وأنا فِي مَوج حُبك شراع يتهادىٰ

البـارت التِاسـع والثلاثـون

٬٬ فِـي مكتـب عادل ٬٬ بعد ما جوا وراه عهد ورغد
جلس على مكتبه وهو ساكت لكن باين على وجهه معصب
عهد بتبرير : والله يا دكتور ......
قاطعها عادل بصرامه : لا اسمع صوتـكم الحين
سكتت عهد وضلت واقفه هي ورغد
اما عادل قعد يفكر ايش اللي خلها تسوي كذا في المستشفى
اكيد شي قوي بس ما توقع ابداً منها
٬٬٬٬٬٬
٫ فِـي جنـاح رائـد ٫
تميم : احس ودي اشوف الي بيصير
هتان بصوت خفيف لـ تميم : اجلس وصور لك الي يصير
طلعوا العيال كلهم الا تميم الي قعد عند رائد
مصعب الي مسك صالح قبل ما يدخلون عند عادل : صالح لا تعصب على البنات قدام احد من الموجودين
صالح : مارح اعصب عليهم قدام احد بس ابغاهم يحسون او يستحون بس بالله شوف وجيهم والله ولا كأنهم متهاوشين قبل شوي
كانوا البنات واقفين وراهم يسولفون ويضحكون
راكان : اكيد ما فرقت معهم اهم شي عندهم انهم نتفوا الادميه وفشلونا
سمعتهم اشواق وردت بغرور : الي يدوس لنـا على طرف ندوس له على عشر
لف مصعب : اشواق لا تزيدين الطين بله
ديما : ما قالت إلا الحق
عض صالح شفته يتمالك اعصابـه : لا اسمع لكم صوت
دق الباب صـالح
عادل : ادخل يا صالح
دخل صالح ومعه العيال والثلاثي الهوشه
عادل : استريحوا
جلسوا مصعب وصالح اما هتان الي من اول ما دخل يصور اللي يصير بس بشكل مو واضح لأحد
عادل : احد يفهمنـي وش اللي صار
ديما بثقه : اللي صار يا دكتور عادل...
قاطعتها رغد بدلع : انتي لا اسمع لك صوت بتزيدين كلام من عندك عشان تبينين لهم انك بريئة
عادل بعصبيه : انتي بالذات يا رغد لا اسمع لك صوت
اشر لـ ديما تكمل
حكت لهم ديما اللي حصل بالحرف الواحد : عفواً دكتور بس عهد مالها دخل هي بس حاولت تفرق بينا
رغد وهي ما زالت مصره على فكرتها : وانا ما كذبت يوم قلت انك حقت شباب
جاء عادل بيتكلم لكن سكتوه العيال
مصعب بعصبيه : مين انتي عشان تتكلمين عن ديما آل فهاد
رغد بغنـج : لو سمحت انت لا تتدخل
رفع مصعب حواجبه : شكلك ما تعرفينا زين
عادل وهو يحاول يكتم عصبيته : انتي ما تستحين تدخلين بشرفها اسمعي من اليوم ورايح والله بسماه لا عاد آشوفك بالمستشفى وعن دارستك فـ أنتي راسبه ويالله لا عاد اشوف وجهك
رغد : عشان مين تطردني عشان ناس عاديه وما تستاهل
صالح وهو يلعب بسبحته : إذا ما طردك هو احنا بنطردك
رغد وهي تأشر بـ أصابعها عليه : مين انت واحد ......
