تتمة
كانت الغرفة مضلمة... مسكرة شباك... وضوء طافي...فولار طايح فالارض...و صوت بكائها كان جاي من تحت لغطاء... كانت دافنة راسها في وسط المخدة ودموعها على خدها... اخر حاجة تصورتها.. هيا جارهم لي كانت حطاتو في مقام باباها... يجي يطلبها لزواج .. غير تفكر في هذا الشيء... تحس في عقلها حاب يخرج من بلاصتوو.... وهيا تسمع الباب كيف تحل بالصوت... عرفاتو خوها وعرفت هذا لكلام راح تخلص عليه
محمد: شنوا هذا شيء، لي عملتيه لتحت... من وقتاه وليتي تعلي صوتك عليا... وتعاندي في قراري.. مابقيتيش تحشمي
فلك: عرات على راسها ودموعها على خدها تحكي... صوت لبكا غالبها...انا مش موافقة على هذا الزواج... واش تمدوني بسيف عليا...لهذاك الشايب ومزوج من فوق
محمد: احمدي ربي... لي جاك...سيد ماشي كبير وبخيرو وخميرو لباس بيه... وراك سمعتيه مراح يخصك معاه حتى حاجة... وحدة شارفة شكون راح يديها فيك...
فلك: بقات غير تشوف حالة فمها من كلام خوها... صار هكا عليك اخويا... تعايرني بمكتوب ربي...وانا لي مسخنة كتافي بيك... بعت موت والديا..
مريم: واش تستنى يجيك واحد صغير..
فلك: اه وانا ماشي موافقة على هذا زواج... مانديش واحد مزوج وكبير عليا
محمد: انت وراك كبيرة... وهذا مغرفتك واش هزت
مريم: هذا كفونا لي ربيناك... باش طيحي كلمة خوك
فلك: انا ماطيحت كلمة حد... وخويا على راسي.. اما هذي حياتي... واش حاب غير تتهنى مني... مشك حاب تشوفني مرتاحة
مريم: ماتحشميش تردي في وجه خوك
محمد: نخليك بايرة ليا لهنا... باش يكثرو علينا الهدرة...
مشى هذاك الوقت لي تتشرطي فيه... راكي في الثلاتينات
فلك: نقعد بايرة احسن ليا... من هذي زواج..
مريم: مغددة.. واش تهضري بالصح. واش عارف السيد واش عندو... راه عندو لي يعيشك ويقد بيك... شوفي غير مرتو ذهوباتها كي دايرين
فلك: انا مانحبش فلوس...راني خدامة والحمد لله.. راه حابة نتزوج ونرتاح... مش نشد دالة على راجل..
محمد: خرج فيها عينيه... ونطق واش قلة لحياة هذي لي ولات فيك... واش انا نبغي ليك لمضرة... وماشي حابك تعيشي مرتاحة
فلك: حاب تشوفني مرتاحة تقوم طيشيني على طول يدك ولواحد قد بابا
محمد: انا عطيت كلمتي وياويلك اذا تكسريها راح تشوفي مني لي مايعجبك
نطقت بدون وعي منها
فلك: خوذو لبنتك
محمد: اذا راح تظفر الشيب كيفك راح نوخذو ليها.... يتبع
YOU ARE READING
مكتوبة على اسمك #مكتملة
Romanceقـــــــصــة كـــــامــــلة تـــــــــــحـــــت عــــنـــــــــــــوان مكـــــتوبة علــــى اسمـــــــك.... 🥀بِـــــقَــــــلَــــــمِــي✍️: 🌪 Marwa bzd🌪 القصة واقعية.... من الواقع المعاش فيها كمية كبيرة من...
