Unicode
သူမူးနေလို့ သက်တောင့်သက်သာမရှိနေပေမဲ့ အေးစက်စက်ကြမ်းပြင်ပေါ်မှာ ဖိထားခံရတာက သူ့ကို ပိုပြီးတော့တောင် အဆင်မပြေဖြစ်စေတယ်။ ဒါ့အပြင် သူ့သူငယ်ချင်းက သူ့ကို အခုကူညီဖို့ မတတ်နိုင်တဲ့အတွက် နောက်ဆုံးမှာတော့ ကုမျန်ကို စိတ်မပါစွာနဲ့ တောင်းပန်ဖို့သာ တတ်နိုင်ခဲ့တယ်။
လူငယ်က သရော်ပြီး သူ့ကိုလွှတ်ပေးလိုက်တယ်။
လူလတ်ပိုင်းအရွယ်အမျိုးသားက ရှက်ရွံ့စွာထရပ်ကာ လူငယ်ကို လက်ညိုးထိုးပြီး ကျိန်ဆဲလိုက်တယ်။“နံစော်နေတဲ့ကောင်လေး၊စောင့်ကြည့်လိုက်စမ်းပါ”
လူငယ်က လူလတ်ပိုင်းရဲ့ခြိမ်းခြောက်မှုကို လုံးဝစိတ်ထဲမရှိနေပေ။ သူက သူ့ကိုယ်သူ လက်ညိုးထိုးပြကာ ပြောလိုက်တယ်။"ချန်းကျစ်"
စကားလုံးနှစ်လုံးသာဖြစ်ပေမယ့်လည်း သူ့စကားလုံးတွေထဲက တစ်စုံတစ်ရာပြောနေတာက"ငါစောင့်နေတယ် မင်းမှာ အရည်အချင်းရှိရင် မင်းငါ့ကိုလာရှာလို့ရတယ်"
ကုမျန်က ထိုနာမည်ကိုကြားလိုက်ရတဲ့အခါ သူမရဲ့ နှလုံးသည်းညှာက လှုပ်ရှားသွားတယ်။
မျိုးရိုးနာမည်ချန်းက ကန်တုံးလူမျိုးပဲ။ သူက ဟောင်ကောင်ရှိ ချန်းမိသားစုကများလား။
ကုမျန် ချန်းကျစ်ရဲ့အနောက်ကို လှမ်းကြည့်လိုက်တော့ သူ့အနောက်ဘက် မနီးမဝေးမှာ သက်တော်စောင့်နဲ့ဆင်တဲ့ အနက်ရောင်ဝတ်စုံဝတ်ထားတဲ့ လူနှစ်ယောက်ကို တွေ့လိုက်ရတယ်။
ထိုလူနှစ်ယောက်ရဲ့မျက်၀န်းတွေက ချန်းကျစ်ပေါ်မှာပဲရှိနေပြီး သူအန္တရာယ်ရှိတာနဲ့ ချက်ချင်းဆိုသလို သူ့ဆီ အမြန်ပြေးလာကြမှာပင်။
ဟိုတယ်မန်နေဂျာကို အချိန်အတော်ကြာ စည်းရုံးပြီးနောက် လူလတ်ပိုင်းအရွယ် အမျိုးသားကို သူ့သူငယ်ချင်းက ကူညီပြီး ဖြည်းညှင်းစွာ ထွက်ခွာသွားခဲ့ကြတယ်။
လူနှစ်ယောက်ထွက်သွားပြီးနောက် အနက်ရောင်ဝတ် သက်တော်စောင့်နှစ်ဦးထဲမှ တစ်ဦးလည်း သူတို့နဲ့အတူ ထွက်ခွာသွားကြောင်း ကုမျန်တွေ့ရှိခဲ့တယ်။ ဘာကြောင့်လဲဆိုတာ သူမ မသိပေမယ့် ကောင်းတာတော့ မဖြစ်လောက်ဘူး။
YOU ARE READING
ဗုဒ္ဓဘာသာ၀င်မိန်းကလေးက စာအုပ်တစ်အုပ်ထဲကို ကူးပြောင်းသွားတယ်
RandomAssociated name : 佛系少女穿书日常 Author : 十六月西瓜 , shiliu yue xigua Status in COO : 253 chapters (complete)
