ضليت ع هالحاله اسبوع مااداوم ومطايقه علي ومااگدر احجي ويا ولااگدر انسه الصار وصارت حياتي عباره عن بچي ودك ولطم ونور هالفتره ابد معافتني تجيلي يوميه وغصبآ ماعليه اتوكلني
الليل كله ماانام اتذكر كلامه شنوو يگلهه وتصير بيه هيستريه من اتذكر اووف ياگلبي وماما اتخبلت والنوب اني ضلت ابالي نظرة بابا لعلي شعجب هيج باوعله معقوله اكوو شي اهوو اني صدك متخبله شبيه گمت اخلط احداث وبابا ليش محجه بالموضوع المهم الذي چان يريد يحچي النه ياربي
اني داافكر وطبتلي نوره بوستني وحضنتني وگلتلي امنيه اسمحيلي احجي وسمعيني للأخير
اني متحملت موضوع يخصه
نور..امنيه بس افهمي الراح احجي مواقصد علي مغلطان لاغلطان وحقير بس لازم تعرفين الحقيقه كلهه وبكيفج
امنيه.. نور شنو الأريد اسمعه كافي السمعته
نور.أمنيه سمعي رح احجي واذا قنعتي بكلامي حاجي واذا لا فاتركي وخلاص ارجعي لحياتج الطبيعيه
هو حچالي گال هاي البنيه مصارله فتره طويله يعرفهه وهي جاايه علي وفارضه روحهه والموضوع اببببد مومثل ممتصورته
امنيه..هههه ضحكتيني شنو هددته تشوه سمعته بالجامعه لو تنشر صوره شهالكلاوات
نور..بابا اسمعي ..هي طابتله بدرب اعوج عساس صداقه بعدين حاجيه وياا اختهه گلتله بس انت ثقه ومثل اخونه وواحد ديقشمرهه لأختي ومسوي علاقه وياهه وهو موزين الاريده منك تگلهه احبج وفتره بس تترك ذاك وتنساا والله الباقي علينه اني اگلهه الحقيقه علي مقابل وگلهه لاخطيه اسوي هيج كلتله انت معليك گلهه خاف اتحبني وتتعلق بيه كلتله لاا هي اتحبه لذاك انت بس حتى تشغلهه عنه وهو يريد يعوفهه والله وهو يحبج الج ومستعد گدامهه يگلها احب امنيه و ع فكره گايل لهذيج ان هو ميريدهه زواج وداعتج
امنيه..نور برأيج صح هالكلام
نور..ترى لو چذب مويگول مستعد كلشي كدامهاا احجي اوك وانت من تحجين وياا تفتهمين اكثثثثر الموضوع
امنيه.والله اخاف اتندم
نور.جربي واذا مقنعتي عوفي يولي الف وااحد يتمنااااچ
طلعت نور ضليت افكر وافكر حنيت اشتااقيت ضعفت ارجع اتذكر واباوع لأيدي ولشكلي اضرب گلبي اوصي يقوه بس للأسف ميگدر قررت احاجي علي بحجة استمعله بس اني طگ گلبي بعد مااتحمل
حجيت ويه ماما گتلهه اريد موبايل العصر جابولي موبايل
اشتريت خط سويت البرامج دخلت ع الفيس بحثت صفحته ولأول مره اضل افتش بيهه لأن بعد خلاص م عندي ثقه بي ضليت ادور بالتعليقاات وحتى اللايكات وشفت هوايه بناات ايباااه ولج شسويتي بروحج جنت معطله حسابي فتحته بس رجعته
دزلي رسااائل كومه حجيت وياا غلطت انهارت اعصابي لأن من احاجي اتخيل شيحاجيهه ضلي يهديني بعدين گلي اسمعي مني وروحي هاهي كلمن يروح بطريق ومدام متريديني خلاص مااجبرج اني انسطرت اكثثثر وحسيت خسرته ليش ممتمسك بيه لييييش هيج گال سكتت گتله احجي حچه مثل مگالت نور وحلف هو مملتقي بيهه شخصيآ ولاعنده مشاعر اتجاهه وهو كل حبه وتفكيره وباله يمي زين ليش كذبت عليه ليش ضميت هالشي
