صقر الظلام

صقر الظلام الأخيره

والله الغظيم انا بعتذر منكم حاولت أفتح التطبيق من إمبارح مش راضى يفتح معايا من باقة الفون والواى فاى عندى كان واقف مش شغال اسفه ليكم
صقر الظلام الأخيره
****************
سبحان الله والحمد لله ولا إله إلا الله والله أكبر ولا حول ولا قوة إلا بالله
سبحان الله وبحمده وسبحان الله العظيم
الله أكبر ولله الحمد والشكر على نعمك التى لا تحصى ولا تعد
لا إله إلا انت سبحانك إنى كنت من الظالمين
اللهم صل وسلم وبارك على سيدنا محمد وعلى آله وصحبه اجمعين
🤎🤎🤎🤎🤎🤎🤎🤎🤎🤎🤎🤎🤎🤎🤎🤎🤎🤎
تاليا مع ساميه بتجيب باقى حاجتها الخاصه من لبس وتنظيمات وهكذا
ساميه بتعب : أنا خلاص مش قادره خسيت النص الجواز مش صعب كده
تاليا بصتلها وأبتسمت : فعلا مش صعب كده إيه كمية الكلكعه دى .. تخيلى كده مطلوب من بنوته فقيره تجيب ده كله وتجهز نفسها عشان واحد يجى يشيل على الجاهز
ساميه ميلت راسها : لا يا تاليا حرام عليكى ده عصام جايب بلاوى بردو
تاليا قعدت جمبها وبجديه : البلاوى دى حضرتك بتمليها بدم قلبك وقلب أهلك  .. البنت عشان تتجهز دلوقت يا ساميه عايزا أكتر من مليون جنيه .. ليه وعشان ايه .. دولاب لبس ومفروشات وفوط .. المطبخ نطرت ايديها .. إمليه يا حبيبتى حلل واطباق وأطقم ورافيع وكوبيات وكاسات .. سجاد .. ستاير .. تنجيد .. أجهزه كهربائيه .. نطرت ايديها .. ايه فى إيه والبنات فعلا فعلا بتنتقم من اهاليها .. مع احترامى ليكى ابوكى الحمد مرتاح ومعاه وتقريبا كده قفل السكه فى وشك خمس تلاف مره عشان فلوسك خلصت وعماله تسحبى منه
ساميه ضحكت : أنتى خدتى بالك .. أدهم ده مش عاجبه حاجه
تاليا هزت راسها : لا فعلااا كتير ومفيش تاجر بيرحم .. مفيش حكومه بترحم .. الناس تعمل ايه وسط أتنين مش شايفنهم أصلاااا
ساميه ضمت شفايفها : معاكى حق والله يا تاليا لما طبقتنا أساسا بتقول كده إمال إللى تحت يعملو إيه .. الغلابه فعلا يعملو ايه عشان كده الجواز قل  جدااا حتى الدهب بقى لطبقات معينه فقط مش من حق العروسه تفرح بشبكه
تاليا : ياريت فعلااا الأهالى ترحم ولادهم سواء من العريس أو العروسه وإلا قادر يجيب حاجه يجيبها والا مش قادر بعدين واحده واحده زى ما اهلينا كانو بيعملو زمان
ساميه مدت ايديها : بس فى حاجه
تاليا هزت راسها : ايه
ساميه : المفروض يعنى مفيش شاب يبقى مرحب بيه وهو عاطل او مستنى مراته تصرف عليه .. يروح يشتغل ان شالله يشيل رمل وزلط ويمشو حياتهم على كده انما يتنيل يتجوز ومستنى مراته واهله يصرفو عليه لاء
تاليا بصتلها : بأيدك طبعااا وبشده المفروض مش يقولو السجن للرجاله المفروض يقولوو الجواز للرجاله
الويتر قرب منهم : تطلبى ايه يافندم
ساميه بصتله :  عايزين ناكل
الويتر أبتسم : اتفضلى اطلبى
ساميه بصت لتاليا : إيه رأيك مكرونه وبانيه
تاليا : أى حاجه
ساميه أدته الاوردر ومشى : بس مين بيتكلم دانتى ومامتك الست القمر الكميله دى شافطين البلد فى كرشكم يا تاليا هانم ..
تاليا ضحكت : مش عايزا اقولك الست الجميله دى هى فعلا جميله .. يخربيتك ياعمى تحرمنى من أمى طول العمر عشان بتحبها أمال لو كنت بتكرها كنت عملت فيها ايه تانى
ساميه : بصراحه يا تاليا  قصتك غريبه قوى
تاليا : مفيش أغرب من اليومين إلا بنعيشهم حضرتك .. ساميه .. عصام مجابش سيره عن ادم
ساميه مدت بوذها : والله لاء وبعدين عصام فى شغله سكتم بكتم ماتعرفيش تطلعى بمعلومه واحده خنيق وأنا بصراحه بكبر دماغى هو حر اشغل بالى بشغله ليه
تاليا خدت نفس طويل : وحشنى قوى وسايب فراغ كبير يا حبيبى
ساميه ببتسامه حطت ايديها على خدها ونظرها على تاليااا : ياعينى ياعينى على الحب وسيرته
تاليا أتنهدت : أنا لا لحقت احب ولا أتجوز مظلومه ظلم بين يأختى يجى بس ويبقى جمبى عندى بالدنيا وإلا فيها
ساميه بتنطر ايديها : هى مشاعر السهوكه كده فى اولها بعد كده بتطرديه من الاوضه دى للأوضه دى للصاله ثم للشارع يلف مع أصحابه
تاليا : ههههههههه ماهما إللى ناس خنيقه يا ساميه يخلى قعدته حلوه فى البيت ما يبقاش نكدى ويعلق على كل حاجه
ساميه بصتلها بتمعن : هو أدم بيعلق على كل حاجه
تاليا بصتلها بجمب عنيها وهبت فى وشها : ده فظيع .. كلمة فظيع دى شويه حاشر مناخيره حتى فى المطبخ ورانى الويل أنا وراندا الله يمسيها بالخير بقى علم البت ازاى تعمل عمليات جراحيه فى الطبخ
ساميه ضحكت من قلبها ومسكت ايديها : هى فين تعرفى عنها حاجه
تاليا : ولا أى حاجه فتحت صفحتها كذا مره اخر مره إمبارح لقيت تقريباااا حاذفه كل صوارها كنت فاكره انها هاتيجى تقولى حمدالله على السلامه وتخطف عيل هههههه .. وحشتنى والله
ساميه : دى ضرتك
تاليا بصتلها : هى وحشتنى كا راندا مش كا ضره
الويتر نزل الأكل وهما بيرغو فى كل حاجه يدخلو موضوع يخرجو منه على غيره وهكذا  ..
