موسوعة القصص من واقع العراقي ( قصص قصيرة بكتاب واحد )

-١- من قصة صديقتي السيئة

م: جميع الاسماء مستعارة وليس لها علاقة بشخصياتها الحقيقة

صف السادس الإبتدائي ، أول سنه إلي بهذي المدرسه ، طبعاً أني چنت بمدرسه أهليه بس لأسباب عائليه إنتقلت لمدرسه حکوميه من نجحت لصف الخامس ، بداية ماحبيت المدرسه ولاچان عندي بيها علاقات وگضيت صف الخامس منعزله عن البنات حتى وصلت للسادس وبدت أمي تشرحلي أهمية الصديقه الجيده ها وأنو لازم أختار بنت زينه لأن الخليل على دين خليله فلينظر من يخالل ونصيحتها چانت عبره وعظه بحياتي رغم أني هم منعزله عن البنات بس من خلال هالقصه صدگ کلماتها چان إلها معنى چبير وفائده 

#صــديــقـتـي_السـيئـه

بالبدايه راح أعرفکم على(نـور) 
نور چانت وحده گاعده بصفي وبرحلتي بداية السنه وچان بيني وبينها عداوه ، موعداوة حقد وإنما چنا نتنافس على منو تحصل معدل أکبر ومنو الشاطره بيني وبينها ، ورغم سباق الشطاره هالشي مامنعها تکون زميلتي...زميلتي فقط بالمدرسه ماإتخذت منها صديقه...وأتوقع هي هم

#صــديــقـتـي_السـيئـه

نور جمال رباني ماأگللکم أوروبيه بس چان بياضها يعمي العيون وسواد عيونها المدوره والچبيره وشعرها التمري الطوخ اليخبل والجسم ما أحچيلکم عنه...تجنن أحلا من الأوروبيات حتى 

#صــديــقـتـي_السـيئـه

ورغم کل هالجمال صح چان بيها طخة تباهي بجمالها بس رغم هالشي چانت أخلاقها حلوه کلامها معسول کلمتها الطبيه يعني چانن البنات يگولنلها هنياله اليصبح بوجهچ الصبح خلقه وأخلاق...شگد حلو هيچ بنيه

#صــديــقـتـي_السـيئـه

أهلها من النوع المحافظين عدها خمس إخوه کبار خريجين مهندسين ومدرسين وهي آخر العنقود وچانوا يخافون عليها من الإنترنت والأجهزه لذلك ماعدها جهاز بس جهاز أمها مكنكه عالشريحه وبس واتس أب...ورغم هالشي چانوا مدلليها ويخافون عليها من نسمة الهوه لأنها يتيمه ولأن أبوها توفى قبل ولادتها قرروا يعوضوها بحنان الأب ويداروها إخوتها ، 

#صــديــقـتـي_السـيئـه

وهي هم چانت تحبهم وتموت عليهم رغم أن البنات چانن يگللها شنو من حب هذا وشنو يبطلوچ من مدرستچ هذا مستقبلچ(طبعاً هي چان حدها صف ثالي متوسط ويبطلوها إخوتها خوفاً عليها)وچانت تگللهم أخوتي ويحبوني يعشقوني يخافون عليه وميسوون شي إلا لصالحي.....ولحدهنا کل شي حلو ومرتب 

#صــديــقـتـي_السـيئـه

ووره إمتحانات نص السنه مال سادس إلي بوقتها بذيچ السنه لغو إمتحانات نصف السنه وچانت عطله قبلها تعرفت نور على(ملاك) 

#صــديــقـتـي_السـيئـهzhi- sea

ملاك چانت بنيه بالرحله الأخيره آخر الصف ، ومعروف سمعة البنات الي يگعدن بالأخير وصح چان أکو بينهن بنات زينات ومعروفات بس الزين مبين والشين مبين من الحچي والکلام والسمعه