نور..أمنيه انت ممتزوجه زواج بأرادتج وقناعتج حتئ اگول مااريد اخرب زواجهه يعني عادي احچي اي
أمنيه..يايمه گلبي انقبض علي شبي نوور احجي خومصار شي
نور..علي نقلوا للخارج لأن السجينه مسمومه والضربه.كلش قويه ومأذيته وتدرين مستشفيات العراق الصاحي يموتوا مو النوب الحالته خطره
امنيه..مگدرت احجي اي شي حتى نور مجاوبتهه غير دموعي هي التحچي شريد اگول وشنو الأحچي اشوو كلشي خسرت نور صاحت الو الو امنيه احجي شبيج بعدين گالت رح اجيج وسدت الخط ضليت بس صافنه والغصه تاكل بروحي اكل
علي اني غدرتك اني دمرتك الله ياخذني ياربي ارحمني سامحني مجبوره وانت تعرف بحالي
ياالله علي امانتك بجاه امير المؤمنين اللي اسمه ع اسمه الهي اعرف كلي ذنوب واستحي اطلب منك شي بس انت ابوابك مفتوحه بكل وقت ولأي احد ربي سااعدني وسامحني لأن طول عمري واني عايشه بالسعاده والرفاهيه ومجنت اذكرك غير بس من اوگع بمشكله اوكفلي ياالله هالمره ومااريد شي منك غير علي رجعه رجعه ياربي امشي عليك كلمن عنده جااه اني رضيت بقدري ورضيت بكلشي صارلي وديصيرلي بس علي مااله ذنب شافي ياالهي واذا جانت عدالتك وناوي تموته فأخذني قبله لأن خلاص اني بكل الحالات ميته
مياده..اجيت اريد احجي ويه امنيه واسمعهه تدعي انهد حيلي كله واني گلب والده وجنت حاسه اكو شي بين امنيه وعلي بس جنت اتغاضى وبداخلي فرحانه لان اعرف علي الوحيد اللي يسعد امنيه ويحافظ عليهه اسمعهه وهي لاول مره هيج تدعي
حسيت گلبي انفطر واسمع صوتهه المبحوح والغصات والبچي اللي لو يهودي يسمعهه ينكسر گلبه عليهه اوووووف ياحسرتي عليج ابنيتي اني اخرب كلشي لو اعرف الثمن حياتي المهم مااهدم سعادة بنتي اني وكفت بوجه الكل عمود سعادتي وع سعادتهه وضليت طول عمري احميهه وهسه مابين ليل ويوم ينكسر گلب بنتي وتتدمر دااحجي ويه روحي وطب حيدر اويلي منظره مينوصف هذا الطول عمره هيبه وشخصيه وراسه مرفوع متونه نازله ملابسه متبهذله باوعتله ليش هيج ياربي بس ياريت اعرف شديصير شنووو الداأشوفه بحال عائلتي ومبيدي شي
مياده..حيدر يبعد عيوني شبيك اروحلك فدوه ولك انت الهيبه ابو طول الحلوو ليش هيج مهدود حيلك ليش هيج متغير ولك ليش هيج الشيب ترسك ترس بمده قصيره ليييييش احجيلي ولكم تردوني اموت ناقصة عمر
حيدر..ااخ يامياده شجاوبج
ماكوو شي حبيبتي بس مقهور ع فراك امنيه مااگدر استغني عنهه وباجر رح تروح عني شلون بيه ماادري
امنيه..سمعت كلام ماما ويه بابا بالاكثر انكسرت اوف يابويه لوبس اعرف البيك وشنو الخلاك هيج تجبرني ومنو ذوووله اللي يتاذون 3عوائل
طلعت يايمه والله هذا موابويه موهيج ابويه هذا منوو الشايب العبالك فاگدله ولد
لااراديآ رحت شبگته وابوس براسه وبوجه وبيده هو وخرني ورجع شبگني ويبجي بنيتي لتخافين اني بظهرج اني مااخلي واحد يأذيج واني گد وعدي وگد كلامي
