صقر الظلام ٢٧
************
اللهم نسألك يا غفور يا رحمن يا رحيم.. أن تفتح لأدعيتنا أبواب الإجابة.. يا من إذا سأله المضطر أجاب.. يا من يقول للشيء كن فيكون.. اللهم لا تردنا خائبين.. وآتنا افضل ما يؤتى عبادك الصالحين.
اللهم ولا تصرفنا عن بحر جودك خاسرين.. ولا ضالين ولا مضلين.. واغفر لنا الى يوم الدين.. برحمتك يا أرحم الرحمين.. اللهم إني أسألك من خير ما سألك به محمد -صلى الله عليه وسلم-.. وأستعيذ بك من شر ما استعاذ به محمد صلى الله عليه وسلم.. اللهم ارزقنا مغفرتك بلا عذاب.. وجنتك بلا حساب ورؤيتك بلا حجاب.. اللهم اجعلنا ممن يورثون الجنان ويبشرون بروح وريحان ورب غير غضبان.. اللهم آمين اللهم آمين اللهم آمين
اللهم صل وسلم وبارك على سيدنا محمد وعلى آله وصحبه اجمعين
❤❤❤🧡🧡🧡🧡💛💛💛💛💚💚💙💙💙💙💜💜💜🤎
ياسين : محتاج أقابلك وأتكلم معاك فى حاجات كتير وأولهم تاليا بنت عمى
أدم مط شفايفه : تمام وانا موافق اتكلم معاك وأولهم تاليا بنت عمك وبيتكى على الكلمه
ياسين بص لأدهم وأدهم بيهز راسه بمعنى اتفق معاه أمتى : طب تحب نتقابل أمتى
أدم هز راسه : دلوقت تعالى العنوان إلا ها أقولك عليه وإلا أنت جيته قبل كدا وعارفه
ياسين هز راسه : خلاص ماشى نص ساعه ان شاء الله ها أوصل أدهم بيه لشقته واجيلك
أدم بدون تفكير بعد عن عصام شويه : هاته معاك عايزه
ياسين بص لأدهم بإستغراب : تمام ها أقوله .. قفل معاه واتكلم .. بيقولى اجيبك معايا
أدهم بتفكير : ليه
ياسين : كل إلا قاله عايزك
أدهم نطر إيده : ياله أنا ورايا الديوان أهم حاجه خلصنا شغلنا الحمد لله .. ركب معاه العربيه ووصل عند البيت إلا أدم خده فيه قبل كدا طلعو مع بعض الشقه وأدهم بيتلفت يتفرج على المكان .. رنو الجرس وأدم قام فتح .. رفع ايده سلم على ياسين وقاله اتفضل وقرب من ادهم سلم عليه وهمس جمب ودنه أوس جوا إعملو كمين عايز يخلع ماتديلوش فرصه
أدهم خد نفس طويل هز راسه فهم دماغ أدم دخل وسلم عليهم كلهم وعصام أخر واحد بيمد إيده يسلم أدهم شده لحضنه وضمه قوى قوى .. وحشتنى يابن أخوياااا وحشتنى
عصام أبتسم وضم عمه بادله الحضن بنفس القوه : وأنت كمان يا عمى واحشنى
أدهم ضر.به فى صدره وأبتسم : لو واحشك ها تسئل عليا وتقولى عامل إيه ماصدقت تخلص مننا .. شاور بنفى .. مش ها تعرف
عصام بص لياسين إلا واقف باصص له وساكت : عامل ايه يياسين
ياسين مد إيده سلم عليه ؛ الحمد لله يا باشا انت عامل ايه واخبارك إيه .. بص لأدهم .. الراجل الطيب دا بيحبك حب ما يتقدرش بكنوز الدنيااا
عصام بتأكيد : طبعااا .. عمى وحبيبى وأبويا
أدم شاور لياسين : أقعد يياسين .. تحب تشرب ايه يا ادهومه العجيب عشان الليله كلها هاتبقى حب فى سعتك
أدهم رفع صوباعين فوق بعض .. بص لياسين .. وانت تحب تشرب ايه
ياسين : قهوه مظبوطه
أدم لسا ها يقوم زكريا شاور : خليك انا ها أقوم اعمل
عصام شاور : خليك انت يا زكريا .. تعالى يا عمى انا ها أعمل لنا كلنا .. وخده ودخل المطبخ
ياسين بص بجديه لأدم : أنا جاى اصفى أى حاجه جواك من ناحيتى
أدم رفع حواحبه لفوق : أنت إيش عرفك إنى جوايا حاجه من ناحيتك
ياسين : يعنى حاجات كتير تخليك قلقان منى ومن وجودى ... عرتنى قدام نفسى وقولتلى تعالى مش هاتعرف تهرب من حاجه .. بعيد عن أى حاجه أنا لا واخد طبع أبويا ولا فيا منه حاجه .. تاليا بنت عمى ويشهد الله انها أختى وولادها إلا جاين فى الطريق أنا ها اعتبر نفسى خالهم لو تسمحلى ..