علي.ولج امنيه شلون اگلج واني اعرف غيرتج بس والله گلتلي تخطبني گتلهه لاا ابالي وحده اكثر من هيج شسوي واني اتورطت احاجي اختهه تكلي معليه انت حلهه البنيه حبتك
وبيوم الگلت الاختهاا اوك اليوم اصارحهه وعندي كل المحادثات والدلائل خابرتني وامي بالمستشفى وحالتهه خطره لتعوف اختي محتاجتك
وراهه بفتره هم قررت اصارحهه وهم دخلتلي وكلتلي رح تسوي عمليه وهالسوالف والله ياامنيه مالي نفس بغيرج اترجاج سامحيني والله احبج ومن حبيتج لحد الان لاحبيت وحده غيرج ولافكرت بغيرج انت اخذتي كلشي مني مبقيتي شي لغير وحده واليوم بالليل رح ادخلهه محادثه جماعيه وياج ورح احجي گدامهه كلشي
امنيه..شتگول يعني
علي..بابا اكلهه هاي حبيبتي وزوجتي المستقبليه واحجيلهه كلششي
امنيه..يعني اطمئن شوو ممرتاحه لهالمحادثه
علي..والله اطمئني وارتاحي محد ياخذ مكانج انت كلشي اليه بهالدنياا. انتظري ب11 اسوي
امنيه..ليش موهسه. مااتحمل ل11خلصني من العذاب الاني بي
علي..حبيبتي اتحملي وافرحي احبج امنيه اموت اذا عفتيني م عندي غيرج والله
المهم تخابرنه ب10 ضلينه نحجي صارت ال11 گتله يلا كال مفاتحه خلي تفتح نت
المهم سووه جماعيه هي ولاعبالك صاير شي تحجي وياا چان كلتله حبيبي علي شنو هالمحادثه ومنو هاي الضفتهه
اني محجيت شي منتظره علي يحجي لان ديكتب
شويه علي دز رسااله جريده اني ابتسمت قبل لااقراهه بعدين بديت اقره واني انصدم شنووووو هاي شديلغي شنوو اعوفجن اثنينجن شنوو مااكدر استمر ويه وحده واعوف وحده لامستحيل والحجي قبل شويه اووف ياعلي الله ليوفقك ليش هيج دتسوي بيه ليييش هيج دمرتني وعلي محتوى الرساله مقرر يعوفنه حاجيته خاص شنو هالرساله گلي عذريني مااكدر ضميري عذبني هي جاان گلتلي ارتاحيتي كله من وراج عافني اني گتلهه اكلي خره
وطلعت من الدردشه وعطلت حسابي وكالعاده رجعت دك ولطم ولزمني راسي وماما للصبح گاعده يمي وتقرالي اياات تخااف تكلي اخاف يصير عندج انفجار وكل ساعه افز ابجي والزم ايد ماما واغفه
لثاني يووم مااگدر اوكف ع رجليه ضليت اصرخ ماما لحگيلي انشليت امي اتخبلت دتگومني وكعت گتلهه مااگدر رجليه متشيلني وضليت بگلبي اگوول الله ليوفقك علي الله لينطيك دمرتني اجه بابا يريد يشيلني مااكدر امشي وابجي واصرخ وامي تبجي يايمه بنيتي راحت مني وبابا شبگني وگلي ضغطي ع روحج واوكفي ولج ليش بابا شبيج احجي گتله مبيه شي اني ضليت النوب بقلق وخووف نشليت هاهي من وره الادويه الاخذتهه البارحه بالليل شكو شريط حب بلعته عود ردت انتحر بس هالشيااا فاشله
متخبلين بابا وماما من حالتي بس يردون يعرفون شبيه ماما خابرت ع نور اجتلي وهم نور بجي وسولفتلهه كلشي كالت اذا رجعتيله عوفيني
