ALTERSEVEN

Chapter 10: Troubles

"AJ?”

Napalayo ako bigla kay AJ nang may marinig akong tumawag sa pangalan niya. Shocks! Muntik na naman kaming magkiss! At dito pa talaga sa gitna ng mall! Aigoo!

“You’re really good in ruining a sweet moment eh? Tsk!” sabi dito ni AJ. Napatingin ako sa kausap niyang lalaki. Matangkad siya at may gulu-gulong brown hair na nakataas, maputi at medyo matangkad. Hindi siya pamilyar sa’kin kaya sa tingin ko, hindi siya napasok sa school namin.

“What are you doing here?” tanong ng lalaki at bahagya pa akong tiningnan. Nakakatakot naman siya! Napaatras tuloy ako at napatago sa likod ni AJ.

“Don’t look at my girl as if you’re trying to eat her!” medyo galit na sabi ni AJ dito. Teka, my girl daw? Ihhh…. Ang effortless niyang magpakilig! Pero teka, hindi ito ang oras para kiligin ka Ericka!

“Woah… it looks like you’re back now huh? Tired of pretending weak?” sabi pa ng lalaki.

Mukhang close sila ahh… but not in good terms.

“Don’t compare myself to you! Dahil kahit kelan hindi ako naging weak!” may diin pang sabi ni AJ dito. Sinamaan siya ng tingin ng lalaki. Nanlaki ang mata ko nang magsilapitan dito ang limang malalaking lalaki na mukhang kasamahan niya. Oh noes! Kamukha sila nung mga nakaaway ni AJ nung una kaming nagmeet sa Street No. 13!

“Tsk. Pati ba naman sa mall, pinapasyal mo mga alaga mo? Wala namang zoo dito di ba?” sarcastic pang sabi ni AJ. Halaa… ginagalit niya ba ‘tong mga ‘to? Napakapit ako ng mahigpit sa braso ni AJ nang magmove forward yung lalaking kausap niya.

“Hanggang ngayon, wala pa ring kakwenta-kwenta ang mga sinasabi mo AJ!” sabi ng lalaki habang pinapatunog ang mga daliri sa kamao. Oh noes… dito ba sila mag-aaway? Public place ito! Maraming makakakita… maraming—oo nga tama!

Pasimple akong lumayo sa kanila at naghanap ng guards. Nang makakita ako, agad ko siyang nilapitan at sinabi ang nangyayari. Nagtawag naman ito ng backup at saka sumunod sa’kin. Pagdating ko sa pinag-iwanan ko sa kanila, hawak-hawak na ng lalaki ang kwelyo ni AJ. OMO!

Nakahinga na ko ng maluwang nang mapansin ng mga lalaki ang paparating na mga guards at saka sila tuluyang lumabas ng mall. Pagkatapos kong magpasalamat kina manong guard, hinarap ko na si AJ.

“Let’s go?” yaya ko sa kanya pero hindi man lang niya ako sinagot at saka nauna ng lumabas. Tahimik lang kami pareho nang makarating sa kotse niya at paandarin niya ito. Pasimple ko siyang tiningnan pero mukha pa rin siyang seryoso at nakakunot ang noo niya.

“Ahm… kilala mo ba yung mga lalaki kanina?” basag ko sa katahimikan sa pagitan namin.

“Sort of,” maiksing sagot niya.

“Ahh…”

“Matulog ka na lang. I’ll wake you up when we arrive,” sabi nito kaya hindi na ko nagsalita pa. Feeling ko, nasira yung mood niya dahil dun sa lalaki kanina. Kinuha ko na lang yung cellphone sa bulsa ko at saka ito binuhay. Pinatay ko kasi siya kanina nang umalis kami sa hospital.

Napanganga ko nang makita ang call log ko. 20 missed calls from Mom, 15 from dad, 15 from ate Euri at 10 from an unknown number! 

+639975689*** calling…

“H-hello?” kinakabahang sagot ko sa tawag.

“Ericka this is Camille! Where’s Josh?”

“Po? Ahm… ano—“

“Alam niyo ba kung anong ginagawa nyo?”

“Ahh kasi—“ hindi ko na natuloy ang sasabihin ko nang agawin sa’kin ni AJ ang cellphone ko at i-off ito.