صقر الظلام

صقر الظلام ٨

صقر الظلام ٨
**************

"اللهم آتِ نفوسنا تقواها، وزكِّها أنت خير من زكَّاها، أنت وليها ومولاها".
رب اشرح لي صدري ويسر لي أمري واحلل عقدة من لساني يفقهوا قولي.
اللهم أنت ربي لا إله إلا أنت خلقتني مسلماً، وأخرجتني من ظلمة الأحشاء، لا أملك لنفسي نفعاً ولا ضراً، ولا موتاً ولا حياةً ولا نشوراً، وسّع اللهم عليّ فيما رزقتني، وبارك لي فيما أعطيتني، إنك على ما تشاء قدير.
رب أدخلني مدخل صدق وأخرجني مُخرج صدقٍ وإجعل لي من لدنك سلطاناً نصير.
اللّهم إني أسألك إيماناً لا يرتد، ونعيماً لا ينفذ ومرافقة محمد صل الله عليه وسلم في أعلى جنة الخلد.
اللهم إني أسألك عيشة نقية، وميتة سويّة، ومرداً غير مخزٍ، ولا فاضح.
أنت ولينا فإغفر لنا وإرحمنا وأنت خير الغافرين.
اللهم إني أسألك النعيم يوم العيلة، والأمن يوم الخوف، وأعوذ بك من شر ما أعطيتنا، وشر ما منعتنا.
أنت وليي في الدنيا والآخرة توفني مسلماً والحقني بالصالحين.
اللًهم حبب إلينا الإيمان وزينه في قلوبنا، وكره إلينا الكفر والفسوق والعصيان، وإجعلنا من الراشدين.
اللهم صل وسلم وبارك على سيدنا محمد وعلى آله وصحبه أجمعين

❤❤❤🧡🧡🧡💛💛💛💛💚💚💙💙💜💜💜💜💜
الدكتوره : مدام تاليا أتفضلى .. أبتسمت .. الف مبروك يا فندم
تاليا وقفت مكانها غمضت عيونها ودمعه هربت هروب بمعنى الكلمه من عيونها كأنها فى سجن كبير ما صدقت تتحرر منه .. قربت خدت نتيجة التحليل ونزلت
ساميه نازله بتتنطط وعماله تبوس فيها : مبروك يا حبيبتى الحمد لله ربنا بيعوضك عن إخواتك وعن أدم هاتلاقى حد تاخديه فى حضنك تديلو كل الحنان وتحكيلو عن كل حاجه وانتى حاسه بالأمان .. معاه
تاليا تايهه  مابتردش مش قادره تقول أى حاجه
أميره ببتسامه : ياحبيبتى   ألف ألف مبروك يتربى فى عزك وعز أبوه
تاليا هزت راسها وعيطت قالت بصوت مخنو.ق : لاء يا طنط حرام .. حرام والله انا ها أعمل إيه ..  افردى عملو فيا حاجه ذنبه إيه المسكين يتأذى بسببى أنا سايبه شقتى وهربانه وسايبه بيت أبويا وهربت ها يفضل هربان معاياااا مش عارف مصيره إيه زى أمه
ساميه بصتلها بزعل : تاليا يا حبيبتى أنتى دايما بتكلمينى عن إرادة ربنا وإن كل شى ربنا بيعمله أكيد فى خير لينا حد يزعل على نعمه كبيره زى دى
تاليا بعياط شديد وشنهفه : والله مازعلانه أنا خايفه كان نفسى فى حتة عيل من زمان بكبر وانا لوحدى بس يوم ما يجى .. يجى وانا مش حاسه بالأمان ولا الأستقرار فى حياتى .. كلامها اتخن.ق أكتر .. حتى ابوه خاطب وها يتجوز