أدهم بجديه شديده : إشمعنا دلوقت
ياسين بإحراج : عشان إخواتى يودوها ويزوروها لما تولد لو محتاجه حاجه يكونو جمبها ماتحسش إنها مقطوعه ومتحرم عليها الكل .. كفايه إخواتها وندالتهم معاها
أدم بص لزكريا
زكريا : تمام وايه تانى جاى تتكلم فيه اركن موضوع تاليا ادم يفكر ويقرر ويرد عليك فيه
ياسين خد نفس وأول ما اتكلم اتحمق بالعياط : أبويا السبب فى موت عمى ومراته وأمى
زكريا : إحتمال .. اااه
ياسين بصدمه كبيره : يعنى ممكن يكون عملها .. أمى .. معقول دى كانت أغلب من الغلب ها يعمل فيهم ليه كدا
أدم : عشان كتير أولهم ميراث تاليا من أمها
ياسين : أمها .. ميراث ايه الفلوس كلها بتاعت عمى
أدم بنفى : لاء مش بتاعت عمك وتاليا مش بنت ناديه
ياسين اتعدل بصدمه كبيره : ازاى
أدم شاور : أنت كنت واعى وعارف كل حاجه ليه بتبين إنك مش عارف ولا على علم بشئ
ياسين بنفى : والله ماعرف حاجه
أدم على صوته : ليه ماتوعاش على سلطان بيه صاحب العزبه وتاليا بنته
ياسين بعدم فهم : أوعى عليهم
أدم : يعنى عارف ان عمك هشام كان متجوز من تاليا حفيدة سلطان
ياسين دماغه لفت ورجع بالذاكره بيفتكر أشياء من الماضى وهو عمره ١٢ سنه واعى لكل شى لما تاليا كانت لوحدها بعد جدها .. محدش عارف عنها حاجه ولا شك فى هشام او كان بيجيب سيرته لا بيشفوه وهو عندها ولا أعلنو الجواز دا .. هز راسه وحس إنه صدع : مش عارف انا مش فاهم حاجه
أدم تقريبا حكالو بإيجاز وعصام حط القهوه قدامهم وكلهم قعدو حوالين بعض
زكريا : عرفت ليه ابوك متعمد يخلص من تاليا لأنها المالكه الوحيده للخير والهلومه دى كلها
ياسين مد ايده بتوتر شرب بوء من القهوه وبدء يربط كل الاحداث .. والاسم وكل شئ
أدم : تاليا عاصى سلطان اختفت فين وليه
ياسين : إحنا كنا قاعدين فى المندره .. المندره بعيد قوى عن البيت مسافه كبيره بين اول العزبه واخرها .. تاليا هانم كانت فى البيت الكبير مقيمه فيه .. قبل ما يحصل قصة إختفائها ملازمه البيت ما بتخرجش منه ولا حد يعرف عنها حاجه ابويا متكفل بكل حاجه تخصها او أمى الله يرحمها غير كدا ممنوع حد مننا يروح او يجى وساعات كتير نسمع انها سافرت عشان الشغل بتاعهم .. لحد اليوم إلا اختفت فيه وجه عمى هشام كان قالب عليها الدنيااا وقالو اتخطفت .. وقالو هجت عشان عقلها على قده وقالو ما.تت .. كل يوم اشاعه جديده وحدوته مختلفه بس الحقيقه إيه الله أعلم
أدم بصله : مرات عمك هشام كانت فين
ياسين : أنا فاكر إن عمى قال سافرت السعوديه قاعده عند عمتها .. اتفاجئنا بمرات عمى راجعه وعلى ايديها تاليا عمرها شهر قالو إنها كانت حامل وولدت هناك .. طب كانت فين تاليا أصلا وقعدت الشهر دا عند مين لو هى مش امها .. هز راسه بتعب .. أنا مش فاهم أى حاجه أنت قلب دماغى
أدم : الشهر دا تاليا فضلت جوا العزبه ماخرجتش منها غير برجوع ناديه .. قام وقف وسند على الحيطه .. والمفاجأه الأكبر ان ناديه نفسها ماكنتش مسافره ولا حاجه ولا تعرف عمتها إلا فى السعوديه فين ولا كانت بتتواصل معاها
ياسين رفع راسه وقلبه دق بعنف شديد والتوتر ظهر على ملامح وشه إللى بتتغير : يعنى ايه كانت عارفه ان عمى متجوز عليها وغضبانه مثلا
أدم بنفى : لاء .. ماتعرفش انه أتجوز غير لما خد تاليا حطها بين ايديها وقالها دى هاتبقى بنتك
زكريا : انت قولت انك مش زى ابوك
ياسين بتوهان هز راسه وساكت
زكريا : اثبت حسن نيتك ورجع حق الكل من أبوك
ياسين بصوت مبحوح : ازاى
زكريا : كل حاجه تعرفها او سمعتها وفاكرها ايام سلطان وحفيدته تاليا قولها .. اقعد مع نفسك أعصر دماغك وسجل وابعت لأدم كل حاجه .. القصه كبيره وكان فيها ألغاز وفيها أشياء كتير فى السر او مستخبيه واحنا عايزين نفهم شكل العلاقه إيه .. يعنى مثلا علاقة هشام بسلطان .. سبب الارتباط .. سبب إن سلطان ينقل كل الاملاك لهشام .. كلمه من ابوك سمعتها ساعة غضب ومش ناسيها .. حاجه عملتها والدتك وبردو مش ناسيها .. كل حاجه مهما كانت بسيطه او تافهه إبعتهالووو
أدم بجديه شديده : تاليا ماعندهاش أى خلفيه او فكره عن الكلام دا .. كل إلا تعرفه ان أبوها هشام وأمها ناديه غير كدا لاء
