လော့ချယ်က သူ့လက်နှစ်ဖက်ကို ဘေးမှာချထားပြီး ခေါင်းကို အနည်းငယ်စောင်းထားကာ သက်တောင့်သက်သာရှိတဲ့ အနေအထားနဲ့ “ကြိုက်တယ် ကိုယ်ငယ်ငယ်တုန်းက ငါးစားတာက လူကို ပိုဉာဏ်ကောင်းစေတယ်လို့ အမေပြောဖူးတယ်”
ကုမျန်က ခေါင်းလေးကိုစောင်းပြီး သူ့ကိုကြည့်လိုက်တယ်။"ရှင်ငါးစားပြီးကတည်းက ဉာဏ်ကောင်းလာတာကိုး"
လော့ချယ်က ခဏလောက် အံ့အားသင့်သွားပြီးနောက် ရယ်မောလိုက်တယ်။ ဒီဇင်ဘာနှောင်းပိုင်းရဲ့ အေးစိမ့်စိမ့်လေထဲမှာ သူ့ရယ်သံတွေက နွေးထွေးနေပြီး သိသာထင်ရှားတဲ့ ပျော်ရွှင်မှုတွေလည်း ရှိနေခဲ့တယ်။
သူက နှုတ်ခမ်းကို တွန့်ကွေးလိုက်ပြီး “ဟုတ်တာပေါ့”
"ဒါဆို ရှင် ငါးကို ဘယ်လိုမျိုးကြိုက်လဲ"
ကုမျန်ရဲ့ ဆိုလိုရင်းကို လော့ချယ်က သဘာဝကျကျပင် သိတယ်။
နေ့လယ်စာချက်ပြုတ်ဖို့ ပြင်ဆင်ရမှာမို့ သူ ဘာအရသာကြိုက်လဲလို့ မေးချင်တာပဲ။
လေက လော့ချယ်ရဲ့နဖူးပေါ်ရှိ ဆံပင်အနည်းငယ်ကို တိုက်ခတ်လာပြီး အလွန်အမင်းကြည့်ကောင်းလှပတဲ့ မျက်ခုံးတွေကို ပေါ်လွင်သွားစေတယ်။ သူ့ရဲ့ သောက်ရှူးကြယ်လိုမျက်၀န်းတွေက နက်ရှိုင်းလှပြီး ကြယ်ပင်လယ်ကြီးတစ်ခုလုံး ရှိနေသလိုပဲ။ "မင်းလုပ်တာဖြစ်သရွေ့ ကိုယ်ကြိုက်တယ်"
အစားအသောက်ခေါင်းစဉ်ကို သူမကြားလိုက်ရတာကြောင့်ဖြစ်လောက်တယ်။ လီရှောင်းဟယ်က သူမရဲ့လက်ကို အားပျော့စွာ မြှောက်လိုက်ပြီး သတိအနေအထားနဲ့ ရုတ်တရက်၀င်ပြောလာတယ်။"မျန်းမျန်၊ ငါ ချိုချဉ်အရသာကို ကြိုက်တယ်"
တစ်ရက်နဲ့တစ်ညနဲ့တင် လီရှောင်းဟယ်က ကုမျန်ကို လုံးဝချစ်သွားခဲ့ပြီး သူမ(ကုမျန်)နာမည်ကိုတောင် မရင်းနှီးတဲ့အသုံးအနှုန်း ကုမျန်ကနေ ရင်းနှီးတဲ့အသုံးအနှုန်း မျန်းမျန်အဖြစ် အဆင့်မြှင့်တင်ခဲ့တယ်။
ကုမျန်က လီရှောင်းဟယ်ကို okဆိုတဲ့ အမူအယာလုပ်ပြလိုက်တယ်။
ပြုတ်တာဖြစ်ဖြစ် ၊ ချိုချဉ်ဖြစ်ဖြစ် ၊ပေါင်းတာဖြစ်ဖြစ် သူမက အကုန်လုပ်တတ်တယ်။
YOU ARE READING
ဗုဒ္ဓဘာသာ၀င်မိန်းကလေးက စာအုပ်တစ်အုပ်ထဲကို ကူးပြောင်းသွားတယ်
RandomAssociated name : 佛系少女穿书日常 Author : 十六月西瓜 , shiliu yue xigua Status in COO : 253 chapters (complete)
Chapter 98
Start from the beginning