كان يسوق في وسط الطريق... وبالو كان معاها معرفش علاش كل مايتلقاها تكون واقعة في مشكل... قعد بالو مشغول وخصوصي من لي راه بقيلة... جبد تليفونو وضغط على نيمروها ... يعيطلها... معرفش علاش عمل هذا الشيء... اما لي يعرفو انو حاب يطمن عليها.... حاط تليفون قدامو ومزير على الفلون... يستنى فيها ترد حتى تكوبا وحدو.... ماحبش يزيد يعاودلها... طيشو فوق الكرسي... وكمل في طريقو... هوا واحد من الناس... لي يعيط مرة وحدة ماشي من النوع لي يرغبك... ولا يعاود الحكي معاك مرتين.. كمل طريقو متجاهل عقلو واش راه يخمم.... حتى وصل لوجهتو.. غير نزل من الطموبيل لقاه في وجهو.... شاف في ساعتو... ونطق
جواد: هذا مش وقت طيارتك... واش جابك لهنا
رياض: هز يديه يوريلو فالملف.... وانت مش حرام عليك واحد رايح لشهر عسل... طعيتلو على جال الخدمة...
عطاه الملف في يديه المرة جاية...تفقد عقلك وين كاين ...
جواد: تجاهل كلامو... وحكم من عندو الملف ... كون بعتيه مع واحد علاه جاي برجليك
رياض: جيت باه نودعك...
جواد: علاه رايح للقبر...
رياض: ضحك ...اواه في هذي نديك معايا ماروحش وحدي...
جواد:(ميل ليه راسو.. ونطق) مرتك تستنى... لا...
رياض: ضحك وبعد عليه عاد نطق...نسيت ماقلتش ليك لعقوبة ليك... وغمزو...
عطاه بظهرو... وكمل مشيتو داخل لموقع البناء... غير شافو الشاف تع العمال جاه يجري يترعد وحدو يستقبل فيه....
الشاف: مرحبا بسي جواد...
جواد: اوملو غير براسو... كان يدور في عينيه كيف عقارب ساعة على العمال يشوف فيهم وين وصلو... دار عليهم كامل... وشاف يمشي بحداه... يخبر فيه على كل صغيرة وكبيرة... كان هاز الملف في يديه ولابس كاسك على راسو... ويشوف في المشروع وين وصل... كان هذا من احسن المناقصات لي ربحها لهنا فالدزاير... بعد ماكمل خرج مخليهم يكملو في خدمتو... طلع في طموبيل... طول لشريكة الفرعية لي متواجدة في دزاير... ومقرها الرئيسي كان في ايطاليا.... مسافة طريق... كان وصل... براكا طموبيل... قدام لباب وهبط بخطواتو المتوازنة... طلع راسو في هذيك... لبلاكة مكتوب عليها شريكة المقاولات جواد الشامي...عدل الجاكيت تاعو... ودخل طول طلع فالمصعد للمكتب... دخل طول نحى جاكيت علقها على ضهر الكرسي...حط الملف فوق المكتب بحداه تليفون... وحل ازرار لقمجة وقفضها على يديه عاد جلس...غير قعد هوا يصوني ليه تليفون... يتبع
YOU ARE READING
مكتوبة على اسمك #مكتملة
Romanceقـــــــصــة كـــــامــــلة تـــــــــــحـــــت عــــنـــــــــــــوان مكـــــتوبة علــــى اسمـــــــك.... 🥀بِـــــقَــــــلَــــــمِــي✍️: 🌪 Marwa bzd🌪 القصة واقعية.... من الواقع المعاش فيها كمية كبيرة من...
