طلعنه من المستشفى وامنيه حبيبتي بس تباوع بعيونهه منطقت ولاكلمه حاولنه شويه نغير جو عليهه بس كوه تبتسم ابتسامه كاذبه
واني احس روحي دتطلع بالبطيء علي ابالي وبس ودي ابجي وامنيه وضعهه يرثى له تعباااانه حييييل
امنيه..اريد احجي ويه علي
نور..شنووووو شبيج امنيه شتحجين وياا شنو حنيتي ضعفتي
امنيه..اريد احجي وياا خابري
احمد...امنيه صلي ع محمد يمعوده شتسوين بي.
ليش تحبين تغثين روحج مواخر شوفه شلون تأذيتي
امنيه..افهموني گلبي نار محتاجته بس شويه احجي وياا الله يخليكم
نور..ماشي رح اخابره واشوفه وين وعود نتفق اليوم نتشاوف بس ارتاحي اول وتبدلين ونطلع سوه شرايج
امنيه..لامعليه اريد هسه اشوفه فدوه ابوس ايدج نور
نور..خلاص كاافي افتهمت
خابرته لعلي علي بالبيت
امنيه..اي خلي نروح لبيتهم
احمد..شبيج امنيه تخبلتي وين احنه بتركياا
نور..احمد روح لبيتهم احنه عائله وحده ومبيناتنه هالشي والدنياا كلهه تعرف بعلي وامنيه امشي حبيبي
وصلنه لبيتهم طلعت خطيبته
شويه عيني من رخصتج خلي نطب وطبينه يلا حبيبي امنيه طبي
ضلت تباوع صفح خطيبته هه امنيه شرفتي خانم
امنيه..نعم وانت مـنـو؟؟
خطيبته!!ااقصد خطيبة علي شنووو معرفتيني
امنيه..مگدرت احجي شي خلاص اني ميهمني شي اصلآ احس گلبي يوجعني ويمكن دااموت والله بس ابتسمت وگتلهه مبروك حبيبتي
بهالاثناء طلع علي وصفن عليه ودموعه تنزل بعد متقدم ولاخطوه نور واحمد سلمووا ع علي وسلامهم حلوو مومثل حجيهم وشنو الغلط اللي غلطوا شو هسه اسلوبهم حلوو
اجتي ام علي وتبوس بيه وشبكتني حيل
من وخرت اني رحت لعلي بس علي اببببببد معجبني وضعه حلگه ابيض وجه اصفر حيييل وايده ترجف
اتقربتله شلونك علي
علي..الحمدلله بخير انت شلونج
امنيه..ممكن احجي وياك ع انفراد
علي ..ايي ممكن من رخصتك حمودي خيتي نور مرخصتج. اذا تسمحولي نحجي ع انفراد اني وياهه
احمد..ع راحتكم حبيبي
نور..عادي بس لتطولون
علي..ماشي يلا امنيه تعالي
كمزت خطيبته وشنوو اني هناا حيوانه حضرتك تطلب اذن منهم ويلا امنيه واني شنوووو منوو سمحلك
علي..انجبي انت لا...