ياسين بتعب بصله : إذا كان أنا مش مستوعب ولا فاهم حاجه .. أنا حاسس بنا.ر جوايا كبيره .. الله يكون بعونها أنتو هاتقلبو حيااتها كلها هاتغيرو شكل الماضى كله فى عيونها هاتحس بالغربه والوحده اكتر من إللى هى حساها دلوقت
أدم تجاهل كلامه على تاليا وإحساسها : مرات عمك كانت بتعامل تاليا ازاى
ياسين عدل راسه وقال بصوت عالى : انا عايز أعرف انت ظابط زى عصام بيه
كلهم بصالو وضحكو
أدهم اتكلم زى ياسين وكمل عليهم : ينيلك يياسين كل دا ماتعرفش ان أدم ظابط
كلهم : هههههههههههه
زكريا : أدهم باشا ياسين بهت عليك وشكلنا كدا هانعدل لسانك معاه
أدهم : هههههههه ياعم يبهت براحته .. بص لياسين .. انت بجد ماتعرفش
ياسين فرد إيده : ها أعرف منين
أدم بجديه : هااا ماردتش عليا اديك عرفت وأترحت .. ريحنا إحنا كمان
ياسين اتنهد : عمى لايمكن يسمح لحد يعاملها بشكل سئ عمى مرتبط ببناته قوى
أدم نطر إيده : بعيد عن عمك يعنى فى عدم وجوده وهى صغيره طفله زهنها مش ها يجيب الأيام دى لان تاليا متحفظه على حياتها مع أمها بالذات
ياسين بتذكر رفع صباع لفوق : مره واحده كان عمى مش موجود معانا فى العزبه .. عمرو تاليا أربع سنين ونص تقريباااا
فلاش باك
********
تاليا مع ياسين عمره فى الوقت دا ١٦ سنه بيلعب معاها فى الارض كانت لابسه طقم أبيض نزلت وفضلت تجرى وتشيل طينه من الارض وتحدف على ياسين وتضحك تمسح فى هدومها تجرى منه أل يعنى بتستخبى وتقع على التراب شالها على كتافه وماشى وهى بتسقف وتضحك حاول ينفض هدومها أو يعمل أى حاجه مفيش نتيجه .. هى مجرد طفله أى إن كان إلا بتعمله مش هاتفهم حاجه أى وقت بالنسبه لها فرح .. مرح جرى لعب .. .. دخل البيت الكبير وهو بينادى : أمااا .. أمااا
ناديه خارجه من المطبخ : إيه يياسين مامتك مش هنا .. شهقت جااامد .. ياخبر إيه دا ..قربت من ياسين زى الغول شدت تاليا بعنف وياسين مسك فيها : براحه يا مرات عم ها تتخلع فى إيدك
ناديه صوتت فى وشها : يخربيتك أنتى إيه جنيه ما بتتهديش أبدااا
تاليا صرخت وبدئت تعيط : ماما
ناديه زقتها جامد وقعتها : بلا ماما بلا زفت .. كل دقيقه تغيرى هدومك عمرك ما هاتنضفى أبداااا .. ضر.بتها بالقلم وتاليا جريت تستخبى فى ياسين وهى بتقول ماعملتيش غلط والله ..ياسين بخوف واقف قدام ناديه إللى لا شايفه ولا سامعه حاجه بتتحامى فيه وهى بتقول ياسيم إلحقنى فرد إيده : خلاص يا مرات عم انا السبب هى مش فاهمه حاجه
ناديه شدت السلك إلا كان على الكرسى ونزلت بيه على تالياااا بغل وياسين بيحاول يداريها وخد ضر.ب كتير منها وكل لسعه تاليا تصرخ بأعلى صوت عندها بعد ما خلصت ضر.ب فيها شدتها من ياسين وهى بتعيط جااامد دخلت بيها الحمام بتحميها وتغيرلها ..
ياسين خرج قعد برا على المصطبه وبقى يعيط زى العيال الصغيره
أمه جايه عليه قربت وهى شايله عيش على راسها : مالك ياولا حد ضر.بك
ياسين بحمقه : مرات عمى ضر.بت تاليا بسلك الكهربا ياما
امه شهقت : يوه ليه كدا هى دى تنضر.ب بسلك لسا صغيره يا كبدى
ياسين بعياط : المفتريه كانت هاتموتها لو كانت لوحدها معاها
أمه همست : إسكت أوعى تتكلم عمك هشام لو عرف مش بعيد يطلقها فاهم ايه حصل لدا كله
ياسين : عشان كانت بتلعب وبهدلت هدومها
أمه أتنهدت : لا حول ولا قوه إلا بالله فيها ايه العيال ياما بتبهدل ياما .. زقته .. قوم روح لأبوك عايزك .. أمه دخلت حطت العيش لقتها ماسكه تاليا بتصرخ فى وشها : إلبسى لبسك عفريت على الله تبهدلى هدومك تانى
تاليااا مع كل صوت تصرخ ..ام ياسين جريت عليها خدتها وياسين واقف ورا الباب يشوف بيعملو ايه أو بيقولو إيه: هاتى البت .. براحه ياختى مش كدا براحه
ناديه برقت وبصتلها : مالك يا توحه فى إيه
توحه : فى إنى فاهمه بتعملى ليه كدا موضوع وراح لحاله اتقى ربنا ..ربنا ها يحاسبك عليها .. وبزعل .. دى يا كبدى ملهاش ذنب.. تاليا استخبت فى حضنها وبقت تعيط وتتشنهف جسمها يتنفض نفض .. توحه ضمتها ووشها اتقلب لصعابنيه .. ياكبدى عليكى يا بنتى ياكبدى .. معلش يا روحى معلش
ناديه بعصبيه شدت تاليا : دى بنتى وانا بربيها انتى فاهمه
توحه مسكت تاليا إلا بتتحامى فيها وتصرخ من قلبها : طيب ماشى إهدى .. هاتى بس البت .. خدتها حضنتها ولبستها البنطلون وتاليا نامت على كتفها .. وبرغم انها نايمه بتتشنهف وتتنفض نفض ..