**
راندا قاعده بتلعب مع ولاد أخوها فهد بيعدى من قدامها بالعصايه بتاعته شاور بيها ومكمل .. قامت تجرى عليه : رايح فين
فهد : نازل أقابل صحابى وحشونى
راندا أبتسمت : أدم
فهد بنفى : لاء  أدم مش ظاهر شكله فى شغل مش موجود اصلااا ..
راندا قلبت شفتها : طب ماتاخدنى معاك
فهد ضم حواجبه : تروحى فين بقولك صحابى
راندا : أنا مالى ومال صحابك يا فهد .. عايزا أجيب هديه وابارك لتاليا حاجه كده تليق بكل حاجه حلوه هما السبب فيها
فهد أبتسم : على فكره ممكن مراته تفهمك غلط
راندا بنفى : لاء مش هاتفهمنى غلط ريح نفسك .. الأعمال بالنيات وانا نينى خير
فهد ضحك : شيخه راندا كل كلمه هاتقولى لنا حاجه م الدين
راندا بصتله ورفعت حواجبها : الدين الحياه يا أستاذ فهد .. الدين هو إلا بيعلمك ازاى تعيش حياتك فالازم كلامى يبقى منه
فهد نطر ايده : خلاص خلاص إهدى هى كده أى حاجه فى أولها بيبقى فيها حميه وإندفاع روحى ألبسى ياله
راندا قربت منه ؛ هى مراتك هاتفضل لازقه فى اوضتها
فهد خد نفس : عايزا تسافر بتقولى نووو مصر
راندا قلبت وشها : ليه بتقرصها
فهد ضحك بصوت عالى : ايه يابت اللماضه دى .. تقريبا كده بتقرصها فعلااا ياله سيبك منها إنجزى
راندا طلعت جرى غيرت هدومها ونزلت لابسه طقم فى منتهى الشياكه بالحجاب وشنطتها ..
فهد بغمزه : لااااا كده انتى راحه تشعلى فتيل الغيره والفتنه
راندا ضحكت : يابنى بطل .. ياله عشان لسا ها الف مش عارفه اجيب إيه نزلت معاه جابت لهم لبس كتير جدااا وكل بنوته طقم دهب والولد خاتم .. شالت الهدايا فى العربيه ونزلت عند شقة تاليا لانها راحت شقة أدم الاول مالقتش حد . رنت الجرس وفعلا اتفتح الباب
تاليا الأم : مين ليزا
ليزا بصت لتاليا : نو ماما مش عارف واهد ست
راندا بإستغراب : تاليا موجوده
ليزا شاورت : ااه موجود
تاليا الأم قربت بصتلها بإستغراب : مين حضرتك
راندا ببتسامه : أنا راندا بنت صالح .. معلش هى تاليا موجوده مش دى شقتها
تاليا بتأكيد : أيوا اتفضلى
راندا اتكلمت فى الايربودز .. خلاص أمشى أنت موجوده .. لا يا حبيبى مع السلامه .. شالت الشنط ودخلت جوه قعدت وتاليا الأم فهمت ان دى ضرتها كانت بتتفحص راندا بتفرزها .. أبتسمت .. تحبى تشربى إيه
راندا ببتسامه : ولا حاجه .. بس فين تاليا
تاليا الأم : هى على وصول خمس دقايق هاتلاقى الجرس بيرن .. أنتى مرات أدم التانيه
راندا بصتلها وحست بنغزه لما قالت مراته هزت راسها بنفى وببتسامه باهته :  طليقته
تاليا الأم شهقت : أتطلقتو أمتى
راندا بإستغراب : ممكن أعرف حضرتك مين
تاليا الام ببتسامه : أنا أم تاليااا
راندا ضمت حواجبها : مش أم تاليا ماتت
تاليا شاورت على نفسها : أنا أمها .. إللى ماتت مرات ابوها
راندا شهقت : أوووه .. طنط ناديه تبقى مرات ابو تاليا ههههههه مش ممكن .. وحضرتك كنتى فين
تاليا الأم بصتلها وبجديه : صالح أبوكى ما قالكش
راندا فتحت ايديها بإحراج : لاء أنا اسفه انى بتدخل فى حاجات عائليه
تاليا الام بنفى : لا يا حبيبتى أسألى براحتك  .. أكتفت انها تقول لراندا جزء بسيط سلطان وانا بنته ومرات هشام الله يرحمه وكنت  بتعالج بره ..
راندا : حمدالله على سلامة حضرتك
تاليا الأم بإستغراب : بس إيه سر التغير الجميل ده
راندا ضحكت : الحمد لله ده تغير من عند ربنا ملناش يد فيه ..
الباب اتفتح وتاليا اول ما شافتها تنحت .. راندا قامت فتحت إيديها .. توتو وحشتينى
تاليا شهقت : مش ممكن .. إيه ده .. قربت منها حضنتها وهى بتضحك .. راندا .. حضنتها تانى .. ده حلم وإلا علم
راندا زقتها : علم اهووو إيه رأيك وبتلف قدامها
تاليا بحماس : لااااا قمر شكلك جايه تدايقينى
راندا بنفى : لا والله .. أنتى وحشتينى جايه اعتذرلك عن كل إساءه صدرت منى واباركلك على الببيهات .. ضحكت .. ماشاء الله تلاته يا جباره
تاليا قعدت بعد ما سلمت على مامتها : عشان تعرفى انتى وجوزى كنتو ضاغطين عليا ازاى وانا أصلا مضغوطه 
راندا بفضول وتشوق : نفسى اشوفهم محرجه اطلبهم من طنط
تاليا : ليزا  بليز بيبى بسرعه
إليزا بضحكه ؛ بيبى كله
تاليا بتاكيد : أيوا .. مسكت ايد مامتها .. أتعرفتى على ماما
راندا ببتسامه : ايوا وفرحتلك قوى ..
تاليا الأم بصت لتاليا : مقولتليش ان أدم طلق راندا ليه
تاليا لفت وشهقت : نعم .. بصت لراندا وشاورت .. ادم طلقك
راندا : ماتعرفيش
تاليا فردت ايديها : والله ماعرف غير دلوقت .. طب ليه
راندا هزت راسها : كده أفضل خلينا حبايب وأصحاب
تاليا برغم انها فرحت جدااا بس فعلا زعلت عليها .. جابت الببيهات وقعدت تهزر معاها وتقولها مش هاتخطفى حد فيهم وفرجتها على الهدايااا وفرحت بيهم جدااا فضلت مع تاليا وأمها طول اليوم لحد ما الليل هجم وعدى عليها فهد خدها ومشى .. قضت يوم جميل جداا رغى ولعب مع أولاد أدم .. واتعرفت على تاليا الام وخدت رقمها  ..
