صدم الجميع وشهق البعض بينما صُعق تاج وسروة التي تجمدت مكانها، تشعر كأن دلو من الماء المثلج سُكب عليها، ناظرت روفان التي تنظر لها بخبث كأنها مازالت تستوعب ما سمعته أما تاج فصُدم بشدة واتسعت عيناه فكيف عرفت روفان أمر سري وحساس كهذا؟
شعر برجفة سروة جانبه فأفاق من صدمته بسرعة، قست ملامح وجهه وظهرت الشراسة عليها هادرًا بحدة: إيه الكلام الفارغ ده؟ أنتِ إزاي تتجرئي تقولي حاجة زي دي على مراتي أنتِ اتجننتِ؟
أمالت روفان رأسها جانبًا تحدق إلى سروة بتشفي من مظهرها ثم ردت على تاج ببراءة مصطنعة: ليه هو أنا قولت حاجة غلط مش دي الحقيقة؟
تقدم تاج خطوة للأمام يحكم على قبضة يده بشدة والحنق والغضب يملأن صوته ووجه يقول من بين أسنانه: طعنك في شرف مراتي ده مش هيعدي بالساهل هندمك على كل كلمة كدب قولتيها دلوقتي في حق مراتي!
اغتاظت روفان من دفاع تاج الشرس عن سروة كما لم تتوقع منه فتابعت بحنق غير واعية بما تقوله: كدب؟ هو إيه اللي كدب أنها كانت حامل قبل الجواز ولا أن أبوها دخل المستشفى بسببها وبسبب فضيحتها وأنها واحدة******
شهق الجميع من اللفظ الذي أطلقته روفان على سروة فاحمرت عيون تاج من شدة الغضب وتغيرت ملامح وجهه حتى غدت عنيفة، وغلت دماءه في عروقه حتى أن روفان خافت منه وانتبهت لزلة لسانها الكبيرة، تقدم تاج بخطوات واسعة نحو روفان فتراجعت خطوة للخلف وفي لحظة مباغتة رفع يده لأعلى وهوى بها على وجهها بصفعة قوية حتى أنها صرخت بألم وقد مال وجهها للناحية الأخرى.
أمسك روفان من ذراعها بقسوة حتى أن آهة خافتة أفلتت منها من الألم، رفع تاج ذقنه لأعلى ووجه بصره للجميع وهو يتحدث بصوت عالي واثق يملؤه الكبرياء: الكل هنا يسمع ويركز كويس في كلامي، مراتي اللي هي في نفس الوقت بنت خالي أشرف من الشرف نفسه.
ثم حدق لروفان التي تضع يدها على جانب وجهها بألم وأكمل حديثه من بين أسنانه: وواحدة زيك تيجي تقول عليها كلام زبالة وتحاول تشوه سُمعتها قدام الناس دي حاجة أنا مش هسمح بيها ولا هعديها أبدا! أنا أقطع لسانك قبل ما تفتحي بوقك مرة تانية علشان تقولي نص كلمة عليها!
هزها بعنف كالدمية مُتابعًا بنبرة تهديد: واللي حصل النهاردة أنا مش هعديها وهرفع عليكِ قضية تشهير علشان تتأدبي وميخطرش على بالك تفكري فيها مش بس تجيبي سيرتها!
وضعت روفان يدها الأخرى على ذراعها من المكان الذي يُمسكها تاج لأنه بدأ يؤلمها بشدة تحاول الإفلات منه وهي تقول بعدم تصديق ممزوج باهتياج: أنت بتمد إيدك عليا يا تاج؟ بتمد إيدك عليا وبتقولي أنا الكلام ده!
هزها تاج بقوة أكبر قائلًا باحتقار: وأقطع لك لسانك قولتلك مرة، عُقد النقص اللي عندك تروحي تطلعيها في مكان تاني وعلى حد تاني مش على مراتي! واللي عملتيه النهاردة ميثبتش غير انك واحدة مريضة محتاجة تروحي تتعالجي.
YOU ARE READING
تراتيل الهوى
Romance"حامل إزاي؟ دي بس آنسة!" "أنا لازم أقتلها وأخلص من عارها!" " وأحلامي ومستقبلي كل دول يضيعوا كدة؟" "لا تُحتمل هذه الحياة، لم أعد احتملها أو أتقبل وجودي بها " هى...تحمل سرًا موجعًا لا تقدر على البوح به حتى لو تحتم نهايتها فيصبح دليل إدانتها الحتمي. أم...
