كانو عاملين جو ... يحكو ويضحكو على اياماتهم... وعلى اول ايام جمعتهم... وطرائف لي صرات فالخدمة.... حتى هيا كانت منسجمة معاهم... وكانت خالقة معاهم جو على غير، العادة ومشاركتهم فالحديث... حتى ضرب صوتو في وذنيها.... حلت عينيها على وسعهم وضغطت على الكاس لي كان مابين يديها ماكنتش متخيلة انها راح تلقاه لهنا ولا راح تعاود تشوفو مرة اخرى.... حتى نطقت عبير
عبير : اكيد هذا سي جواد الشامي... جاء
لمياء:(بفضول) شكون هذا؟
عبير: يخدم عندو رياض... دراعو ليمين
ضحكت عايدة ونطقت...
عايدة: مايدرنيش دراعو ليسار... ضحكو كل على كلامها حتى من عبير...
من غير فلك لي شرعت عينيها من كلام عايدة... ونزلت راسها.. واحد الاحساس زارها... ماعرفتش وين تصنفو ولا واش هوا سبب بالضبط هذا الاحساس ...كي سمعت كلامها
بقات منزلة راسها.... واسمو يتعاود.مابين شفايفها ... وفي نفس الوقت وذنيها كانت مع كلام عبير...
عبير: تعرفو لبنات...اول نهار تليقت مع رياض كان فالخدمة لهنا... وقت جاو على جال مشروع... كان سي جواد في ايطاليا...مكانش يهبط لدزاير... بسبب موت والدتو... وقت حكالي رياض عليه غاضني بزاف... وخصوصي انو هوا لي كان متسبب فيه الحادث... كان اول مرة يبهط لدزاير...وقت عرسي انا ورياض
هذاك اول نهار يدخل لدزاير من وقت الحادث... سافر مع الوالد تاعو لايطاليا...
كانت مركزة مع كل كلمة تقول فيها عبير...كانت هذي اول مرة تسمع قصة حياتو... حتى فيقها صوت لمياء
لمياء: الله يرحمها
عايدة: صعيبة بالحق... مش ساهلة تشوف لعزيز عليك مات قدامك... الله يرحمها
دارت عايدة لفلك وتحكي
عايدة: شفيتي.. كان هذا هوا لي عاونا وقت ماسمحوش لينا هذوك لي قارد... ندخلو... وانت نسيتي الدعوة زفاف تع عبير.. لوكان ماوقفش معانا كان مانحضروش، عرس عبير هههه
فلك: اومت ليها براسها... اه شفيت... الله يصبرو... وربي يرحمها... مكانتش عارفة انو فقد الوالدة تيعو كان هوا متسبب فالحادث... كان هذي اول مرة تسمع على حياتو الخاصة...الوقت فيساع تعدى... ناضت عبير... وجدت طاولة وساعدوها فيها لبنات... كانت طاولة مليانة بالاكل تقليدي الدزيري وحتى بعض الاطباق الجانبية لي دارتهم كالمقبلات... جلسو فوق الطاولة... يتعشاو مكملين حكياتهم... نقبت غير شوية من طبسي لي قدامها وناضت....
فلك: الحمد لله شبعت...
عايدة: شافت مع صحنها لي كان كيف ماراهو... ماكليتي والو... واحد يخلي نعمة هذي وينوض مهبولة انت
فلك: تعرفيني.... في وقت لعشاء مانحبش نكثر الماكلة
عبير: عادي... ان شاء الله برك يكون عجبكم
فلك: نو يعيط الصحة يشهي ... الله يبارك
عبير: ايواه ريحتيني قلت بلاك ماعجبهاش...
فلك: ضحكت معاها... وعاودت حكات تقدري تدليني على الحمام وين...
ناضت عبير... ورتلها الحمام... ورجعت... في حين هيا... غسلت يديها... وحلت الخيمار ... نحاتو.... وطرشت وجها بالماء... ونشفاتو وعاد رجعت رتبت روحها وعدلت خيمارها... وخرجت لبرا...لحتى يضربها شوية هواء... مافاقت حتى تحس بالجسم من وراها...
جواد: لباس... حلت عينيها على وسهم من سماع صوتو... حتى عاود نطق.... من اول وجديد...
جواد: مجاكش البرد... يتبع
YOU ARE READING
مكتوبة على اسمك #مكتملة
Romanceقـــــــصــة كـــــامــــلة تـــــــــــحـــــت عــــنـــــــــــــوان مكـــــتوبة علــــى اسمـــــــك.... 🥀بِـــــقَــــــلَــــــمِــي✍️: 🌪 Marwa bzd🌪 القصة واقعية.... من الواقع المعاش فيها كمية كبيرة من...