كتلهه ماارجعله خيولي وراهه بيومين لاارتاحيت واتحسنت واكلت عادي بس الغصه متروح مني والدموع احسهه نشفت صار كل البچي مالتي بس شهگات تشك گلبي اااخ يايمه المن اشكي شلون ارتاح طلبت من ماما اروح لكربلاء ازور العباس عليه السلام
ثاني يوم اخذوني بس شفت المنارات انهاريت
دخلت وصلت للباب حسيت عبالك يگلي هلا طبي جيتي للمكان الصح لزمت الشباك وحضنته والريحه الطيبه تفوووووح وابجي واحس النار كلهه البگلبي بدت دتطلع مردت اضايق الزايرات اكيد خطيه هم مثلي مجمورات
كعدت يم الباب واحجي وياااا
برد گلبي ريحني رح اموت والله من الخنگه مولاي اوكفلي بهالشده ع كل واحد ظلمني سيدي سااااعدني فدوه اروحلك الا ان ابتسمت لااراديآ وطلعت فريت الصحن كله والبروده والريحه الطيبه والاجواء شربت مي من البرادات مالت الامام احس كل قطرة مي اشربهه تريحني وتبرد گلبي وتطفي النار گلت لماما ارتاحييييت وماودي اطلع والله من هالجنه نسيت كلشي كل همومي كل الامي
رجعنه للبيت واني احس روحي ريشه استغفرت ربي واعتذرت منه وگلت يعقوب نبي ولأن حب ابنه اكثر منك حرمته منه اكيد اني حبيت علي اكثر منك لهذا اخذته مني هاهي خسرته قربة الك ياربي وصليت وادعي وابجي دك تليفوني ارقام غريبه كوومه مجاوبت شفت ملازمي ملابسي قررت اداوم وانسه كلشي نزلت اتعشيت وسويت حساب فيس وحاولت ماادخل لعلي بس اچذب لو گلت مدخلت شفت ناشر منشورات حزينه ومن ضمنها ماتت بي الكثير من الاشياء واشتهي اللحاق بهاا بجيت وگلت اني هم ماتت هوايه اشياا حلمي وياك زواجي استقراري اطفالي منك سعادتنه كلششي بس مااريد اللحاق بهاا لأن اريد اعيش حتى ارجعهم
ضفت نور وضفت صديقاتي وضحك وشقه فجأه اشوف علي انطه اعجاب لكل تعليقاتي وكل لايك احسه ميگول اعجبني لا اوجعني
دخل خاص كتبلي بالعافيه عليج شبعي ضحك الظاهر هذا اللي ردتي خلصتي مني
اني ع گلبي اكتبله من ضيمي من حسرتي عليك
بس بالكبرياء كتبتله ههه اي طبعآ الحمدلله
شلونك ؟؟
الحمدلله بخير وانت ولو مبينه بخير
اتاخر علي واعرف هو يتخبل
دزلي الظاهر زعجتج باي
فتحتهه وغلست ضليت للفجر واني حنيت لأبعد الحدود بس كتبتله باي
هو رأسآ جاوب بعد وكت وشعندج لسه كاعده
گتله اضحك ع الولد العب ع حبلين اكبل وعندي واحد اريده زواج
گلي شكرا خوش بسامير
مسئلته منين جبت حسابي احاول قدر الامكان ابينله اني ممهتمه
اووووووف مامهتم تبين وانت مهتم
گلي احبج
سكتت بعدين دزيت ههههههههه 😂
گال امنيه احبج وداعة امي وشبابي
دزيتله ههههههههههه ههههههه
گال والعباس احبج يعميني ان شاءالله اذا مااحبج
دزيتله ان شاءالله يله باي اروح انام روح لحبيبتك خطيه منتظرتك
ليش مادااحجي ويااا وچااان .....
للمشوار تكمله كونوا في الانتظار
اعذروني ع التأخير والله اكمل البارت بس النت زفت مينشره وارجع اعيد الكتاابه بس فدوه يهون لعيونكم
احبكم
#ســرى حــامــد 💔
