មនុស្សជំនួស - Replace （វើសិនចចកទន្សាយ）

ភាគទី ២ វគ្គ អន្ទាក់

" នាងមិនបានស្នាក់នៅទីនេះទេ! " លោកសិន វិនឡាង

កាវ ធូធ្វើដូចជាឆ្ងល់ថានាងតូចមិនបានស្នាក់នៅទីនេះតើនាងតូចស្នាក់នៅទីណា! ឃើញដូចនេះរាងក្រាស់ ក៏និយាយមកថា

" គេស្នាក់នៅជាមួយខ្ញុំ នៅឯខុនដូ " សិន វិនឡាង

និយាយត្រឹមនេះធ្វើអោយនាយតូចយល់ហហើយចំណែកឡុងគិតពីញញឹមជាពិសេសកោតសសើរចំពោះស្ទីលញ៉ែរបស់លោកសិន វិនឡាងពិតជាអស្ចារ្យរហូតធ្វើអោយមិត្តខ្លួនបដិសេធមិនរួច។ យកក្មួយស្រីមកសំអាងប៉ុន្តែកាយវិការញ៉ែកូនប្រុសគេអោយសុទ្ធសាធ

" អូ! លោកឈ្មោះអីដែរ! " សិន វិនឡាង

" ហៅខ្ញុំថាកាវ ធូ ឬ សៀវធូក៏បាន! "

" បើមិនយល់ទាស់ទេ! ខ្ញុំសូមលេខទំនាក់ទំនងរបស់លោកបានទេ! " និយាយត្រឹមនេះកាវ ធូអល់អែកព្រោះទើបតែស្គាល់គ្នាបែបនេះ! ចំណែកឡុងយកដៃខ្ទប់មាត់ខ្លួនដើម្បីកុំអោយសើចចេញមក

" ណាបងប្រុសណា! អូនចង់ទៅលេងបងប្រុសរាល់ថ្ងៃ " នាងតូចនេះក៏ឆ្លាតណាស់ព្យាយាមនិយាយអោយពូរបស់គេទៀត ។ ដោយគ្រឹតនឹងកាយវិការរបស់នាងតូចមិនបានកាវ ធូបាន

និយាយទៅកាន់នាងតូចថា

" បងប្រុស! មិនបានថាមិនទៅលេងនាងតូចឯណា! នាងតូចអាចទៅលេងបងប្រុសបានគ្រប់ពេលណា " កាវ ធូ

"យេៗ " នាងតូចសប្បាយផងលោតកញ្ច្រោលពេញទីនេះបន្ទាប់មកនាយក៏អោយអាក់ខោនវីឆាតទៅកាន់លោកសិន វិនឡាង ។ ពេលនេះអ្នកទាំងពីរកាន់តែជិតស្និទ្ធមួយកម្រឹតទៀតហើយ

" ខ្ញុំដល់ពេលទៅវិញហើយ ! រីករាយណាស់ដែលស្គាល់លោក" កាវ ធូ

" ខ្ញុំក៏ដូចគ្នា ! "

បន្ទាប់ពីនិយាយចប់ហើយពួកគេក៏ចាកចេញពីកម្មវិធីព្រោះល្បែងកំសាន្តសម្រាប់មិនទាន់បញ្ចប់ទេ។កាលដែលកាវ ធូចាកចេញពីទីនោះកីព្រោះតែលោកមិនមានក្មេងកំព្រាណាជ្រើសរើសឡើយដូចនេះមានន័យថាកាវ ធូបានចាញ់ហ្គេមតាំងពីដំបូង។ ប៉ុន្តែអ្វីនឹកស្មានមិនដល់នោះស្នាមញញឹមរបស់លោកសិន វិនឡាងប្រែក្លាយពីទឹកមុខញញឹមស្រស់ស្រាយមកជាទឹកមុខមាំហាក់មានកំហឹងខ្លាំងណាស់

" កាវ....ធូ..! ទីបំផុតគឺយើងបានជួបគ្នាហើយ.." សិន វិនឡាង ញញឹមចុងមាត់

" ក្មួយស្រីរបស់ពូ! ពិតជាឆ្លាតពិតមែន! បង្រៀនតែបន្តិចគឺឆាប់ចាប់បានតែម្តង" សិន វិនឡាង

មានន័យថាសកម្មភាពរបស់អេនជែលអម្បាញ់មិញមិនមែនកើតឡើងដោយចៃដន្យទេ ទាំងល្បែងកំសាន្ត ទាំងអេនជែលត្រុវបានរៀបចំយ៉ាងឥតខ្ចោះសម្រាប់កាវ ធូ សូម្បីក្នេងៗនៅទីនោះមិនជ្រើសរើសឡុងនិងកាវ ធូក៏ត្រូវបានរៀបចំរួចជាស្រេច។ គេមានឈ្មោះពិតថាសិន វិនឡាង តែគ្រប់គ្នានៅទីនេះហៅថា វិនឡាង! តើគេជានរណា? មានគំនិតអ្វីមកកាន់រាងតូចរបស់យើង។


សូមរង់ចាំអានភាគទី៣ជាភាគបន្ត​