أميره لفت ايديها حوالين كتافها وضمتها : يا حبييتى يا بنتى بطلى تفكرى وتشيلى هم إلا جاى ربنا رزقك بيه وربنا قادر وحده يحفظه وبعدين لما يرجع أدم بالسلامه نشوف رد فعله ونعرف إذا كان ها يبيعك والا لاء .. ضمتها أكتر أنا أمكم خلفو أنتو وملكوش دعوه وهاتولى انا أربى .. الصراحه نفسى اربيكم انتو الاول بس أعمل ايه أربى ولادكم ان شاء الله وأمرى لله
ساميه بتلطف الجو : أيوا يا ميرو يا ميسطر .. بصت لتاليا خلاص لقينا ملجئ يابت كل ما ينزل أدم اخطفيه وملكيش دعوه خلفى وارمى لميرو
تاليا : هههههههههه بطلى تهريج
ساميه : ياختى هرجى كفايه غم وخوف بقى بقولكم ايه بالمناسبه الحلوه دى إحنا نجيب فطير وقرص  ونروح نزور ماما نفرحها معانا .. ياه يا تاليا لو عايشه كانت فرحتلك قوى مش عايزا أقولك ماما كانت بتحب الحوامل بطريقه مش طبيعيه وتقعد تدعيلهم وتتمنى تشوفنى زيهم
أميره أتنهدت : الله يرحمها .. هاتى المفاتيح انا إلا ها اسوق بدالك
ساميه قربت عليها بضحكه : أنا شايفه إنفلات أمنى قلبك بقى حديد ياميرو وعمى ساب السايب فى السايب مش هايعرف يسيطر تانى ضعت ياعمى وإلا كان كان
أميره : عارفه أمنية حياتى أعمل فيكى إيه انتى ومحمد
ساميه بغمزه : إيه ياجميل
أميره : أقص الحته الزياده إلا فى لسانكم 
ساميه : ههههههههه محمد مش هاتعرفى تقصى من لسانه حاجه بيطرقع ويجرى  غدار
أميره وتاليا : ههههههه
ركبو العربيه وفعلا جابو قرص وراحو يزورو أم ساميه ..إلا كانت بتضحك وتهزر اتقلب حالها وبقت تعيط وانهارت من العياط خلتهم الاتنين يعيطو لدرجه مبقوش شايفين قدامهم ..روحو على بيت أميره  وخد عندك إهتمام بيأكلو تاليا غصب عنها وحجزو لها عند دكتورة نسا عشان تتابع حملها 
عزت  قاعد هو وأدهم مع عمهم  هارون برا البيت  .. راجل خشن جداااا وحاد خصوصا لو فى تجاوز فى حاجه ..  كبير عيلتهم إلا بتمتد للصعيد  بس عاشو واتربو بعيد عنها واولادهم مايعرفوش من الصعيد حاجه غير أسمه بس عمرهم مانسيو أبدااا العادات وأولها كبير عيلتهم  إلا كلمته بتمشى على الكبير والصغير
هارون قاعد وباصص لهم الاتنين وبخشونه شديده : أنتو رجاله أنتو أنا صابر وعمال أقول ها يعقلو ويفوقو لروحهم .. زعق .. إيه ياعزت  إيش حال إنك راجل أمن عارف يعنى إيه ظبط وربط .. زغد أدهم .. وأنت ياما قولتلك بلاش تدلع بنتك الدلع الماسخ إلا ملوش عازه عندنا .. البت يتك.سر لها ضلع يطلع اربعه وعشرين .. عصام طايح هو وساميه وإلا فى راسهم بيعملوه عشان عارفين إن مفيش حساب لهم
أدهم بصله : ياعمى النقطه السودا فى حياتة ساميه  هى جوازها من الواد على غير كدا لاء
هارون هز راسه : لاء فى يا أدهم  ياما كلمتك على لبسها وقولتك ماتطمعش فيها الرجاله ال.... بس أنت مابتسمعش .. دى بت وحيده ياعمى بكرا تتجوز وتعقل يا عمى مش هانكبتها ياعمى