ناديه قعدت بتهز رجليها ومدايقه بتبص لتوحه بصات غريبه
توحه فضلت تمسد على تاليااا وتبوس فيها وتضمها قوووى قالت : هئ طبعا مين غيرك يحبها ويعمل دا كله
توحه بصتلها : يوه دى عيله يا ناديه محبهاش ليه .. عيله حرام عليكى ربنا ها يحاسبك حساب عسير مهما عملت عيله ياستى اضر.بيها على ايديها اديها خبططين براحه .. مسكت ايد تاليا .. يرضى مين ده .. انتى تتحملى حد يعمل فيكى كدا .. كشفت جسمها وشهقت .. يا مصيبتى .. جالك قلب تعملى عملتك دى أمال أنى أعمل ايه معايا بدال الضره اتنين وعيالهم ماليه الدار .. يا شيخه روحى بسواد قلبك داهون
ناديه لفت وشها وأتحمقت كانت ها تتكلم سكتت لما شافت هشام داخل عليها وماسك ياسين بيقوله واقف برا ليه أبتسم لما شاف توحه .. السلام عليكم ورحمة الله وبركاته .. عامله يا أم ياسين مزعله البطل بتاعنا ليه
توحه بقلق بتدارى تاليا فى حضنها وناديه اتوترت بجد : لا مزعلاه ولا حاجه .. يالهوى انت ماروحتش لأبوك .. ليه كدا يياسين ماتسمع الكلام يا ضنايا
هشام بصله : مالك قول ما تخافش حد عامل فيك حاجه
ياسين مبوذ : مفيش
توحه قامت وشالت تاليا بتزق ياسين على برا : تعالى ياله نروح لأبوك ياله
هشام بضحكه : هاتى تاليا وحشتنى القرده
توحه : نايمه يا أستاذ هشام سيبها معايا أقعد بيها فى السمس شويه
هشام مسكها : طب بوسه بس ..بيشيلها حس ان جسمها بيتنفض وبتتشنهف بصوت واطى .. ضم حواجبه وضمها .. تاليا مالها بتتنفض كدا ليه
ناديه زعقت : هاتتنفض ليه يعنى عشان زعقتلها بهدلت نفسها وراجعه من برا شدت الهدوم . بص المنظر ورمت الهدوم تحت رجله
هشام وشه أتقلب عدل تاليا بيبص على وشها بزعل اتفاجئ بخط أحمر على خدها .. نيمها على الكنبه وبيبص فى ايديها وعلى جسمها واتفاجئ بالمنظر اتعدل زى الغول وبصوت مرعب أول مره يشوفو هشام الهادى بالمنظر دا : أنتى ضر.بتيها بإيه .
توحه : إهدى يا أستاذ هشام ماجراش حاجه
هشام زعق أكتر وعيونه وقعت على السلك شده : أنتى اتجننتى .. بتضربى طفله زى دى بالسلك يا ناديه ليه عملت فيكى إيه زقها جااامد وقعها على الكنبه .. ماتردى
ناديه زعقت : أنا تعبت .. انت فاهم تعبت منها كل شويه أغير وانضف مش ملاحقه عليها عايزا تتربى دلعك فيها مخليها تعمل أى حاجه وناديه تشيل الطين
هشام بحده : أنتى إلا عايزا تتربى مش هى .. هز راسه .. من إنهارده ها أريحك منها أدام تقيله على قلبك .. أنا مفيش عيل ليا أنضر.ب ولا أتهان أنتى إيه ماعندكيش قلب لولا العيبه كنت جبت السلك ونزلت عليكى بيه عشان تحسى بكل ضر.به نزلت على جسمها .. شال تاليا إلا بتغمض عيونها قوى خايفه تفتحها ..
ناديه قربت عليه بتشدها : انت رايح بيها على فين
هشام زعق : ملكيش دعوه فاهمه قسما بالله لأحاسبك على إلا عملتيه فيها بس اصبرى عليا
ناديه بتزقه : سيب البنت بقولك أنا اربيها بالطريقه إلا تعجبنى
توحه : صلو على النبى يا جماعه دا شيطان والله دخل بينكم
ناديه فردت ايديها : اه مالازم تعمل كدا ماهى دى حبيبة القلب إلا حضرتك لازم تحطها جوا عيونك
هشام بصلها بقرف وضم تاليا إلا بدئت تعيط وتغمض عيونها قوووى .. خرج بيها برا من قدام ناديه عشان ما يعملش حاجه يندم عليها طول العمر .. وياسين خرج وراه يجرى وتوحه معاهم
توحه : يا أستاذ هشام أستنى
هشام وقف : نعم ياأم ياسين
توحه : انت رايح بيها فين دى مهما كان أم و الامهات كدا غصب عنها اعصابها بتفلت منها تاليا شقيه حبتين ربنا يبارك فيها
هشام هز راسه ومشى .. توحه روحت بيتها وياسين واقف بعيد خايف ياخد تاليا ويمشى بيها محدش يشوفها تانى .. أتفاجئ بعمه قاعد فى ركن كدا قدام البيت معمول قاعده بس بعيد شويه عن البيت ونيم تاليا على رجله .. شالها وضمها قوى قوى ومخبى راسه فيها .. لما اتعدل ياسين شاف دموعه نازله كل ما يمسحها تنزل تانى ويخبى وشه فى بنته وبرغم دا كله تاليا رافضه تفتح عيونها او تشوف حد خايفه تفتح عيونها تنضر.ب تانى
بااااك
****
أدم بيسمع وهو بيجز على شفايفه وتقريبا كل إلا قاعد إدايق لما دا حصل هناك إمال وتاليا لوحدها معاها كانت بتعمل فيها إيه هز راسه بصوت مخنوق : وبعدين
ياسين بحزن : عمى بعدها جاب واحده تخدم تاليا لوحدها وتقعد معاها مرات عمى ملهاش دعوه بيها ولا تربيها الست مهتميه بيها من كله .. لما أبويا قاله بتعمل ليه كدا دى حتت بت صغيره .. عمى قاله ناديه نسيت تربية الأطفال والحمل تقيل عليها وتاليا شقيه
زكريا : يعنى إلا ربتها داده
