تتمة
مريم: بقات تشوف معاها.. كيفاش واقفة... تبسمت ليهم... ورجعت نطقت...اكيد حشمت... تعرفي بنات ليوم كيفاش دايرين...
حورية: شافت معاها اختي فلك ادخلي وشبيك واقفة تما...
غير سمعتها مفيقتها من سهوتها و حولت عينيها ليها... دخلت بخطوات هادية حطت سينيوة على الطابلة لي كانت تما وجلست بحد مريم منزلة راسها... ماحبتش تتسرع.. وتسبق الاحداث حتى تشوف.. شكون هذا لعريس
حورية: شافت مع فلك... كيف دايرة معاك الخدمة... مرتاحة
فلك: اومت ليها براسها... الحمد لله... خالتي...
تبسمت حورية بز ونطقت بسيف عليها... تحاول ماتبينش... لاكن غير من صوتها يبان عربون
حورية: محسوب راح نولو خوتات... عودي عيطي ليا اختي... الا كتب
فلك: هزات راسها بمعنا اه وسكتت ضامة يديها عندها... من قوة توتر حتى سمعت صوت خوها
محمد: عبد الناصر... جاي يخطب فيك.. وانا عطيت ليه كلمتي...
فلك: بقات تشوف معاه بعدم فهم... ضحكة لي كانت باينة في وجها تهجرت منها... ونطقت بصوت متلعثم... ولاكن هوا مزوج... كيفاش...
عبد ناصر: قاطع حديثها... يحكي... انا قادر نعدل بيناتكم... ومراتي الاولى ماعندهاش مشكل... وهاهي قدامك دليل على انها هيا لي قتارحاتك عليا... مكمل كلامو... ومش راح تحتاجي ولا تخصك حاجة معايا
فلك بقات غير تشوف مدورة راسها تشوف مع حورية... لي حتى هيا بدورها تشوف معاها...
فلك: و لاكن انا مانيش موافقة... ونظن حتى خويا راح يكون موافق على قراري ويحترم راي
محمد: غير نطقت هذا لكلام... وهوا يخرج فيها... عينيه... انا مديت كلمتي... وكلمتي هيا لي راح تمشي في هذي الدار... وشاف في عبد الناصر... سمانة الجاية راح تكتبو العقد... وتروحي لدار راجلك...
غير سمعاتو... واش قالت عينيها عمرو دموع... شافت مع مريم... لحاطة رجل على رجل وتبسيمة على فمها...
ناضت خرجت مخليتهم يشوفو معاها ومحمد مطلع عينيه...في مرتو... لي غير شفاتو تعدلت في جلستها... وبلعت ريقها...
حتى نطق عبد الناصر: ناض من بلاصتو... ونطق نخليكم.. شاف مع محمد راح نستنى جوابكم...
محمد: جوابي سمعتيه نهار الجمعة راح يكون كل شيء واجد... يتبع
أنت تقرأ
مكتوبة على اسمك #مكتملة
عاطفيةقـــــــصــة كـــــامــــلة تـــــــــــحـــــت عــــنـــــــــــــوان مكـــــتوبة علــــى اسمـــــــك.... 🥀بِـــــقَــــــلَــــــمِــي✍️: 🌪 Marwa bzd🌪 القصة واقعية.... من الواقع المعاش فيها كمية كبيرة من...