أدهم بحزن : أهى عقلت غصب عنها وعننا كلنا ساميه أتغيرت كتير والحمد لله بقت تصلى مابتطلعش من البيت غير فى اديق الحدود  إلا بنحار.ب عشان نغيره مابيتغيرش لما تركانها  اتغيرت لوحدها كل شئ بأوانه
هارون : اااه بتك كبرت اتجوزت واتطلقت ومقعدها جارك يا راجل إحنا ماعندناش بنات تقعد جار أهاليها يا أدهم وزى ما قولتلها لو الواد طلع زى ما بنقول وإطلقتى  أنا إلا ها أجوزك على كيفى وهى قالت ماشى موافقه .. خلاص أن الاوان نلمها ويتعمل لها بيت وعيله بس على كيفنا إحنا
أدهم بص لعزت بيلومه بعيونه فعلا البنت عندهم حاجه كبيره انها تقعد جمب أهاليها وفى السن دا لا عيل ولا راجل
عزت : عمى الولاد فعلا عرفو غلطهم
هارون بحده  : لو عرفو غلطهم ايه مقعد ابنك من غير جواز لدلوقت يا عزت .. سايبه يتنطط من لواحده لواحده .. ياراجل دانتو لو بالصعيد كان زمان ولادك كلهم متجوزين ومخلفين .. طالعين خرعين لمين أنتووو .. فيكو إيه يا ولاد محروس فيكو إيه لا قادرين تمشو كلمه على واد ولا على بت  ياعيب الشوم عليكم .. شاور بالعصايه إلا فى إيده .. إبنك عصام فى اللحظه إلا ينزل فيها تبلغنى عشان زى ما وعدتهم زمان هايتعمل لهم قعده عرفيه وإلا هانحكم بيه فى القاعده هو إلا هايتم .. عندك قول تانى ياعزت
عزت هز راسه : لاء ياعمى إلا تشوفه مناسب أعمله بس اقعد معاهم الاتنين الاول يمكن تغير رأيك
هارون : لا ها اقعد ولا ها اتكلم غير فى غلطهم وزى ماحكمو على روحهم زمان يتحملو الحكم مهما كان دلوقت  .. بص لادهم .. عندك قول تانى
أدهم هز راسه : لاء إلا تشوفه ياعمى أهم حاجه بنتى تبقى فى امان وتستقر 
هارون قام : على خيرة الله
عزت : أنت رايح فين انا كلمت أميره تجهز الغدا
هارون بيحط العبايه على كتفه : ها أكل بس نهار فرح ساميه وفرح عصام
عزت برجاء : عمى لو بتحبنى اقعد اتكلم معاهم الاول وأعرف دنيتهم إيه ارجوك ..  الولاد دماغهم  مش زى زمان محدش بيعرف يجبر حد على حاجه انا عارف انهم مش عارفين مصلحتهم وغلطو بس إديهم فرصه أخيره
أدهم بص لعمه : أنا رأى من رأى عزت خايف ساميه تكسر كلامك وتزعل مننا العمر كله إديهم فرصه قبل ماتقعد وتعمل قاعده كبيره تقل مننا كلنا هايقولو زى مابتقول مش عارفين نربى عيالنا ولا نمشى عليهم كلمه .. ساميه مش بنتى لوحدى دى بنتكم كلكم
هارون أتنهد : لسا قلبكم روهيف عليهم .. ماشى يا ولاد أخوى ماشى بس قسمااا عظماااا لتكون اخر فرصه القاعده هاتكون بنيتنا وإلا ها أقوله هو إلا هايمشى مهما كان 
عزت وادهم أبتسمو : ماشى ياعمى  ..