ياسين رفع صباع : هى سنه واحده ومرات عمى ما اتحملتش طردتها وقالتله انا ها أربيها دى بنتى محدش يربيها غيرى وطريقتها معاها اتغيرت واحده واحده وفعلا بدأنا نشوف انها بتعاملها كويس
أدهم بصله بحزن : إلا من غير أم حاله يغم
أدم هز راسه بتاكيد : فعلا ..ومهما الأم زعقت .ضربت .. صوتها جاب اخر الشارع .. عمرها ماتبقى زى غيرها ابدا .. القلم منها يوجع مره ولو من غيرها يوجع ألف مره
ياسين بجديه : انا فهمت كلام أمى لما قالت لها امال انا اعمل ايه عايشه مع ضرتين مع العلم أبويا بعدها اتجوز الرابعه .. وماشاء الله كله مخلف وامى كانت بتعامل ولادهم احسن واحن منهم كمان .. بص لأدم .. أنا معاك فى أى حاجه تطلبها فى أى وقت تكلمنى ها أكون تحت أمرك وراقبتى سداده بس أمانه عليك بلاش تحسسها انها مقطوعه من شجره انا لا عايز اروح ولا اجى خد اخواتى وديهم لها يقعدو معاها شويه لو محتاجه حاجه يعملوها تروح وتيجى عليهم زى الاول
أدم اتنهد وقام وقف : تمام .. انا فعلا محتاجك اليومين إلا جاين .وبجديه .. تاليا انا مش مانعها عن حد غير خوف عليها لا اكتر ولا أقل .. امورها تبقى تمام هاتعيش حريتها كامله
زكريا وقف هو كمان : انا لازم أمشى .. بص لأدم .. اعمل إلا قولتلك عليه اسمع كلامى البنت محاطه بكمية كره غير طبيعى
أدم بتفكير : ربنا يسهل .. تليفونه رن برساله فتحها أبتسم لما شافها من تاليا : أدم الزبادى انت نستنى والا إيه انا حاسه بنا.ر رهيبه .. رد عليها .. سلامتك يا حبيبتى أنا جاى حالا وها اجيبلك وقفله .. رفع راسه وهو بيحط التليفون فى جيبه .. طيب انا مضطر أمشى .. سلم عليهم وزكريا نزل معاه قاله وصلنى فى طريقك عمرو مشى من بدرى ومعاه عربيتى ماجبهاش وفعلا نزلو مع بعض
ياسين بص لأدهم : ياله
أدهم : لا روح انت عصام ها يوصلنى
عصام نطر إيده : عمى أنا اسف بس مش ها اقدر
أدهم هز راسه بتاكيد : لا ها تقدر وهاتوصلنى
ياسين أبتسم : وصله عمك وبيحبك بيدلع عليك .. بالأذن انا سلم عليهم ونزل
عصام أتنهد وأدهم قعد تانى : تعالى يا عصام أقعد وطول بالك شويه انا عارف إنك مش طايق حد فينا
عصام قعد وبصله : عادى يا عمى عادى
أدهم : ليه دا كله
عصام بحمقه شديده : ليه عشان أنا هوا بالنسبه للكل .. أنا مش أنسان روبوت الكل بيتحكم فيه وبيمشيه على مزاجه وانا مش كدا ولا ها أكون كدا لازم يفهمو دا .. ساميه أستغلت حبى لها وقللت منى .. صغرتنى قدام نفسى ياعمى قوى وقدام الكل .. أنا لا زعلان من أبويا ولا منك أنا زعلان إنى مجرد أمنت لواحده بتلعب بمشاعرى كنت فاكر انها هاتكون فى ضهرى وتقول اااه انا معاك مهما حصل .. حط إيده على صدره .. وانا كفيل أخلى أبويا وأى حد يوافق بس هى كسرت ثقتى فيها قدام الكل .. على صوته وانا ولا مره ولا مره كسرت ثقتها ولا خذلتها .. عرفت انا بعدت ليه عشان ما افرومهاش تحت إيدى وبيعصر إيده فى بعض
أدهم اتصدم كل دا جوا عصام من ناحية ساميه طوح إيده : هى بنتى كدا خايبه رايحه مع إلا رايح وراجعه مع الا راجع دلوقت بتتخبط يا عصام ومش عارفه تعمل حاجه هى عايزاها .. صعبان عليها تخسر ابوك وعيلتك عشانها
عصام أتحمق جااامد بقى يطوح ايده وعيونه أتقلبت لد.مار شامل : ماكنش صعبان عليها العيله كلها زمان .. ماكنش صعبان عليها بيتك لما كان ها يتخرب بسببها .. جايه دلوقت ويصعب عليها .. جايه دلوقت نفسها الطويل ما يتحملش يوم .. رفع صباع واحد .. يوم يا عمى واحد هو دا إلا عصام يستاهله .. زعق .. باليل أنا معاك والصبح أمك فى العش وإلا طارت .. للدرجه دى انا رخيص .. لا .. وألف لا .. حاول يهدى واتكلم بصوت نوعا مااا واطى . الله يباركلك كفايه بلاش ضغط عليا اكتر من كدا ربنا يسعدها مش كتب كتابها يوم الخميس .. مبروك ياعمى ألف الف مبروك خليها تشرب
أدهم دموعه نزلت ماقدرش يخبيها على صوته : ماتعملش فى عمك كدا يا عصام انا ما أتمناش راجل غيرك لبنتى وأنت عارف .. كفايه ان جواك الحب دا كله لها هى فعلا إللى هاتشرب مش أنت لو خسرتك كل لحظه كنت بتمنى تبقى من نصيبك
عصام هز راسه بنفى : صدقنى وانا ما اتمناش تقع فى طريقى ولا يربطنى بيها علاقه عشان مش ها تشوف غير أسوء ما فياااا .. دموعك غاليه عندى بلاش انت
أدهم قام وقف طلع منديل مسح وشه وماشى وعصام باصص عليه بتأنيب ضمير هو ملوش ذنب : أستنى يا عمى
أدهم نطر ايده : خليك
عصام خد مفاتيجه وتليفونه ونزل معاه يوصله لايمكن يسيبه يمشى بالحال دا .. ركبه جمبه وأتوكل على الله يوصله وقف قصاد البيت عنده وساميه واقفه فى البلكونه مستنيه أبوها اتفاجئت بعصام هو إلا بيوصله ارتبكت وبقى حالها حال وكأنها اول مره تشوفه او تتعامل معاه ..
