အပိုင်း ( နှစ် )
" ချန်ညော်လ်... ချန်ညော်လ်...ချန်ညော်လ် ပန်းဆိုင်ကို လာခဲ့ပါ လာခဲ့ပါ "
ရီဖန် တစ်ယောက် ပန်းသီးအပင်ပေါက်တွေ ရေလောင်းရင်းဂါထာ တစ်ပုဒ် ရွတ်နေသည်...။
ဤသည်မှာညက သူဖတ်လိုက်ရသည့် အချစ်မှော်စာအုပ်ထဲက အချစ်ပင်( ပန်းသီးပင် ) ဂါထာ တစ်ခုပင်ဖြစ်သည်...။
ကိုယ်တစ်ခုခု ဖြစ်စေချင်သူကို (ချစ်စိတ်ဖြင့်သာ မနာကျင်စေရ ) စိတ်နစ်၍ အချစ်ပင်( ပန်းသီးပင် ) ကိုရေလောင်းရင်း နာမည်နှင့် ဖြစ်စေချင်တာ သုံးကြိမ်း ရွတ်ဆိုရမည်ဖြစ်သည်...။
ထိုလုပ်ရပ်သည် ရူးကြောင်ကြောင်နိုင်သည်...။ သို့ပေမဲ့ မျှော်ရသူ စိတ်မချမ်းသာအောင် ပန်းချစ်သူ ကောင်လေးက ကိုယ်ပျောက် ကျင့်စဉ်ကျင့်နေရဲ့...။ပန်းချစ်သူကောင်လေး နိုင်ငံခြားသွားတယ်လို့တော့ သူဌေးပြောတာ ခပ်သဲ့သဲ့ ကြားမိသည်...။
" လာခဲ့ပါ ချန်....ရော်လ်.... "
ဂါထာဆုံးသွားတော့ သက်ပြင်းသဲ့သဲ့ ချမိသည်
...။ လူသိခံလိုမရတဲ့ အချစ်တစ်ခုကို အစပျိုးမိတာ အမှားတစ်ခုရယ်လို့ ခေါင်းစဉ်မတပ်ချင်ပါ...။အပင်ပေါက်လေးတွေဘေးက ခုံးတန်းလေးပေါ် ထိုင်လိုက်သည်...။ လက်မှာရေကရား ကိုလည်း ကိုင်ထားသည်...။
ခြေတစ်ဖတ်ဆန့်ထားကာ ခေါင်းလည်းငုံ့ထားရင်း မျက်ဝန်းတို့က လွမ်းနားကျလို့ ခပ်မှိန်မှိန်...။
ပတ်ပတ်လည် မှန်တွေနဲ့ အလှဆင်ထားတဲ့ ပန်းဆိုင်လေးထဲမှာ လေမတိုက်ပါဘဲ ပန်းသီးပင်ပေါက်တို့ ယိမ်းနွဲ ့ သွားတာ ရီဖန်မသိလိုက်...။ ဘယ်သူ့မှလည်း မမြင်လိုက်ပါ...။
" ရီဖန်.... ရီဖန် "
" ရီဖန်!!! "
" ဗျာ!!! "
ဒါရာ အသံနည်းနည်း ကျယ်ကျယ်ခေါ်တော့မှ ကြောင်တောင်တောင်ပုံနဲ့ ပြန်ထူသည်...။
STAI LEGGENDO
ပန်းဆက်သမား
Fanfictionပုဂံ ရာဇဝင်ထဲက ပန်းဆက်သမားလေး ဗျတ္တ နဲ့သူ့ချစ်သူ ပန်းဆက်သရသူကို စွဲလမ်း နေတဲ့ ကျွန်တော် နဲ့ ပန်းချစ်သူ ကောင်လေး