موسوعة القصص من واقع العراقي ( قصص قصيرة بكتاب واحد )

-١-من مأساة انترنيت

١_ مأساة انترنيت

جان اليوم مطر ، والشوارع جانت فايضة
الحكومة انطتنا عطلة ، ويا مكثر العطل بالعراق .
شكد حسيت بالملل فكلت خل اكلب الفيس بوك اكضي وقت لو اروح للانستا اوووف يارب مالي خلك ادرس و اليوم مبين حتى الاشتراك خلص بلة هسة شأسوي .

ابتسمت لنفسي واني اكنك يومي بلا حدود على الشريحة عادي ٢٠٠٠ يقتطعون من الرصيد مو مشكلة بس صار النت مهم وأدمان يادراسة يا بطيخ .
الاشتراك بلا حدود مو مثل المجاني هذا اكدر حتى الصور يفتح عندي .

لكيت رسائل كثيرة من صديقاتي عالماسنجر دردشنا وحجينا

مريم : لج غدير تدرين البنية الي نشروا صورها سمية اذا تذكرينها الي اجت حفلة عيد ميلادج بذاك الاسبوع ، امس قتلوها اهلها

غدير : ليش منو نشر صورها

مريم : چانت مصاحبة ولد وحبته الثولة راسلتلة صورها بفساتين حدث بلا حرج .

غدير : هاا بس هذا لو صدك يحبها يكون حريص عليها .
مريم : لج هذا ياحب بالنت ههههههه ضحجتيني ، لج هذولي الشباب لا شغل ولا عمل وهاي ثولة صدكت ووثقت هذا صاحبها منطي صورتها لصاحبه وهيج صورتها ضلت تفتر بالكروبات يبووو لو تشوفين الاغلاط و الكلام عليها هي ميته وشبعت موت .

غدير : مسكينه .
باوعت لصديقتي وخنكتني العبرة شيصير بينا بعد صارت الدنيا تخوف ...

مريم : شنو رأيج باجر نروح يم جميلة نكضي وكت وياها هههه
غمضت عيوني ما ارتاح لجميلة بس اضوج من البيت وخنكتة ....
: ان شاء الله اذا قبلت امي .
مريم : يمعودة امهات دكة قديمة غلاي شوفي الوكت تطور . عيني شنو انت زعطوا ولا بشور امج تطلعين يابة وين عايشة ...

بنين : لا ما اطلع دون اذن امي .

مريم : اهووو براحتج .

*"*"*"*

اني غدير اهلي متشددين و ملتزمين يخافون علي حقهم الدنيا ما بيها امان .

توسلت بأمي اروح حفلة مسويتها جميلة صديقتي هي حفلة جمعة بنات دون مناسبة .

امي بالاول ما قبلت بس بعدين كالت ليش اضغط عالبنت كل ممنوع مرغوب ميصير تشدد كلش .

المهم لبست ملابس حلوة جان فستان كصير جواه بنطلون والفستان مابيه اكمام وفوكها عباية كاب خليجي عريضة ومستورة .
وصلني اخوي لبيت صديقتي وكال ساعة واجي عليج تونسي وي صاحباتج ....

"*"*"*"*"
قصر جبير و حديقتة بيها اربع بيوت كبار ...
هناك بنية واكفة وهي تنطي تعليمات شلون تريد الحفل يصير ..

جانت جميلة بنت مو حلوة و نفس الشي مو راحة ..
بنظر  للعاملة راحت و عافتني اتصلت بحبيبي ..
- هااالووو
- يا هلا بالحب لج امس حلمت بيج يمي وبحظني  الله شلون حلم ..