[ដួងចិត្តអេលលីស] COMPLETE ✔️

ភាគ៣០:យ៉ាងម៉េចហើយ?

"វាមាត់រឹងណាស់មិនព្រមនិយាយអ្វីទេ"ហារីសគ្រវីក្បាលទាំងរាងម៉ួម៉ៅតិចតួចដែរពេលដើរចេញពីបន្ទប់សួរចម្លើយដែលបានចូលទៅជាមួយប៉ូលិសមុននេះ

"មិនថាយកអ្វីមកគម្រាម ធម៏ក្តៅធម៏ត្រជាក់ប្រើអស់ហើយមិនដឹងជាវាស្មោះស្ម័គ្រអីជាមួយចាហ្វាយវាយ៉ាងនេះ"ឃេវីនបន្លឺបន្តដកដង្ហើមធំអង្គុយនៅកៅអីក្បែរនោះ

"មានសំបុត្រមួយចំនួននិងសែកសាច់ប្រាក់ដែលមានអ្នកបង់អោយវាដែលរកឃើញលើអូប័រនោះ តែវាចេញពីកុងធនាគាររបស់គ្រួសារអេស្តុន"

"មើលទៅប្រហែលជាម្នាក់ក្នុងចំណោមគ្រួសារយើងដែលចង់អោយខ្ញុំស្លាប់ហើយ បងធំគិតអញ្ចឹងទេ?"មកដល់ត្រឹមនេះហារីសស្រាប់តែស្ងាត់បន្តិចមុននឹងចងចិញ្ចើមមើលមកជុងហ្គុក

"កុំនិយាយបែបនេះ!ពួកយើងសុតតែជាគ្រួសារ វាអាចនឹងជាស្នារដៃអ្នកក្រៅដែលមានបំណងមកលើគ្រួសារយើង! បងនឹងស្វែងរកបន្ថែមពាក់ព័ន្ធនឹងរឿងនេះ"ទឹកមុខគេប្រាកដប្រជាតែជុងហ្គុកមើលដឹងថាហារីសព្យាយាមមិនអោយគេគិតអាក្រក់អំពីសមាជិកគ្រួសារដទៃ តែសុំទោសផងបងធំចង់មិនចង់ឃាតករគឺជាសាច់ញាតិឯងនេះហើយ

"ខ្ញុំមានតម្រុយខ្លះហើយ! មិនយូរទេការពិតនឹងបង្ហាញដល់ពេលនោះនរណាធ្វើស្អីដាក់ខ្ញុំខ្លះ ខ្ញុំមិនអោយវារួចខ្លួនឡើយ"ហារីសបានត្រឹមស្ងាត់ មិនខុសពីជុងហ្គុកដែលនាយគិតសង្ស័យថាអ៊ំរីឆាតច្បាស់ជានៅពីក្រោយរឿងនេះទៀតមិនខាន តែដោយហេតុថាហារីសក៏មានវត្តមាននៅទីនោះនាយនិងឃេវីនមិនអាចប្រថុយលើកឈ្មោះអ៊ំរីឆាតមកនិយាយឡើយ។ ប៉ុន្តែមិនអីទេព្រោះគេអោយឃេវីនប្រគល់រូបថតរបស់អ៊ំរីឆាតនិងព័ត៏មានមួយចំនួនពាក់ព័ន្ធនឹងអ្វីដែលគាត់បានជួលធីមអោយបង្កប់ក្នុងខ្លួនគេសារមុនមកអោយប៉ូលិស។ ពួកគេនឹងធ្វើការសាកសួរចម្លើយបុគ្គលដែលជាប់ពាក់ព័ន្ធនេះម្តងទៀតក្រែងលោអាចជាមនុស្សដែលអ៊ំរីឆាតជួលមកដែរហើយគេនឹងប្រគល់ព័ត៏មានពាក់ព័ន្ធនឹងការសារភាពនេះតាមក្រោយ សូម្បីតែហារីសក៏មិនដឹងដែរថានាយកំពុងរៀបផែនការឃាត់ខ្លួនអ៊ំរីឆាតមកទីនេះ