Marrying My Boss [Completed]

Chapter 32: Flowers For Her

"Ano pinag-uusapan niyo?" Tanong ko sa kanila.

"Wala. Ang astig kasi nitong asawa mo" Tapos inakbayan ni Joseph si Charles.

Huwag niyong sabihing magbestfriend na ang dalawang ito?

"O siya, aalis na yung bus, babye na lang sa inyo! Ingat kayo ha" Paalam niya pagpakatapos nun ay ginulo niya buhok ko. Nakakatuwa naman si Joseph. Kahit malaki na kami, mahilig niya pa ring guluhin ang buhok ko.

Bago siya pumasok nung bus, humarap siya sa amin.

"Siya nga pala, please lang, ako nang nakikiusap sa inyo. Huwag niyo nang patagalin pa, magpakasal na kayo sa simbahan sa lalong madaling panahon."

Tae! Ano bang pinagsasasabi niya? Ano 'to? Huling habilin bago umalis?!

Ah basta. Napanganga na lang kami ni Charles sa sinabi niya. Hindi naman kasi namin pwedeng sabihin yung tunay na estado ng relasyon namin ni Charles.

"Excited na rin akong magkaroon ng pamangkin. And promise me na ako ang magbibinyag sa kanya" Joseph. Joseph. Joseph. Ba't ba ang pilyo ng isang ito? Para siyang si Kelly at ang ang mga magulang ni Charles, walang ibang hiningi kundi baby. Parang gusto kong isigaw na malabong magkaroon ng baby.

Maliban na lamang kung may mangyari...

>___<

Aaaah! Erase! Erase! Erase!

"Areglado!" Kainis naman si Charles! Sinakyan niya pa talaga ang sinabi ni Joseph. Tapos inakbayan niya ko. Is this a part of the show? Hindi ko talaga maatim na nagsisinungaling kami, and worst, sa magiging pari pa. Impyerno na talaga ang kababagsakan ko nito.

Nakaalis na yung bus at kami naman ni Charles ay nasa sasakyan niya at papunta na sa office. Kung tatanungin niyo kami, medyo ok na kahit papaano yung pakikitungo namin sa isa't isa. Medyo napatawad ko na rin siya dun sa kasalanan niya kung saan nagsinungaling siyang may sakit ang Mama niya para lang maawa ako sa kanya at pakasalan siya.

Nag-usap kasi kami ni Charles na dapat maging maayos man lamang ang pagsasama namin lalo na't magsasama kami for a year. Yung tipong wala nang awayan at yung tipong civil kami sa isa't isa. Nag-expect nga ako nun na magrerequest siya na kung pwede kaming maging magkaibigan man lang pero ang loko, mukhang ayaw nun.

Natigil ako sa pagmumuni-muni nung magsalita si Charles sa tabi ko na kasalukuyang nagdadrive.

"I want to meet your uncle" Nagulat ako sa sinabi niya.

"What?"

"I said I want to meet your uncle" Narinig ko naman yung sinabi niya kanina kaso gusto ko lang marinig yun ulit nang makasiguro.

"How did you know about him?" Hindi ko naman sa kanya nabanggit si uncle.