Fixing Mr. Perfect (Pyxis #2)

Chapter 18

Chapter 18 - Us

Naubos kaagad ni Jacin 'yong mga X Kookies! At ngimiti siya!

"U-under the spell? Bumalik na ba 'yong sipag mo? Papasok ka na?" puno ng pag-asang tanong ko.

Jacin shakes his head, still smiling. "They were incredibly good cookies but they didn't have enough magic powers para bumalik ang sipag ko."

Napasimangot naman ako. "Jacin naman, eh."

Sumimangot din siya at niliitan ang boses. "Jacin naman, eh."

It takes me a few seconds bago ko napagtanto ang ginawa niya. Jacin just imitates me! At natawa talaga ako ng malakas.

Sinabayan niya 'ko sa pagtawa, hindi ko alam kung dahil sa lakas ng tawa ko kaya nahawa siya o dahil natawa rin siya sa ginawa niya.

Ano mang dahilan, hindi na mahalaga. Dahil tumatawa si Jacin, 'yong totoong tawa niya. Hindi pilit at walang halong lungkot sa mga mata.

"Male-late ka na, June. You better go." sabi niya maya-maya. "My offer still stands though, you can watch movies here with me. 'Wag ka na ring pumasok."

"Jacin! Hindi pwede!" Kahit pa gusto ko!

"Come on, a single absent won't hurt."

Tumayo ako bago niya pa 'ko makumbinsi. Ang hirap niya pa namang tiisin. "Bad influence ka, Jacin." nakangusong sabi ko.

He just laughs.

Mag-isa na naman akong pupunta sa classroom.

Agad namang tumahimik at nagtinginan sa'kin ang mga kaklase ko pagpasok ko.

Umupo ako sa pwesto ko. Nanatili naman ang tingin nila sa pinto, naghihintay at nagbabaka-sakaling kasunod ko si Jacin. Nang mapagtanto nilang wala akong kasunod, sabay-sabay silang lumingon sa direksyon ko at isa-isang naglapitan.

"Classmate June! Ano nang update?"

"Bakit hindi pa rin pumapasok si Jacin?"

"Dalawang araw na siyang absent! Is it still because of that bi—Ayu?"

"H-hindi ko alam, eh." Ang sagot ko sa lahat ng tanong nila. I can't really tell them na tinatamad lang si Jacin kaya ayaw pa nitong pumasok. Baka kung anong isipin nila sa kanya. Hindi ko rin naman pwedeng sabihin na dahil kay Ayu, dahil tingin ko lang naman 'yon.

"Please tell us, June. Namimiss na namin siya!"

"I'm sure you know the reason! You two are friends, right?"

"F-friends?" Ulit ko. Friends na ba kami ni Jacin?

"Yes, friends! And don't you deny it! Narinig ko siya last time, when he said to Sir Jimenez na friends daw kayo."

Halos matutop ko ang bibig ko, "S-sinabi niya 'yon?"

"Yes! No'ng nasa Art Room tayo... when was that again?" she snaps her fingers, "Ah! The time when Ayu attended our class! You were probably too busy with your plate then kaya hindi mo narinig."

"Oh my gosh, right!" sabi nang isa ko pang kaklase, "I heard him too! Titig na titig sa'yo si Jacin that time. Kung hindi niya nga sinabi na friends kayo, iisipin kong may something sa pagtitig niya, eh."

"He was going to wait for you yata? Kasi we were already dismissed but you were still so busy with your plate."

Hindi ko alam ang sasabihin sa kanila. "Uhh..."