أدهم وهو قاعد فى العربيه : أنزل معايا ومش ها أقبل منك أى كلام .. والله لو ما نزلت وأتعشيت معايا لأنام بحصرتى عليكو كلكو وذنبى هايبقى فى راقبتك
عصام مدايق جداااا مش عايز يشوفها ولا يضعف ولا عايز إحتكاك بينه وبينها أتكلم بخنقه : أرجوك ياعمى ماتضغطش عليا سيبنى خلينى أمشى خلينى بعيد وأرحمنى من إلا أنا فيه
أدهم بحلفان : والله ما أسيبك ها اموت يا عصام بسببكم ها أموت انا مضغوط زيك وأكتر مسك دراعه وبرجاء شديد : ماتزعلش عمك حبيبك ياله بقى
عصام أتنهد وبطل العربيه بياخد المفتاح ونازل اول ما طلع من الباب عيونه تلقائيا بصت فوق وشافها واقفه مجرد ما شافته أبتسمت بفرحه عارمه بتشاور له رزع الباب وضغط على المفتاح يسوجر العربيه طلع ورا عمه وتجاهل ساميه تماما ..
ساميه جريت طلعت برا بصت فى المرايه بتعدل شعرها وقرصت خدودها .. قربت من الباب فتحته وأول ما شافت ابوها حضنته وبفرحه كبيره : حمدالله على السلامه يا بابا وحشتنى
أدهم أبتسم عارف هى مبسوطه ليه : الله يسلمك كنت مسافر وإلا إيه سابها ودخل وهى مدت إيديها لعصام : أزيك يا عصام عامل إيه
عصام بص لإيديها بقرف ودخل من غير ما يبصلها حتى .. قعد جوا فى الانتريه وحط التليفون والمفاتيح قدامه على الترابيزه
ساميه دخلت وقفلت الباب راحت على الانتريه على طول وراه اتنحنحت وبإحراج شديد كأنه غريب عنها أو فعلا أنسان ماتعرفوش : تحب تشرب إيه
أدهم جه من وراها بعد ما غير حط ايده على ضهرها لفت بصتله : حضرى العشا يا حبيبتى
ساميه بفرحه : هايتعشى معانا يابابا
عصام بحده : معاك ها أتعشى معاك يا عمى
أدهم شاور : معايا .. بص لساميه .. ياله روحى اعملى الأكل مش ها اوصيكى بلاش إلا بتعمليه فياااا
ساميه عيونها ما اتشالتش من على عصام : حاضر يابابا .. بعد إذنك .. سابته ودخلت جوا المطبخ صعب عليها نفسها وفضلت تعيط بحرقه .. طلعت البيض والجبنه واللنشون وكل حاجه قدامها بقت تطلعها برغم ان ايديها بترتعش رعشه شديده .. رعشة قلق وخوف وتوتر ..
عصام قاعد برا لف وشه بديقه : قولتلك يا عمى بلاش تضغط عليا وتطلعنى بلاش .. قام وقف .. ارجوك خلينى أمشى
أدهم مسكه : والله مانت ماشى .. أقعد وإهدى بقى ادخل انا اعمل الاكل وادخلها الاوضه اقفل عليها .. إهدى يابنى إهدى
عصام قعد وعيونه راحه جايه شاف بوكيه ورد وعلبة شيكولاته فهم ان دى زيارة زياد لها حط ايده بين راسه بيعصر فيها ..
