صقر الظلام

صقر الظلام ١٢

صقر الظلام ١٢
**************
اللهم يا نور السموات والأرض، يا عماد السموات والأرض، يا جبار السموات والأرض، يا ديان السموات والأرض، يا وارث السموات والأرض، يا مالك السموات والأرض، يا عظيم السموات والأرض، يا عالم السموات والأرض، يا قيوم السموات والأرض، يا رحمن الدنيا ورحيم الآخرة.

اللهم إني أسألك، أن لك الحمد، لا إله إلا أنت الحنان المنان، بديع السموات والأرض، ذو الجلال والإكرام، برحمتك يا أرحم الراحمين. اللهم إليك مددت يدي، وفيما عندك عظمت رغبتي. فأقبل توبتي، وأرحم ضعف قوتي، وأغفر خطيئتي، وأقبل معذرتي، وأجعل لي من كل خير نصيبا، والى كل خير سبيلا برحمتك يا أرحم الراحمين.
اللهم صل وسلم وبارك على سيدنا محمد وعلى آله وصحبه أجمعين
❤❤🧡🧡🧡🧡💛💛💛💛💛💚💚💙💙💙💜💜
أدم وقف انتظر تجيب الفلوس عارفها وعارف قصدها بالظبط .. دخلت جوا جابت الفلوس فعلا شدت إيده حطت الفلوس فيها : أتفضل فلوسك إلا بتمن عليا بيها كل شهر الف شكر لحضرتك .. اااه كاملين مش ناقصين جنيه واحد  مش لازمنى أى حاجه من ناحيتك قربت بوشها .. خلصت يا أدم خلصت
أدم قرب منها وبالهجه كلها تحدى : قصدك أبتدت يا تالياااا .. لو هاتبعدى بالسهوله دى وترفضى كل حاجه
تاليا لفت إيديها فى الهوا : كل حاجه .. ههههههه .. ضحكتنى بجد أنت ماعملتش ليا ولا حاجه .. يمكن إلا بتعمله طول الوقت هو حرقة دمى
أدم هز راسه : بكرا تعرفى إنى عملت كتير قوى الفرق بينى وبين اى حد تعرفيه لما بعمل مابقولش .. دخل وقفل الباب بصلها بلوم وعتاب شديد .. ساعات كتير ببقى متخيل إنك عذرانى  أو مقدره وضعى إلا شرحته ليكى أنتى مش هبله وفاهمه كل حاجه .. زى ما ساعات بردو بلوم نفسى .. بلوم نفسى إنى خايف على مشاعرك وزعلك خايف أصارحك بحاجه بدال ما تطمنك تقلقك أكتر
تاليا قربت منه ودموعها بحر : أى حاجه عملتها قبل كدا كوم وإلا حصل بعد مانزلت من سفرك كوم تانى .. أوعى تتخيل إنى ممكن أصدقك أو أحس معاك بالامان أوعى تفكر إن تاليا بالضعف إلا يخليها تبقى على راجل اول مافكر فكر ازاى ينام فى حضن غيرها وبيعلن دا بكل فخر .. أنا قويه قوى وبقدر أتحمل اى مسئوليه بفضل الله .. ابتسمت من وسط دموعها .  زى ماقدرت اتحمل ست  شهور من غيرك  .. ها أتحمل العمر كله من غيرك أنا مابعترفش بيك فى حياتى ..
