وأنا فِي مَوج حُبك شراع يتهادىٰ

البــارت السادس والثـلاثـون

عند الحريـم
كانوا الحريم الكبار يسولفون والبنات يلعبون
حليمه : قوموا حياكم على الغداء مسوينه العيال
سلوى : ما شاء الله عليهم الله يوفقهم
راحوا الحريم والبنات يتغدون
كانو البنات جالسين يتغدون
نطقـت ديما وهي تتلذذ بالطعم: ما شاء الله معقوله العيال يعرفون يطبخون
غادة : اي معقوله كيف اصارحك ان عادل هو الي يطبخ لنا اذا طلعنا
غيداء : اكله لذيذ طبعاً هذا جزء من طبخه هو واحمد
غادة : طباخين العائلة
شوق : ما شاء الله عليهم صدق
ديم : شرايكم يا بنات بعد الغداء نروح بالبقي والدبابات نتمشى في المخيم او برا المخيم
غادة : والله تم
خلصوا البنات وقامو لـلخيمه الثـانيه يجلسون
شوق : اذا بنطلع برا المخيم نتمشى بدق على صالح اقول له
ديم : طيب دقي عليه لان اعتقد بنطلع
شوق : لا تتوزعون انتظروا الين اجي
راحت شوق بعيد عنهم تدق على صالح
—

عنـد العـيال
الي خلصوا من الغداء وجلسوا يلعبون بلوت وبحماس
كان صالح وراكان مع بعض وعادل واحمد مع بعض
في نص اللعبه دق جوال صالح
صالح : دقيقه بس وجايكم
قام صالح وطلع برا الخيمه
صالح : هلا ياقلبي وش بغيتي
شوق : صالح ترا بطلع انا والبنات نتمشى برا المخيم
تردد صـالح لكن نطق: طيب انتبهوا على نفسكم ولا تبعدون واذا حسيتي انكم ضيعتوا دقي علي واجيك
شوق : طيب يالله باي
سكر صالح ولف بيرجع لـلخيمه قابـله رائد
رائد : هذول البنات
صالح : اي يقولون بيطلعون يتمشون برا المخيم
رائد : لايكون سمحت لهم
صالح : اي سمحت لهم مارح اقول لهم لا تطلعون ما ابيهم يشكون في الوضع
دخلوا صالح ورائد عند العيال يكملـون لعب ..
—