هارون طلع برا وهما مشيو معاه وصلوه للموقف و راجعين ادهم ساكت وباصص من الشباك على برا 
عزت : هاتفضل مبوذ كتير
أدهم نطر إيده : على إيه خلاص مفيش حاجه تستاهل البوذ الحمد لله ان عمى ها يخلصنى من حمل ساميه اشوفها فى بيتها متستته ومرتاحه وفى حضنها عيل دا لو لها نصيب تخلف
عزت : هاتشوفها وتفرح بيها وبولادها ان شاء الله
أدهم : كلم أميره عشان انا محرج قولها تاخدها وتشوف عدم الخلفه دا من ايه عشان نعالجها
عزت اتصدم معقول أدهم مايعرفش إن بنته بنت بنوت لسااا .. سكت ماحبش يفتح النار على ساميه أو يعمل مشاكل بينها وبين أبوها دلوقت ما بيصدق الأمور تهدى شويه وتاخد مسارها الطبيعى .. هز راسه .. حاضر يا ادهم ها أقولها  ماتقلقش عليها أميره هاتفضل معاها وتتطمن وتطمنك
أدهم أتنهد : ماشى يا أخويا كتر خيركم
عزت أبتسم : لماتجوز ساميه ان شاء الله شوف حالك اتجوز وهات واحده تاخد بحسك فى البيت
أدهم : ولا واحده تعرف تتحملنى زى منيره الله يرحمها  انا لو دخلت واحده البيت ها أظلمها معايا محدش بيفهمنى ولا بيعرف يتأقلم على طبعى بسهوله
عزت : يا سيدى كل دا كلام فارغ الستات ياما بتتحمل وياما بتشيل حط عينك على واحده بنت حلال محترمه وهاتتحملك يا سيدى ماتخافش الولاد بعد جوازهم بيتلهو فى حياتهم ومش هاتلاقى حد يهتم بيك يا أدهم
أدهم : وقتها ربنا يقدم إلا فيه الخير
عزت : اميره وساميه وتاليا راحو على بيتى بيجهزو الغدا هانتغدى مع بعض كلنا .. أبتسم .. مش البنت تاليا حامل
أدهم أبتسم وبصله : بجد
عزت ضحك بصوت مسموع : اه والله الواد أدم دا طلع مش سهل نفسى اشوفه لما ينزل واعرف رد فعله ايه جاله قلب يتجوزها وهايخلف وهو خاطب بنت صالح دا قلبه حديد
أدهم : يارب ما يكسر بخاطرها  الواحد بقى خايف من خياله
عزت : هو إلا اختارها واتجوزها بإرادته هايكسر بخاطرها ليه ولاد الناس مش لعبه أنا ها أكون مكان أبوها وها اقف فى وش اى حد يجى عليها انا حبيتها قوى يا أدهم وأميره بتشكر فيها وبتحبها
أدهم : بينى وبينك حرام نيجى عليها إحنا كمان كفايه إلا شافته هى بالنسله ليا زى تاليا بالظبط
****
ياسين قاعد على القهوه بيشرب شاى بيفكر فى إخواته البنات ياترى عاملين إيه وإلا مين بيهتم بيهم دا محدش بيسأل فيهم غيره حتى الحاجه الحلوه هو إلا كان بيجبها لهم  أتصل على تاليا أول ما سمع صوتها أبتسم : وعليكم السلام أزيك يا تاليا أخبارك إيه
تاليا : الحمد لله أنت عامل إيه يياسين يارب تكون بخير
ياسين : الحمد لله رب العالمين بخير بس قلقان حبتين
تاليا بفهم : عشان إخواتك
ياسين بتأكيد : إيوا نفسى أشوفهم وأطمن عليهم زمان أبويا مطلع عينهم .. لسا ما كلمتيش الراجل إلا قولتى ممكن يساعدنى أجيبهم هنا
تاليا : كلمته وأتفقت معاه أقابله بكرا إن شاء الله أنا وانت عشان تقوله أى تفاصيل هو محتاجها منك
