အပိုင်း ( ရှစ်)
ထာအို စားပွဲခုံပေါ် တင်ထားတဲ့ ကော်ဖီခွက်ကိုယူ၍ ရီဖန်နားကပြတင်းပေါက် ဘောင်ကို မှီကာအရသာခံသောက်နေသည်.....။
" ရီဖန် ဖေဖေ့ဆီမှာ အလုပ်ဆင်းတော့မယ်ဆို "
" အင်းဟုတ်တယ် "
အစိမ်းရောင် အရွက်ရှည်ရှည်တွေကို စိမ်ပြေနပြေ ထိုင်သုတ်နေတဲ့ ရီဖန်ကတော့ ခပ်ရေးရေးလေ ပြုံး၍ဖြေရှာသည်.....။
" ပျော်နေတာလား "
ပြုံးနေတဲ့ ရီဖန့်ကို ထာအိုစိုက်ကြည့်၍ မေးလိုက်သည်.....။
" ပျော်တာပေါ့ ကိုယ်ချစ်တဲ့ အလုပ်ကိုလုပ်ရမှာပဲ "
ရီဖန်ကတော့ ဦးတည်ချက်မဲ့ငေးကြည့်၍ဖြေလိုက်သည်......။ အပြုံးကတော့ မပြတ်....။ အပျိုဖြန်းလေး ရည်းစားစကား အပြောခံရသလိုပုံနှင့်......။ ရင်ခုန်နေပုံရသည်.....။
ထာအို ခေါင်းကို တစ်ချက်ရမ်း လိုက်သည်....။ ရီဖန်ဆိုတာ ထိုသို့လူမဟုတ်ပါလား.....။
" အလုပ်ပဲလား "
" ဘာလားဟ မင်းပြောတာကြီးက "
ထာအို အမေးကို မျက်လုံးလေးပြူး၍ ပြန်မေးနေ သေးသည်.....။ သူဘာမှမသိသည်ပုံ.....။
" မင်းသိပါတယ် "
ထာအိုရုပ်တည်ကြီးနဲ့ ပြောနေတာတွေ့တော့
" ဟားးး "
ဟု ဖြီးချသည်.....။
"ချန်ညော်လ် တို့က......
ထာအို စကားစကိုရပ် လိုက်သည်....။ အေးစပြုနေတဲ့ လက်ထဲက ကော်ဖီခွက်ကို ငုံ့ကြည့်နေမိသည်.....။
" အင်းဆက်ပြော ငါနားထောင်နေတယ် "
" ငါသိတယ် "
ရပ်သွားတဲ့ စကားစကို ထောက်ခံမှုပြုလိုက်တဲ့ ရီဖန့်ကို ထာအိုခပ်စူးစူးပြန်ကြည့်လိုက်သည်....။
" ချန်ညော်လ်က တစ်ဦးတည်းသော သား သူ့တို့မိသားစု ဆက်ဆံရေးက သာမန်ပဲ တစ်ဦးနဲ့ တစ်ဦး ချစ်တယ် ခင်တွယ်တယ် ဒါပေမဲ့ ကိုယ့်အလုပ်ကိုယ်လုပ်နေကြတာ အပြင်က အမြင်ဆိုအေးစက်စက် ဆက်ဆံရေးပေါ့ တကယ်တော့ နွေးထွေးတယ် "
YOU ARE READING
ပန်းဆက်သမား
Fanfictionပုဂံ ရာဇဝင်ထဲက ပန်းဆက်သမားလေး ဗျတ္တ နဲ့သူ့ချစ်သူ ပန်းဆက်သရသူကို စွဲလမ်း နေတဲ့ ကျွန်တော် နဲ့ ပန်းချစ်သူ ကောင်လေး