The Badboy's Rule (ON-HOLD)

CHAPTER 15

Annyeong💖💖. Sorry kung ngayon lang ako nakapag UD. Gusto ko lang sabihin na walang scene dito si Sky. Nagsawa nako sa mukha nya-- charr😂✌. Gusto ko lang subukan kung kaya kong wala sya sa buhay ko----- este sa story😂😂. Don't worry, babawi ako sa next UD. Bye bye👋👋👋

---------///////////---------------

Planning

Naiharang ko ang kamay ko sa mukha ko ng masilaw sa sikat ng araw na tumagos sa bintana ng kwarto.

Umupo na ako at humikab. Hindi ko magawang idilat ang mga mata ko dahil sa sobrang antok. Kung wala lang kaming pupuntahan ngayon ay malamang kanina ko pa idinikit ang katawan ko sa kama. May usapan kami ngayon nila keith, pupunta kami ngayon sa tita nya. Nagbabalak kase kaming magpaalam para sa next sunday. Ipagpapaalam namin kung pwedeng gawin yung party sa private resort ng tita nya, hindi lang natuloy kahapon dahil wala yung tita nya, at sakto ring naatasan ako na bantayan si Sky.

Speaking of him. Magaling na kaya yon? Pagkatapos ng nangyari sa sofa kahapon ay tumawag sakin ang mama ni Sky. She just thank me sa pag aalaga ko kay Sky, nagtanong din sya sa kalagayan ng anak nya. Sinabi nya na pwede na akong umuwi kung gusto ko tutal ay pauwi nalang rin sya,  syempre sinunod ko naman. Gabi narin kase non. Nagpahatid nalang ako sa driver nila, hindi ko narin nagawang makapagpaalam ng maayos kay Sky.

Tinawagan ko si Keith pagkatapos kong makapaghanda.

"San tayo magkikita?" Pambungad na sabi ko ng sinagot nya.

"Sa Mincy's Cafe nalang. Nga pala, hindi ko kaagad nasabi sayo. Sasama daw si Ace satin, wala na naman sigurong magawa kaya tayo ang pineperwisyo" natawa ako sa boses nya, parang ayaw nya talagang isama si Ace.

"Huwag ka ngang masyadong harsh sa kanya, baka sa huli kayo pa ang magkatuluyan" pambibwisit ko.

"Duh, sayo ko lang natutunan yan ano. And excuse me lang, never kong papatulan ang isip batang yon" naiimagine ko syang umiirap habang sinsabi yon.

"Wow ah, ang matured mo naman mag isip grabe nahiya ako sayo"

"Anong ibig mong sabihin??" Nalilitong tanong nya. Tumawa ako ng walang boses.

"Wala. Sige na, papatayin ko na itong tawag. Magkita nalang tayo mamaya, bye"

Hindi ko na sya hinintay na sumagot, kaagad ko nang pinatay ang tawag at bumaba na para kumain. Naabutan ko si Papa na umiinom habang nakatutok na naman ang mata sa magazine na binabasa nya.

"Good Morning, Pa" lumapit ako sa kanya at hinalikan sya sa pisngi. Pagkatapos ay umupo narin ako para makakain na.

"Morning. Saan ka nanggaling kagabi?" Tanong nya habang nagbabasa parin.

"Sa bahay lang po ng kaibigan ko, nagkasakit sya kahapon kaya pinakiusapan ako ng mama nya na alagaan sya"

"Sinong kaibigan? Keith? Arra? O yung si Jairus?"

"Hindi, Pa. Bagong kaibigan" nag aatubiling sabi ko, siguradong magre-report na naman ako nito sa kanya.

"Sino naman? Lalaki ba?" Napairap ako sa tanong nya. Ayan na.

"Ano to, Pa. Report?" natatawa kong sabi. Tinikom ko rin kaagad ang bibig ko ng tinignan nya ako ng masama. Hindi naman ako kinakabahan dahil alam kong hindi naman sya galit, at isa pa... malakas kaya ako sa kanya ^_^