[ដួងចិត្តអេលលីស] COMPLETE ✔️

ភាគ២១:មុតដៃហ្ហេស?

"យកច្រាសមកដុសត្រង់កន្លែងដែលវាដីខ្លាំងបែបនេះ ហើយបើកន្លែងណាប្រឡាក់តិចតួចក៏អាចយកមកបោកនឹងដៃដោយការញីបែបនេះក៏បាន"ថេយ៉ុងអង្គុយលើកូនកៅអីទល់មុខចានដែកដែលដាក់វាំងននបោកលួចធ្វើតាមអ្វីដែលអ៊ំស្រីបង្រៀន

"ពេលដុសហើយក៏យកហាលតែម្តងត្រូវទេ? "

"ទេ!លាងសម្អាតទឹកជម្រះជាតិសាប៊ូសិន សឹមពូតវាអោយស្ងួតហើយយកទៅហាល"ថេយ៉ុងងក់ក្បាលញញឹមអរគុណគាត់

"ចេះធ្វើហើយត្រូវទេ? "

"បាទ!អរគុណហើយអ៊ំ"អ៊ំស្រីហ្វីណាញញឹមចាកចេញ ហើយក្រោយគាត់ចេញទៅផុតថេយ៉ុងក៏បែរមកសម្លឹងមើលក្រណាត់ក្នុងចានដែកទាំងដងដង្ហើមធំ

"មិនអីទេ!គ្រាន់តែបោកវាំងនន នរណាថាយើងធ្វើមិនបាន?"នាយតូចមូលដៃអាវឡើងយកច្រាសមកអង្គុយដុសផងញីផង ធ្វើតាំងពីអង្គុយលើកៅអីរហូតដល់អង្គុយចោងហោងបោកខាំមាត់ខាំកទំនងជាផ្ចិតផ្ចង់សម្បើមណាស់

មិនចង់អោយជុងហ្គុកនិងគ្រប់គ្នាមើលមកថាគេជាកូនអ្នកមានគ្រាន់តែរឿងប៉ុណ្ណឹងមិនចេះធ្វើទេ

២ ម៉ោងក្រោយ

"អោយទៅបោកវាំងននស្មាននឹងហើយបោកមិនទាន់រួចទៀត? "ជុងហ្គុកអង្គុយបង្កាត់ភ្លើងដាំបាយនៅចង្ក្រានចំហៀងផ្ទះដែលនាយបានសម្អាត និងសុំខ្ចីចង្ក្រានមកប្រើសិនឆ្លៀតងាកមើលផ្លូវម្តងម្កាលដែរព្រោះថេយ៉ុងបាត់ទៅតាំងតែពីនាយរៀបផ្ទះមិនទាន់រួចឥលូវគេសម្អាតហើយ លាងអង្ករដាំបាយបានឆ្អិនទៀតឥលូវហើយនៅមិនទាន់មកទៀត

គេចទៅដើរលេងឯណាហើយមិនស្រួល!

រំលឹកដើមដង្ហើមដល់ នាយតូចដើរមកវិញទាំងទឹកភ្នែករលីងរលោងរកយំសម្លឹងមើលម្រាមដៃខ្លួនឯងទើបអ្នកអង្គុយមើលចងចិញ្ចើមឆ្ងល់ស្ទុះងើបដើរទៅរក

"កើតស្អី?មុតដៃហ្ហេស? "

"ទេ!តែដៃខ្ញុំ!វាជ្រួញអស់ហើយ!!ហ្ហឹក មកពីលោកទាំងអស់!! "គេបែរដៃសឹងតែដាក់ដល់កណ្តាលមុខជុងហ្គុក ស្រែកយំខ្លាំងៗបើកុំតែពេលបោកហើយលើកវាំងននទៅហាលគេមើលដៃខ្លួនឯងខំអីមិនដឹងនោះឡើយ