مر  يومين كمان وحال ابطالنا مستقر زى ماهوو .. الكل بيجهز لفرح عصام وساميه .. بيلبسو وبيلفو حوالين نفسهم اصدقائه كلهم بلا استثناء موجودين ماعدا أدم ..
ساميه طايره من الفرح .. عزت مش مصدق ان اخيرا إبنه الكبير ها يتجوز .. أدهم حالته حاله كأنه بيجوزها لأول مره ولأول مره هاتبعد عن حضنه ما بطلش عياط ومحمد يقوله دى جنازه والا جوازه ههههههههه .. لما زعقلو .. قالو دانت كأنك رامتها فى البلكونه إللى قصادكم  هههههه
ساميه بتلبس الفستان وتاليا معاها بصالها ومبسوطه بيها قوى حست للحظات إنها نفسها تلبس الفستان الابيض زيها وتعيش إحساسها من الفرحه .. الكل حواليها والكل مهتم بيها بيقدم لها كل شئ .. حضنتها جااامد وعيطت
ساميه عيطت هى كمان : مش عايزا أزعل .. والله ربنا ها يجبر بخاطرك ويرجع بالسلامه
تاليا أتعدلت وبصتلها بتمسح دموعها : أنا اسفه يا ساميه مش قادره أمسك نفسى
ساميه بعياط على ضحك : ولا أنااا .. تاليا انا متلخبطه حاسه بحاله غريبه عليا كأنى اول مره اتجوز وأعيش الإحساس ده
تاليا أبتسمت : ربنا يسعدك يارب ..
منال داخله بهوليله كبيره برغم تعبها مازالت تعبانه لم تتعافى ومعاها توحيده وثريا وكريمه وأمانى كلهم بيزغوطوووو
تاليا الأم وأميره ضحكو قوى عملو حس بدخلتهم
منال : أبله ساميه اخيرااا
ساميه بضحكه : أيوا اخيرا يا منمن .. أخيرا .. تعالى فى حضنى يا مضروبه
مناب بضحكه عسل : أنى فعلا مضر.وبه طلقه من ابويا الله يرحمه  حضنتها جااامد وباستها خمسين بوسه
أمانى زقتها : دورى يا منال مالك كده هاتكوشى على الأبله لوحدك
ساميه : وسعى يابت .. تعالى فى حضن  أخوك يا فواز .. وحضنتها يليها ثريا وتوحيده وكريمه .. ونزلو قرص فى ركبة ساميه لما أتهرت قرص هههههههه
ساميه اتفاجئت براندا وجمالها وشكلها  الغير متوقع لما دخلت عليها باركت لها بكل حب وموده .. اختلف من شخص لشخص .. اتبدلت لحد تانى ملامحه القديمه ربنا محاها من افعالها ومن وشها ومن كل شئ ...
ساميه بفرحه : لااااا أنتى خلفتى كل الظنون .. هاتشجعينى أستمر على طول
راندا شاورت :  أتدلعنا كتير دلع ماسخ أن الأوان ندلع دلع حلو ومسكر زينااا أستمرى ربنا يعينك ويعنى
ساميه هزت راسها : يا سيدى يا سيدى .. يعنى اسمع كلام عصام
راندا : طبعاااا .. بصت لتاليا لاحظت انها مش طبيعيه وحزينه جدااا قربت منها وخدتها على جمب وبهدوء : مالك يا تاليا
تاليا بصتلها وأتخنقت بالعياط .. راندا سحبتها من ايديها وطلعت بيها بره مسحت دموعها .. فى إيه
تاليا هزت راسها بنفى : مفيش أدم وحشنى نفسى حد يطمنى عليه
راندا هزت راسها : أدم دايما يغيب بالشهور عادى .. أبتسمت .. خليكى صبوره أكيد لو رجع ها يجرى عليكى هو بيحبك قوى يا تاليااا .. بيحب بيته وعياله كل كلمه منه بتقول كده .. بتقول انتى عنده رقم واحد فى الناس إللى حواليه
تاليا أبتسمت : اتكلمتى معاه كتير ياراندا
راندا خدت نفس وخرجته : الفتره الاخيره اااه .. كنت تايهه قوى ومحدش بيسمعلى ..  عنده صبر وطول نفس  أجبرنى الجئ له
تاليا : اطلقتى ليه
راندا ميلت راسها : المفروض تكونى فرحانه
تاليا هزت راسها : ما أنكرش إنى فرحانه لتفضيله ليااا وإنه اكتفى بوجودى انا وولادى .. بس ليه لما ارتحتى لأدم وحبيتى وجوده فى حياتك وكان سبب من اسباب تغيرك اطلقتى منه .. ماكملتيش  معاه واتنازلتى بسرعه كده 
راندا قعدت على كنبه الانتريه وتاليا قعدت جمبها  أتكلمت من قلبها : تفتكرى أدم ها يغفرلى حياتى القديمه .. هايغفرلى إنى كنت سبب الحادثه وكان ها يموت على إيدى
تاليا شهقت وحطت ايديها على بوئها : أنتى يا راندا.. مش ممكن
راندا ضمت حواجبها بإستغراب : معقول ماتعرفيش ولا قالك
تاليا هزت راسها بنفى : لاء
راندا سرحت : هو كتوم قوى كده .. أزاى يتحمل جواه كمية الاسرار دى .. ما حاولش يشوه صورتى حتى بصت لتاليا ومسكت ايديها .. حافظى على جوزك  اوعى تفرطى فيه وخليكى واثقه منه فى كل حاجه بيعملها
تاليا فتحت ايديها : يرجع بس وأنا موافقه اعمل بكل نصايحكووو
راندا ابتسمت : هايرجع إن شاء الله .. فين حبايبى
تاليا شاورت .. نايمن جوه فى اوضة عمو أدهم .. تعالى سلمى عليهم ..
راندا ضحكت : بصراحه وحشونى وحسيت ان نفسى اشوفهم والعب معاهم بس خوفت اجيلك تقولى بتتلكك
تاليا ضحكت : ياستى اتلككى ولا يهمك .. خدتها ودخلت الاوضه فضلو يلعبو معاهم كتيررررر ..
راندا حاضنه فيروز : هى شبه مين .. دى جميله قوى وعيونها ماشاء الله حته من الجنه
تاليا ضحكت : الهانم واكله الجو من مليكه فى منافسه .. دى شبه فيروز مامة أدم
راندا ضمت شفايفها وقالت بصوت عالى : ياخرررراشى على الرقه والجمال .. يارب أرزقنى زيها يارب لما أتجوز بصت لتاليا .. بس على فكره مليكه لا تقل جمال عنها كل واحده فيها جمال خاص ..
