လူလတ်ပိုင်းအရွယ်က ကန်တုံးဘာသာစကားကို နားမလည်မှာစိုးတာကြောင့် လူငယ်က တ၀က်တပျက်မန်ဒရင်းဘာသာနဲ့ ထပ်မေးလာတယ်။“ခင်ဗျား ဘာလုပ်နေတာလဲ”
ဝိုင်နီအပြည့်တစ်ခွက်ကို သူ့အပေါ် အရင်လောင်းချခဲ့ပြီး အဲ့ဒီနောက်မှာ သူ့လက်ကောက်ဝတ်ကလည်း ဖမ်းဆုပ်ခံလိုက်ရလို့ သူက ပိုဒေါသထွက်လာပြီး "CNM*၊ ငါ့ကိုလွှတ်စမ်း!"
ထိုလူငယ်က မန်ဒရင်းကို များများစားစား မသိပေမယ့်လည်း ကျိန်ဆဲတာကိုတော့ သူနားလည်ဆဲဖြစ်တယ်။
သူ့မျက်၀န်းတွေက အေးစက်စက်ဖြစ်သွားပြီး ဒူးပျော့ခွေနေတဲ့လူလတ်ပိုင်းအရွယ်ကို ကန်လိုက်ကာ ကြမ်းပြင်ပေါ် ဒူးထောက်စေလိုက်တယ်။
လူလတ်ပိုင်းအရွယ်က မျက်နှာပျက်သွားပြီး သူ့ကို ကြိမ်းမောင်းတော့တယ်။ စားသောက်ဆိုင်တစ်ဝိုက်မှာ သူ့ရဲ့ဆူပူကြိမ်းမောင်းသံတွေပဲ ပဲ့တင်ထပ်နေတယ်။
ဖောက်သည်တော်တော်များများက သူတို့ကိုကြည့်နေကြတယ်။ ဟိုတယ်မန်နေဂျာနဲ့ စားပွဲထိုးတွေကတော့ ခပ်သုတ်သုတ်ပြေးလာနေကြပြီ။
လူငယ်က အခြားသူတွေကို မကြည့်ဘဲ သူ့ရှေ့မှ ကုမျန်ဘက်ကိုလှည့်ကာ ချာတူးလံမန်ဒရင်းဘာသာနဲ့ "သူ တစ်ခုခု လုပ်သေးလား?"
ကုမျန်ခေါင်းခါလိုက်တယ်။ လူလတ်ပိုင်းအရွယ် အမျိုးသားက သူမရဲ့ပခုံးကို ထိလိုက်ရုံပါပဲ။
လူလတ်ပိုင်းရဲ့သူငယ်ချင်းက ကုမျန်ဆီ အလျင်စလို ပြေးလာပြီး သူ့သူငယ်ချင်းက အရက်အလွန်အကျွံသောက်ထားလို့ သူ့စိတ်က အသိစိတ်မ၀င်နေတာဖြစ်ကြောင်းပြောရင်းနဲ့ ထပ်ခါထပ်ခါတောင်းပန်ခဲ့တယ်။
လူငယ်က အခြားသူတွေကို လျစ်လျူရှုထားပြီး လူလတ်ပိုင်းအမျိုးသားရဲ့ ခေါင်းကိုသာဖိထားကာ ကုမျန်ကိုအတင်းဦးညွတ်စေပြီး နောက်ဆုံးမှာတော့ သူမကို တောင်းပန်ဖို့ တောင်းဆိုခဲ့တယ်။
လူလတ်ပိုင်းရဲ့သူငယ်ချင်းက သူ့သူငယ်ချင်းက တဏှာရူးပြီး ကလေးမလေးကို ကိုယ်ထိလက်ရောက်သွားစော်ကားတာ ဖြစ်လောက်မှန်း သိပေမယ့်လည်း သူ့သူငယ်ချင်း ဒီလိုဆက်ဆံခံရတာကိုမြင်တော့ အနည်းငယ် ဒေါသထွက်နေသေးတယ်။ သူက ဒေါသထွက်နေတဲ့အမူအရာနဲ့ လူငယ်ကို လက်ညှိုးထိုးပြီး "ဟေး မင်းနဲ့ဘာဆိုင်လို့လဲ၊ သူဘယ်သူလဲဆိုတာ မင်းသိလား တအားမလွန်လာနဲ့၊ မဟုတ်ရင် နောင်မှာ မင်းဒုက္ခရောက်လိမ့်မယ်"
YOU ARE READING
ဗုဒ္ဓဘာသာ၀င်မိန်းကလေးက စာအုပ်တစ်အုပ်ထဲကို ကူးပြောင်းသွားတယ်
RandomAssociated name : 佛系少女穿书日常 Author : 十六月西瓜 , shiliu yue xigua Status in COO : 253 chapters (complete)
Chapter 76
Start from the beginning