهم اطفال ع ايده ليش متروحين اله حيدر حتى ماناقش وطلع وخابرهه گلهه امشي نروح للبيت منتظرج بالسياره وصلوا للبيت صارت كلام وهوو ....
تصويتكم ودعمكم وتشجيعكم
اليه يحفزني اقدم افضل ماعندي
انتظروني بااجر تكملة القصه
#ســرى حــامد
