Nakita kong pumasok si Dean
Tumaas yung kilay ko nang nakita ko yung itsura nya
Pinagmasdan ko sya mula ulo hanggang paa
"Dean!" tawag ni Ced sakanya pero mukhang hindi sya narinig nito
"Ayos ha! Pogi nga! Taxi driver ba talaga yan?" tanong ni Jho pero hindi ko sya pinansin
Nakatingin lang ako kay Dean
"Dean, dito!" tawag uli ni Ced kaya napatingin samin si Dean
Naglakad sya palapit samin
"S-Sorry! Nalate ako, uhm! Medyo traffic kasi sa EDSA" sabi nya
"Okay lang, upo ka heheh!" sabi ni Ced
"Jema?"
Natauhan ako nang tawagin ako ni Ced
"*Ehem! U-Upo ka!" utos ko sa kanya
Nakataas parin yung isang kilay ko
Ngumiti sya
"Thank you!" sabi nya sabay upo, "Ahh, ito nga pala yung mga requirements ko, ito yung resume, NBI, Police Clearance, Birth Certificate, form 137, 2 valid ID at kung ano-ano pa"
Isa-isa nyang binigay sakin yung mga papel habang nagsasalita sya kaya kumunot yung noo ko
Grabe! Anong gagawin ko dito?! Sabagay mas maganda ng may mga record sya sakin!
Binasa ko yung resume nya.
Name Dean Wong, age 25, date of birth July 18, blablabla... hindi pala sya tapos ng college...
Tumingin ako sakanya
"Magkwento ka tungkol sa sarili mo" sabi ko
Ngumiti uli sya
Yung totoo ibang-iba sya ngayon kesa nung una ko syang nakilala, magaan yung awra nya ngayon
Siguro dahil nag aapply sya...
"Ahmm, pano ko ba uumpisahan yung pagkukwento?"
"Bahala ka, tungkol sa buhay mo, sa magulang mo at kung ano-ano pa" sagot ko
"Aahh, wala na akong magulang, bata palang ako nasa ampunan na ako" panimula nya
Parang nagka-interes ako dahil sa kwento nya, ganon din naman sila Ced
"Iniwan daw ako don ng nanay ko, pero habang lumalaki ako nakilala ko si Tatay Dante at nanay She, sila yung kinikilala kong magulang ngayon, dati silang nagtatrabaho sa bahay ampunan, dahil walang umaampon sakin sila nalang yung umampon sakin, may tatlo silang anak, una si Danric, pangalawa si Sab, at yung bunso naman si Dani, meron din akong kuya na tinatawag, Jessie yung pangalan nya--ahmm ano pa ba?? G-Gusto kong magtrabaho kasi gusto ko silang matulungan"
"Aawww... laki ka pala sa bahay ampunan?" tanong ni Kyla
Tumingin ako sa kanya
"Kakakwento lang diba??" pagtataray ko sakanya
"Heheh! Sorry na.. ang sungit!" sabi ni Kyla, napailing nalang ako pagkatapos tumingin uli ako may Dean
"Okay, pag-usapan naman natin yung aalukin kong trabaho sayo" sabi ko
May lumapit samin na waiter
Humingi pala ng drinks si Jho
"Wait lang, bigyan muna natin ng inumin si Dean, nagpakuha ako ng iced coffee" sabi ni Jho
Ibinigay ng waiter yung iced coffee kay Dean
"T-Thank you!" sabi ni Dean pagkatapos tumingin uli sya sakin, "Ano nga palang trabaho yung sinasabi nyo?" tanong nya
"Driver..." sagot ko
"Driver? Okay yon" sabi nya habang nakangiti, "Sinong ipagda-drive ko?" tanong nya
"Ako.. Sino pa ba? Ako yung kausap mo diba?"
