Hindi ako pumasok dahil sa masama ang pakiramdam ng tiyan ko.
Sa sobrang gutom ko siguro kagabi hindi ko napansin na hindi na okay 'yong ulam.
Nakailang beses akong bumalik sa banyo para ilabas ang sama ng loob, Tagaktak ang pawis ko dahil sa sobrang sakit ng tiyan ko para itong kinukuyumos.
"Hon, inom ka muna ng gamot o."
"Sige lang hon, asan ang kambal?"
"Nasa sala binabantayan ni mama."
"Sige."
Wala talaga ako sa mood ngayon, naiinis ako. Nakailang buntong hininga ako bago tuluyang sumuko ang mata ko ng dahil sa sobrang sakit.