أدم :  عيبى إنى مليش خلق أحايل كتيررر ومش ها احايلك أنا عارف ها اجيبك أزاى وأندمك على اسلوبك معايااا .. فى عز مانا مخنوق منك ومن افعالك ماقولتش ولا جرحتك بكلمه برغم إن نفسى اضر.بك علقه محترمه تليق با إلا بتعمليه  .. لما تفكرى تستقوى .. استقوى على إلا بيبيعك .. بقى أنا رخيص عندك لدرجة إنك تسامحى اخوكى وابن عمك فى لحظه وتبيعى واحد بطنك مترين قدامك فيها حته منه وحته منك .. حته هاتقولى يا بابا وتقولك يا ماما طب اسمعى يمكن تفهمى وبعدها قررى وهاجمى بس لاء اطرقع له بلسانى اهم حاجه الاول .. أنا كرامتى فوق اى حاجه وأتربيت على اسلوب مابعرفش اغيره مش واحده ست إلا تهزئنى ولا أى حد فى الدنيا  .. ها ألفت نظرك تانى يمكن تعيدى حساباتك إلا فى بطنك إبنى وأول كلمه ها ينطقها بابا
تاليا عيطت وبقوه : بابا .. فين بابا .. هاااا قولى فين .. قصدك ها يقولولى يا بابا وياماما خبطتت على صدرها .. أنا أنا مفيش حد تانى جمبى بابا مجرد صوره .. وهم ماما عاشته مع بابا كام ساعه فى الليل وأول ما النهار شقشق هرب وجرى سابها .. عيطت قوى .. ست شهور يا مفترى .. ست شهور بوهم نفسى بحبك كالعاده .. منهم تلات شهور بمو.ت بمعنى الكلمه خايفه اعترف إن جوايا حته منك .. خايفه حد يعمل فيا حاجه ويروح بذنب أمه ..ضربته بقوه على صدره وبصوت عالى جدا .. أمه إلا أحتمت فيك وجريت وسيبتها ... قالت بعصبيه ووش احمر .. وبعدين بتقارن نفسك بمين بعيلتى إلا اتربيت وعشت واتولدت وسطهم .. مهما عملو عيلتى .. مهما قالو عيلتى ..  إنما أنت كلك على بعضك غلطه وها أصلحها  نقطه سودا وها انضفها
أدم رفع حاجب بيسمعها  ودمه بيغلى رفع إيد وضمها جااامد وهو بيجز على سنانه قرب وهمس : تمام صلحيها ونضفيها .. حدف الفلوس بغل وهى وطت راسها خبتها بايديها خوف او اتخضت من الحركه المفاجأه إلا ادم عملها .. شاور .. إلا اعرفه عنك وعن عيلتك لو قولته ها أخليكى تندمى ندم العمر كله على كلامك فى حقى بس عادى ها اسيبك بحيرتك وجنانك وانتى إلا طلبتى بلسانك   .. لف عشان يمشى رجع تانى .. اه الفلوس هديه منى ليكى جيبى احلى فستان تحضرى بيه فرحى على راندا  عشان راندا وأدم ما ينفعش يتلبس لهم أى كلام .. سابها ونزل وهى فقعت الباب بغل وراه  وفضلت تصرخ بصوت عالى وتك.سر كل حاجه بغل أكبر  ماقعدتش  غير لما حست بمغص فى بطنها .. ماسكه بطنها بتعيط بصوت عالى جدااا انهارت بتقول كلام كتير وبتتكلم كأنها مجنونه .. الجرس فضل يرن .. يرن .. يرن .. قامت فتحت ست كبيره واقفه قدامها بخضه وهلع : ماقدرتش خوفت عليكى قولت انزل اشوفك ليكون حد بيعملك حاجه
تاليا اترمت فى حضنها والست ضمتها جااامد وبعياط صعب حد يتحمله : اااه يا طنط سعاد .. ااااه .. باعنى وخانى .. خان كل الحب وعايزنى احضر فرحه .  نازل يقهرنى  .. بصتلها بقهر .. إدعيلى ياطنط أدعيلى انا عارفه إنى سقطت فى الإختبار قولى لربنا يسامحنى ويرفع عنى إلا أنا فيه إيديها بتترعش جااامد
سعاد عيطت وحضنتها قوى : يا حبيبتى يا بنتى لا حول ولا قوة إلا بالله العلى العظيم حرام عليكى إلا فى بطنك يجراله حاجه
تاليا بصعبانيه وحسره : هو لسا ها يجراله .. إلا فى بطنى أتيتم قبل ما يطلع على وش الدنيا ليه الرجاله جاحده كدا .. ليه ما بيفكروش غير فى نفسهم وبس ليه الدنيا بتقف عند إحتياجتهم مهما كانت
سعاد فضلت تهديها وعملت لها لمون شربتها بالعافيه تاليا نايمه على رجليها وكل إلا طالع عليها ماتسبنيش أنا محتجالك .. الست ماقدرتش تسيبها أبدا ركنت ضهرها وتاليا نامت زى ماهى راسها على رجل سعاد ..  مر الوقت وفين على ما قامت أستوعبت او هديت اعتذرت لسعاد وأصرت تطلع وفعلا طلعت بس قالت لها ها أنزل اطمن عليكى مش ها اسيبك ..
