လီရှောင်းဟယ်က အနည်းငယ် နှစ်ထောင်းအားရဖြစ်သွားပြီး "ဘာဖြစ်တာလဲ၊ ရှင်တို့ရဲ့ အမူအရာတွေကို ကြည့်ရတာ ကောင်းကောင်းရသွားပုံလည်း မရဘူးနော်"
တင်ဆက်သူက ရှေ့ကိုတက်ကာ လူနှစ်ဦးရဲ့မဲကို ကြည့်ဖို့ အစပြုလိုက်တယ်။သူက ကျယ်လောင်တဲ့အသံနဲ့ တိုက်ရိုက် ကြေညာလာတယ်။"လျူလင်းတို့အဖွဲ့က အလတ်တန်းစား ငါးဖမ်းကိရိယာတွေ ရတယ်၊ လင်ချန်အန်းတို့အဖွဲ့က အညံ့စားငါးဖမ်းကိရိယာတွေ ရတယ်"
လီရှောင်းဟယ်က စိတ်လှုပ်ရှားစွာနဲ့ ခုန်ပေါက်လိုက်ပြီး "မကောင်းတဲ့ငါးဖမ်းကိရိယာနှစ်ခုကို ယူသွားပြီဆိုတော့၊ ကျန်တာက ကောင်းတာလား"
တင်ဆက်သူက လှိုက်လှိုက်လှဲလှဲပြုံးလိုက်ပြီး "ဟုတ်တယ်၊ လော့ချယ်တို့အဖွဲ့က ထိပ်တန်းငါးဖမ်းကိရိယာတွေရထားတယ် ကံကောင်းခြင်းတွေ လွှမ်းမိုးနေတဲ့ လော့ချယ်တို့အဖွဲ့ကို ဂုဏ်ပြုလိုက်ကြရအောင်ဗျာ"
လော့ချယ် ထိုစကားကိုကြားတော့ သူ့မျက်၀န်းထဲမှာ အံ့အားသင့်သွားတဲ့ အကြည့်တစ်ခု ပေါ်လာတယ်။
သူတို့ ထိပ်တန်းငါးဖမ်းကိရိယာတွေ တကယ်ရသွားတာလား။
ဒီလိုကံကောင်းမှုမျိုးကို...
ကုမျန်က ယူလာပေးတာပဲ။
ဒီလိုမဟုတ်ပဲ သူ့ကံတစ်ခုတည်းကိုသာ အားကိုးရရင် သူ ထိပ်တန်းငါးဖမ်းကိရိယာကို ဘယ်တော့မှ ရနိုင်မှာမဟုတ်ဘူးလေ။
လီရှောင်းဟယ်က သူမရဲ့တင်ပါးကို လက်နှစ်ဖက်နဲ့ထောက်ကာ ရယ်မောရင်း "ဟားဟားဟား၊ တိုက်ဆိုင်မှုက စောစောလုယူတာထက် ပိုကောင်းနေတာပဲနော် မဟုတ်ဘူး၊မဟုတ်သေးဘူး ကျွန်မတို့ခေါင်းဆောင်က လုံးဝတောင်မလုလိုက်ရဘူး"
လျူလင်းရဲ့အမူအရာက ကောင်းတယ်။သူက ထိပ်တန်းငါးဖမ်းကိရိယာကို မရရှိခဲ့ပေမယ့် အလတ်စားကလည်း ဆိုးဝါးနေတာမဟုတ်ပေ။ လင်ချန်အန်းရဲ့မျက်နှာကတော့ ဖြူဖျော့နေတယ်။ သူ မဲနှိုက်ရာမှာ အဆိုးဆုံးကို တကယ်ကြီးရသွားလိမ့်မယ်လို့ တစ်ခါမှ မတွေးခဲ့မိဘူး။
ဖြစ်နိုင်ခြေသုံးပုံတစ်ပုံက သူ့ဆီမှာ ဖြစ်ပျက်လာခဲ့တယ်လေ။
YOU ARE READING
ဗုဒ္ဓဘာသာ၀င်မိန်းကလေးက စာအုပ်တစ်အုပ်ထဲကို ကူးပြောင်းသွားတယ်
RandomAssociated name : 佛系少女穿书日常 Author : 十六月西瓜 , shiliu yue xigua Status in COO : 253 chapters (complete)
Chapter 97
Start from the beginning