نور..مرت عليه فتره واني احس بضياع صدمتي اكبر من كلشي بهالدنياا
يعني احس حياتنه خرافه ودراماا شنوو هاي الحياة شگد صغيييييره معقوله هيج واحمد شد ويه اللي طلعوا اهلي هه
وحرمني حتى من امنيه رغم هالشي الوحيد اللي فرحني
نور..احمد شنو الغلط السويته حتى تعاقبني تحبسني ومتخليني احجي ويه امنيه
احمد..حبيبتي تعرفين كلش زين شنو انت بالنسبه اليه ووعدتج ابد مااخليج تتألمين وشوفتج لذوله تألمج
نور..هه تتوقع هسه مدااتألم دااموت دااتعذب
احمد..شبيدي نور شنو التريدي وترتاحين گولي واني خاادم
نور..ماادري لو ادري جان اني سويته اووف ياگلبي
بأثناء كلامنه اندگت الباب احمد طلع للباب
احمد..تفضل ابو امنيه تؤمرنا بشي
حيدر..لاوليدي حبيبي بس رايد نور بكم كلمه
احمد..ماشي عمو تفضل البيت بيتك
نور..بس شفت عمو او بابا كلشي بداخلي اتحرك اتجاهه حسيت گلبي مكسور وهو دوايه ركضت علي شبگته وگمت ابجي بحضنه اويلي يابويه من شبگني ويبجي ينحب مثل الفاگدله ولف
ليش بابا لييييش هيج سويت بيه
خليتنه كلشي نتحمل وحدنه اتحملت الجوع والفگر والضيم خلصت عمري اتحسر على اللي اتنام بحضن ابوهه لأن جنت متوهمه عندي ابوو بس استغرب حتى من يجينه ميطب بس للأسف طلع رجال غريب عطف عليه انطاني اسمه واتحملت كل العداوات من ولده واقاربه خاف انافسهم بالورث وكل هذا واني صابره ومن اتوفه حسيت انكسر ظهري لان الخيمه نشالت من فوگااايه
شريد احجيلك امي كلشي اشتغلت حتى تعيشني بشرف وحتى توصلني شحجييييييلك عن حياتي والصار بيه
وك بابا ليش هيج سويت بيه
حيدر..ابوس ايدج ابوس رجليج سامحيني بنتي والله ماادري بيج عايشه الله يشهد عليه مااعرف عندي بنيه جان اخذتج ويه امنيه وربيتكم سووه بس ضمووا عليه هالشي
نوو..ههه اي ضموووا عليك لان مجنت رايد وجودي بالحيااة ردت تموتني وامي المسكينه واجهت كلشي واتحملت حتى اصير اني عدهه
حيدر..نور بابا والله انت نور لعيوني ولتصورين تفرق محبتج عن امنيه جنت اعرفج مجرد صديقه لأمنيه واني حاسبج مثلهه هسه انت بنتي واني اعوضج والشي اللي رح اسوي اعوض بي الجميع عسى ولعل الله يغفرلي
ورح احجيلج كلشي
امنيه. بابا راح واني گلبي نار ها خاف طرده احمد
خاف صار شي خاااااف وخااف وماما تهدأ بيه وتگول لتخافين اني مطمئنه
شويه طب بابا يضحك وفرحان
امنيه ومياده ..هاابشر
حيدر . الحمدلله رح يلتم شملكم من جديد
امنيه..بابا احجيلي عفيه شصار وشنوو واحمد شعجب مسووه مشكله
حيدر..هههه اني مثلج استغربت بس سئلته گال عمو انتوا اهلهه وشفت حالتهه ميصحيهه غيركم وغير امنيه لأن بس تلج بأسم امنيه خبلتني
امنيه. يابعد عمر امنيه ياروحي شكرآ الك يارب
حيدر..مياده حبيبتي ضايجه عليج الله
مياده..تدري حيدر هاي ثاني فرحه بحياتي من بعد ولادة امنيه واحس هاي ولادتي الثانيه وبنتي الثانيه
مرت الايااام وقنعوا نور ورجلهه وامهه يگعدون وياانه واني احس كلشي انحل وكل واحد خلصت مشااكله الا اني ابد مخلصت مشكلتي وعلي عاافني
وانتهى كلشي بيناتنه اوووووف
حاولت احاجي اكثر من مره بس يرفض ويگلي سبق وإن گتلج اذا اتقربلج واحد غيري نفسيتي بعد متتقبلج اويلي لو ضاله يم تعذيب صلاح ولا هالحيااااة ولا هالعيشه ولاخسارتي لعلي 😔
مرت سنه واني حياتي منتهيه امثل الراحه وامثل الضحكه وصار عد نوره توأم بنوته وولد
والقهرني سمتهم امنيه وعلي
وگلتلي علي وامنيه ميتفرقون طول العمر وبكلشي يتشابهون
وانت وعلي رح ترجعون لبعض
شنرجع وعلي خطب ورح يتزوج نور كافي تفاؤل مرت سنه وانت بهذا كلامج علي خلاص انتهه واني انتهيت ورح اكمل دراسه واشوف حياتي بس بلا ارتباط
مياده..حيدر دتشوف حالة امنيه احس گلبهه مكسور 💔
حيدر..اي ميااده بسببي وكل اللي صار وانحلت مشاكلنه من ضحينه بأمنيه وسعادتهه وحياتهه
مياده..تدري رح احاجي علي بلكي يرجعلهه
حيدر..لالامياده وخلي اكلج شغله قبل فتره حجيت وياا وعلي حالته اضرب من امنيه علي ميت بس يمشي وكله سبب انهياره يگلي وعدتني محد يلمسهه شلوووون اثنين مو واحد متقربيلهه غيري وضل يبجي مثل النسوان وگال اني ضايع بلياهه بس عوفني اموت ادفع ثمن اغلاطي وسبب خيانتي لأمنيه هاي عقوبتي
مياده..حيدر بس مااگدر اشوف بنتي دتروح گدام عيني مثل الورده وتذبل
نور..احمد شجااك مودتطلع وتطب ويه علي معقوله گلبك ممقهور ع امنيه وتحاجي عليهه
احمد..نور اكو شي رح يصير ماالهه داعي الملامه كلماا اشوفه لعلي خلينه شويه نرتاح
نور.شبيك استاذ لتنسه هاي اختي وابيع الدنيا ومابيهه علمودهه افتهمت
احمد..اي هسه شگتلج بس تردين مشكله
نور..اووي اروح لأهلي احسن
احمد..ههههه عود اخذي تكسي لو طياره
نور...سد حلگك خبالووو اروح اشوف امهاتي شديسوون
مياده وام نور متراهمات كلش وابد مصااارت مشاكل لأن ام نور حيل فقيره وحتى مرادت ترجع ع ذمة حيدر كزوجه وگالت كافي بنتي اخذت حقهه
واني كافي عليه هالحيااة الحلوه وكرم مياده مااقبح واخذ رجلهه الحمدلله مرتاحين كلنه
امنيه..گاعده دااقره روايه اندگت الباب فتحتهه. جاان اشوف.
للمشوار تكمله كونوا في الانتظار
#ســـرى حــامــد
هاي اعاده للي مطلع عدهم حبايب فدوه اليشوف يصوت