***
عبدالعزيز بعد ما لف فى المزرعه شويه راح البيت المحروق زى ما الكل بيسميه وصل هناك واقف قدام البيت باصص عليه بطريقه غريبه .. دخل جوا وفضل يلف من مكان لمكان ومن أوضه لأوضه   أفتكر اليوم إلا اتغيرت فيه كل الموازين .. الحياه اتقلبت رأس على عقب
فلاش باك
*********
سميره أم ياسين حامل فى الشهر السابع كان نفسها تجيب لعبدالعزيز ولد كمان بدال ماهو بيتجوز عليها واحده ورا واحده عشان عايز ولاد ..  طالعه بصنية العشا بصت لعبدالعزيز : سى عبدالعزيز أنا راحه بيت المندره عشان سى هشام والست أم رامز  يتعشووو هاتعوز منى حاجه يا حاج
عبدالعزيز نطر ايده : ولا حاجه روحى .. فين ياسين والبنات
سميره أبتسمت : جوا قاعدين جار بعض فى الأوضه قول لأبنك يذاكر مفيش وراه غير القاعده فى وسط البنات والرغى طوالى على كدا
عبدالعزيز زغر بعيونه وبحده فى كلامه : ملكيش صالح بيه يعمل إلا هو عايزه راجل وحقه يعمل ما بداله
سميره : حاضر ياحاج .. بقولك هى لميس واخواتها مش جاين انهارده
عبدالعزيز بنفى : لاء هشام قالى ها يخلصو شوية حاجات وجاين بكرا إن شاء الله
سميره الصنيه على راسها : طب بالأذن أنى .. مشيت وصلت المندره ودخلت جوا .. خبطت على الباب .. يا ام رامز  .. ياسى هشام
هشام فتح لما شافها ابتسم وخد الصنيه : تعبتى نفسك ليه يا بركه ربنا يقومك بالسلامه انتى حمل شيل وحط
سميره نطرت ايديها : يا اخويا الحمد لله انى زى الفل إلا فيها لله يا استاذ هشام ماتغرقش ابدا .. أم رامز فين
هشام : ناديه .. يا ناديه .. تعالى يا حبيبتى كلمى سميره
ناديه طلعت لافه راسها بالفوطه .. تعالى يا سميره
سميره : يوه طب ادخلى لتستهوى
ناديه : إش إش ليه دا كله إحنا لوحدنا
سميره : بألف هنا على قلبكم هو إحنا ها يجيلنا أعز منكم .. انى ها اتعشى معاكو ممكن
ناديه بترحيب : ممكن طبعااا .. اتفضلى يا حبيبتى تعالى .. دخلو جوا واتعشو وهشام قام صلى قيام الليل وهما قاعدين يرغو
ناديه بإستغراب بصتله بعد ما خلص : إشمعنا بتصلى بدرى انهارده
هشام : حاسس إنى تعبان شويه وعايز انام وواخد إنى  أصليها قبل النوم .. بعد إذنك يا ست سميره خدى راحتك
سميره ببتسامه : ياخد عدوينك يا ذوق اتفضل نوم العوافى
ناديه : بقولك ايه انا بسهر وهشام خلع نقعد انا وأنتى نرغى نهون الليل شويه
سميره : ومالو نقعد هو انا بشفكم كل يوم .. مر الوقت والنوم غلب سميره لانها بتنام بدرى مالت راسها على الكنبه وراحت فى سابع نومه
ناديه خارجه بالشاى لما شافتها : ياخبر .. سميره .. يا سميره .. ولا هاتحس بيا دول بينامو من بعد صلاة العشااا اعمل ايه .. عدلت رجليها على الكنبه وغطتها تكمل نومها وهى نامت على الكنبه التانيه وراحت فى النوم .. الوقت بيمر عليهم عبدالعزيز ماسألش على مراته حتى .. بيمر الوقت ويمر .. وبدئت هوليله كبيره وناس بتجرى يمين وشمال يجيبو مايه من كل حته يلحقو النار إلا بتاكل الاخضر واليابس فى البيت  ..
