أجنحة ذات قيود

☕ 15 ☕

زفر خالد أنفاسه بخفة قائلا:
"يا ستى متشليش هم حاجة ربك بيدبرها،
ثانيا حوار الشغل ده أنا رافضه مش تحكما فيكى لا خالص بس جوز أمك ممكن يلمحك فى أى حتة، والله أعلم هيبقي رد فعله إزاى، عشان كده هنا أمان ليكى يا بنت الناس"

أجابته حياة بهدوء:
"طيب ممكن أنزل شغل فى أى مكان قريب هنا فى الحارة، فى سوبر ماركت أو أى محل"

صمت خالد لبعض الوقت ثم تحدث قائلا:
"آسف فى السؤال يعنى هو إنتى دخلتى أى مدرسة"

تنهدت حياة بحزن قائلة:
"أيوة  معايا الإعدادية"

أجابها خالد بعد مدة من التفكير:
"خلاص إدينى يومين كده أفكر فى الموضوع وإن شاء الله ربك ييسر الحال، أستأذن أنا دلوقتي يالا السلام عليكم"

ثم ذهب تاركا وراؤه من ترمقه بأعين حزينة
تراه العالم وهو يشفق عليها فقط 
كان هو أول من ينبض له قلبها بقوة
ولكنها تعرف أنه من المستحيل أن يفكر بها
لذا أغلقت الباب داعية الله أن يكتب لها الخير

.................................

فى ورشة بلال

أشرف على عمل الصنايعية ثم جلس يعبث فى هاتفه قليلا، فوجد الأخبار المنتشرة محزنة للغاية فقرر أن يكتب بعض الأشياء على صفحته على
إحدى مواقع التواصل الإجتماعى؛ ليرشد الناس على بعض الأشياء يخط ببعض الكلمات..

~إبليس وعد ربنا إنه هيغوينا بكل الطرق
عشان كده لازم نقعدله بالمرصاد
ونفسد مخططاته، ومن المخططات دى

_نشر فتنة وضع موسيقى مع الآيات القرآنية
وإظهارها على هيئة أغنية
وهى فتنة منتشرة اليومين دول عشان كده لازم نخلى بالنا كويس بالذات من الأطفال لإن أكتر فئة ممكن تتضرر من الموضوع ده الأطفال فيريت نخلى بالنا من أطفالنا

_تحريض الفتيات على الفساد والتعرى وخلع رداء الحياء كما نرى فى فيديوهات الفيسبوك  وأكثرها فى تطبيق التيك توك

_نشر الفساد عن طريق رجال الدين تخيلوا إن معظم الشيوخ دلوقتي بقوا ينشروا معلومات غير صحيحة على الإسلام

_نشر المثلية فى العالم وحث الناس على إحترام الفئة دى منهم بحجة إن كل واحد حر
حرية إيه دى إللى تخلى الفاحشة تنتشر وسط الناس
لا وكمان ممكن أطفالنا يتأثروا بالفئة دى من الناس ودى هتبقى المصيبة الأكبر

كل إللى فات ده جزء من مخططاته الشيطانية عشان
كده لازم تهاجم ومتشجعش أى فعل من دول
زى ما هم بيعملوا إللى عيزينوا ويقولولك دى حرية شخصية
إنت كمان حارب ودافع عن دينك
بكل الطرق وإذا حد إتكلم
هاجمه بكلامه وقوله أنا كمان ليا حريتى الشخصية وأقدر أعمل وأدافع على إللى  أنا عايزه