ياسين : كتر خيرك
تاليا : على إيه كتر خيرك أنت لو أحلفلك وأقولك إن مجيتك فرقت فى حياتى أد إيه مش هاتصدق .. أبتسمت .. كنت عايزا افرحك وأقولك إنك هاتبقى خال
ياسين قلبه أتقبض : جد
تاليا أبتسمت  : جد  إن شاء الله قريب تشيل إبن أختك تاليا وتياركلى وتبارك لأدم
ياسين ضحك بهدوء ودمعه فرت من عيونه : ألف مبروك ياختى يتربى فى عزكم والأهم تقومى بألف خير وسلاامه معلش يا تاليا مضطر أقفل دلوقت ها أعمل حاجه .. قفل معاها وقام وقف حاسب ومشى على طول .. بقى ماشى فى الشارع دموعه تنزل لا إرادى الخبر زعله وقلب عليه المواجع فكرة إنها مش له مهما عمل ومهما اتغير  بتألم مشاعره  .. فكره إنه لازم ولبد ينسى حبها إلا بينهش فيه كل يوم والتانى .. بقى ياخد نفس ورا نفس وكأن الأكسجين مش واصله أصلاااا بيتخيل لو الولد دا إبنه وتاليا كانت مراته هوووو  بيلوم نفسه لوم فظيع ازاى فكر يهرب من جلا.د ظالم زى أبوه  لجلا.د حبه وعشقه و يعيش معاه وبقربه زى تاليا  ازاى بيستمتع كل يوم بجلده لمجرد إنه يبقى جمبها ويشوفها ويحس بقربها إلا صعب فى يوم من الأيام يتحقق .. فضل ماشى ماشى لحد ما لقى نفسه على موقف الباصات حجز وفضل مستنى معاد الباص  ركب ومشى من غير ما يكلمها يقولها  ..  هرب بس هروب مش عارف هايبقى مصيره إيه بالظبط .. التليفون رن بص فيه لقى أدهم أبو ساميه رد عليه على طول  : الووو الله يسلمك ياباشا ..
أدهم : فينك يياسين  أنا مش متفق معاك نتقابل بعد الغدا
ياسين ضرب على أورته : أخخخ .. راح عن بالى والله يا أدهم باشا  أنى أسف
أدهم : أنى إيه بس أنا أنا
ياسين أبتسم لانهم بيعدلو له  طريقة الكلام  شبه أتعلم كتير منهم : أنا كدا تمام
أدهم أبتسم : أيوا كدا فينك بقى
ياسين : رايح  أجيب إخواتى البنات  وأرجع على طول إن شاء الله
أدهم : انت يابنى ازاى تاخد خطوه زى دى من غير ماتقولنا .. عرفنى وانا أقول لعزت أخويا وهو يتصرف هاتعرض نفسك للخطر
ياسين بالامبلاه : لا خطر ولا حاجه إن شاء الله ربنا ها ييسر أمورى
أدهم : خلاص لما توصل كلمنى  يكون عزت اتصرف وكلم حد يروح معاك بلاش تخاطر بنفسك
ياسين هز راسه : إن شاء الله حاضر لا مع السلامه وقفل معاه .. أفتكر لما تاليا كانت بتزوره فى المشفى فى مره ادهم راح معاها هى وساميه بنته وعرف حكاية ياسين كلها منهم وتابع بنفسه من باب الإطمئنان على الاتنين
فلاش باك
******
ياسين نايم على السرير أول ما شاف تاليا اتعدل وأبتسم : يا مرحب يا مرحب .. اتفضلى يا تاليا .. اتفضلى يا ساميه
ساميه شدت ابوها : بقولك ايه انا جيبالك هديه دماغ ألماظ بس حد يستثمرها وبما انك طلعت غنى وابويا عايز يعمل مشروع وغنى زيك حط فلوسك على فلوسه وأعملو مشاريع مع بعض بقى