تاليا بتأكيد : طبعاا سبحان الله الجمال عمره ماكان الشكل بس .. الجمال فى حاجات كتير جدااا بتوصل للناس بإحساس وطرق مختلفه
راندا قامت ؛ سيبى الاولاد للبيبى ستر وتعالى عشان ساميه ماتزعلش .. طلعو برا وكل واحده لبست وجهزت تمام .. والميكب ارتست خلصت لساميه وانتظرو عصام يجى ياخدها .. العربيات بدأت تهل ورا بعض وضرب ناااار كأنها حرب تحت .. وصوت الرجاله وضحكهم واصل لفوق ..
أدهم دخل وأول ما دخل شال ساميه  جوا حضنه بقى يهزها من كتر ماهو حاضنها باسها جااامد وبفرحه : ألف ألف ألف مبروك يا حبيبتى .. ألف مبروك يا ضى عيونى
ساميه ببتسامه بتحوش الدموع بالعافيه وطت على أيده باستها : الله يبارك فيك يا حبيبى .. حضنته تااانى
أميره : ياله يا أدهم إبنى واقف تحت كفايه عليه كده
كلهم : هههههههه
أدهم اتعدل وانكج ساميه ونزل بيها والكل نزل وراه .. عزت قرب منه ضمها وباسهاااا وانكجها راح لعصااام قرب منه بيسلمه دلوعة العيله وفرحتها .. البنت الوحيده فيهم ..
عصام ضم أبوووه بحب وباس راسه وإيده .. ولسا ها يقرب على ساميه محمد دخل فى النص بينهم
كل إللى واقفين ضحكو بصوت عالى جداااا
عصام زقه : يأخى روح بقى
محمد بضحكه رايقه : مبرووووك يا سوسو .. هاتى حضن
عصام زقه : غور بدال ما اضربك قدام الناس
ساميه : ههههههه عقبالك يا حمدااا
محمد رفع ايده لفوق : يااارب افرجها بحته حلوه تطرى عليا حياتى
عصام قرب منها باس أورتها وانكجها قرب من العربيه وكل واحد رفع الطبنجه بتاعته وبقى يضرب فوق فى السمااا .. ركبها وركب جمبها .. ومحمد هو إلا بيسوق العربيه هههههه
عصام ضربه : أنت ورايا ورايااا
محمد : ههههههه لو فاكرين انكو هاتعرفو تخلصو منى تبقو مجانين انتو الاتنين ..
ساميه حاطه إيديها فى إيد عصام بصتله وهو بصلها قال بفرحه : أنا قلبى بيرقص
ساميه : ههههههه حبيبى قلبك ده .. على فكره انت أتأخرت عليا بتتقل من أولها
عصام بغمزه : ماقدرش انا كان نفسى اطير واجيلك بس نعمل ايه كل شئ بأوانه يا سمسمه
ساميه ميلت على دراعه بحب : ربنا يخليك ليا ياعصام ومايحرمنى منك يارب ..
لاول مره محمد يسيبهم براحتهم عامل نفسه مش موجود معاهم
عصام بص لمحمد : عارف كان نفسى مين يسوقلى العربيه
محمد : اكيد أدم
عصام بتأكيد : وحشنى وزعلان انه مش هايحضر فرحى إللى ياما اتمنى ووعدنى يرقصلى فيه
ساميه بجديه : تاليا زعلانه قوووى
عصام بصلها : ربنا يرجعه بالسلامه لبيته ولمراته ولاولاده يارب
ساميه : ياااارب  .. وصلو القاعه وبدأت فرحتهم كلهم المنتظره ..  من فقره لفقره لكل حاجه .. وقبل ما الفرح يخلص دخل الليثى بالميكروفون وهو بيقول وصلووووو ..  الصاعيده أهم .. وصلوووو وأدم داخل معاه وتقريبااا كده القاعه هاجت كأنها فى أول الفرح
عصام قام يجرى عليه وأدم شاله شيل بقى يلف بيه .. عمرو وزكريااا وفهد .. كلهم ..
االستات والبنات لا يقلو فرحه عنهم خصوصا تاليا إللى اتنقلت لدنيااا تانيه خالص ..
أدم مسك عصايه وعصام مسك عصايه وبدأو التحطيب مع بعض بطريقه جميله جداااا .. والليثى بيغنى لهم ..
فضلو وقت كبير فرحانين جداااا  .. لحد ما سابه ونزل راح على تاليااا حضنها قدام الناس كلها وباسها وبعدين ولاده ..
الفرح خلص وعصام واخد سمسمه وبيهرب بيها من قدام الكل
تاليا ماسكه أدم خايفه يهرب منها ..صالح قرب منه سلم عليه ولأول مره يحضنه مسك راسه وبصله : حقك عليا
أدم أبتسم : ولا يهمك يا باشااا .. شاور .. تاليا بنت هشام حبيبك
صالح سلم عليها وبذوق ورقى : منوره بين أهلك يابنتى
تاليا ببتسامه : تسلم ياعمى كل ذوق
صالح شاور : أسألى امك عليا ولو عايزا حاجه انا مكان هشام الله يرحمه
تاليا بصت لأمها وأبتسمت : هى حكتلى عن علاقتك بجدى الله يرحمه وبابا ..
صالح سلم عليهم وأنسحب .. راندا لما شافت أدم أنسحبت بهدوء مش عايزا تقرب ولا تتكلم قررت تسافر وتبعد فتره يمكن تتعافى من إللى هى فيه إحساسها بيزيد تعلق بأدم أكتر تعبها وواجع قلبها .. مفيش حاجه بتقول انها تكرهه او تبطل تحبه بالعكس ..
الكل روح وأدم مع حسام وتاليا الام والبنت وأولاده وياسين واخواته .. كريمه روحت مع حسن جوزها ..
