ព្រឹកថ្ងៃថ្មី
នៅព្រឹកនេះគឺអួរអាប់ជាងធម្មតាព្រោះក្រុមហ៊ុនកំពុងតែចលាចលខ្លាំងជាងម្សិលមិញទៀតភាគហ៊ុនកាន់តែធ្លាក់ចុះ ម្ចាស់ភាគហ៊ុនកាន់តែរករឿងហ៊ីស៊ឹងដែលធ្វើឲ្យគេក្រពុលមុខជាខ្លាំង។
«បន្តិចទៀតឲ្យគេមករៀបចំបន្ទប់យើងផង» ហ៊ីស៊ឹងប្រាប់ទៅកាន់អេឡិចដែលកំពុងតែឈរជិតគេ យប់មិញគេរវល់ធ្វើការខ្លាំងពេកឯកសារនៅរប៉ាត់រប៉ាយពេញបន្ទប់ព្រោះនាយមិនបានរៀបស្រួលបួលឡើយ
«បាទ ទទួលបញ្ជាចៅហ្វាយ» អេឡិចអោនបន្តិចហើយគេក៏ដើរចេញទៅក្រោយដើម្បីទៅហៅអ្នកសម្អាតឲ្យមកសម្អាតបន្ទប់របស់ចៅហ្វាយគេ។
«ស៊ុននូ រវល់ឬអត់?» អេឡិចចុះទៅក៏ឃើញស៊ុននូកំពុងតែយកថង់សម្រាមដើរទៅក្រៅប៉ុន្តែគេក៏សួរបែបនេះ
«គឺខ្ញុំយកសម្រាមទៅចោល បងអេឡិចមានមានការអ្វីមែនទេ?» ស៊ុននូងាកមុខមកសួរអេឡិចទាំងដៃរបស់គេកាន់សម្រាមរពីងរពោង
«យកសម្រាមចោលហើយមានអ្វីត្រូវធ្វើទៀតឬអត់?» អេឡិច
«អត់នោះទេ អាហារពេលព្រឹកក៏រៀបចំរួចហើយដែរ បងសួរមានការអ្វីមែនទេ?» ស៊ុននូក៏ឈរនិយាយជាមួយអេឡិចសិន
«អ៊ីចឹងគឺល្អហើយ យកសម្រាមទៅចោលរួចហើយចាំទៅសម្អាតបន្ទប់ធ្វើការរបស់ចៅហ្វាយផង» អេឡិច ដែលគេមកប្រើស៊ុននូបែបនេះព្រោះតែហ៊ីស៊ឹងទុកចិត្តស៊ុននូរឿងឯកសារនៅក្រុមហ៊ុន ទោះបីនាយធ្វើបាបស៊ុននូក៏ពិតមែនប៉ុន្តែគ្មាននរណាម្នាក់ដែលនាយអោយប៉ះឯកសារក្រៅគេអេឡិចនិងស៊ុននូឡើយ ហេតុនេះហើយបានជាអេឡិចប្រើឲ្យរាងតូចទៅរៀបចំព្រោះនៅក្នុងបន្ទប់ពោរពេញទៅដោយឯកសារក្រុមហ៊ុន
«ចុះអ្នកផ្សេងនោះបងអេឡិច» ស៊ុននូអេះអុញពេលដឹងថាគេត្រូវទៅរៀបចំនិងសម្អាតបន្ទប់ចៅហ្វាយឃោឃៅរបស់គេ
«គឺសុទ្ធតែឯកសារនៅក្រុមហ៊ុនបងគិតថាមានតែឯងនោះទេដែលចៅហ្វាយទុកចិត្ត» អេឡិច
«អ៊ីចឹងក៏បានដែរ ប៉ុន្តែខ្ញុំសូមយកសម្រាមទៅចោលសិន រួចហើយសឹមខ្ញុំទៅរៀបចំតាមក្រោយ» ស៊ុននូយល់ព្រមទាំងចិត្តមិនចង់ ប៉ុន្តែគេមិនអាចរកលេសបានទើបគេត្រូវទៅរៀបចំទាំងបង្ខំចិត្តបែបនេះ ររបួសចាស់មិនទាន់ជាផងខ្លាចតែធ្វើខុសបន្តិចគេបន្ថែមរបួសថ្មីមកទៀតនោះទេ
YOU ARE READING
កម្មស្នេហ៍អម្រែកទឹកភ្នែក✔︎✔︎(𝑯𝑬𝑬𝑺𝑼𝑵)
Romance«អ្នកណាក៏ដោយឲ្យតែប្រឆាំងនឹងបញ្ជាយើង ត្រៀមខ្លួនទៅជួបយមរាជឲ្យហើយទៅ» Lee Heeseung «គេយកខ្ញុំចេញពីនរក ប៉ុន្តែគេក៏ជាអ្នកដែលធ្វើឲ្យខ្ញុំកាន់តែធ្លាក់នរក» Kim Sunoo