أدهم ضحك وضربها على راسها : إيه الداخله دى طب يتعرف عليا الاول عيب يقول إيه  طمعان فيه
ساميه بهزار : إطمع يابابا دول اغنيه غناء فا.حش
تاليا وياسين : هههههههههههه
أدهم : يابت أقصى لسانك عيب .. بص لياسين ومد ايده سلم عليه .  حمدالله على سلامتك ومنور شرم
ياسين سلم عليه وبعدين مسد على صدره : منوره بوجودكم  والله
أدهم : عامل إيه دلوقت
ياسين : الحمد لله احسن كتير والفضل لله ثم تاليا بنت عمى
ساميه : يخربيتك يياسين وانا دانا صارفه عليك لحد دلوقت تلاته كيلو موز واتنين تين وكوزين دوره مشوى
كلهم : هههههههههه
ياسين بضحكه شاور عليها : إيوا صوح عندك حق 
تاليا بعد ما الكل قعد اتكلمت بجديه : كلام ساميه صح بما انك قررت تأسس حياه جديده وطبعا محتاج حد يرشدك ويدلك على كل حاجه إلا ها يفيدك فى الموضوع دا عمو أدهم هو كمان عايز يعمل مشروع لو ينفع شاركو بعض  
ياسين رفع ايده ونقلها : أنى من ايدكم دى لإيدكم دى  
أدهم : أنت بتفهم فى ايه ممكن تشتغل فيه
ياسين : أنا طول عمرى بين الارض والزرع ماعرفش غيرهم  وأعرف تجار كبيره وكتير بياخدو مننا الزرع فى موسم حصاده
ساميه : أممممم .. بابا المشروع دا هنا هايبقى حلو وماشى جدا كل حاجه فى شرم بتتباع غاليه جدا  ممكن تعمل انت وياسين مشروع اغذيه كبير جدا زى إلا بيتصدر برا مغلف وشيك وبيتباع بأقل سعر  بما ان ياسين يقدر يجيبلك بسعر جملة الجمله 
ياسين عجبته الفكره
أدهم قاعد بيقلبها فى دماغه : بس لو زى ما بتقولى يا ساميه دا إحنا هاندخل فى موال شركة تغليف ولوجو بأسمنا وشوية حاجات كتير
تاليا : أنا من رأى تشتغلو فى التوزيع تغلفو وتعملو  اللجو المناسب ليكم وإلا هاتتعرفو بيه وتوزعو على شرم وضواحيها 
ياسين ابتسم : أنى مش فاهم أنتو بتقولو إيه بس انى موافق
كلهم : ههههههه
أدهم قعد فهمه كل حاجه وقرو الفاتحه على كدا خلاص ها يعملو منتج من غير مكان مجرد انهم ها يأجرو مخزن ينقلو فيه البضاعه  بعد التغليف ويوزعو هما الاتنين بما إنهم بيعرفو يسوقو ها يشترو عربيه نص نقل صغيره ويبتدو بيها .. قعدو وقت يدرسو الموضوع وياسين كلم حبايبه من التجار  والتجار إلا ممكن تخدمه من غير ما يعرفو أبوه وأتفق معاهم على شحنات خضار وفاكهه يستلمها منهم لما يظبطو حالهم  .. راحو شركة تغليف أتفقو معاها هى كمان وطبعو الشعار بتاعهم وعزت خلص لهم الورق إلا ممكن يحتاجه من الدوله عشان محدش يعطل مسيرة شغلهم الجديد وبدأت صداقه بين ياسين وادهم من نوع خاص ومختلف
بااااك
