មនុស្សជំនួស - Replace （វើសិនចចកទន្សាយ）

ភាគទី១០ អាហារពេលល្ងាចដ៏តានតឹង​

រាងតូចគិតថាប្រហែលគេបានយករឿងទាំំងនោះប្រាប់ទៅក្មេងតូចអេនជែលហើយនិយាយថាខ្លួនជាអ្នកធ្វើអោយឳពុកម្តាយរបស់នាងតូចស្លាប់

ទើបបណ្តាលអោយនាងតូចមានការខឹងស្អប់ចំពោះកាវធូខ្លាំងយ៉ាងនេះ។​ត្រឹមសិនវិនឡាងគាត់ពិបាកទ្រាំចុះពេលនេះថែមទាំងអេនជែលម្នាក់ទៀត

តើកាវធូអាចទ្រាំទ្របានទេ។​

កាវធូបានឆ្លើយតបទៅកាន់អាវមីងដោយការគួរសមវិញ​ថា៖​

" បាទលោក! "

នៅពេលនេះអាវមីងបាននាំកាវធូចាកចេញពីបន្ទប់ស្រស់ស្រូបអាហារ។​

សិនវិនឡាងមានទឹកមុខមាំនិងក្រញ៉ូវហាក់មិនសប្បាយចិត្តជាមួយវត្តមានរបស់នារីទាំងពីរនាក់នេះ៕​

នាយនៅពរអេនជែលនៅនឹងដៃបន្ទាប់មកសិនវិនឡាងបានប្រាប់អ្នកបម្រើស្រីម្នាក់ផ្សេងទៀតអោយនាំអេនជែលទៅសម្អាតខ្លួនព្រមទាំងចូលសម្រាក

ព្រោះថ្មើនេះជាពេលល្ងាចចូលម៉ោង៨និង៣០នាទីយប់ទៅហើយ។​ពេលដែលពួកលោកមកដល់ពួកគេបានបរិភោគអាហារពេលល្ងាចរួចហើយ។​

សិនវិនឡាងឃើញវត្តមានរបស់លីលីនដែលជានារីម្នាក់ដែលខ្លួនមិនស្គាល់កាលពីមុនមកទេ។​តើនាងម្នាក់នេះមកក្នុងឋានៈជាអ្វី?

ខណៈផ្ទះនេះក៏មានចំណែករបស់អេនឡាបេឡាហើយភាគហ៊ុននៅក្នុងក្រុមហ៊ុនក៏មានចំណែករបស់អេណាបេឡាផងដែរ។​

ដូចនេះមិនបានឆ្ងល់ថាស្រីម្នាក់នេះធ្វើអ្វីមួយមិនដែលពិភាក្សាជាមួយសិនវិនឡាងនោះទេ!   

ដោយឃើញសិនវិនឡាងមិននិយាយអ្វី!អេណាបេឡាក៏ផ្តើមការសន្ទនាមុនគេ៖​

" នេះឬហៅការសងសឹករបស់លោក? ដាញ៉ែល"

សំណួរនេះចាក់ដោតបេះដូងរបស់សិនវិនឡាង​ហើយនាយមិនបាននិយាយអ្វីចេញមកទេ​។​ឃើញដូចនេះលីលីនដែលអង្គុយក្បែរអេណាបេឡាក៏ក្រោកឈរឡើង​

រួចនាងនិយាយថា៖​

" ចា! បើអ្នកទាំងពីរមានធុរៈផ្ទាល់ខ្លួនត្រូវពិភាក្សារគ្នានោះ! ខ្ញុំសូមអនុញ្ញាតិចេញទៅមុនសិន​"