حسام شاور : تعالو اعزمكو على العشااا
تاليا بصت لأدم : أدم تعبان ومحتاج يرتاح
حسام بجديه : أدم مش هايروح معاكى
تاليا قلبت وشها : ليه يا خالو ليه
تاليا الام بحده : وبعدين معاك يا حسام سيب الولاد فى حالها بقى
حسام بصلها وبجديه : أدم اتجوز بنتك ودخل عليها كأن ملهاش أهل .. بصله .. أنا بقولك أهووو تاليا مش اقل من بنت صالح ولا بنت أدهم ولا أى حد .. تيجى تتقدم وأوافق يا ادم وتعملها فرح الكل يحلف بيه .. أتكلم بحده .. ولحد ما يحصل ده أنت ملكش علاقه بيها
تاليا عيطت : ياخالو
أدم سكت تاليا وبصله : وأنا موافق
تاليا زعقت : يعنى هاتبعد عننا تانى
حسام بصلها : إهدى على نفسك أنا برد كرامتك وبعملك إعتبار قدام الكل .. بعرف الناس انتى مين وبنت مين ومتجوزه مين ياريت تعرفى انى عايز مصلحتك مش بعقربلك الأمور بص لأخته .. عندك رأى تانى
تاليا الام بإستسلام اتكت على دراع تاليا بنتها : إللى تشوفه يا حسام
ادم رفع كتافه : وانا معنديش أى مانع اثبتلك إنها اغلى حاجه عندى وكرامتها من كرامتى .. ابتسم وبص لتاليا لسا ها يمسك ايديها حسام ضربه على إيده كلهم ضحكو
تاليا اخنفت : ياخالو بقى
حسام زقه : روح روح بالسلامه انت جاى تعبان
أدم بضحكه عسل قوى بيزق حسام : مش تعبان غير منك
حسام خده تحت دراعه بعده عن تاليا خالص : دانا ها اطلع عينك .. ورايا خلينا ناكل زى الناس  أنا جعان
ياسين بيبص لأخواته البنات وبيضحك
منال بهمس : ياختى حلوه شفت يياسين
ياسين حط ايده على بوئها : اسكتى يا حزينه أطلقو بسببك قبل كده كفايه نبررر
منال زقت ايده : ههههههه ماهما إللى حلوين .. بقولك يياسين
ياسين : عايزا إيه
منال : هو الداكتور يونس مش ناوى
ياسين ضم حواجبه : ناوى على إيه
منال نطرت ايديها : ناوى يعنى كداهووو يكمل نص دينه والا يكمل العمليه إللى خرملى بيها جدتى
ياسين مسكها من راقبتها وضغط عليها : منال إتلمى يا منال دانتى اصغر أخواتك وده داكتور يا ختى دكتور
منال بضحكه : منا ها ابقى دكتوره واهو نساعد بعضينااا مفهاش حاجه
ياسين اتنهد وشد اخواته : تعالو خليكو هنا جمبى .. بقولكم ايه مش مهره بتقولى انا غضبانه وعايزا اجى اقعد جارك انت واخواتك اد شهرين تلاته
كلهم فى نفس واحد : لااااء
منال : قسما عظمااا اسيبلك الدار واهرب مهرة مين هى ناقصه مهره كمان
ياسين : ههههههه منا قولتلها سافرنا برا مصر .. قالتلى فين قولتلها شرم .. بتقولى هاترجع مصر إمتى عشان اغضب تانى وأجيلك
كلهم : هههههههه
أمانى نطرت ايديها : غبيه اياك فاكره اننا ممكن نرجع مصر بعينها
ياسين ديق عيونه وبصلها : انتى فاكره انك برا مصر انتى كمان يا أمانى
ثريا : يوه إمال إيه داحنا بعيد ياما وركبنا الطياره وشفنا البحرررر ..
منال قلبت وشها : ها اقول ايه مانتو جاهله .. شرم داهين فى السودان قاعدين جواها مبرطعين
توحيده : ياختى حلوه .. يعنى إحنا فى السودان دلوقت
ياسين بنفى : لا ليبيا
توحيده قلبت شفتها : وإيه لوبيا دى كمان
منال : ياغبيه .. لوبيا دى فى الدنمارك
ياسين مسك راسه : اااه يادماغى لخبطى الكره الارضيه وانتى واقفه مكانك وعايزا تتجوزى دكتور تلخبطى عيشته كلها
منال ديقت عيونها : لاء بقى مش هاتعرف تضحك عليااا .. الدنمارك على إمة شرم فى مبوزنبيئ
ياسين خدها تحت دراعه وضغط على راقبتها : إللى زيك لازم نخلص منه قبل ما ينتشر ياحزينه .. إلهى تتزنبئى  وتبقى موزنبيئيه .. كلهم هههههههه
منال بضحكه : أنى بهزر اوعى كده ما أنى عارفه ان شرم فى الشيخ جمب بعض
كلهم : هههههههههه
دخلو المطعم اخيرا بعد ما مشيو مسافه حلوه وهما بيرغو اتعشو مع بعض وادم وتاليا بقو عاملين زى المراهقين بيمسكو ايد بعض من تحت الترابيزه ههههههههه
**
عصام دخل شقته بساميه وهو شايلها .. نزلها  وهى لسا فى حضنه : مبروك يا حبيبتى
ساميه ببتسامه : الله يبارك فيك يا عصام
عصام ميل براسه مسك دقنها : فين اوسه إللى بتخرج من بوئك شهد مكرر
ساميه بإحراج : هههههه .. أنت بتغازلنى كده ليه
عصام : مراتى حبيبتى حلالى .  لازم اغازل وأحب بقى براحتى
ساميه بصتله ورجعت بصت للأرض تانى : انا عملالك مفاجأه عرفت من ميرو انك ماتعرفش
عصام ضم حواجبه : إيه
ساميه بتوتر خدت كذا نفس : أنت
عصام مركز معاها ومع إنفعال وشها بالتوتر همس : أنا إيه
ساميه مدت شفايفها وبصوت رايح : أنت .. قصدى أنا بنت
عصام بدون فهم او بدون إستيعاب : بنت ازاى يعنى
ساميه بصتله ورجعت بصت للارض تانى : أنا بنت بنوت محدش لمسنى أنت اول حد فى حياتى ياعصام
عصام من الصدمه فضل يضحك وبعدين عيونه دمعت مسحها بسرعه وبفرحه كبيره جدااا : بجد يا ساميه
ساميه بتأكيد : والله .. أنت تعتبر جوازتى الاولى .. على ما لمسنيش ولا أنا سمحت له يلمسنى
عصام حضنهاااا قوووى : دى دعوتى لربنا .. كنت كل صلاه ادعى أكون انا راجلك ومحدش يلمسك غيرى ما اتخيلتش ان ربنا بيحبنى قوى كده .. الحمد لله يارب وسجد لله فى ساعتها .. ساميه عيونها دمعت معقول عصام كان بيحبها الحب ده كله وهى مش شيفاه ولا سامعه أنين قلبه .. اتعدل وخدها راحو صلو مع بعض .. فضل وقت يدعى وهى رافعه ايديها بتقول أمين
مر الوقت وعصام بيدخل دنيته مع ساميه عاشو أحلى واجمل اللحظات إللى جمعتهم وقربتهم بحق وحقيقى .. لغو كل المسافات ولغو كل القيود وحطموهاااا وبقت مراته قولا وفعلااااا ...