*****
ياسين ركن راسه  رجع للواقع بكل ما فيه بقى يتفرج على الطريق على الناس والأماكن .. على الصحرا إلا بتعدى بعد العمار .. شبها  بالمو.ت والحياه   ..  حاسس بحاله من العواصف فى مشاعره حاجات كدا مختلفه بتغيره من جواه بجد وبالإجبار   .. كل مرحله من الحياه بنعيشها بإحساس مختلف وروح ومشاعر مختلفه .. أخيرا بعد وقت كبير جدا وصل ركب تاكسى وراح لأول العزبه ونزل عشان ما يلفتش نظر حد ماشى بحذر شديد وبيحاول يكون بعيد عن عين أى حد أخيرا خلص الطريق ووصل للبيت لف من ورا وقرب من سلك مقطوع  ودخل بشويش ... أتسحب من جمب  البيت وقرب من شباك ومسك زلطه وخبط خبططتين
منال برقت اول ما سمعت الخبطه وزقت توحيده همست : توحيده .. أخوكى .. ياسين رجع
توحيده أتنفضت : فين
منال حطت ايديها على بوئها كتم.تها : أسكتى لحد يسمعك ..شاورت .. خبطته أهه محدش بيعمل كدا على الشباك غيره وبفرحه أنى متاكده إن هوه
توحيده خبطت على وشها : يا خبر أسوح .. ابوكى ومراته برا
منال زقتها : طب قومى على صوت  التلفزيون واعملى اى حاجه لحد ما أشوفه هو والا لاء
توحيده : لو هو خبيه يا منال دا ناوى يق.تله
منال همست اكتر : حاضر حاضر
توحيده خرجت علت التلفزيون فعلا ونزلت نكت وتهريج وبتلهيهم بمعنى الكلمه .. منال قربت من الشباك فتحته بشويش وأول ما شافته صرخت بصوت مكتوم قوى : ياسين .. يا حبيبى يا أخويا يا حبيبى
ياسين أبتسم وشاور : وسعى يا حزينه نسيتى خبطتى والا ايه
منال : لاء يا اخويا أبدا بس ابوك ومراته برا
ياسين نط من على الشباك ودخل الاوضه واول ما دخل منال حضنته جامد قوووى قوى .. أبتسم وضمها أكتر .. وحشتينى يا أم لسانين
منال بتشم فيه : الله يياسين دانت بقيت قمر وريحتك حلوه حلوه انت اتغيرت خالص يا أخويا
ياسين همس وبحماس : انا جاى عشانكم ها أخدكم معايا هاتعيشو حياتكم مش هاتفضلو مدفونين بالحيا هنا 
منال بفرحه شديده : صوح .. يا حلاوه يا ولاه يا حلاوه يا ولاه
الاتنين اتنفضو من مكانهم لما سمعو هبه بتقول بصوت عالى : إلحق ياعبدالعزيز بنتك إلا ما تتسمى بتكلم حد جوا  أنى سامعها بودانى وهجمت على الباب بتفتحه
**
لميس راكبه تاكسى بتتفسح وتشترى هدوم : ألووو ايوا يارامى أنت فين وفين البيه أخوك لا بشوف وشك ولا بشوف وشه هو بالذات
رامى : لميس انا دماغى مقلوبه مش فاضيلك ولا فاضى لأخوكى
لميس بتريقه : مقلوبه من إيه يا حضرة المحامى المهم
رامى : قولتى بنفسك حضرت المحامى المهم .. الحمد لله المكتب مش ملاحق قضاياااا  أما أخوكى معاكى رقم تليفونه وعنوان بيته روحيلو ما تفلقيش دماغى  
لميس : غور أنا مبقتش اعرف أكلمك بتتنطط عليااا بس عادى بكرا تيجى تبوس ايدى
رامى بزهق : ماشى ياستى
لميس قفلت بغل  وقالت لسواق التاكسى على عنوان رامز .. وصلت وطلعت فوق رنت الجرس ومراته إلا فتحت الباب زقتها بالشنطه : فين جوزك يا هانم
_ طب قولى السلام عليكم .. ازيك .. عامله  ايه  كنت بايته فى حضنك
لميس : توء توء لا بايته ولا عايزاكى تباتى فين رامز
رامز طلع من الأوضه لما سمع صوتها : إيه يا لميس داخله بزعابيبك ليه .
