عند جواد
كان قاعد فوق الكرسي فالمكتب... متقابل مع رياض... وحاطين مشروع مابيناتهم يتناقشو فيه... كانت هذي مناقصة دولية...كان حاط عينيه عليها من وقت ماكان في ايطاليا... حتى وقت جاء لدزاير كان مزال حاطها بين عينيه.... غير كملو دراسة تاعو... وحطو السعر مناسب لي يخولهم يربحو ومايخلوش فرصة للمنافسين اخرين.... عاد تنفس... وميل رقبتو يمين ويسار... من التعب... عاد رجع ضهرو للكرسي....
جواد: لازم نحنا لي ندوها.... اذا ربحناها راح يترفع اسمنا فالسوق اكثر....
رياض: تهنى اكيد لينا... شاف مع الساعة ونطق
راح نخليك درك... عبير راه تستنى فيا لتحت...
جواد: اوملو براسو... بمعنى خود راحتك
حتى كان خارج عاد تفكر...
رياض: فالويكاند خليك فارغ... عبير مدايرة لمة مع لبنات... اكيد مش راح تخليني وحدي في وسطهم لازم تجي...
غير ذكر اسم لبنات... بالو راح طول معاها.... اوملو غير براسو بمعنى اه...
جواد: يكون خير...
عند فلك...
كانت كملت خدمة كامل بعد تعب كبير جاء، وقت خروجها... فرزت بيروها.... كامل وناضت لبست مونتوها... وهزت صاكها غير خرجت... نزلت لتحت لقات عايدة ولمياء يستناو فيها... خرجو في ثلاتة مع بعضاهم.... غير، حطت رجليها لبرا وهيا توقف....بقات غير تشوف في اتجاه واحد... كانت عينيها غير على هذيك الطموبيل لي كانت واقفة قدام الشريكة... لوهلة تخيللها انو يكون هوا... تفكرت وقت خرجت لقاتو واقف يستنى فيها... ماعرفتش علاش جا في بالها فجأة
حتى فيقها صوت عايدة وقت سألتها
عايدة:شبيك وقفتي...شافتها تشوف مع طموبيل...ورجعت شافت معاها بتسائل.. تعرفيه؟
فلك: ها... احم. لا...هبطت راسها وقت شافت راجل اخر نازل من الطموبيل... عاد كملت تحكي... امشي خلينا نلحقو على الحافلة
طلعو فالحافلة لي كان موفرتهولهم الشريكة... جلسو في بلاصتهم المعتادة كيف ديما..اما لمياء جلست من وراهم...دافنة راسها في تليفونها...
تكات راسها على الشباك سارحة في افكارها... جلست بحداها عايدة تحكي معاها وهيا ولا هنا... حتى قرصتها...
فلك: اح... شبيك... زح
عايدة: باه لمرة جاية وقت نحكي معاك... تجاوبيني... مش تقول نحكي مع حيط
فلك: اففف غير شردت شوية في واحد الحاجة... واش كنتي تحكي
عايدة: شردتي وسكتي.... المهم... قتلك اذا راح تروحي عند عبير....
فلك: منعرفش... راح نشوف
عايدة: واش راح تشوفي... يرحم باباك... واش راح تقعدي في دار فالويكاند وحدك
فلك: ماقتلكش مش رايحة.. قتلك راح نشوف...
عايدة: اوكي... راح نجي عندك ونروحو مع بعض
فلك: تنهدت... ان شاء الله....
شافت مع الشباك لقات روحها قريب توصل. دارت لعايدة تحكي
فلك: راح ننزل لهنا
عايدة: بصح مازل ماوصلتيش
فلك: حابة نمشي شوية.... خلاتها على راحتها.... ماعرفتش واش بيها كل مرة تتقلب من زي ... يتبع
YOU ARE READING
مكتوبة على اسمك #مكتملة
Romanceقـــــــصــة كـــــامــــلة تـــــــــــحـــــت عــــنـــــــــــــوان مكـــــتوبة علــــى اسمـــــــك.... 🥀بِـــــقَــــــلَــــــمِــي✍️: 🌪 Marwa bzd🌪 القصة واقعية.... من الواقع المعاش فيها كمية كبيرة من...