ما كملت كلامها إلا راكان يقاطعها : عيال آل فهاد والمستشفى هذا لنا يالله توكلي مثل ما قالوا لك ما دام النفس طيبه ولا تعرفين ان المحاكم تقدر تأخذ حق بنتنا
كانوا الثلاثي من داخلهم بيطيرون من الكلام الي ينقال لكن من برا رافعين رؤوسهم وفي وجههم ابتسامة الانتصـار ، طلعت رغد وهي منقهره وتشتم فيهم
عهد بصوت ناعم وهادي : دكتور اقدر اطلع أكمل شغلي ولا في شي ثاني
عادل : لا روحي كملي شغلك
طلعت عهد من عندهم وهي كان مأكلها التوتر
٬ فِـي المكـتب ٬
عادل بهدوء : العذر والسموحه
مصعب : والله احنا اللي المفروض نعتذر منك على اللي حصل
عادل : يا رجال شي طبيعي بتدافع عن نفسها
راكان : يعطيك العافيه صدق
عادل : ما سوينا إلا الواجب
مصعب : إلا فارس وينه ما شفناه
عادل : فارس اليوم ماسكه ابوي في الشركه يبيه في شغله لو داري ان رائد صـحى والله لا يترك الشغل ويجي لكن مارح يطول شويات وهو جاي
صالح اللي قام ووقف : يالله ما تشوف شر اجل مع السلامه
عادل : ما ودكم تجلسون عندي شوي
صالح : والله ودي لكن عندنا اشغال
طلعوا صالح والعيال معه والثلاثي وراهم
صالح : يالله كل واحد على شغله
هتان : بروح لجنـاح رائد ماعندي شغل
مصعب : أنا بروح للقصر ابشرهم
لفوا عليه البنات خافو انه يقول شي لـ فهاد
مصعب بضحك : لا تخافون مارح اقول شيء
شوق : هذا مصعبوه يا قلبي انت
اشـواق : كفو
ديما : شكراً مصعبوه افضل عم
مصعب : اي بعد زيدوا كلام اللي بس يطلع وقت المصالح
ديما : وشدعوه عليك المهم أنا ابروح أكمل شغلي
صالح : وأنتم يا الثنتين يالله قدامي
شوق بورطه : أنا لازم امر شيهانة يالله باي
اشواق وهي متورطه : اخذيني معك
شوق : حبيبتي انتي اقعدي عند زوجك حبيبك
طلعت شوق ورا مصعب وراكان اللي رجع لجناح رائد
أشواق بنظرات تمثل البرائه على أمل تنقذها
صالح الي ما لف عليها : لا تناظرين فيني كذا امشي للسيارة
استسلمت اشواق للأمر ومشت مع صالح للسياره
ركبوا السياره وعلى طول انطلق بدون ما يناظر فيها وهو صاد عنها
اشواق بتأفف : صلوح ترا ما تسوى صدق
كان بيرد عليها وهو صـاد لكن سكت من جاه اتصال من عبدالعزيز وتذكر انه من اليوم يتصل فيه لكنه عطاه مشغول بسبب اللي صار
رد صالح على عبدالعزيز وهو لابس السماعات : يا هلا
عبدالعزيز : هلا والله بالنسيب شخبارك عساك بخير
صالح : هلا عزيز بخير الحمدلله اخبارك انت عساك بخير
لفت أشواق يوم سمعته يقول عزيز ورجعت تنزل نظرها على الجوال تسولف مع البنات في القروب
عبدالعزيز : شفيك من اليوم ادق عليك ما ترد صاير شي
صالح بضحك : خلها على ربك
عبدالعزيز بخوف : وش صاير اشواق فيها شيء
صالح : لا مافيها إلا العافيه هذي هي قدامي لسانها اطول منها
عبدالعزيز بضحك : متهاوشه مع احد
رفع صـالح حاجبه : وش دراك
عبدالعزيز بضحك : مو شي جديد علي يعني
صالح : خلنا من هذا الموضوع آمر وش بغيت
عبدالعزيز : ما يأمر عليك عدو لكن احنا بنطلع للديره وياليت تجون انت واشواق نتونس مع بعضنا
صالح : والله ما ظنتي اني بجيبها معي
فهمت اشواق ايش يقصد صالح وانه احتمال كبير ما يأخذها بدت تدقه باصبعها
وصالح متجاهلها تماماً
عبدالعزيز : يا رجال أنسى السالفه اللي صارت وتعالوا الديره
صالح : اي يصير خير