ياسين برا بيصوت بمعنى الكلمه ونازل خبط على دماغه لماعرف إن امه جواااا معاهم جرى على ابوه وبصو.يت : إلحق
خرجها من جوا يابا .. صرخ بعلو صوته .. أما ... يا أمااااا  .. بقى يجرى ناحية الولعه يمين وشمال بينادى بصوت عالى جداااا وعيون نازل منها بحر من الدموع
عبدالعزيز طلع يجرى بيشيل ميه ويطفى معاهم الوضع بقى أكبر من الجميع وعلى ما وصلت المطافى كانت حصلت الكارثه والنار طالت الجميع جوا .. سميره وناديه توفاهم الله أتخنقو من الدخان  وحروق بسيطه وهشام طلع فيه الروح بس مابين الحياه والموت
بااااك
****
عبدالعزيز حس بخنقه شديده خصوصا لما افتكر كلام الدكتور إلا طلع الجنين من بطن سميره عشان يلحقه سبحان الله كان لسا عايش .. ولد جميل جدااا صغنتوت.. حطوه فى الحضانه لأنه ابن سبع شهور راح تانى يوم المشفى يطمن على اخوه وعلى ابنه ..
الدكتور اول ما شافه .. شد حيلك يا حاج إبنك للاسف حاولنا نساعده بكل الطرق ما أمكنش البقاء لله
عبدالعزيز واقف باصص للحضانات ودموعه نازله .. كان نفسه يجيب اخ لياسين يوم ما يجى ولد يموت .. فضل يقول ليه كدا يارب عملت إيه أنى عشان تعمل فيا كدا بتعاقبنى على إيه  .. ( أستغفر الله طبعااا .. دى بعض الكلمات إلا بيستخدمها الناس إلا مش راضيه بقضاء ربنا .. او جاهله بدينها  وزرها كبير وعظيم نبعد عنها )
عبدالعزيز اتنهد وطلع برا تانى لف كام لفه فى المكان وسابه ومشى اتفاجئ إن هبه تعبانه  هى كمان عندها مغص شديد .. . طلع يجرى بيها وداها المستشفى عشان يلحقوها ويشوفو فيها إيه أو مالها
**
عمرو قاعد فى شقته مفتقد مراته جدا وإبنه وحشه ونفسه يشوفه يلعب معاه يطمن عليه  .. أتصل على منى وأستنى ترد عليه : الووو
منى : نعم
عمرو : أنا جاى أخد حمزه وحشنى نفسى اشوفه
منى بمهاجمه : لايمكن أديلك إبنى عشان تحرمنى منه
عمرو بصدمه : للدرجه دى يا منى شيفانى شيطان قدامك حتى إبنى هاتعملى زى الستات الحربايه  وتحرمى أب من إبنه
منى عيطت : أنا ما بعملش زى حد حمزه بيرضع ياعمرو مش هايتحمل اى حاجه ولا يعرف يروح حته من غيرى
عمرو بعصبيه : اتصرفى .. تعالى معاه الشقه أدام لازم تكونى معاه اقعد مع إبنى شويه وأمشى ولو فكرتى تعملى اى حاجه والله لأحقق كلامك واخده أربيه بمعرفتى أنتى بتصدمينى فيكى كل يوم وقافله كل البابين بينا
منى : خلاص ها اجيبه عشان ماتقولش حرمتك منه 
عمرو زعق : ياله انا ها انزل كمان كام ساعه
منى وافقت عشان حست إن فعلا بيتها بيتخرب هما أستكبرو كتير ومهما عمرو يعمل محاولات للصلح رافضين وراكبين راسهم ودلوقتى هو إلا بيقفل بابها .. دخلت خدت شاور وغيرت لحمزه وجهزت شنطة البيبى
أمها : انتى راحه فين
منى : راحه لعمرو عايز يشوف حمزه
أمها بخوف : طب استنى ها انادى هدى تروح معاكى أبوكى لسا ماجاش وانا تعبانه مش قادره أنزل
منى شاورت : لاء مش عايزا حد معايا خليها يا ماما من فضلك .. حطت حمزه على كتفها وشالت الشنطه ونزلت ركبت تاكسى راحت على شقتها لسا بتفتح بالمفتاح كان عمرو فتح الباب خد حمزه حضنه جااامد وفضل يبوس فيه .. منى بصاله وواقفه .. شاور .. اتفضلى زى بيتك
منى دخلت وهى قالبه وشها : شكرا
عمرو دخل وقفل الباب بصلها : أسيبه مفتوح
منى : بلاش تريقه من فضلك
