"Asus. Sobrang pakipot kana, Fia. O.A kana din sa totoo lang." pambabara ni Seeley
Nakangiti naman ako habang nakikinig sa kanila.
"Hays! Di ako O.A ah. Hayaan na nga lang natin siya." sabi pa ni Fia
"Di nga? Baka miss mo na nga si tol Kou eh. Haha!" kanchaw ni Aikee
"Hindi noh. Tama na nga yan. Tara na, tuloy na natin pamamasyal dito. Excited ako sa lahat eh."
Napatalon si Seeley sa tuwa sabay pinagdikit ang dalawang palad niya habang nagsasalita.
"Yehey, yehey! Pero, Fia.. pwede ba sa labas naman tayo? Kahit doon nalang muna tayo pumasyal-pasyal. May mga gusto din sana akong i-try na mga booths at pagkain doon. Pansin ko kasi kanina ng hindi pa tayo pumapasok dito, marami din doon sa labas at ang kaganda ng mga themes."
"Hehe sige, sige. Sa labas din tayo. Tara na mga friends." alok na ni Fia
Naglakad na ulit kami, pero nahinto ako saglit ng napalingon ako sa direksyon ng kabilang hallway at nakita ko si Shinsuke na mag-isang nakatayo sa gilid ng pinto malapit sa classroom. Nakasandal ang likod niya tapos nakatagilid yung style ng ulo niya at nakatingin lang siya sa mga taong nakikita niya doon.
Napasulyap ako sa kabilang hallway nang maalala ko sila Fia, Seeley at Aikee para tawagin sana sila at sabihin na nakita ko si Shinsuke. Pero nakita ko na malayo na sila na para bang hindi nila napansin ang paghinto ko kaya di na nila ako kasabay sa paglalakad. Nakita ko din na malapit na sila sa hagdan para bumaba patungong first floor at lumabas ng building.
Hindi ko na sila hinabol. Hinayaan ko nalang. Dahil naisip ko na puntahan ko nalang si Shinsuke at kausapin siya kung bakit mag-isa lang niya ngayon.
Suminghap muna ako ng malalim bago ako nagsimulang maglakad papunta sa kanya.
Agad siyang napalingon sakin nang makalapit ako sa kanya. Nasa loob ng bulsa niya ang dalawang kamay niya. Umayos siya ng tayo, saka niya nilabas ang mga kamay niya sa loob ng bulsa.
Kinausap ko siya at para tanungin na rin.
"Hi, Shinsuke. Bakit mag-isa mo lang dito? Nasaan ang ibang kasama mo? Sila Kurt Sha at Koutaro? Diba sila ang kasama mo? Si Heartlalus kasi, sure ako na sila Jonathan at Rhodel ang mas pinili niya na makasama ngayon."
"Kanina pa humiwalay si Koutaro para hanapin sana kayo."
"Ah ganun ba. Kaya nga eh. Sabi ni Fia kanina nagtext daw si Koutaro para tanungin kung nasaan na kami. Pero di siya nireplyan ni Fia hehehe.. bahala daw siya maghanap." sabi ko sa mahina kong pagtawa
"Eh ikaw? Bakit nag-iisa ka lang?"
"Kasama ko lang sa paglalakad sila Fia kanina. Sa katunayan kasabay ko sana silang lumabas ng building para sa labas naman kami next na mamamasyal. Pero nakita kasi kita kaya nahinto ako saglit sa paglalakad, kaso di ko naman namalayan na diretso pa rin pala sa paglalakad sila Fia, Seeley at Aikee kaya naiwan ako mag-isa. Di yata nila napansin ang paghinto ko saglit. Pero ewan ko lang kung napansin na nila ngayon na hindi na nila ako kasama. Siguro nga baka nagtataka na mga yun."
"Hmm.. baka naman napasobra ka sa pagtitig mo sa akin kaya hindi kana nakaalis pa." binigyan niya ako ng simpleng ngiti
"Hala sya.. Asa ka naman. Hindi ganun yun. Nagtaka lang ako kung bakit nag-iisa ka ngayon. Saka naalala ko, si Kurt Sha kasama mo din siya, diba? Kasama ba siya ni Koutaro na humiwalay sayo kaya pala mag-isa ka lang ngayon?"
"Hindi ako nag-iisa. Kasama ko si Kurt."
"Oh.. talaga? Eh nasaan na siya?"
Agad kong nilibot ang mata ko sa paligid. Wala siya. Hindi ko siya makita.
"Chapter 94: Anime Cafe"
Magsimula sa umpisa