عنـد البنـات
انتهت شوق من مكالمة صالح
شوق : يالله مشينا ، من الحين اقول لكم بسوق البقي
اشواق : انا معك
ديم : تبون تركبون الدبابات ولا في الليل احسن يعني الحين البقي وفي الليل الدبابات
ديما : احسن نخلي الدبابات في الليل وبس بكيفكم الي يبغا يركب الدباب بس قلت عشان اذا طلعنا من المخيم ما نضيع
غيداء : انا بسوق البقي الثاني اجل ، مين بيروح معي
غادة : انا بروح مع شوق
ديما : انا بعد
شيهانة : وانا
غيداء : اجل ايار و ولاء و ديم معي
ركبوا البقي  وانطلقوا
قعدوا يتسابقون بـالبدايه وبعدين قعدوا يتمشون ويفحطون ، الين وصلوا البوابه
لفـت شوق: غيداء تعرفين المكان زين صح ؟
غيداء بتردد : اي اعرفه
شوق : خلاص اجل انتي الي بتعلمينا الطريق
غيداء : طيب تبونا نطلع على الطعس الي قدامنا
ولاء بحماس : اي تكفون خلونا نطلع فيه ونتسابق
غادة : اي تكفون
غيداء : ما اعرف اطلع فوق اطلعي قبلي وانا بطلع بعدك
شوق : طيب
طلع البقي حق شوق وبعده البقي حق غيداء
وقفوا في قمته ونزلوا
ولاء : يالله نتسابق اخر واحد ينزل هو الخسران
شّمـرت اشـواق بنطلونها : دقيقه خلونا نتجهز
صفوا البنات كلهم
شيهانة : 1...2...3
نزلوا البنات بسرعه وما قدروا يتحكمون في رجولهم الي انطلقت ولا قدرت تتوقف
شوق بضحك : بنات ما اقدر اتحكم في رجولي
اشواق بصـراخ: ههه حتى انا
لفوا كلهم  يوم حسوا ان وحده من البنات طاحت
لقوا ديم تكورت على نفسها وطاحت
شيهانة : يمه ديم ليكون صار فيها شي
وقفوا البنات بـ القوه ولفوا على ديم الي جلست مكانها وقعدت تصيح
ديم وهي تصيح : وجع دخل التراب في فمي وصرت كلي تراب
ايار وهي تضحك : ههههه شكلك خرافييي
ديم والي زاد بكاءها : وجع بدال ما تساعديني قاعدة تضحكين علي
شيهانة وهي ماسكه ضحكتها : ياقلبي قومي
قامت ديم بمساعدة البنات ونفضت التراب منها
شوق : معي مويا في البقي بس لازم نرجع نطلع الطعس امشوا
ولاء : طيب مين الي فاز
اشواق : ما امدانا نشوف خرعتنا ديم يوم شفناها متقلبه كانها مسويه حادث
طلعوا البنات الطعس واعطت شوق ديم المويا تغسل
جلسوا البنات على التراب ومددوا رجولهم شوي
غادة : ايه وين الوجهها
غيداء : تبونا ننزل من الجهة الثانيه عكس المخيم وبعدين نرجع
شيهانة : اي
شوق : اجل يالله قبل تغرب
ركبوا البنات ونزلوا من الطعس وقعدوا يتجولون حـول نص ساعة
شوق بـ ورطه : بنات تعرفون طريق رجعتنا
غيداء بتوتر : اي من هنا اعتقد
اشواق بـحلطمه: تقول اعتقد عز الله كدينا خير
مشى بقي غيداء ووراه شوق
وقفت غيداء بورطه : يابنات شكلنا ضعنا
صـرخت غادة : شاطره يا غيداء ضيعتينا
غيداء : وش دخلني انا
شوق : طيب ندق على واحد من العيال يجينا
مسكوا البنات جوالاتهم
شهقت ولاء : وجع مافي تغطية
نزلوا البنات يدورون تغطية
اشواق : الي منكم تمسك التغطية معها تتصل على طول
تفرقوا البنات بس ما بعدوا عن بعضهم
محد فيهم مسكت معه التغطية الا شوق
دقت شوق على صالح وقعدت تنتظره يرد : رد يا صالح
كان صالح مع عادل قاعدين يسوون القهوة والشاهي وناسي جواله في الخيمة الكبيره الي فيها العيال
عند العيال الي جالسين يلعبون ومتحمسين فجاءة جوال صالح يهتز
انتبه له رائد وقام : كملـو العب انا بطلع شوي وجاي
طلع رائد وراح لـصالح الي كان مشغول : صالح جوالك يدق
صالح : مو فاضي الحين انا
طلع رائد من عند صالح و رد رائد على شوق
شوق بورطه : الو صلوح ما بغيت ترد المهم ترانا ضعنا مدري وين احنا
رائد : انا رائد صالح مشغول
سكتت شوق للحظة تستـوعب ( اي عز الله كدينا خير وش يبي ذا وش جاب جوال صالح بيده)
رائد بخوف :وين انتم الحين
شوق : مدري بس الي اعرفه انّ ورا الطعس الي مقابل المخيم بس ايش بعدنا مدري
رائد : طيب لا تتحركون وخليكم مكانكم بجي الحين
سكر رائد منهم وجاء بيركب الدباب بيروح لهم
احمد وهو ينادي رائد : رائد وين رايح
لف عليه رائد : بروح اجيب البنات
احمد : ليش وينهم
رائد : مضيعين
احمد : اجل بروح معك
ركب كل واحد فيهم على دباب واتجهوا لـلبنات
—