تتمة
فواحد لعشية كانت راجعة لدار عايدة... على رجليها شوية وقفت تشوف قدامها في واحد المبنى... كان معلق لافتة مكتوبة فيها سكن للايجار وتحت نيمرو تليفون ... وملصقها مع الشباك...
هزت الفون تاعها وكتبت رقم لي كان مكتوب في الورقة واتاصلت بيه ... ثواني هوا يرن حتى جوابها .. تفاهمت معاه انو يجي يتلقاها وتشوف دار...وعلى اساس هكا كان
تقابلت معاه ورالها البيت...لي كان مسبوغ كامل فالابيض...والبيج الوان فاتحة كيف ماتحب..فيه بعض الاثات لقديمة...كانت الشقة صغيرة غير بيت...وصالة مفتوحة على المطبخ... وحمام صغير
عجبتها وتفاهمو على كل شيء... حتى من الثمن كان مناسب ليها... تكاتب هيا وياه ودفعت حق الايجار
هزت العقد معنقاتو بيديها في زوج وتبسيمة واسعة على فمها ونطقت
فلك: شكرا بزاف... الله يخليك..
سمسار: ابتاسم معاها وصافحها... ونطق... عملت غير خدمتي ... مبروك عليك...
خرجت من المكتب و الفرحة باينة غير من عينيها لي صارو يلمعو... وزاد لونهم وضاح اكثر... تحس في روحها كانها تخلقت من اول وجديد... وحياة صارت تضحكلها. . واخيرا قدرت تستقر وتفتح صفحة جديدة مع بيت جديد وذكريات جديدة...
غير خرجت وقفت طاكسي... وطلعت مدتلو عنوان الدار عايدة... مسافة طريق كانت وصلت... نزلت بعد مخلصاتو... شادة في صاكها... بيديها في زوج... غير وصلت لدار دخلت للبيت وهيا تتنهد براحة... كانت قاعدة على نار تستنى غير في عايدة وقتاش تدخل وتزفلها هذا لخبر... كانت دفعتلها عايدة شهادة طبية... وخادت ليها ايامات ترتاح فيهم وتريح اعصابها... غير ترجع تسكن فالدارها... راح ترجع... لخدمتها... تمدت على سرير... وهيا تفكر غير في البيت حتى تحل لباب... غير شافتها ترمات عليها معنقتها
فلك: بالفرحة... لقيت سكن
عايدة: ضيقت عينيها... ونطقت بتسائل وين..؟؟
فلك: ماهيش بعيدة بزاف منا...
شافت في عايدة لي كان ماعجبهاش حال... وهيا تكمل تنطق... كانت عندي شوية فلوس خلصت بيها الاشهر الاولى
عايدة: يعني انت قررتي... صاي كهرتي مني
فلك: ابتاسمت على شكل عايدة... كيفاش ماخدة على خاطرها من جيهتها... جبدتها من يديها وقعدت فوق السرير... ونطقت
فلك: اكثر حاجة حابتها اني نستقر... ونتحمل مسؤولية روحي... ونعدل حياتي... الحمد لله اني لقيت هذا السكن... وراح نتاقل الاسبوع.. جاي يعني مزال مطولة معاك... وضحكت...
رجعت عنقت عايدة وكملة في كلامها
فلك: شكرا بزاف... وربي يخليك ليا... انت احسن واحن اخت ربي رزقني بيها... تعرفي لوكان مش انت... انا درك راني في شارع...حتى تخرج صرخة صغيرة على شكل "اي" بعدت عليها تحك في جنابها.. علاش قرصتيني
عايدة: باش تتعلمي مرة جاية تقولي شكرا... ولا زيد نطقتها راح نزيدك وحدة... راكي انت قولتيها... اختي لوكان انا طحت في نفس الموقف كان عملتي هكا واكثر مش هكا
فلك: اومات ليها براسها وضحكت... وخرجت كلمة من فمها... واخير
عايدة: تشوف في ابتسامتها لي غابت طول هذي المدة... فرحت ليك... يتبع
YOU ARE READING
مكتوبة على اسمك #مكتملة
Romanceقـــــــصــة كـــــامــــلة تـــــــــــحـــــت عــــنـــــــــــــوان مكـــــتوبة علــــى اسمـــــــك.... 🥀بِـــــقَــــــلَــــــمِــي✍️: 🌪 Marwa bzd🌪 القصة واقعية.... من الواقع المعاش فيها كمية كبيرة من...