تانى يوم باليل عصام نازل وتحت دراعه ساميه باين على وشهم السعاده الاتنين ومعاه شنطة سفر كبيره .. رن الجرس وسامى فتح .. أبتسم وبص وراه .. العرسان شرفو
محمد خرج من الاوضه جرى وبهزار : وحضرووو ..
عصام وساميه مبتسمين إبتسامه واسعه
محمود : رايح فين يا عريسنا
عصام بص لأبوه وأمه : أنا وساميه مسافرين ..
محمد قفل وشه : مسافرين أنتو هاتبتدو النداله بدرى
عزت : ما قولتليش يعنى
عصام : كنت عايز أعملها مفاجأه لساميه .. دخل قعد هو وساميه جمب بعض ..
أميره بصت لساميه : عامله إيه ياعروسه
ساميه بإحراج : الحمد لله ياميرو
سامى : الف مبروك يا ساميه
ساميه بصتله : الله يبارك فيك
محمود : ماتطولوش عشان البيت من غيركم محمد ها يتسلى علينا كلنا
محمد خرج لابس خروج ونضارة شمس باليل وشنطة سفر .. بص لعصام : ياله ياعصام عشان مانتأخرش
عصام قفل وشه : أنت رايح فين
محمد بصله : معاك .. أنا لازم أرفهه عن نفسى .. نفسى عايزا تخرج .. نفسى عايزا تسافر .. نفسى عايزا تشوف الدنياااا .. شافتك قالتلى ياله يا محمد مستنى إيه
كلهم : ههههههه
أميره : طول عمرك كياد .. بطل هزاى وروح أقلع النضاره دى عشان غيظانى هاتشوف بيها إيه باليل
محمد رفع راسه وبص للسقف : نفسى
كلهم : هههههههه
عزت شاور : خد يابنى .. انت عندك حته هربانه
محمد بضحكه : كلها هربانه بس انت مورطنى .. قعد جمب سامى واتكلم ال يعنى بجديه .. مش انا ها اسيب شغل البوليس والحراميه
محمود : ليه يا خفيف
محمد حط رجل على رجل وهو لابس شبشب : معروض عليا صفقة شباشب عايز ألحقها
عزت وطى جاب الشبشب ولسا ها ينشن عليه كان طار جوه وكلهم  بيضحكو بصوت عالى جدااا
عصام وقف سلم عليهم ونزل بعد رخامة من محمد وحصار .. راح لعمه أدهم سلمو عليه وساميه ودعته وسافرو يقضو شهر العسل فى دبى ..
**
أدم كل يوم يروح لحسام عشان تاليا .. عايز يتفق معاه وده بيماطله وكل شويه يطول فى الموضوع لحد ما زهقه .. اخيرا وافق وأتفقو على فرحهم وأمتى ها يعملوه .. عزمو اكبر عدد من معارفهم كلهم .. جاب اخوه عامر يتفق بما إنه كبيره .. وحسام أصر يجيب شقة لتاليا كبيره وتفرشها على ذوقها وهنا بقى إخواته كلهم ساعدوه لانه تقرييا أول بأول كان بيصرف عليهم وعلى تعليم يونس فالحكايه معاه ماكفتش مطالب حسام إللى فعلا كبيره على إمكانيته فى الوقت الحالى ..
تاليا طالعه تجرى
تاليا الأم بخضه : فى إيه
تاليا بالهفه : أدم بيتصل ياماما أكيد مش مع خالو اكيد
تاليا الأم ضحكت : الله يسامحه خالك ده مخلى اتنين متجوزين كأنهم مخطوبين والا ماشين مع بعض
تاليا : أيوا يا أدم
أدم : حبيبتى .. فى إيه ياماما .. مالك أنتى وخالك أهدو عليا
تاليا تنحت : والله ماعملت حاجه انا كلمتك يا أدم
أدم : اتخنقت يا تاليا ده بيعلمنى الأدب هو فى كده
تاليا ضمت حواجبها : هو طلب إيه تانى
أدم : بقوله رايح لتاليا  يقولى لاء ماعنديش بنات تقعد مع رجاله قبل الجواز .. بقوله فى تلاته على أسمى منها  جواز إيه انت صدقت
تاليا ضحكت بصوت عالى جداااا : ايه ده فى إيه بجد وبعدين
أدم بيحكى لها فلاش باااك
*******************
قاعد معاه فى مكتب بيته هو وزكريا وعمرو اتكلم بزهق : وبعدين
حسام بحده : وبعدين معاك أنت
أدم شاور : ولادى وتاليا وحشونى عايز اشوفهم مفهاش حاجه لو شفتهم
حسام بتكبر زائف : أنا حر يا أخى  بنت أختى وبحافظ عليها وعلى ولادها
أدم بعصبيه شاور على نفسه : منى أنت بتحافظ عليهم منى
حسام فرد ايده : أنا حر ياخى كفايه انى ها اجوزهالك دى حته من السما حته من قلبى كده بديهالك
أدم ديق عيونه وبصله وزكريا بص لعمرو وضحكو من غير صوت وشهم ها يطق حسام فعلا مرمط أدم حسسه انه عايز يتجوز تاليا ومش طايلها بمعنى الكلمه
حسام : بتبصلى كده ليه .. لو ليك أخت هاتفرط فيها بسهوله
أدم بعصبيه مكتومه : دانا ها أغورها ها أمسك فيها ليه ماتتجوز وتشوف حالها
حسام قام : طب عشان خاطر الكلمتين دول على الله اشوفك هناك لحد الفرح
أدم فضل باصصله : أنت بتعمل معايا كده ليه
حسام بصله ورجع بص فى الورق وسكت ماردش عليه
أدم : أنا عايز أروح
حسام رفع حاجب : تروح فين
أدم ضحك بقلة حيله شاور : اشوف ولادى بلاش تاليا إللى عامله حساسيه بينا
زكريا ببتسامه : حقه
عمرو : يعنى خلى الود موصول
حسام شاور : أنتو شايفين كده
زكريا وعمرو سحبو كلامهم : إللى تشوفه سعتك
حسام شاور : روح
أدم بص على الباب : اروح فين
حسام رجع بالكرسى لورا : روح على رأى ورده عد أوراق الشجر ..  وساعتها ها أقولك روح لتاليا
أدم مط شفايفه وهز راسه وهمس : هى وصلت لكده .. قام وقف .. تمام
حسام من غيرر ما يبصله : رايح فين
أدم أبتسم : ها أعد أوراق الشجر  بالأذن  وسابهم ونزل .. عدى من البوابه ورايح يركب عربيته شاف الشجره إللى حسام بيحبها جدا وبيهتم بيها بنفسه قفل باب العربيه بغل وراح على الشجره
الحراسه إللى تحت : فى حاجه يا أدم باشا
أدم بصلهم وبص للشجر وشاور : مفيش بأمن المكان عشان مش مطمن ونط طلع على الشجره نام على فرع كبير فيها وحط رجل على رجل والحراسه متنحه ومتابعه إللى هو فى إيه
أدم بيشد فى الورق بس للأمانه الورق التعبان او إللى ها يقع .. بيعد ويرمى فى الارض فضل وقت على كده والحراسه ها يجيلها هبل .. ظابط قرب وقف تحت الشجره : أنت بتعمل إيه يا أدم باشااا
أدم بيخلع فى ورق الشجر وبيرمى : الورق ده جاسوس فيه كاميرات مراقبه بشوفها
الظابط تنح ونزل على الارض شال ورقه لفها يمين وشمال ورماها وهوو بيكلم  نفسه .. رجع مكانه وأتصل على حسام بلغه با إللى بيحصل  حسام جرى على الشباك وزكريا وعمرو جمبه ..