أدهم : أنا ها أقوم أساعدها لتعك الدنيا انت عارفها عكاكه كبيره وضحك
عصام هز راسه وشاور بمعنى اتفضل وبمجرد ما عمه دخل جوا قام وقف بص فى البوكيه وبيقرء الكارت إلا عليه : إلى زوجتى المستقبليه إلى احلى ورده فى أحلى بستان ساميه .. كرمش الكارت جوا ايده ورماه وشال علبة الشيكولاته والورد طلع البلكونه رماهم الاتنين نطرهم نطر .. دخل قعد مكانه حط رجل على رجل وحس إنه مرتاح كدا .. سمع صوت ساميه وهى بتزعق بعياط : يعنى إيه ما اخرجش برا البيه مش طايق يشوف وشى كمان ليه عفريت .. خرجت تجرى على عصام وأبوها وراها عايز يمسكها مش قادر عليها هبت فى وش عصام : فى إيه هاااا مالك ليه المعامله دى وعشان إيه إحنا إلا بنجرى ورا سعتك دلوقت ومش عاجبك
عصام قاعد بارد ما بيبص ناحيتها ولا مهتم لكلامها أصلاااا
أدهم : ساميه تعالى يا حبيبتى أسمعى كلامى مره وريحينى
ساميه نطرت ايديها : سيبنى يا بابا .. قعدت على روكابها قدام عصام وبعياط رهيب .. أنت إلا بتعاملنى المعامله دى .. أنت .. منا جتلك وقولتلك ها اعملك إلا انت عايزه ومش عاجبك
عصام زق ايديها من عليه ونطر راسه : قومى من هنا
ساميه صرخت فى وشه : مش قايمه .. عاملى حظر من حياتك كلها مش من التليفون بس .. افتح الحظر واسمعنى بطل تعذبنى انت كمان عمرك ماكنت قاسى معايا كدا عمرك ياعصام إيه جرالك جبت القلب الجامد دا منين
عصام بيجز على سنانه : قومى من هناااا شوفى عروسه لعبه تلعبى بيها غيرى
ساميه مسكت ايده وبعياط أكتر : حقك علياااا سامحنى انا مش عارفه أرضيك ازاى مش عارفه أعمل حاجه من غيرك
عصام قام فاساميه وقعت سندت بإيديها وبصاله .. شال حاجته وبص لعمه أتكلم بخنقه : قولتلك بلاش تطلعنى .. شاور على ساميه .. دى ما بتفكرش غيرر فى نفسها وراحتها بس ما بتعملش حاجه عشان حد .. سابهم ونزل وأدهم قعد يبصلها .. قامت تجرى على البلكونه تشوفه اتفاجئت بالورد والشيكولاته مرمين تحت فى الشارع .. عصام طلع بالعربيه واتعمد يدوس عليهم فرمهم وطار من قدامها ..
ساميه باصله ما بطلتش عياط ابدااااا .. أدهم دخلها جوا واترمت فى حضنه بقت تعيط بجنون : خلصنى يابابا من الورطه دى ارجوك انا عايزا عصام ارجوك يابابا رجعه تانى
أدهم هز راسه : بعد إيه يا ساميه عصام فعلا اتغير .. انتى كسرتى ثقته فيكى قدامهم كلهم زى ما قال .. بيعاتبها .. ازاى تقوليله باليل انا معاك والصبح تقوليله لاء شوف غيرى وقدامهم .. هايثق فيكى ازاى وإلا يأمن ليكى ازاى يابنتى بعد ما شاف حبك لعلى وإلا عملتيه عشانه .. وهو ولا عملتى اى حاجه عشانه رامتيه مع أول مطب .. عنده حق
ساميه وهى فى حضنه بتعيط : يعنى خلاص خسرته للأبد
أدهم : خلاص سلمى أمرك لله واسكتى بطلى عند معانا كلنا والله لو كان قالى عايزها ياعمى لكنت كلمت هارون قولتله كل شئ نصيب بس هو مش عايزك مش عايزك فاهمه
ساميه اتعدلت وهزت راسها عيونها جمدت بالدموع إلا فيها : فاهمه .. دخلت الاوضه وقفلت على نفسها ..
**
تاليا قاعده تعبانه جداااا راندا كل شويه تبصلها وترجع تانى تبص للتلفزيون بعد وقت : مالك
تالبا ماسكه بطنها : مغص بيروح ويجى
راندا : مش فاهمه
تاليا بتعب : الدكتوره بتقول على النت تفاتيح ولاده دا أول يوم ليا انهارده فى التاسع وبطنى تقلت قوى
راندا ابتسمت وسقفت بفرحه : يعنى هاتولدى وهايبقى عندنا ببيهات كتير .. الله
تاليا بجمب عنيها : اااه ها يبقى عندى ببيهات ومش هاتخطفى ولادى فاهمه
راندا : هههههههه .. تاليا هو انتى هاتولديهم ازاى كلهم هاتعرفى
تاليا بصتلها : ماولدتش قبل كدا للاسف عشان اقولك .. قامت وقفت فضلت راحه جايه .. راحه جايه
راندا : ماتيجى ننزل نتمشى شويه فى الهوا
تاليا : ضمت كتفها : الجو برد ياراندا
راندا قامت مسكت ايديها : تعالى تقلى شويه خلينا نغير جو بدال قعدتنا هنا وقولى لأدم يدينى الفون بقى كفايه
تاليا بصتلها بجديه : أنا مليش دعوه با إلا بينك وبينه كلميه وقوليله انتى
راندا قلبت وشها : أدم متجاهلنى وبيسمع كلامك أنتى
تاليا بجراءه : أنتى عملتى فيه إيه وليه بيعاملك كدا
راندا أتأففت : يواه يا تاليا انا ماعرفش أدم فعلا غريب هو تقريبا بيقضى فترة عقوبه معاياااا يا بيخدم بابى عشان طول عمرنا ما أتفقنا فى حاجه
تاليا بفضول : ليه
راندا ابتسمت وبصتلها : لو بابكى عايش كان قالك ليه .. اى مشكله يجى يحلها بيناااا .. اصل انا بحب مامى أكتر من بابى ولما أطلقو كنت عايزا أعيش معاها رفض قالى مش هاتقعدى مع راجل غريب ..