عبدالعزيز بمزح : ترا إذا ما جبتها بجي أنا و بخطفها منك
ضحك صـالح بهدوء : يصير خير بشوف الوضع يالله تأمر على شي ثاني
عبدالعزيز : سلامتك يالله مع السلامة
سكر صالح المكالمه ونزل سماعاته وجلس مركز بالسواقه
اشواق بفضول : هذا عزوز اخوي
صالح بكـذب وهو صاد: لا
أشواق : إلا هو
صالح بدون ما يلتفت لها : في مليون عبدالعزيز وش معنى اخوك
اشواق : اعرف اخوي زين أنا متأكده انه هو
صالح : ما سمعتي صوته عشان تقولين كذا
اشواق : وش كان عبدالعزيز هذا يقول طيب
صالح : نتكلم في الشغل
اشواق بطفش : وين انت موديني طيب هذا مو طريق القصر
صالح : لما نوصل تعرفين
وصلت مع اشواق مرحله الزهق : أووه صالح ترا ما يسوى اللي صار طبيعي بدافع عن بنت خالي اجل أشوفها في هوشه وما افزع يعني لو واحد من العيال صار معه كذا مارح تفزع
صالح : من قال لك مارح افزع بالعكس
اشواق : خلاص اجل
صالح : بس متخيله أشكالكم وأنتم تسحبونها والمعركه اللي صارت
اشواق : تستاهل تتكلم في شرف ديما والله قليله بحقها بعد
سكت صالح مارد عليها
مسكت اشواق يده : صالح بلاش زعل ما احب أشوفك زعلان منـي
ابتسم ابتسامه خفيفه على جانب ثغره من مسكت يده لكن مابينها لـ اشواق
اشواق وهي مازالت ماسكه يده وبحماس : يالله أنسى الزعل وقولي وين رايحين
وقف صالح عند مطعم ولف على أشواق : يالله انزلي
أشواق بعناد : مارح انزل إلا لمّ تعلمني خطتك
صالح وهو رافع حاجبه : بتنزلين ولا شلتك
أشواق : ما تسويها
نزل صالح واتجه لباب أشواق
أشواق : لا مو صاحي خلاص بنزل
أعطى صالح المفتاح لخدمة المواقف
ودخل ومعه أشواق
النادل : اهلاً وسهلاً أستاذ صالح الطاوله جاهزه
مشى صالح ومعه اشـواق وجلـسو بالطاوله ...
ابتسـمت اشـواق وهي تتامل بالبحر الي مطل على المطعم : الله من وين مطلع ذا المطعم
طـالعها بدون مايرد ، كشرت من تجاهلها : والله لا ازعل خير ترا مايستاهل تزعل على كذا
رفـع صالح راسه : علميني وش الي يستاهل ازعل عليه
طالعته اشواق لثـواني : تستهبل مشتهي تزعل صح؟
صد عنها وهو يمسك جواله عضت شفاتها وهي تلتفت على البحر وسرحت وهي تتامله
لفـت من سمعت صوته يناديها : اخلصي وش تبين
طالعت في المنيو وآشرت على ڤوتشيني: ابي ذا
هز راسه النادل : حظ موفق ربع ساعه ويوصل لـكم الاكل
هزت راسها وهي تطلع جوالها من الشنطه وترفعه لناحيه البحر وهي تبتسم
رفع نظره بدون تنتبه وهو يتأمل ابتسامتها صد وهو يتنحنح ويعتدل بجلسته : بروح دوره المياه
هزت راسها ومشى ولفت من سمعت اشعار في جواله مدت يدها بتاخذ الجوال لكن يده كانت اسرع
سحب الجوال ومشى ، توترت اشواق واستغـربت ذا الحركه منه
، مرت دقايق ووصل الاكـل وجاء صالح بعدها وجلس وهو ياكل بهدوء رفعت اشـواق راسه عليه
وبلعت ريقها : صالح مااحب احد يزعل مني ترا
مارد عليها وكملت اشواق كلامها : ياخي شسوي ماعرف اسكت وبعدين شفتها سحبت حجاب ديما اكيد بفزع لها
رفع صالح راسه : هي وقفت على هوشتك البلا في انك تسوين الي براسك ولا تحسبين لـ احد حساب
ابتسمت وهي ترفع كتوفها : تعودت
صالح : مب طفل كل ماشفتي شيء تسوين الي يجي ببالك
طالعته اشواق بحـده : مب طفل ولا له علاقه ، صعب تسكت عن شخص يهينـك اكيد مارح ارضى على نفسي
