«បាទ បងវីលៀមវាជាទ្រុងសត្វចិញ្ចឹមរបស់លោកម្ចាស់» ហារូអា
«បងជូនចិញ្ចឹមសត្វអ្វីទៅ?» ស៊ុននូងើយមុខទៅសួរហារូអាម្ដងទៀត នេះបងគេចេះចិញ្ចឹមសត្វដែរមែនទេ ឃើញតែនៅក្នុងបន្ទប់ធ្វើការរហូតសោះហ្នឹង
«អឺគឺ គឺសត្វ-»
«សត្វអ្វីទៅហារូអា?» ដោយឃើញហារូអាទាក់ទើមិនចង់ឆ្លើយទើបស៊ុននូសួរគេម្ដងទៀត
«គឺជាសត្វតោបងវីលៀម» ហារូអាធ្វើទឹកមុខមិនត្រូវពេលដែលនិយាយប្រាប់ស៊ុននូពីសត្វចិញ្ចឹមរបស់ណាមជូនហើយ
«ចិញ្ចឹមតោមែនទេ?» ស៊ុននូលេបទឹកមាត់ក្អិកដើម្បីផ្សើមបំពង់ក គេសួរបញ្ជាក់ក្រែងមុននេះគេស្ដាប់ច្រឡំ
«គឺពិតមែនហើយបង លោកម្ចាស់ចិញ្ចឹមវាមកជាង10ឆ្នាំទៅហើយតាំងពីខ្ញុំនៅរត់ស្រាតលេងទឹកភ្លៀងមកម្ល៉េះ» ហារូអា
«ម៉េចក៏គាត់ចិញ្ចឹមតោទៅវិញ? សត្វចិញ្ចឹមមានច្រើនសឹងអី» ស៊ុននូចាប់ផ្ដើមឆ្ងល់ពីបងប្រុសរបស់គេ ខ្វះសត្វចិញ្ចឹមណាស់មែនទេបានជាមកចិញ្ចឹមសត្វកាចសាហាវបែបនេះនៅក្នុងវិមាននោះ?
«ប្រហែលជាចំណូលចិត្តរបស់លោកម្ចាស់ហើយ ប៉ុន្តែនេះក៏រាងធ្លាក់ងងឹតហើយ បងចូលទៅខាងក្នុងវិញឥឡូវទេ ព្រោះមេឃចាប់ផ្ដើមចុះត្រជាក់ហើយខ្លាចបងនឹងផ្ដាសាយ» ហារូអា
«អឹម តោះអ៊ីចឹង» បន្ទាប់ពីស៊ុននូយល់ព្រមហើយ ហារូក៏ចាប់ផ្ដើមរុញរទេះពីសួនផ្កាដែលស៊ុននូចូលចិត្តមកទៅក្នុងវិមានវិញ។
«ទើបតែមកពីសួនផ្កាមែនទេ វីលៀម» ណាមជូនចេញមកពីបន្ទប់ធ្វើការរបស់គេស្របពេលនឹងហារូអាកំពុងតែរុញស៊ុននូចូលមកទើបគេដើរមកអង្អែលក្បាលប្អូនហើយក៏សួរបែបនេះ
«បាទបងជូន» ស៊ុននូក៏ញញឹមទៅកាន់បងប្រុសរបស់គេវិញ
«ហារូអាឆាប់យកវីលៀមទៅសម្អាតខ្លួនទៅនឹងអាលបានមកញ៉ាំអាហារពេលល្ងាច» ណាមជូនងាកមុខទៅប្រាប់ហារូអាដែលកំពុងតែឈរនៅពីក្រោយរទេះ
«បាទ លោកម្ចាស់ ខ្ញុំសូមអនុញ្ញាត» ហារូអាបានចាប់ផ្ដើមរុញរាងល្អិតចូលទៅក្នុងបន្ទប់ដើម្បីធ្វើការសម្អាតខ្លួន។
YOU ARE READING
កម្មស្នេហ៍អម្រែកទឹកភ្នែក✔︎✔︎(𝑯𝑬𝑬𝑺𝑼𝑵)
Romance«អ្នកណាក៏ដោយឲ្យតែប្រឆាំងនឹងបញ្ជាយើង ត្រៀមខ្លួនទៅជួបយមរាជឲ្យហើយទៅ» Lee Heeseung «គេយកខ្ញុំចេញពីនរក ប៉ុន្តែគេក៏ជាអ្នកដែលធ្វើឲ្យខ្ញុំកាន់តែធ្លាក់នរក» Kim Sunoo
EPISODE 24:ឯងមកទីនេះធ្វើស្អី?
Start from the beginning