تاليا : هو اتجوز بعد مامتك
راندا قلبت شفتها وبتحركها بطريقه غريبه : لاء بس اى راجل عايش حياته من تحت لتحت مش شرط يكون قدامى أنا بقى واضحه ليا علاقه مع حد الكل عارف بيها مش بعملها وانا مستخبيه زيه
تاليا بإستغراب : هى الذنوب والمعاصى بقت حاجه عيب نخبيها .. راندا حرام .. حرام .. التفاخر بالمحرمات حرام وكبائر
راندا ضمت شفتها ومطتها : تاليا انا ما أتربتش على كل حاجه دا حرام دا حلال إلا عايزاه بعمله ممكن تقومى بقى وبلاش درس دينى دلوقت خلصى قبل ما أدم يرجع
تاليا قامت لبست فعلاااا وخلصت وراندا لبست بنطلون وسويت شرت وكوتشى أبيض .. ماشين جمب بعض الاتنين راندا بحريه : تعرفى اول مره أحس إن الدنيا مختلفه تماما
تاليا ابتسمت : ازاى بقى
راندا بصت حواليها على كل مكان : كنت عايشه فى وهم ٢٤ ساعه على الفون بصور نفسى . بصور إلا حواليا بس ماعشتش الحياه حتى وانا بعمل شوبنج وبتفسح حسيت أد ايه دلوقت أنا كنت انسان ألى .. عايشه ومش عارفه انا عايشه ليه أو أهميتى إيه
تاليا بسخريه من نفسها : وعرفتى انتى عايشه ليه
راندا هزت راسها بتأكيد : أيوا
تاليا فردت ايديها : عقبالى يارب لما أعرف انا عايشه ليه
راندا لفت بصت لواحد ماشى وبسرسعه : يا قليل الأدب يا سافل إيه إلا انت عملته دا
تاليا بحمقه وشها اتقلب : عملك إيه
راندا بحمقه اكبر : انا مش ها اسيبه لازم اعرفك
تاليا قربت عليه : نهارك اسود .. انت ازاى تعمل كدا ازاى
راجل قرب منهم : صلى على النبى وإهدى
تاليا زعقتله : ماتقوليش إهدى ترضاها على بنتك
الراجل : لاء
تاليا : ترضاها على مراتك
الراجل بنفى : لاء .. هو عمل إيه
تاليا هزت راسها : ماعرفش بس ترضاها على بناتك ماتدافعش عنه إلا زى دا ينضر.ب ويتأدب
الشاب فرد ايده بعصبيه : والله ما عملت حاجه .. بص لراندا وهب فى وشها .. انا عملتلك إيه هاتتبلى عليااا
راندا رفعت رجليها : بهدلتلى الشوز ياغبى
تاليا تنحت ومسكت ضهرها بصت للراجل وبصعبانيه : والله ماعرف ياعمو كنت فاكراه بهدل هدومها
الراجل مد ايده قدامها : يا شيخه حرام عليكى اتقى ربنا دانتى كرشك قدامك مترين وسابها ومشى
تاليا رددت الكلمه : كرشى يا إلا تنضرب فى كرشك
راندا رفعت راسها لفوق وضحكت جااامد
الشاب بص لتاليا : عارفه انتى لو مش ست وحامل كنت ضربتك وسابها ومشى
تاليا بتشاور على نفسها : ضربنى .. علت صوتها .. ضربه فى قلبك انا مالى .. بصت لراندا بشر .. عارفه انتى لو مش ضرتى كنت فرجت عليكى الناس
راندا بتضحك مش فاصله خالص وتاليا بدأت تضحك هى كمان .. علت صوتها .. منا غبيه بردو ومندفعه طب أعرف فى إيه الاول
راندا بتمشى ايديها على الهوا : انتى رهيبه بتشتغلى قبل ماحد يشغلك
تاليا بتضحك جاامد ومسكت بطنها : الراجل بيقولى فى ايه بقوله ماعرفش بس ترضاها على بناتك هههههههههه كل ما أنزل معاكى الناس تتفرج عليا منك لله
راندا : ههههههههه .. تعالى ناكل شيكولاته
تاليا باصه على التلاجه : اااه انا نفسى فيها تعالى .. جابو الشيكولاته وماشين يتكلمو وياكلو مع بعض .. راندا بتحكى لها بعض المواقف بينها وبين ابوها سمعو كلاكس عربيه وراهم
أدم طلع من شباك العربيه : طب اعاكس وإلا أدوس عليكو انتو الاتنين واخلص منكو ايه نزلكو دلوقت
راندا راحت عليه جرى وهى بتضحك : ادومه إلحق
تاليا قربت عليهم وركبو معاه العربيه خدهم واتحايلو عليه يتمشو او يعشيهم برا وفعلا خرجو مع بعض يتعشو وقلبو دماغه الاتنين مره خناقات ومره هزار
**
عصام بعد وقت وصل قدام الشقه نزل لقى محمد واقف مستنى تحت قرب منه : إيه جابك دلوقت
محمد بصله : عشان ماعرفتش اجى لما قولت لأدم .. ماما تعبانه قوى
عصام هز راسه : مالها
محمد بقلق : ماعرفش انا سايب الدكتور معاهم فى البيت قولت أجى أقولك عشان ما بتردش علياااا
عصام بقلق شديد : ما استنتش ليه لحد ما يكشف عليها
محمد طلع الفون وهو بيرن ورد على طول : أيوا يا بابا .. إيه .. طب انا جاى ولف وماشى
عصام مسكه وبعصبيه : فى إيه
محمد بلهوجه : ماعرفش
❤❤🧡🧡🧡💛💛
بقلم : لبنى طارق
💚💙💙💜💜🤎
أنت تقرأ
صقر الظلام
Mystery / Thrillerأقع كدا وشوف كام واحد جمبك جرب وانت تشوف إن نجاحك والبروبجندا إلا كانت حواليك هاتختفى تماما لما يحسو إنك ضعفت أو فى تخبط فى حياتك مش قادر تواصل وطول الوقت بتجاهد تقف من تانى .. الحب مش كلمه او تعلق وقتى ولحظى بينتهى بإنتهاء زهوتك فى عيونهم الحب هو إ...