رفع صالح حاجبه : ودلال ؟ ، هانتك ماقالت لك شيء
احتدت نظرات اشواق بعصبيـه وارتفع صوتها : صـدق ، دافع عنها اشوف ماتدري عن شيء خلك مغمض عيونك بس
احتدت نبره صوتـه : عدلي اسلوبك بس
ضحكت اشواق بسخريه : طيب بسألك ؟ ، مـاجد سوا لك شيء يوم تكرهه هذا الكره وتضربه ؟
شّد صـالح على يده واحتدت نظراته ونبرته : لا تجيبين طاري الكلب ، وبعدين ماتدرين عن شيء انتي بعد
رفعت اشواق كتوفها : ولا انت تدري عن شيء بعد
قام صـالح وهو يسحب جواله : قومي بنمشي
مارفعت اشواق عيونها عليه : ماخلصت اكلي
صالح : واذا ماخلصتيه قومي اخلصي
اشـواق بتمثيل للروقان : جايه اتغدى مو اتناقش وارفع صوتي
ضحك صالح بسخريه : علمي نفسك
قامت اشواق ببرود وهي تتعداه : متعلمه
صالح بهمـس : واضح
مشـت اشواق وخرجت وركب صالح وركبت على يمينه حرك وهو ساكت ويده على راسه
وصل للوجهه ونزل بدون يلتفت لها وظلت هي ماتحركت ولا نزلت ، فتح الباب الخلفي واخذ شنطه ظهره ، ومشى لناحية بابها فتحه بقوه وطالعها : بتنزلين ولا شلون
مدت اشواق يدها بدلع : نزلني
طـالعها وهو عاقد حاجبها : شكلك شاربه شيء
طالعته اشواق ببرود : نزلني ولا مارح انزل
ابتسم صالح بسخريه : يعني اشيلك
اشواق : لا
تأفف بعصبيه وهو يسحب يدها ابتسمت بـ استفزاز : شاطر
طالعت البحـر والسفن الي حوله لفـت عليه بـ استغراب : وبعدين ؟
قفل الباب وهو يطالعها : وش تشوفين
ابتسمت اشواق : اشوفك
صد صالح عنها وهو يمشي متجاهلها مشت اشـواق وراه وهي تهمس : شكل جته الحاله
وقف عند اليخت الضخم يتوسط القوارب العاديه ، لف صالح عليها : الحين تشوفين غيري
طالعت اليخت بذهول وابتسمت ، مسك صالح الحبل الي يربط اليخت ومد كفه لها
قربت وحطت كفها بـ كفه ورفعها مع خصرها لليخت ورمى شنطته وفك الحبل وركب وراها بسرعه
توجه يشغل اليخت ويبتعد فيهم لوسط البحر ، ابتعدو كثير ومافي غيرهم وصوت امواج البحر
ابتسمت وهي ترمي عبايتها وطرحتها وتجلس بـ ابتسامه طفى اليخت وترك اليخت تحركه امواج البحر
وجلس جنبها لفت عليه : اليخت يجنن من وين لك
ابتسم صالح بدون يطالعها : لي
وسعت عيونها بذهول : انت وش عندك بعد
همس صالح بهدوء : كل شيء الا شيء واحد
لفت اشواق عليه وهي عاقده حاجبها : ايش هو
صـالح : انتِ
جمد وجهها ولف صالح يطالعها عاقده حاجبها ووجهها جامد ، نطقت اشواق بهدوء : بس انا معك
صالح : انتي تصديـن وانا ابادر ؟
تنهدت بهدوء وقام وهو يمشي بعيد عنها ، قامت ولحقته : عادي اسألك بس ماتنزعج
صالح : وشو
لفت اشـواق للبحر : عادي اعرف سر فسخ خطوبتك الي مو راضي احد يعرفه
سكت مارد وكملت اشواق : كنت تحبها وش الي اكتشفته خلاك تتركها
تنهد صـالح : قلتيها سر والسـر ماينقال لأحد
اشواق : بس انا مو اي احـد
صـالح : اشـواق لا تجيبين ذا الطاري ماني ناقص
قربت منه وهي توقف خلفه : تصدق وش تشبه ، تشبه البحر بغموضه رغم ان الكل يحبه لكن يخافون عمقه يتأملونه ويجهلون وش في جّوفه منظره هادي لكن بهُبوب يقدر يعصفهم كلهم انا كذا معك
نزل راسه وهو يبتسم بهدوء ويطالع البحر الي شبهته فيه
