مر الاسبوع عااادي نفس الروتين دوام بيت امتحانات
اجه الاسبوع الثاني اجه علينه علي بس شووويه مثگل مومثل قبل تشاقينه وياا عادي يبتسم وعاقد حواجبه ويباااوع عود للسيارت يتجاهلنه
شويه وگف گاال بنات رح تجي بنيه ويانه تصعد ضلينه نضحك احم منوو هااكبلتك
شووويه اجتي بنيه چاان علي گلي امنيه نزلي گعدي وره خلي تكعد هناا گدام اني ضحكت گتله شنو علي دتشااقه گال شبيج البنيه واكفه ونتر بيه اني اتخبلت نزلت بسرعه وطبگت الباب كل قوتي ركضت ورايه نور لج امنيه شبيج تعالي اصعدي وخري نور شفتي كلامه هذا شگد ميستحي مع الاسف علي
لج امنيه عيب شاارع صووتج صار عالي امشي صعدي
علي طلع راسه صااح نور تجين لونروح
گتله لاعلي روح مااجي
يلا امنيه اني اروح ويااج
علي... انصدمت بردة فعل امنيه ابد معدهه هيج ردات فعل بس احتمال اني زودتهه يله شسويلهه هي رعنه صايره
وصلنه للجامعه وامنيه بوجهه للحمامات وتبجي بأنهيااار
لج امنيه شبيج امنيه والله مالهه داعي والسويتي يكفي ويوفي
لج نووور شفتي علي يطردني عمود وحده
مدااصدك مصدومه لج علي هيج يسوي ويايه
اي يااختي خلي نفتهم من الولد ليش هيج تصرفتي امنيه
شنووووووو تصرفتي يعني انت راضيه باللي سووا
نور .. بداخلي معقووووله علي ديختبر امنيه بس ممعقوله بهيج طريقه طايحضهه هه همزين مورطت البنيه الاخ مكبل وبس كبل كلب علينه
گعدنه بالنادي شويه واجه علي گمت بسرعه
گاال امنيه كعدي دااحجي وياج
اش علي و معندي اي كلام وياك خلاص لااعرفك ولاتعرفني
امنيه افتهمي هاي حبيبتي شلون اگعدهه وره تزعل
امنيه دموعي نزلت لااراديآ هه والله مبرووك حبيبي
عاشت ايدك ياصديق طفولتي عااااشت ايدك بس سويت علاقه گلبت عليه مع الاسف عليك علي مع الاسسسسف
لك شجنت حااسبتك تالي هاي تاليهه تف ع هاي الخوووه وطلعت بسرعه دموعي متووكف واحس بروحي ضاايعه ماادري شبيه عليمن ابجي ع موقفه لو لان حسيت خسرته لو لان عنده علاقه افكاري متشتته
وماانتبه الا هوورن عااالي وواحد طلع راسه من الجاامه انتبهي ياثوله تردين تبلينه انتبهت ع روحي اشووف بنص الشارع والسيارات خبصتني
ونور وعلي ورايه لحگووني سحلوني حيل رادوا اصعد بسيارة علي ضربت علي ودفعته ورحت اشرت تكسي نور اجت ويايه
نور.. تبجي امنيه فدوه اروحلج كاافي شبيج تخبلتي العالم تباوع علينه
صاحب التكسي گلب عليه المرايه خير اختي بيج شي محتااجه شي
نور.. لاتسلم خويه بس صديقتهه مسويه حاادث وهي متأثره
اها ان شاااءالله مبيهه شي
وصلنه لبيت امنيه نزلنه
وامنيه دموعهه ولاسكتت ياربي والله مردت گلبي
اول مره اشوف. هيج دموعهه ابد متبجي امنيه بس ضحك 24 سااعه وشقه
امهه شافتهه يايمه بنيتي شبيج ولج سوده بوجي
محااجتهه امنيه وركض لغرفتهه
وج خاله نور احجيلي شبيهه بنتي شصاير وياهه
خااله مبيهه شي والله صاار موضوع تاافه وسووء تفاهم وتعرفين امنيه شگد رقيقه
يايمه سوده عليه حبيبتي بنيتي منوو اذاج وج ماما فتحيلي الباب امنيتي
ماما عوفيني لخااطر ربج مابيه شي نفسيتي تعباانه
وامهه ضلت تبجي متحملت تشوف دموع سعادتهه وكل حياتهه تبجي
واني احس اتدمرت وخابرت علي لك ارعن والله لوصار شي بأمنيه اگطعك واشرب من دمك اناني حقير ليييييش هيج سويت بأمنيه لك ليش نذل
علي لج نور والله متوقعت هيج يصير والله موقصدي والله احبهاا واعشقهه ياابه والكعبه رح اموت اتخبلت
رح اجي للبيت
اشششش علي اسكت بيا وجه تجي جايب صاحبتك ومكيف ونوب تهينهه ياغبي موهيج تعرف اتحبك لولا
موهيج دمرتهه للبنيه موتعرفهه شكد رقيقه ومتتحمل اي موقف وبالذات منك اقرب شخص الهه
انداريت ورايه خاله ام امنيه يباااو شيخلصني الساالفه حتكبر اكيييييد
نوره خااله ويامن جنتي تحجين منوو هذا هاين امنيه شنوو امنيه عدهه علاقه بواحد ومأذيهه
لاخاله گوولي ياالله ياعلاقه بس تعالي گعدي افهمج كلشي
حجيتلهه
المهم طلعت امنيه
وتغدينه سووه وللعصر وداني عمو حيدر للبيت
وعلي خبلني حررگ تليفوني
مر اسبووع وامنيه معانده متقبل تداوم وعلي انهارت اعصااابه اتخبل خبااال
فديوم رحتلهه گاعده يمهه جاان كلتلي نور
تدرين اني احب علي گالتهه بحزن
اني طفر گلبي من مكاانه يااااي لج صدك والله هوو يعشقج ومتخبل وتدرين دااسولفلج بس هو راد يختبر حبج ومن اول خطوه الفطير جفص
واذاج معرف يتصرف
ههههه بس اخاف نرتبط واتندم
اشش لج والله متندمين اروح ابشره
هيييييه وين تبشري دگعدي بااچر اداوم واشوف ردة فعله واذا اعترفلي اشلع گلبه يلا اگوووله اني هم
عشتووو شگد اذاني ارجعلهياا ضعف
يوووو عابتلج بس احسن كرصي اذانه هههههه
يخررابي امنيه رح تووگع بالحب وتبدي معاناة حبيني واحبج احس علاقتهم صدااقه احلى انتوا شنووو رأيكم
لكم تفااعلوووووا صوووتوا
#ســـرى حــامــد