امنيه...لااا كافي علي حبيبتي حقج بس هو العمر كله الج صدكيني دقايق احجي وياا وهاهي ترئ علي مجرد صديق لااكثر ولااقل
علي مشه وگال تعالي امنيه لتحجين ويه هالنماذج
طبينه لغرفته اوووووف ياغرفته شگد جنه نخطط شنو نغير وشنو اثاث نخلي اباوع بكل ركن بيهه ذكرى من جنه نفتح كاميرا اووه والله ايام
علي..امنيه اريدج
باوعتله هه شبي هذا شديحجي هو فضل غيري عليه واختارهه وميريدني وهسه يگلي اريدج والله اريدك اني هم بس مااشتري الباعني
اتقربلي علي وعينه بعيني مگدرت احجي شي ولااقاوم غير حضنته وگمت ابجي محتاجه هالحضن والله واضرب ع صدره لك ليش عفتني وك اني متت متت بدونك اني جسد بلا روح اليوم حسيت روحي دتطلع انتهيت بعد مااقاوم اشتياقي ودست كبريائي واجيتك
علي..امنيه ياكبرياء وج هي ضل بيهه كبرياء انت كل دنيتي والله عيشتي جحيم بليااج والله موبيدي امنيه ع مودج كل السويته ع مودج
امنيه..اووف يحجي ويشبگني كل قووته ومكدرنه بعد نحجي بس متحاضنين ونبجي لان مااريد اسمع شي بعد بس اريد تطلع روحي بحضنه
علي..امنيه اتمناج مرتي والله واريدج مرتي بس مااگدر
امنيه...شنووو هو المتگدر علي كافي تجرحني اكثر لك الشي الصار موبيدي تدري كلش زين الصار وتعرف وك اني معشت ويه بشر حتئ تأذيني وتعاقبني اني جنت يم حيوان مفترس وياريتني مخلصت منه وركضت من الغرفه ع المطبخ اريد من صدك انهي حياااتي وعلي ركض ورايه
نور..طبوا للغرفه ولازمه گلبي خايفه يصير شي او امنيه تعرف بمرض علي
شوويه شفت امنيه تركض وع المطبخ كلنه ركضنه وراهه تدور تريد سجينه تكتل روحهه وعلي وراهه ولزمهه واحمد واني وهي گطعت روحهه اووووف يايمه موقفهه اخذ روحي تصيح وتملخ بروحهه ولج يعاقبني ع الجلب صلاح ولج يكلي مااگدر اتزوجج
شنوو ذنبي شنو السويته ذنبي حبيته ووفيتله عمري كله ذنبي دفعت ثمن حبي غالي روحي وشبابي وعافيتي ومستقبلي شنو الضل بيه ولكم علي ميريدني شلي بحياتي كاافي عوفوني اموت كافي عذابي محد يحس بيه
علي گعد ع ركبه ولزم راسه ويبجي وضل يضرب بالگاع وج افهمي وج اني الميت مو انتي وج اني مااطول مااعيش اريدج تعيشين حياتج
نور..اششششش كافي علي اسكت لتحجي
احمد..كومي امنيه كافي كافي كلتي بس احجي ويا هاي حجيج تردين تموتين گدامه
ام علي..ولك علي ربي وگلبي غضبانين عليك ليوم الدين ولك ليش تسوي هيج بيهه لك ورده مفتحه امنيه وذبلت وانتهت دشوفهه رح تموت موانت 24 ساعه تصيح بأسمهه وحياتك جحيم عليهه شنوو بعد سبب رفضك
علي..يمه ابوس ايدج مو وكت تغضبين عليه بهالوقت محتاج رضااج يمه اني مامطول وياكم اني ايامي معدوده رحمه لله ارحموني كاافي
ام علي..يبعد امك شبيك هاي مرتين تعيد هالكلام وجعت گلبي وشلته يمه احجيلي شبيك
علي..يمه اريد امنيه فدوه اروحلج يمه اريد اعيش وياهه اريد اطفالي منهه بالجنه اطلبهه من الله
نور.. علي بعد اختك كافي ابوس ايدك والله موتتني
امنيه الك وانت الهه واليوم روحوا اعقدوا واتزوجوا سافروا خارج العراق كافي اللي شفتوا
بهالموقف خطيبته عصبت وصااحت صارت علني هالطيحان حظ اذا هيج گلبك يمهه اخذهه هه ولو منو تقبل بيك وانت بيك سرطان خلف الله عليه قبلت بيك وعليمن اعدم مستقبلي ويااك خلي تفيدك هاي وشمرت الحلقه وطلعت
امنيه..شنوووو علي هاي شحجت شنو هالكلام
ام علي..يايمه سوده بوجهي يبووووووو سرطان ربي اخذ عمري ولاوليدي بي شي
نور..الله ليوفقج ياعار
خااله اهدئي هاي وحدهه تحجي اسم الله صح مريض بس موسرطان وتعرفين التشخيص بالعراق مومضبوط ورح يسافر ويتإكد فدوه لتخافين كافي موزين عليج تأذين روحج
علي..يمه وامنيه اني م بيه شي وهاي گدامكم صاحي فول
بس گدام الكل اوجه سؤال لأمنيه لو فعلآ جنت مريض بالسرطان توافقين تتزوجيني ؟؟
امنيه..ضربته راشدي وگلتله.....
للمشوار تكمله كونوا في الانتظار
#ســرى حــامــد 💔
