موسوعة القصص من واقع العراقي ( قصص قصيرة بكتاب واحد )

-٢-من قصة صديقتي السيئة

قصة صديقتي السيئة للكاتبة بحر _zhi_sea_

وبدت تکتب عن هالشغله..........
وطولت بالکتابه هواي دزيتلها ؛ 

_أدري شدتکتبين جريدة الغدير 

وهم چان يطلعلي بعدهي دتکتب
بخلال کتابتها لهذي الشغله صاحتلي نبع الحنان ، چانت تريد جهازي علمود تحاچي خالتي لشغله من الماسنجر لأن خالتي چانت فاتحه فيس عالمجان وأمي معدها فيس بذاک الوکت 

# صــديــقـتـي_السـيئـه

أني شفتها لنور دطول بالکتابه نطيتها الجهاز تحچي بي وهم صاحلي أبويه وراها لشغله ورحت وطولت 
ولمن رجعت شفت أمي مندمجه بشغله ، جيت وگتلها ؛ 

# صــديــقـتـي_السـيئـه

_ها يمه خلصتي 
چان تباوعلي بنظره غريبه وماگدرت أفتهمها 
_يمه شبيچ شصاير!؟ 
_لا يمه مصاير شي بس أدعي الله يستر على بنات أمة محمد وأدعي يحفظچ من بنات السوء 
(من خلال کلامها ٱفتهمت أنو نور خلصت کتابه وأمي شافت الرساله وچانت فضيحه الظاهر) 
_إن شاء الله الله يستر عالبنات،،،،هسه خلصتي ماما 
_ٱي ٱي خلصت وردت خالتچ وراح تفتح هذاك الأخضر 
_ٱسمه واتس أب أمي واتس آب 
چان صيح بوجهي 
_ديلا هسه سويتي روحچ أميريکيه براسي چنچ أبوچ تتفيکون عليه 
چان أضحك وأگول ؛ 
_هههههههههه لو أميريکيه چان صليت صلاة الشکر 
چان أمي بدت محاظراتها عن الإميريکيات وشلون مصلخات ويسوون علاقات.....الخ(يعني کلام الأمهات عن الغرب وثقافتهم الي متلائم أمهاتنه) وبعدين راحت وره ساعه

# صــديــقـتـي_السـيئـه للكاتبة بحر _zhi_sea_

چان أشوف الرساله مال نور وچان أبدي أقراها ؛ 

_شوفي تذکرين ملاک بت فلان فلان من تعرفت عليها چانت کلش زينه وحبابه وحبيتها من کل وگلبي کل أسراري عدها وأسرارها عندي حتى إجه يوم چان جابتلي جهاز بالسر محد يعرف بيه إشترالها ياه صديقها إلي عنده علاقه وياه وأني اول مره رفضت ورفضت بس بعدين بدت تقنع بيه وتقنع وثقافه وهيچ وأني من گد فطاريتي صدگتها وأخذته إستخدمته بالسر من وره أهلي ولاتسأليني شلون لأن أني من نفسي ما أدري شلون دبرتها وفلتت منها المهم سوتلي فيس وتليغرام وچان تضيفني گروبات مال بنات وچان حچي عادي وبعدين ظلت تضيفني بگروبات الولد وشگد رفضت بس ظلت تضيفني وأصرت حتى ذيچ اللحظه.....

# صــديــقـتـي_السـيئـه

وتوقفت الرساله ، ودزيتلها گتلها ؛ 

_يي کملي المسلسل 
وچان تکتب وظليت منتظرتها هالمره إلى أن خلصت ودزت ؛ 
_لچ مسلسليش دشوفي حالتي...المهم أصرت علي بذيچ اللحظه تضيفني بگروب مختلط وهم رفضت بس قنعتني وگالت حبابين وکلهم أصدقاء حبيبها وميآذون ويعتبرون الکل صديقاتهم وخوات....الخ وهم رفضت بس بعدين قتنعت ودخلت بي وظليت ألغي وأتعرفت عليهم شباب کبار ونشاقه ونسامر ونکت وطرائف ومرات نشعر لبعض و...إستمرت الحال حتى گبل بدأ إمتحانات البكالوريا وأجه واحد من ذول الولد وطب خاص وصارحني بکل شي حلو بيه بأسلوب شعري وبعدين إعترف بحبي ، وأني نفس هذا الولد چنت معجبه بشخصيته وأسلوبه وحابته ، وللحظه کيفت هو أعترفلي ومن لحظه ماعرفت أرفض لو أقبل فمانطيته جواب مجرد حچينه وغلست عالجواب ، وأدمرت وإستمرت حالتي حد مخلصت إمتحانات وچنت بس أفکر بي ومدمره ماحس بالدنيا طعم دونه ودون کتاباته وحبه ٱلى أن خلصت وقررت أنطي الجواب النهائي