حسام جاب الفون واتصل عليه طلع الفون ورد : أفندم يا باشا
حسام بعصبيه : أنت بتهبب إيه عندك
أدم برخامه وبرود : بعد اوراق الشجر أنا ها اخليها لحضرتك قرعه من غير ورق
حسام بجنون جاب الطبنجه وزكريا صفرلو نط من على الشجره وطلع يجرى وهو بيضحك وهما بيمسكو حسام ..  ركب عربيته ومشى وبعتلو على الواتس عندك خمسميت ورقه شجر وعلى الفرع زيهم
زكريا بيضحك بهستريا هو وعمرو وحسام ضحك ما اتوقعش أنه يعملها بجد لاء وبيدايقه بالشجره بتاعته ..
زكريا : ده كياد ورخم
عمرو بص لزكريا وضحك
حسام شاور : اتكلو على الله ياله ... نزلو وهما فعلا مش مسيطرين على نفسهم .. عمرو رايح على الشجره زكريا بيقوله رايح فين رد بتريقه .. ها ألم اوارق الشجر
باااك
*****
تاليا بطنها وجعتها من كتر الضحك : لا يا أدم مش ممكن أنت كده هاتجننه وهو ها يجننك انتو فى إيه مالكم
أدم بعصبيه : مالو هو فى إيه ياتاليا أنا زهقت الولاد وحشونى قوى وانتى وحشتينى انا داخل فى ال١٥ يوم ما شفتش حد فيكو مش كده لسا ها استنى الشقه وفرشها والجواز ..
تاليا سكتت : طب إهدى يا حبيبى ولا يكون عندك فكره عايزنى اجبهم واجيلك انا اجيبهم
أدم بتفكير : بلاش ليعند معايا أنتى ماتعرفيهوش لما بيقلب
تاليا صوتها أختفى
أدم : روحتى فين
تاليا بصوت حنين : بحبك قوى يا أدم بحبك مستحمل كل ده عشانى ..
أدم أبتسم : لو أكتر من كده ها أستحمل انا مستنى اتجوزك ويبقى يقابلنى لو شافك تانى
تاليا : ههههههههههه أنا ماعرفش انى مهمه وغاليه قوى كده عند الكل .. خدت نفس .. بس انت عندى اغلى من الكل
أدم : وبعدين معاكى أنا تعبان ومخنوق بطلى كلام حلووو أتعاملى بمبدء خالك زهقينى عشان ما احسش بالشوق .. افتحى الكاميرا خلينى اشوف الولاد
تاليا طلعت برا وهى فاتحه الكاميرا سلم على تاليا أمها وقالها وصى اخوكى عليا .. قالتله أكتر من كده ها ينفيك برا البلد .. قعدو يهزرو ويضحكو مع بعض وكلم ولاده شويه ولعب معاهم وقفل ...
الوقت بيمرررر وكل شئ بيجهز أدم أستلف من عصام مبلغ كبير ماقدرش يطلب من تاليا أو يقولها مفيش معايا فلوس .. الايام إللى هى بتروح تفرش شقتها فيها هو متحرم عليه يكون موجود .. لحد يوم الفرح ..
تاليا الأم دخلت على تالياااا قربت منها ضمتها قووووى مسكت وشها وبفرحه : برغم انى زعلت على مرمطة ادم بس بشكر حسام إنه ماحرمنيش أشوف بنتى عروسه بالأبيض .. باستها .. ربنا يكتبلك السعاده والأستقرار وما يغير عليكى دى دعوة جدتى لأمى ..
تاليا حضنتها بتوتر وبضحكه : ماما أنا لبست  الفستان وها يعملى فرح ..الدموع هربت .. مش ممكن .. تخيلى كده والله كنت فاكره انه حلم وانتهى للأبد
تاليا الام : مفيش حلم بينتهى .. ومفيش أمل بيتقطع من جوه قلب حد نفسه فيه .. حضنتها تاااانى .. الفستان ها ياكل منك حته ياتاليا
تاليا بفرحه بتلف : جميل قوى قوى .. أنا حاسه انى  ملكه
أخواتها وصلو وولاد عمها والكل بدء يهل يهنى ويبارك ما استغربوش الموقف وشافو انه حقها .. حقها تبقى فى النور .. حقها يطلع بيها قدام العالم والكل يشوف ويعرف مين مراته مين أم أولاده .. حسام أداهم درس رجع لهم إحساسهم بالموقف وشوقهم ولهفتهم انهم فعلا عرسان وانها بنت تتشرط وتحط رجل على رجل وتعرفه انها بنت ناس مش جواز فى الدرى ولا أى كلام ...
أدم بقى بيلبس البدله واخواته واصحابه معاه الكل بيضحك ويهزر .. غمره من جواااه انه فعلا عريس .. انه متوتر رايح لعروسته ياخد بإيديها ويبقى من حقه يكون معاها وهى معاه طول الوقت .. لا شروط ولا قيود ولا كلكعه وتعقيد ..
عامر بعد ما شافه بالبدله فتح دراعه : تعالى فى حضن أبووووك يابن تعبى وقلقى
أدم دخل فى حضنه ووطى على إيده باسهااااا بكل حب وإمتنان للراجل إللى ما أنكرش خيره عليه ولا نسى فى يوم تضحيته بحياته  عشان أخواته يكونو احسن منه .. فى الواقع هو احسن أخواته .. هو إللى علم واتعلم علامهم كلهم هو إللى أغتنى برصيد كبير من الصبر والحب والتفانى إللى اخلص فيه لله وربنا بيرده حب وإخلاص فى قلب إخواته ...
