بقات واقفة قدام لباب لمدة من الزمن... ودموع على خدها نازلة تجري... كانت متوقعة هذي ردة الفعل... لاكن كان باقي عندها شوية من امل... ترجع تتصلح علاقتها مع خوها... نزلت راسها للارض... وجرات رجليها... راجعة لدارها... اهم حاجة عندها انو فاق ورجع لعايلتو... خرجت لبرا... خدات طاكسي... وصلتها طول للبورتمان لي تسكن فيه ... حلت لباب ودخلت تعدات طول لغرفتها... حطت صاك فوق طابل دونوي...وطلعت فوق سرير... بلا ما حتى تنحي صباطها تكمشت في بلاصتها... وغطات روحها من راسها رجليها.... كانت نفسيتها فالحضيظ... تحس في روحها في وسط دائرة والمشاكل محاوطتها من كل بلاصة...
مكانش عندها حد.تشكيلو هيا بطبعها مش اجتماعية..
حتىمن عايظة ماهيش حابة تزيد تكسرلها راسها بالمشاكلها....
كانت غفات على هذاك الحال... واثار دموع على شفور، عينيها.. بحكم تعب والسهر... لي عناة منو مؤخرا...
تعدا الوقت حتى قرب يضلام الحال.... ناضت تحك في عينيها من النوم... وقت سمعت طبطيب فالباب... ناضت بعين مقفولة واخرى مفتوحة... تتمايل يمين وشمال...ماهيش قادرة دير حتى خطوة صحيحة... حالتها حالة وجها الاصفر كيف حبت الليمون قطرة دم مكانش فيه.... غير حلت لباب هزت يديها تحكم فالباب... تكالي بيه روحها لي ماهيش مساعدتها حتى توقف على رجليها عينيها ضبو... حتى خانوها رجليها ... وفقدت توزنها...وجات مابين يديه....
عند عايدة كانت في وسط الخدمة وقت وصلها ميساج من عندها بلي راه تاعبة ومش قادرة تتحرك... معرفتش كيفاش تعدى والوقت... وزربت جات ليها... غير جات وطلعت فالدروج كان الباب مفتوح... زربت دخلت وطيشت صاك فالارض... وراحت تجري لعندها... غير شافتها ممدودة فوق الفوتاي وكاس ماء بحداها... تخلعت
عايدة: هزت يديها تضرب على وجها تحاول تفيق فيها.... حتى سمعت صوت انين خفيف خارج من فمها
فلك: امممم.... انننن... م.... ما... ماء
هزت الماءمن فوق الطاولة... وطلعت ليها راسها شربتها... عاد نطقت...
عايدة: فلك. راكي تسمعي فيا... فيقي اصحبتي...
حلت غير،بالشوية.... تشوف غير فالضبابة.... وخياله كي هازها مزال بين عينيه... مدت يدها....
ونطقت لثاني مرة....
فلك: ماتخلينيش....
عايدة: اششش انا معاك مش راح نخليك...
عند جواد كان ديمارا بالطموبيل من تما بعد ماتاكد وصول عايدة... ضحك على روحو وين وصل... من وقت شافها فالمستشفى وقت خارجة بهذيك الحالة لقى روحو تابعها.. حتى وصلت... لدارها... ومافاقش بروحو غير وقت وصل لباب دارها وطاحت مابين يديه...
بالو طول راح مع الكلمة لي قالتهالو... ماتخلينيش.... يتبع
أنت تقرأ
مكتوبة على اسمك #مكتملة
Romanceقـــــــصــة كـــــامــــلة تـــــــــــحـــــت عــــنـــــــــــــوان مكـــــتوبة علــــى اسمـــــــك.... 🥀بِـــــقَــــــلَــــــمِــي✍️: 🌪 Marwa bzd🌪 القصة واقعية.... من الواقع المعاش فيها كمية كبيرة من...