لميس بعصبيه : لما حضرتك تختفى كام يوم محدش عارف عنك حاجه بتصل ما بتردش لازم أدخل بزعابيبى يا أستاذ   
رامز شاور وبيتواب : اتفضلى .. بص لمراته .. عبير أعملى حاجه للميس تشربها
لميس شاورت : شكرا ماتتعبيش نفسك
عبير زعقت : هو فى إيه مالها أختك بتكلمنى كدا ليه
رامز : مفيش يا عبير انتى هاتتجددى عليها معلش أدخلى انتى
لميس بتبص لها من فوق لتحت ودخلت قعدت حطت رجل على رجل   رامز قعد قدامها ... خير 
لميس : فى إيه ما بتردش ولا أعرف عنك حاجه من يوم ما جيتلى وعملت فيها أبو العوريف وقولتلى تاليا بتشتغلكو وانا لازم أروح أشوفها واتاكد انها مش موجوده فعلاااا .. إيه أتكسفت فا مش عايز ترد علينا عشان كدا
عبير دخلت وبصت لها وبهجوم : انتى عايزا  من رامز إيه  ما تسبيه فى حاله وراه بيت وعيال مش زيك
لميس قامت وزعقت : قصدك ايه انتى
عبير شوحت : قصدى انتى فهماه ..  لازم تحبسى إخواتك وتوديهم فى داهيه عشان ترتاحى زى ما بتعملى فى جوزك دلوقت
لميس ضربت رامز فى كتفه : أنت سامع الحربايه مراتك وساكت
عبير : مين دى إلا حربايه انا .. طب انتى إيه حيه ماشيه تلدع دا ودا مبتبطليش لدع ... بصت لرامز وبتحذير .. على الله تمشى وراها فى حاجه تقولها على الله يا رامز هاتخرب بيتك بإيدك
رامز هز راسه : ماشى  ادخلى جوا دلوقت
لميس بصاله بشر : يا سلام .. هو فى إيه مالك كدا ناقص تطبطب عليها وتدينى قلمين
رامز مسك دماغه ؛ أنا دماغى هاتنفجر إهدى يا لميس
لميس زعقت بصوت عالى جدا : مالك انت واخوك حكايتكم إيه بالظبط لاااا انا مش ها أسكت ها أطربقها على دماغكم يا رامز والحربايه مراتك دى مش ها أسيبها مش ها أسيبها  أنت فاهم
عبير رفعت حاجب : هاتعملى إيه يعنى ها ترفعيلك كام قضيه والا هاتخطفينى زى تاليا
لميس هجمت على عبير جابتها من شعرها ونزلت فوقيها ضر.ب مهما رامز يحوش عن مراته مش عارف أبداااا لازقت فى عبير زى الغرا وبتنتقم إنتقام رهيب وبغل
رامز زعق وشدها بقوته رماها بعيد  عنها : خلاص  انتى اتجننتى
عبير قامت بتعيط ضربته فى كتفه : والله لأمشى  وها أسيبلك البيت أنت سايب اختك تقل أدبها وتمد ايديها كمان عليا أنا بنت ناس واهلى يعرفو يجيبو حقى منكم .. دعت من قلبها وهى باصه فى عيون لميس .. يارب تتقط.ع ايدك
سابتهم ودخلت الاوضه ورامز راح وراها يستسمحها ويحايلها .. لبس وطلع خد لميس شدها ونزل على تحت وهو شبه جارارها وراه
**
رئيس المخابرات العامه عامل  إجتماع طارئ فيه قيادات مهمه  .. الكل قاعد متوتر منتظرين رئيس المخابرات بنفسه .. دخل عليه بخطوات ثابته مستقيمه  قعد فى منتصف الترابيزه من الأمام وشاور يقعدو والجميع قعد فعلاااا : طبعا عندكو علم بالعمليه إلا بيقوم بيها أدم وعصااام عشان كدا عملت إجتماع طارئ ليكم انتو بالذات
قائد أدم وعصام : فى حاجه حصلت يا فندم الحمد لله لحد دلوقتى الأمور ماشيه تمام مفيش اى مشاكل
رئيس المخابرات : لاء فى .. قالها بشده .. أنا قدرت العمليه دى بوقت هما تخطوه ولحد دلوقت مش باين لهم رجوع أنا مش ها أسلم أحسن اتنين عندى بالسهوله دى .. شاور عليهم .. لو انتو مش شايفين شغلكم عرفونى عشان اجيب غيركم
كلهم فى نفس واحد : لا يا فندم والله
ذكريا : بعد اذنك يا فندم وبعد اذن القاده طبعااا انا عندى إقتراح
رئيس المخابرات : قول يا ذكريا
ذكريا : أنا لازم اسافر لهم فى أسرع وقت لإن فعلا أخبارهم اتقطعت بقالها تلات تيام ودا وقت كبير بالنسبه لنا مش لازم نستهون بيه أبدا فى شغلنا
رئيس المخابرات قام ودب بإيده فزع الجميع وكان منه قرر محدش يتوقعه
❤❤🧡🧡🧡💛💛
بقلم : لبنى طارق
💚💚💙💜💜💜💜💜