تنهدت بهدوء من حست انها دعست على كبرياءها مالتفت عليها ولا عبرها ، مشـت تتخطاه بهدوء وهي توقف عند سلم اليخـت وابتسمت وهي تلف عليـه ورجعت تطالع البحر وتراجعت على وراء ثم ركضت وهي تقفز للبـحر وهي جاهله بالسباحه ، لف من سمع ارتطام البحر وعرف انها رمت نفسها ركض وهو ينزع تيشيرته ويرمي نفسه وراها فتح عيونه يدورها حصلها مستسلمه للبحر الي يسحبها لجُوفه بهدوء
ونزل بسرعه وهو يتمسك فيها شّدها من خصرها يسحبها فوق لف عليها مغمضه عيونها ومبتسمه رفعها لسطح البحر وفتحت عيونها وهي تكح من المويه الي غرقتها تنفس بسرعه وهو يطالعها بعصبيه : صاحيه انتي تبين تذبحين نفسك
تمسكت اشواق فيه بقوه : بكشّف عمُق البحر والهدوء الي فيه
شّد على خصرها من كانت بتفلت منه : صاحيه انتـي تكشفينه وماترجعين
طالعته واهدابها الطويله غرقتها المويه : برجع ويرجعني البحـر
اخفى ابتسامته من فهم مقصدها ، حاولت تبعد اكتافه من طال النظر وهو يتأمل اهدابها توترت وهي تسحب سلم اليخت شّدها بقوه وهو يرجعها له ويقرب من عنقها المبلول ويهمس بهدوء : انتـي مثل المُوج مايفارق البحر ولا يقدر يوصل عمقُه لانه يخاف يغوص فيه ولا يرجع ' ياموج البحر ' مايعصّف البحر الا الموج
ابتسمت وعيونها تتأمل عيونه : مُوج البحر
ابتسم وهو يقُرب منها : لا تغرقين بالبحر ولا ما عاد انتي موج
طالعته اشـواق وهي الي مايفصل بينهم شيء : الموج هادي وانا اشر من الموج
ابتسم صـالح : مايعرف هدوء المُوج الا البحر ولا؟
طالعته وهي تثبت عيونها بعيونه ، ابتسم صالح وهو يشّد عليها اكثر ويقرب من عنقها : وأنـا فِـي مَوج حُبك شراع يتهادى
ابتسمت اشـواق بهدوء : شرايك ترفعني لليخت
ضحك صـالح : ابشري
فلتها صـالح ومدت ذراعها تتمسك بالسلم بقوه صعدت وهي تنسدح وصعد وراها صـالح ، ووقف وهو يطلع منشفته من شنطته يجفف نفسه وشعره فيها ، رفعت اشواق راسها : وانا وش اسوي
صالح : احد قالك ترمين نفسك
ارتجفت اشـواق بقوه : يوه مو وقت عتابك ياخي والله بموت برد
تقدم صـالح وهو يرمي منشفته عليها لفت منشفته حول ملابسها ، طالعها صالح وهو يلبس تيشيرته: مارح تجف ملابسك كذا بدليها
اشـواق برجفه : ماعندي
فتح صالح شنطته وطلع تيشيرت وشورت ، اخذهم وتقدم لها : البسي ذي لين تجف ملابسك
رفعت عيونها عليه : كبيره مره
صالح : البسيها لا تمرضين علينا
اخذتها اشـواق بحنق : طيب غمض عيونك
ضحك صالح بسخريه : بتأملك يعني بروح هناك ، ادخلي انتي بدلي
دخلـت اشواق ولبست تيشيرته والشورت ، طالعت في سيقانها : واصل لين ساقي مو شورت هذا تنوره
مسكت التيشيرت تتفحصه : لا زين لايق اكثر من التنوره بس كانه فستان
طلـعت لصـالح الي لف من سمع صوت خطواتها : شف كانه تنوره وفستان
ابتسم صالح يكتم ضحكته لكن ماقدر وانفجر ضحك من الشورت الي واصل نص ساقها ، طالعته بعصبيه : مايضحك
قرب صالح منها : ماعليه بس تجف ملابسك تغيرين شعرك ليش ماجففتيه
طالعته : في استشوار هنا
سحب منشفه من شنطته ومد يده يجفف شعرها وهي منزله راسها بهدوء لف المنشفه حول شعرها : كذا تنشفين اذا ماعندك استشوار
مشت وهي تتسحب بالشورت : والله اني مب قصيره ابدا بس شكل مقاسك اكس اكس لارج
ابتسم صـالح : توني شاريه جديد شكل لخبطت بالمقاس بس ماعليه التيشيرت ضابط عليك مقاسك
رفعت اشواق عيونها : وسيع شوي
مشى صالح لها وجلس وتقدمت تجلس جنبه وهم يتأملون في الغروب ...
