يوم جديد.... ناضت على صوت لا لاغم.. يصوني عند راسها.... رجعت كوبات وزادت دارت على جيهة اخرى وحطت لمخدة على راسها لحتى مايضربهاش الضوء في عينيها... وزادت كملت رقدت... كان لجو لبرا مغيم... وقطرت شتاء بدات طيح... استحلات النومة وتكمشت فالغطاء... لحتى تضربها لفيقة... ناضت تجري شافت ساعة كانت تقريب 9... كان راح حال على الخدمة.... زربت ناضت غسلت وجها... ولبست فيساع لاحت مونتو وهزت صاك مع لمفاتح والمضلة وخرجت طريق كامل وهيا تجري حتى وصلت قدام المحطة... لعنت زهرها من ديما وقت تبات عند عايدة ترجع لدارها يتبدل عليها نومها... بقات تستنى حتى جات الحافلة.... لوكان حتى هيا مادزتش معاهم ماتطلعش...مسافة طريق... وكانت وصلت لشريكة لي تخدم فيها... دخلت تجري حتى ضربت فيه...
فلك: وبلا ماتشوف فيه ... سمحلي وطلعت تجري فالدروج
بقا غير يشوف معاها ورجع شاف مع المظلة لي خلاتها طايحة فالارض تحنى هزها... وعدل الجاكيت وخرج
ركب في طموبيل
لفوق كانت دخلت للبيرو علقت المونتو... وحطت صاكها. وجبدت مناظرها لبستهم.... وباشرت في خدمتها.... كانت خدمة بزاف.... بدات تنظم فالاجزات السنوية والشهرية تع الخدامة... وخلاصهم... وكل واحد شحال دار من سلفية...لين عينيها بداو يضبو.... ناضت من فوق الكرسي وخرجت جابت كاس قهوة... لحتى تقدر تكمل الخدمة...غير رجعت لبلاصتها... وهيا تدخل عايدة
عايدة: وين كنتي من الصباح وانا نعيط ليك
فلك: غرقت في النوم... مافقتش... انت تعرفي وقت مانجي عندك ونروح... يتبدل نومي... هزت تليفونها لقاتو على الوضع الصامت... وراتو ليها ماسمعتوش
عايدة: هزات كاس تع القهوة ذاقتها... وخسرت سيفتها كي لقاتها مرة... مزالت فيك هذي العادة
اومت لها غير براسها وعينيها مع لحسابات لي تعمل فيهم...
حتى رجعت تحكي
عايدة: كنت نتفرج بقيلة... في وحدة ضربت في واحد وطيحت مظلة تاعها... هوا هزها... وهيا طلعت بدون ماتنتبه ليه شكون...
فلك: هيه كملي واش صرا من بعد
عايدة: ميلت لاها راسها ولات تضحك.... لهنا وحبست الحلقة ...
غير كملت جملتها وتليفون صونا...
شافت في تليفونها ورجعت... خزرت مع عايدة...
فلك: جواد عيط
عايدة: جواد...!! مش هذا لي لقيتو...و اشرتها باليديها بمعنى.... محضنك
فلك: خرجت فاها عيناها... شوف انا فاه وانت فاه.... بففف...
عايدة: هزي عليه.... واش راكي تستناي
فلك: زعما نه...ز
مخلتهاش تكمل كلامها وخطفت ليها تليفون.... وهزت عليه وحطتهولها في يديها...غير تفتح الخط جاها صوتو
جواد: الو
فلك: الو
جواد: جواد معاك لباس عليك
فلك: اومت ليه براسها كانو يشوف فاها... عاد نطقت
لباس الحمد لله...
جواد:[كان يسوق في طموبيل....وحاكم قيدون باليد وحدة واليد اخرى مخرجها على الطاقة...ورابط تليفون مع كيت بلوتوت في وذنيه...] ماديرونجيتكش... لا نكون عطلتك على خدمتك
فلك: نو... ماعنديش خدمة بزاف....
جواد: نحب نحكي معاك
فلك: اه تفضل راني نسمعك فيك...
جواد: نحب نتشاوفو... اذا مانديرونجيكش بعد الخدمة.... نتلقاو
فلك: هزات راسها... في عايدة.... واشرت ليها بعينيها... بمعنى واش نقولكم
حتى اومت ليها عايدة براسها هيا تاني بمعنى وافقي...
فلك: اوكي موافقة....بعد الخدمة ان شاء الله
كوبات عليه وتنهدت رجعت ضهرها على الكرسي وشافت مع عايدة حاكمة الضحكة
فلك: غير اضحكي راك راح تطرشقي عليا
عايدة: ههه نو... اصحبتي... غير الحلقة ليشفتها بقيلة راح تكمل اليوم...
ناضت من بلاصتها... وكملت تحكي... ماتنسيش
تحكيلي واش صرا وغمزتها... يتبع
YOU ARE READING
مكتوبة على اسمك #مكتملة
Romanceقـــــــصــة كـــــامــــلة تـــــــــــحـــــت عــــنـــــــــــــوان مكـــــتوبة علــــى اسمـــــــك.... 🥀بِـــــقَــــــلَــــــمِــي✍️: 🌪 Marwa bzd🌪 القصة واقعية.... من الواقع المعاش فيها كمية كبيرة من...