واليد بهزار : ازغرط وإلا أعمل إيه أنا
محمد : ازغرط لكو أنا
كلهم : هههههههههههه
يونس : فتحت نفسى على الجواز من تانى
محمد بصله : ماتحاولش مفيش فايده ده الجيل الذهبى إللى خد كل حاجه حتى العرايش
يونس شاور على نفسه : واحنا جيل ايه
محمد : جيل الفيس بوك هانتجوز فيس بوك ونعيش فيس بوك وابقى قابلنى لو شوفنا عروسه لحم ودم
كلهم : هههههههه
ياسين بتاكيد : فعلا إللى نفد نفد
أدم : أنا شايف إن فى حقد فى القاعده
عامر : إلحق روحك حزب العذاب حالته حاله
عصام : إحنا عندنا واحد ها يمو.ت على نفسه ويتجوز وبيشاور على محمد
محمد شاور على أدم : يعنى ده يتحوز ٥٠٠ مره وأنا مش عارف أتجوز مره
كلهم : ههههههههه
مر الوقت عليهم والكل نزل بزفه كبيره جداااا وصل بعد وقت  وخد تاليا وهو مبسوط طاير من الفرح وهو شايفها بالفستان الابيض بيقدم بيها بكل فخر وأعتزاز ... وصلو القاعه وهو نزل تحت لوحدخ وحسام نزل بيها قدام الناااس .. وقبل ما يسلمها لادم ضمها وباسها وقالها ألف مبروك يا أجمل عروسه وسط البنات ..
تاليا بفرحه : الله يبارك فيك يا خالو
حسام بص لادم وذغر له الكل ضحك : أمسك
أدم بجمب عيونه تخن صوته وبضحكه : حاضر .. هاتى إيدك يا بت ياله خلينا نلحق الفرح من أوله
حسام : ههههههه شد أدم خده فى حضنه : انت إبنى البكرى يالا
أدم هز راسه بتأكيد : منا عارف انت هاتقولى
حسام  : حطها جوا عيونك وشيلها فوق راسك
أدم بصلها : والله أخاف أزعلها منك ... قرب من تاليا حضنها وفضل يلف بيها والكل يصفر بصوت عالى جداااا
الفرحه بتجيب الفرحه
والامل بيجيب أمل
والظنون السيئه بتجيب السئ
ربنا يملى حياتكم فرحه وامل ويكشف الغمه عن المسلمين فى كل مكان ويرفع عن فلسطين واهلها العجز والحرب والدمار إللى هما فيه أملنا فيك يارب لا ينتهى .. اللهم أغمر ارض فلسطين والسودان بالفرج القريب والفرحه واحفظ مصر وجيشها وشعبها وإرفع عنهم الغلاء والفقر .. 
اللهم وحد صفوف امتنا العربيه إلى ماتحب وترضى .. اللهم أبطل الفتنه بيننا وأنتقم من كل خاين عميل واخرجه من اراضينا ولا تجعله فينا أو منا وأكشف ستره ..
كان نفسى اوضح حاجات أكتر واعمق أنا مجرد طرحت عليكم الخيوط الحقيقه وسيبتلكم الحكم بنظركم وماتفعله المؤامره بينى كلنا ..  مصر عظيمه .. مصر عمرها ما خانت حد إللى متصدر المشهد الباطن له شئ تانى .. فعلا فعلا مصر طول عمرها بتضحى مصر محاصره حصار رهيب وكبير جداااا محدش حاسس بيه حتى أهلها .. حصار داخلى وخارجى .. حصار من ٢٠١١ وإحنا فى مطحنه وإستنزاف .. حصار وتصدير كره ومشاهد اغلبها ظاهرها غير باطنها .. احنا فى أيام بيختلط فيها الحق بالباطل .. فى ايااام مطلوب منك تكون عنصرى خاين بتكره كل إللى حواليك .. أدعو ربنا أدام مفيش فى إيدينا غير  الدعاء .. كل يوم قولو اللهم أرنا الحق حقا وارزقنا أتباعه وارنا الباطل باطلا وارزقنا إجتنابه عشان ربنا يكشف لكم عن إللى بيحصل وتعرفو حجم الكارثه إللى الوطن العربى كله بيعشها فعلااااا وخصوصا المسلمين ... إحنا بلادنا من حقها تكون فى أمان من حقها تعيش الغنى والرقى والتقدم فى العلم  من حقها كل حاجه حلوه بس هانقول ياااارب .. هانقول يارب طول الوقت لحد مانتوحد .. لحد ماترجع بلادنا زى زمان مفتوحه من غير مطارات وحدود واسياج متقفله بينا وبين بعض .. لحد ماترجع من غير سايكس وبولفر وكل حد دخل قسمنا وشتتنا وخلق بينا المشاكل والنزاع .. علمو اولادكم يبحبو بلدهم مهما حصل .. علمو اولادكم دينهم باللين خلى عندهم حته جواهم محتفظين بيها مهما تاهو هايرجو ويدورو عليها مع ربنا سبحانه وتعالى ..  علمو أولادكم إننا نحترم الكبار حتى لو مش عاجبنا ولا بنحبهم .. علمو اولادكم إن العم والعمه زى الخال والخاله .. عملو أولادكم إن البر بيدخل الجنه .. جاهدو يا جماعه حتى لو بالقول مش لازم الشده .. كتر الكلام مع الوقت وإصرارك ربنا بيجعل فيه نتيجه كبيره .. الدعوه .. اسمها الدعوه ..  شغلو قرأن فى بيوتكم عشان يتعودو على سماعه  حتى لو مهملين وما بيصلوش وما بيهتموش لحاجه هاتلاقى مره فى مره سؤال .. لفضول .. لعايز يفهم ويعرف ولا تيأسوووووووو ..
اللهم إجعلنا صادقين القول والفعل وأحسن ختامتنا ياااارب
أعلن أعتزالى وخروجى من مشهد الكتااااب وأتمنى من الله أن تتذكرونى بكل خير .. أعمالى فيها السئ والغير مدقن وفيها بعض الرسائل البسيطه جدااااا أتمنى من الله أن يغفرلى سيئها ويتقبل منى ما هدانى إليه ربى وقدرت أوصله ..
الإختبار الجزء التالت انا وعدتكم ينزل وده ها يكون أخر شئ ممكن أقدمه لكم وأنسحب من السوشيال ميدياااا إنسحاب كامل .. الله أعلم ربنا ها يرزقنى ويهدينى لكتابته أمتى كامل ونزوله .. بحبكم فى الله وشكرا
❤❤🧡🧡💛
لولو طااارق
💚💙💙💜