،،
ظـلو لين الليل وقامت اشـواق من برد الجـو لانهم وسط البحر ، انتبه عليها صالح وقام وهو يشغل اليخت : ودك نرجع
رفعت راسها : ماعندي مانع
قامت تلبس عبايتها لين وصـلو للمرسى اخذ شنطته ونزل وهو يربط الحبـل باليخت ومد كفه لـ اشواق عشان تنزل مدت كفها لكفه ونزلت مشى يركـب للسياره وركبت قبله وركب بعدها وحرك وهو ساكـت
ظلت تتأمـل الطريق لين انتبهت انه غير طريقه من القصـر لمكان جاهلته ، لفت عليه وتوقعت انه ضيع
: هذا مو طريق القصـر
صالح بدون مايطالعها : ادري
عقدت اشواق حاجبها : وين رايحين
صالح بهدوء : تعرفين شوي
سكتت وهي تسند راسها للشباك ، وقف عند الفله ونزل لفت تطالعه يمشي متجاهلها فتحت الباب ونزلت : شكل جته الحاله
ابتسمت وهي تطالع البحر المطل على الفله توجهت لمَوج البحر وهي تجلس امامه وتتامل الامواج لفت على البيت وهي تتذكر اول ماجت فيها هنا ابتسمت وهي تتوجه تدخـل رمت عبايتها وهي تتمشي بالصندل نزلته وجلست على الكنب سرحانه انتبهت عليه نازل من الدرج لابس تيشيرته والمنشفه على كتفه ، صدت عنه وتقدم لها : تعالي
رفعت راسها له : وين
مسك يدها وهو يغصبها تمشي معه ناظرت البحر وعرفت نيته لفت بتتراجع لكن شّد عليها ولف عليها وهو يضحك : تخافين من البحر وانتي مَوج امشي بس
ارتبكت وشّدت على يده تسحب نفسها ولف عليها وشالها بـذراعها وسعت عيونها بصدمه وهي تطالع متوجهه للبحر ويبتسـم بخفـه ، تمسكت اشواق فيه : لا انت مب صاحي اتركني ياويلك والله لا از...
رماها بـ البحر وشهقت وهي تغمض عيونها ارتعبت لكن رفعت راسها من حست انها تقدر تلمس القاع
تمسكت بتيشرته الي مازالت لابسته وهي ترتجف ، صرخت اشواق بـ اعلى صوتها: مجنون انت
ضحك صـالح : مو طول عمرك بتخافين بعدين ترميك دلال بالمسبح صدق وتندمين خليك من البدايه تعرفين
عضت اشواق شفايفها : وانت ماعندك الا طاري دلال
ضحك صالح : وشفيك انتي لهدرجه الغيره
صدت عنه متجاهلته وهي تحاول تتعلم كيف تسبح تطفو بسطح البحر بدون ما تغرق على طول
ابتسم صالح ورمى منشفته ودخل البحر وهو يحاوطها : يالله ارفعي رجولك وتحركي بتصيرين كنك حوريه
ضحكت اشواق : وصلنا قاع البحر وصرت حوريه
ابتسم صالح بهدوء : انتي حوريـه الارض
بدا يحركها لين بدت تحاول وضبطت معها بدون ماتغرق فلتها صالح وابتسمت شوي من مازالت ثابته في مكانها بدون ماتغرق : صالح شوفف
فجاءه غطست بالبحر جوا ، ضحك صالح بهستيريا وهو يرفعها لناحيته : لا عاد تتباهيين لحد ماتتعلمين
ضحكت معه وهي تمسح وجهها الي تنقّع بالبحر كثير
،،،،،،،،،
' عنـد شـوق - قبـل ساعات '
بعد ما طلعت من المستشفى اتصلت على شيهانة
شوق : الو خلصتي
شيهانة : اي
شوق : طيب الحين بمرك ترا
سكرت شوق واتجهت للجامعة تأخذ شيهانة
وصلت شوق للجامعة وطلعت لها شيهانة
شوق : غريبة ما طولتي مو على أساس عندك 4 محاضرات
شيهانة وهي ترمي كتبها ورا : اثنين اعتذروا والباقي كانت خفيفه
