موسوعة القصص من واقع العراقي ( قصص قصيرة بكتاب واحد )

١- من على ضفاف ضمائرنا

Part  ( 1 )

#على ضفاف ضمائرنا
بقلم رنا خالد

اني روان عمري 21 سنة طالبة بكلية الآداب  راح اسولفلكم عن قصة اختي سوزان عمرها 19 سنة طالبة مرحلة اولى إدارة وإقتصاد. ..جنا اني وسوزان نعيش ابيت عمي لأن ماما توفت من جنت اني بصفة اول إبتدائي وجانت سوزان بالروضة. ..توفت ماما بالولادة من جانت دتجيب اخويه ...ما اعرف شنو اللي صار بيوم الولادة بس أتذكر بابا جان يبجي ويكول امكم ماتت هي والطفل. ..وبيومها جتي علينا مرت عمي. .لبستنا ومشطتنا وأخذت اغراضنا وكالت راح تجون تعيشون عندي. ..ورحنا بالسيارة وجانت الدنيا ليل ومطر. ..والجو بارد. ..جانت سوزان بس تبجي وتعيط تريد ماما. ..انا جنت ساكتة وبس اباوع بعيوني مثل المصدومة. ..وصلنا بيومها لبيت عمي. ..و رأسا نمنا ما أتذكر شي من بقية هذا اليوم التعيس. ...ثاني يوم شفنا حياتنا كلها متغيرة حسينا بالفرق. ..اشو ماما ماكو. ..بابا

ماكو. ..بيتنا. .غرفتنا. ..غرفة الطفل اللي جنت اني وسوزان نلعب بيها طول اليوم وجنا كلش فرحانيين لأن حيصيرلنا أخو نلعب وياه. ..بلحظة حسيت انو اني بغير دنيا. ...اني جنت متماسكة وهادئة واكتم بكلبي. ..نادرا ما ابجي. ..بس سوزان خطية جانت على ادناة شي تبجي وتكلبها مناحة. ..
مرت عمي حانت حبابة. .بس مو كلش تهتملنا...هي ما جانت تكدر تخلف جهال. ..وبيبي الله يرحمها تكول امج ماتت من العين والحسد مال مرت عمج. ..والله أعلم. ...

بعد شهر من وفاة ماما. ..بابا تحطم نفسيا وحس روحه بيته انهجم وخربت حياته. ..مو بسبب انو اني وسوزان تيتمنا وفقدنا أمنا. ..ولا بسبب ماما اللي راحت بعز شبابها. ...لا ...هو كان كل همه انو يصير عنده ولد. ..لأنه ما جان يحب خلفة البنات. ...لهذا السبب ودانه بنفس يوم وفاة ماما لبيت عمي حتى مرت عمي تربينا وتعتني بينا لأن هي ما عدها أطفال ومتكدر تخلف. ...وراها بفترة. .سمعت عمي وزوجته يسولفون عن بابا ويكولون هو هاجر أمريكا. ..وبعد ميجي. ...بيومها ظليت ابجي للصبح. ..وجانت سوزان تسألني ليش تبجين منو ضربج. ...اسكت ما اكوللها شي. .وبس ابجي. ......

للحكاية بقية يتبع

لاتنسو تصويت

تعليق

الناشر وئام :  كل قصة بهذا الكتاب لازم نتناقش بيها هدف الكتاب انو مو بس نقرا لازم نبين رأينا ..... انتظر مناقشاتكم