سمعت الاصوات عاليه واغاني ودگ ورگص وصياح اني خفت حيل ياربي هم رح يصير بيه مثل مصار بأول ليله من زواجي قفلت الغرفه وضليت الف بروحي وادعي ياربي سااعدني هالمره اذا واحد اتقربلي لااعرف حرام ولاميصير والله اكتل روحي انتحر واخلص ضليت ابجي واسد بحلگي خاف واحد يسمعني ندگت الباب حيل يايمه اكيد رح يغتصبوني الهي ساعدني ياامير المؤمنين امانتك شرفي كاافي راح اول مره واتنگست بهالقذرين هالمره اوگفلي سد عنهم مولاي ساعدني امشي عليك ستر زينب اقسم عليك بالزهراء ادعي هيج ودگت الباب تقوه انطفت الاغاني سمعت صيااحي اي واحد يتحرك ينرمي علي الطلق ياالله شنوو هاي اي همزين محد رح يعتدي عليه رح اموت ديتكاتلون بيناتهم واكيد رح يجون يكتلوني وارتاح اشكرك الهي هونت عليه سمعت صووت افتحي الباب احنه الشرطه جايين نساعدج وننقذج طفرت ركضت ع الباب وصلت للباب خفت هاي خطه من خطط النذل صلاح
گتله مااگدر افتح الباب اكيد هاي خطة صلاح
گلي لابابا والله احنه الشرطه افتحي الباب وصلاح رح ياخذ جزائه العادل القينه القبض فتحت الباب. واني ارجف الضابط گال تعالي بابا لتخافين لااله الا الله هذا شمسوي بيج لتخافين والله الا اعدام لو مؤبد
صاح واحد من الجنود جابلي هاي اللي يلبسوهه من تمطر نايلون گال لبسيهه لان جانت ملابسي مشگكه وضلوا يباوعون ع جسمي واستحيت
الطريق كله الضابط يحجي ويايه واني بس ابجي لان جان يسئلني شلون باقيه وياا هيج واهلج وين معقوله ميدرون بيج
وصلنه للمركز گتله خابرلي اهلي الله يخليك وخلي يجيبولي ملابس وياهم
رديتله الرقم وره ربع سااعه اهلي اجوي ونور ورجلهه وعلي ويركضون ومثل المخابيل اني لااراديآ بس شفتهم ركضت ع علي وشبگته وضليت اشهگ بالبچي هو هم حضني كل قووته ويبجي واهلي يبجون ونور ماتت من البجي
نور..امنيه من اخر يوم اتزوجت انقطعت اخبارهه رحنه ثاني يوم الهه لگينه البيت الاتزوجت بي مقفول ومكتوب علي مطلوبين دم امهه اغمه عليهه وصارت بيهه جلطه من الهبطه وضلينه هالاشهر كلهه مخلينه مكان مدورناا وماكو اتخبلنه وحتى صورهه نشرناهه وبكل مراكز الشرطه خلينه صورهه
واشتكينه ع صلاح واهله بس للآسف اكتشفنه ان صلاح اصلآ م عنده اهل واللي جابهم. بالعرس اهالي اصدقائه واللي مربيته عمته هاي الكتلناهه مرت ع هالاربع اشهر مثل النار علينه عمو حيدر وصل الموت وضل يوميه مستشفى
وعلي وره شهرين اتعافى والحمدلله يعني نجحت عمليته واتشاافه بمعجزه ومن عرف باللي صار حجيتله كلشي وفهمته نسه الموقف الجان ماخذه ضد امنيه وضل مثل المضيع ابنه يوميه ابيت عمو حيدر هو واهله وحاجاهم گلهم بس نلگيهه لأمنيه اتزوجهه وبهاليوم كالعاده رحنه لبيت عمو حيدر حتى نشوف ماكو اخبار وفجأه اجه اتصال كلنه طفرنه لان بس نتأمل اتصال واحد رد عمو وخبروا ان امنيه موجوده الفرحه والدموع وكلشي بعد مينوصف وكلنه اجينه لهنانه للمركز اووف سوده عليه شحالهه امنيه ملابسهه مشگكه وشكلهه يخوف من التعذيب والاثار والجوي ووره ساعه بده التحقيق ويه امنيه اول شي
امنيه..حجيتلهم كلشي الصار
حيدر..العفو سيدي بس اريد اعرف شلون عرفتوا مكانه هالحقير
الضابط..والله يااخي اجانه اتصال من شخص وطبعآ هو من الشهود رح يكون بالمحكمه وگال شفت صور منشوره لبنيه مخطوفه واني اندل مكانهه
من وصلنه التقينه بي وگال اني بيتي هذا وره الغرفه اللي حابس بيهه البنيه ودائماا اسمعه يعذب بيهه واسمعهه تصرخ واني شفته بيوم اللي جابهه الصبح بس جنت متصور عائله بس من كمت اسمع الاصوات وشفت صورتهه اتذكرت وخبرتكم
حيدر..ياريت اشوفه اتشكره واكافئه ع هالشي السواه النه
امنيه..كمل التحقيق وياريت الضابط ممحقق ويه بابا لأن جانت اقوى صدمه بحياتي هي عرفتهه اليوم
للمشوار تكمله كونوا في الانتظار
تفاعلكم زفت لهذا مدتسوون واهس
ورح اختصرهه واخلصهه واغلب الاحداث مااكتبهه لأن ماكو اي تفاعل
#ســـرى حـــامــد
