အပိုင်း ( ငါး )
" အစ်မဒါရာ ပန်းတွေထဲမှာ ဘယ်ပန်းကိုကြိုက်လဲ "
ဒီနေ့ဆိုင်ထဲ လူရှင်းနေသည်.....။ ရီဖန် နဲ့ ဒါရာ လည်း ပန်းတွေ ရေလောင်းရင်း စကားပြောနေသည်....။
" နှင်းဆီ နှင်းဆီတောင် ရဲရဲနီနေတဲ့ နှင်းဆီ "
" ဘာလို့လဲ "
" နှင်းဆီက အစ်မနဲ့ မတူဘူးလား ရီဖန် အစ်မက ဘဝကို ရဲရဲရင့်ရင့် ရင်ဆိုင်နေရတာ "
" တူပါတယ် "
ရီဖန်ထောက်ခံလိုက်သော်လည်း အစ်မဒါရာကို စိတ်ထဲမယ် မတူဘူလို့ ပြောချင်နေခဲ့တယ် ။ ဒါရာဆိုတာ နှင်းပန်းလေးနဲ့ပိုတူတာ လူတိုင်းသိနေတာပဲမဟုတ်လား.....။ ဖြူစင်လွန်းတဲ့ ကောင်မလေးတစ်ယောက်ပေါ့.....။
" ရီဖန် ရီဖန်ရော ဘာပန်းကြိုက်လဲ "
ဒါရာက ပန်းတွေရေလောင်းမပြတ်ဘဲ ပြန်မေးသည်....။
" ကျွန်တော်လား အင်း..... ဘယ်ပန်းမဆိုပါဘဲ ကြိုက်တယ် "
ရီဖန်က တွေးတွေးဆဆ ပြောနေသည်.....။ ပြုံးရိပ်ရောင် သန်းနေတဲ့ ရီဖန်က နူးညံ့နေသည်.....။
ဒါရာ ရီဖန့်ကို ဖျတ်ခနဲ လှည့်ကြည့်သည်....။ အလုပ်ကို တော့မပြတ် လုပ်နေသည်.....။
" ရီဖန် သိလား မင်းက နှင်းပန်းနဲ့တူတယ် "
" ဗျာ!?! "
ရီဖန် အရမ်းအံ့အော သွားရသည်....။ ယောကျာ်းလေး တစ်ယောက်က နှင်းပန်းနဲ့မတူနိုင်ပါဘူး.....။
" ဟုတ်တယ် တူတယ် "
" ဘာက တူတာ....... "
" ချွင်း....... "
ရီဖန် စကားတို့ မဆုံးသေးခင် ခေါင်းလောင်းသံ ပေါ်လာခဲ့သည်.....။ ဒါရာ ဧည့်သည်ဆီ အပြေးသွား၍ ခါးညွတ် နှုတ်ဆက်လိုက်သည်.....။
ဒါရာ ပြုံးပြနေတာ အလွန်းအေးချမ်း ဖြူစင်လှသည်....။ ရီဖန် ကတော့ သက်ပြင်းဖျော့ဖျော့ ချလိုက်ကာ ခေါင်းတခါခါနဲ့ အတွေးတွေ မောင်းထုတ် လိုက်သည်......။ တစ်ခါတစ်ရံတော့လည်း သူ နှင်းပန်းဖြစ်ချင်မိပါစ ။
KAMU SEDANG MEMBACA
ပန်းဆက်သမား
Fiksi Penggemarပုဂံ ရာဇဝင်ထဲက ပန်းဆက်သမားလေး ဗျတ္တ နဲ့သူ့ချစ်သူ ပန်းဆက်သရသူကို စွဲလမ်း နေတဲ့ ကျွန်တော် နဲ့ ပန်းချစ်သူ ကောင်လေး