شوق : طيب وين تبينا نروح ما ودي ارجع للبيت
شيهانة : امشي نروح للمول وبعدها للصالون ودي أغير شوي
شوق : طيب
٬٬٬٬٬٬٬٬
عنـد مصـعب وصل للقصر ووقف في المواقف
نزل بعدها ودخـل للقصر
مصعب وهو يبعد النظاره الشمسيه : ميالا
طلعت ميالا من المطبخ : تفضل سيد مصعب
مصعب :ابوي وامي موجودين
ميالا : اي موجودين
مصعب : طيب جبر و سطام ومتعب وفهد و نورا
ميالا : كلهم موجودين
مصعب : اجل روحي نادي الكل ينزل أبيهم كلهم في الصالة قولي الموضوع ضروري
طلعت ميالا تناديهم هم وزوجاتهم
اتجه مصعب للصالة الكبيره وجلس على جـواله
بعد نص ساعة نزلوا الكل
فهّاد وهو مستند على عصاته : عسى خير وش عندك مجمعنا ايش الموضوع الضروري
مصعب : خير يبه تعال اجلس
جلسوا كلهم وعلى وجيههم نظرات الاستفهام والتساؤل
وقف مصعب في نص الصاله وهو مبتسم : عندي لكم بشارة
فهد : ها بشر طيب
مصعب : لا قبلها ابي حق البشاره
جبر : يووه مصلحجي انت
مصعب : كذا الدنيا
سطام : ابشر بها بس اخلص وش السالفه
مصعب : أبشركم
سكت مصعب بعدها بعباطه
نورا بعصبيه : والله لو ما تقول اني لا أقوم أضربك اخلص ما بقى فيني قطرة دم
سلوى : شفيك عليه يا نورا
نورا : يقطع الكلام وانا ما احب احد يقطع الكلام
متعب : ولد اخلص علينا
مصعب : وش ذي العائلة إلي مافيها صبر بس ما عليه بقول
كمل مصعب وبحماس : أبشركم رائد صحى
فزوا كلهم من مكانهم حتى حريم عيالهم
سطام بعدم تصديق : تقولها صادق
مصعب : اي والله اني صادق
فهاد بفرحه : اللهم لك الحمدلله
سلوى : الله يبشرك بالخير ياحبيبي
جاء معصب وسلم على راس أمه
حضنوا كلهم سطام يتحمدون لـ رائد بالسلامة والحريم يتحمدون لـ نهى بالسلامة
سطام بحماس : وش يقعدني الحين بروح لرائد
فهاد : كلنا بنروح
نهى : اصبر ديم بقومها تروح معنا
مصعب : لا خلوها انتم روحوا ومتى ما صحت جبتها
اتجه فهاد وسلوى وعيالهم وزوجاتهم للسيارات للمستشفى
بقى مصعب في البيت جالس بالصالة على جواله
،،،،
عنـد شـوق وشيهانه ، وصلوا للمول ونزلوا
شوق : حلو رمضان اصلاً مقرب فـ خلينا نشتري جلابيات ومخور شرايك
شيهانة : الله تم والله ودي اجرب المخور
شوق : امشي اجل ندخل هذا المحل واضح جلابياته حلوه
شيهانة : اقول لا نقش ترا مو من كثر ما نلبسها كلها وقت رمضان ونهايتها في الدولاب
شوق : اوك بس خلينا ناخذ للبنات معنا هدايا بدون مناسبة
شيهانة : اوك
شوق : أي لازم نشتري لبس للعشاء اللي بيسوونه لسلامة صالح ورائد
شيهانة بصدمه : رائد صحى
شوق بفهاوه : ليش أنا ما قلت لك
شيهانة : لا ما قلتي لي
شوق : شكلي نسيت اي صحى الحمدلله وخلينا نخلص بقول لك وش صار في المستشفى
شيهانة : اجل بسرعه
دخلوا لأكثـر من محل واشتروا
شوق بتعب : خلاص أنا تعبت خلينا نجلس شوي
شيهانة : امشي في مطعم قريب هنا خلينا نتغداء وقولي كل اللي صار
وصـلوا شيهانة وشوق للمطعم وطلبو