တင်ဆက်သူက အစမှာ ဘာပြောချင်ခဲ့တာလဲဆိုတာ နဉ်နဉ် အခုမှပဲသိတော့တယ်။ ဒီစိန်ခေါ်မှုတာ၀န်ရဲ့ ခက်ခဲမှု၊ ကွဲပြားတဲ့လူတွေရဲ့ မတူညီတဲ့အမြင်တွေ ၊ တစ်ချို့လူတွေအတွက် ခက်ခဲသလို တစ်ချို့လူတွေအတွက်တော့ ရိုးရှင်းတယ်လို့ သူက ပြောခဲ့တယ်။
အသိသာကြီးလေ။ ဒီတာဝန်က ကုမျန်အတွက် ဘာအခက်အခဲမှ မရှိဘူး။
သူမက ရေထဲက ငါးတစ်ကောင်လိုပဲ။ အချိန်တိုလေးအတွင်းမှာ အဘွားအိုရဲ့ နှလုံးသားကို အနိုင်ယူပြီး ခေါက်ဆွဲနဲ့ ဟင်းသီးဟင်းရွက်တွေ ရခဲ့တယ်။
အဲဒါက သူတို့နဲ့ ဘယ်လိုနှိုင်းယှဉ်နိုင်မှာလဲ။
လော့ချယ်က အပြင်မှာ ခဏလောက်နေပြီး မီးဖိုချောင်ထဲကို လိုက်သွားတယ်။
သူဝင်လာတော့ ကုမျန်က ရေနွေးတည်ပြီးနေပြီ။
လော့ချယ် အထဲဝင်လာတာကိုမြင်တော့ သူမက"ညကျရင် ခရမ်းချဉ်သီးကြက်ဥခေါက်ဆွဲ စားကြရအောင်" လို့ပြောလိုက်တယ်။
တစ်နေ့တာကုန်ဆုံးပြီးနောက် သူမလည်း အနည်းငယ် ပင်ပန်းနေပြီး ရှုပ်ထွေးလွန်းတဲ့ ဟင်းလျာတွေကို မချက်ချင်ပေ။လွယ်ကူတဲ့ဟာလေးပဲ ချက်ကြတာပေါ့။
ဘာပဲဖြစ်ဖြစ် အဖွားအိုဆီမှာ ခရမ်းချဉ်သီး၊ကြက်ဥ နဲ့ ကြက်သွန်မြိတ်တွေ ရှိတာကြောင့် သူမက ရိုးရှင်းပြီး လုပ်ရအဆင်ပြေကာ အာဟာရရှိတဲ့ ခရမ်းချဉ်သီးကြက်ဥခေါက်ဆွဲကို ရိုးရိုးရှင်းရှင်း ပြုလုပ်နိုင်တယ်လေ ။
လော့ချယ်က ထုံးစံအတိုင်း မကန့်ကွက်ခဲ့ပေ။ "ကောင်းပြီ၊ မင်း ကိုယ့်အကူအညီလိုလား?"
ကုမျန်က အလုပ်များနေတာကြောင့် "ရှင် ကြက်ဥကူခွဲပေးလို့ရတယ်" လို့ ပေါ့ပေါ့ပါးပါး ပြောလိုက်တယ်။
"ကောင်းပြီ"
လော့ချယ်မှာလည်း ငယ်ငယ်တုန်းက အခက်အခဲရှိခဲ့ဖူးတာကြောင့် ကြက်ဥခွဲရာမှာ အခက်အခဲမရှိခဲ့ပေ။
ကုမျန်အတွက်တော့ ချက်ပြုတ်ရတာ မခက်ခဲဘူး။
သူတို့နှစ်ယောက်က မီးဖိုချောင်ထဲမှာ ခေါက်ဆွဲအတူတူ ချက်ပြုတ်ကြပြီး ခဏအကြာမှာတော့ ခေါက်ဆွဲနံ့က အပြင်ကို တဖြည်းဖြည်းပျံ့လွင့်လာတော့တယ်။
YOU ARE READING
ဗုဒ္ဓဘာသာ၀င်မိန်းကလေးက စာအုပ်တစ်အုပ်ထဲကို ကူးပြောင်းသွားတယ်
RandomAssociated name : 佛系少女穿书日常 Author : 十六月西瓜 , shiliu yue xigua Status in COO : 253 chapters (complete)
Chapter 91
Start from the beginning