"Ah s-sorry.." sabi nya
"Maliban sa pagiging driver may ipapagawa pa ako sayo" sabi ko
"Ano yon?" tanong nya pagkatapos uminom sya ng iced coffee
"Magiging boyfriend kita--AAAAYYY!! ano ba?! Ang bastos naman!" inis na sabi ko, bugahan ba naman ako ng iced coffee
Natawa sila Ced
"S-Sorry! Sorry!" mabilis syang kumuha ng tissue at pinunasan nya yung kaunting iced coffee na naibuga nya sa mukha ko
"Kainis naman eh!"
"Sorry na nga po Ma'am! N-Nangbibigla ka kasi!" sabi nya habang pinupunasan yung mukha ko
"Eh hindi pa nga ako tapos eh! Akina nga yan! Kaya kong punasan yung sarili ko!" inis na sabi ko, kinuha ko yung tissue sa kamay nya at ako na yung nagpunas sa mukha ko
Kainis! Ang lagkit!! hays!
Umupo uli sya
"B-Bakit kasi may ganon?" tanong nya
"Hoy! Uunahan na kita! Hindi kita type, okay?! Kailangan lang nating magpanggap kapag nakikita natin yung ex ko!" sabi ko
"So gagamitin mo ako?" tanong nya
"Hindi! Trabaho yon, babayaran naman kita!" sabi ko
"Ganyan ba talaga kayo mag-usap? Para kayong nag-aaway" sabi ni Kyla
"Sya kasi eh! Nakakainis! Wait nga lang! Maghihilamos lang ako!" paalam ko sakanila
Tumayo ako at nagmadali papunta sa CR
Hays! Kakainis!
Pagdating ko sa CR agad akong naghilamos ng mukha
Naiinis talaga ako! Hay! Wag ko nalang kaya syang kunin?!
Pagkatapos kong maghilamos bumalik na ako sa pwesto namin
"Bes, ano na? Tanggap na ba sya?" tanong ni Kyla sakin
Huminga ako ng malalim at tumingin ako kay Dean
Tatanggapin ko ba sya? Pero hindi ko pa nga alam kung payag ba sya eh...
"Ang tanong, payag ba sya??"
"Ayon lang, payag ka ba Dean?" tanong ni Ced sakanya
"Yung gagawin ko lang ay magiging driver at magkukunwareng boyriend para pagselosin yung ex mo diba?" tanong nya sakin
"Oo!" sagot ko
"Magkano naman yung sahod ko?" tanong nya sakin
"Sige, 20K monthly--"
"Lang?! Ang hirap kaya ng gagawin ko! Kapag nandyan yung ex mo makikipag holding hands pa ako sayo, tapos magiging sweet, tapos yayakapin pa kita, tapos ikikiss!" sabi nya
Kumunot yung noo ko
"Aba! At sinong nagsabi na magpapayakap at magpapakiss ako sayo?!" inis na tanong ko sakanya
Narinig kong nagbungisngisan yung mga kaibigan ko
Uminom si Dean ng iced coffee
"Ang labo mo naman, pano maniniwala o magseselos yung ex mo kung walang ganon?" tanong nya sakin
"Tama nga naman bes!" sabat ni Kyla
Taena! h-holding hands, yakap tapos k-kiss?!! Hindi pwede eh!
Napakamot ako sa ulo ko
Pero tama nga naman sya... pano maniniwala si Fhen kung walang holding hands? Kapag hindi kami sweet??
Huminga ako ng malalim
"Okay! May bonus kapag ganon! Kapag holding hands may dagdag na 500, kapag kailangan mong maging sweet sakin may dagdag na 1K, kapag yakap naman 1,500, tapos k-kapag kiss 2K... pero wag kang umasa sa 1,500 at 2K! Hindi ko hahayaan na mangyare yon!" sabi ko
"Ano? Payag ka na?" tanong ni Ced sa kanya
Nag-isip sya
Ano kayang iniisip nito?!
-----------
Update ulit...
Part 5
Start from the beginning