امنيه..اتماسكت روحي گوه مااريد اشوف سندي وظهري بهالدنيااا مهزوز ومكسور لااااا هذا حزامي الساندني طول عمره هذا القدملي روحه وكل مايملك عمود سعادتي هذا حبي الاول والأخير اروحلك فدوه
حبيبي بابا اني مخايفه وعادي عندي لأن عندي انت وماما واعرف تگلبون الدنياا ع مودي اذا واحد مسني. واني بااجر زواجي وملازم هيج نضل دموع وبجي خلونه نفرح شوويه نغير جوو ونونه هسه جاايتني نروح نكمل اخر ماتبقى النه من مستلزمات العرس وباجر الاميره أمنيه رح تخبل الكون بجمالهه نم نم هع
مياده..امنيه تحجي هيج بس العبره خانگتهه والابتسامه الچذب مبينه ع وجهه اعرف دتكابر بس الله كريم يجي يوم واعرف كلشششي
اجت نور ومگدرت هم انصبهه منااحه ضحكت وسولفت وياهه نور مخطوف لونهه وكووه عليهه احس تجاملني
امنيه..نور لتصورين ممهتمه لعلي واضحك واسولف بس گلبي تعب وحق الخلقني دگات گلبي تعورني نبضاتي كلهه بأسمه وتفكيري كله بي وموتي باجر رايحتله برجليه خاف يصير بي شي لاسامح الله
نور. امنيه تمثل الضحك والشقه واعرف دتمثل بس اني اعرف حاالة علي وخطورتهه لأن الواقع هي موبس سچينه وانما ضربه براسه وصاير نزيف وضربه بكلياته يعني منتهي وحاليآ عايش ع الاجهزه وبأي لحظه يتوقف نبضه بس اذا الله راد معجزه
وامنيه گلبهه حاس بس اعرف موبيدهه شي الا انتفضت ونزعت قناع الجذب والضحكه الصفراء ورجعت الغصه والهضمه بكلامهه من جابت طاريه لعلي بس شريد اكلهه معندي جواب الهه غير ابجي ع بجيهه وواجبي اصبرهه بس مدااگدر لأن اني محتاجه واحد يصبرني ع اخويه وروحي من الدنياا علاوي شذكر وشنسه من عنده كلشي يذكرني بي
ضلينه اني وامنيه حضرنه جنطهه بس مقبلت تاخذ غير كم شغله وگالت اني ممطوله هنااك يمهم وعافت كل ملابسهه مالت البيت وغراضهه مااخذت غير كم قطعه وشغلات بسيطه وتشيل الملابس الضيك او الحلو عليهه وگالت لا هذا مااخذه علي ميقبل. تشيل الفستان الحلو وصااحت لااا هذا علي يحبه علي عليه اكيد ومرح يقبل غيره يشوفني بي ضلينه ع هالحال لحد ماصار الليل واجتي خاله مياده وگالت يبنات يلا نزلن اتعشن
يوو اتأخر الوقت لازم اروح
مياده..هاي شنو نور معقوله وحده تعوف اختهه بهيج وقت وباجر زواجهه
نور..خاله مابودي اعوفهه بس لاخطيبي منطيته خبر وماما متدري اتأخر
امنيه..تدرين انت ميصير براسج حظ تفوو عليج لو رحتي بعد مااحبج ولااريدج
نور..يمااا كلشي ولازعل رويحتي اني ضاله اليوم ع كلبج اباات يمج خلي اخابر ماما
مياده..فدوه اروح لبنياتي الله يحفظكم وميحرمكم من بعض ابببد
نور و أمنيه..امين يارب
قربت النهااايه واسفه ع التأخير جاااان النت يخببببببل
وللمشوار تكمله كونوا في الانتظار
#ســرى حــامـد