عمرو هز راسه : حاضر   دخل قعد على الكنبه بيه نازل فيه بوس وأحضان .. بيرفع راسه لاحظ إن منى بتبص له وأول شافها بعدت عيونها عنه .. قام قعد جمبها وأتكلم بهدوء .. عاجبك إلا إحنا فيه .. بص حواليه .. بصى على شقتك مهجوره والتراب ماليها بيعمرها فى غيابك  لما شافك هجرتيها
منى عيطت
عمرو بتحذير : مش عايز عياط .. امسكى حمزه .. مدت إيديها مسكته .. تشربى إيه
منى : مش عايزا حاجه
عمرو : لاء هاتشربى معايا .. أعملك إيه
منى : شاى
عمرو هز راسه وقام : يبقى كاكو باللبن  عشان الواد يتغذى
منى ابتسمت لإن دا رده فى الطبيعى معاها .. دخل عمل المشروب المفضل له  وقعد حط الصنيه وفرد دراعه عليها .. بصلها وهمس .. وحشتينى
منى : عمرو انا جايه تشوف إبنك
عمرو : بس أنا اتعمدت اشوفكم أنتو الاتنين .. وحشتينى يا منى  بيتك وجوزك محتاجين ليكى
منى بحمقه : وهدى
عمرو نفح ورجع بصلها اتكلم بجديه : انتى عارفه إنى مش جاى على أختك كنت حابب يكون رد فعلك غير كدا
منى بتاكيد : مهما عملت اختى ومليش غيرها كلامك كان تقيل وصعب أتحمله
عمرو شاور على نفسه : وانا مش تقيل عليا إلا هى بتعمله
منى : أختى مندفعه ومتهوره وانت عارف أتحملها او روح قول لبابا أعمل اى حاجه غير انك تبعدها عنى وتقطعنى من أهلى .. لو عايزنى أقفل الباب فى وش اهلى اتحمل ازاى وانت بتفتحه لأهلك وبترحب بيهم
عمرو هز راسه : أنا اسف يا منى بس مش اسف على رأى فى اختك .. بيتك مفتوح للكل انا لايمكن أسد بابى فى وش أهل مراتى .. بس اختك لازم تعرف حدودها اتفقنا
منى ناولته حمزه : اتفضل اقعد مع إبنك قبل ما أمشى
عمرو بصلها بصدمه
منى بإحراج : انت لازم تيجى وتطمن بابا  تاخدنى من هناك
عمرو بهزار : وأنا مين يطمنى دانتو عيله نصا.به
منى ابتسمت
عمرو قرب منها وهو شايل حمزه وباسها لما لقائها متجاوبه معاه نيم حمزه على الكنبه وقربها منه ضمها جاااامد بيعصرها جوا حضنه وهى بادلته الحضن بشوقها كله .. اندمجو مع بعض ونسيو أى خلاف برغم ان الامور طولت وكبرت بس كلمتين بينهم وبين بعض فضو الموضوع خالص طبعا دا لو فى نيه طيبه من الطرفين   .. قضو وقت لطيف جداااا والاتنين اتبسطو ونفسيتهم اتبدلت وقعد يلعب مع حمزه وهى دخلت تعمله أكل عشان ياكلو مع بعض خلصت وحطت الاكل على السفره بعد ما مسحتها وعمرو قايم وحمزه على إيده  قعد بياكل بيه
منى : هاته يا حبيبى وكل
عمرو بصله : لاء خليه معايا .. بصلها وأبتسم .. مش أنتى لوحدك إلا وحشتينى هو كمان وحشنى .. اتكلم برجاء .. بلاش يا منى
منى بإستغراب : بلاش إيه
عمرو : بلاش فى أى خلاف بينا تسيبى البيت وتمشى بلاش تعودى نفسك على كدا أعملى معايا أى حاجه أنتى عايزاها جوا شقتنا برا لاء
منى هزت راسها وسكتت وهو كمل .. كل ما أجى هنا وأشوف المنظر بزعل قوى  سمعت كتير كلمه بتقول خراب البيوت مش بالساهل .. هو فعلا مش بالساهل ومحدش بيخسر غيرى أنا وأنتى .. بصلها قوى .. أختك او أمك او أبوكى خسرو حاجه .. أمى او أبويا خسرو حاجه .. ردى كلهم عايشين حياتهم إلا أنا وأنتى
منى أتنهدت : عندك حق  ... فعلا إحساس ووضع مؤذى إلا حوالينا ممكن يقولو كلمتين بس هما عايشين حياتهم إلا بيبقى مضغوط معنويا ونفسيا  هو صاحب المشكله
عمرو مسك إيديها باسها بحب : أنا بحبك جدااا ومش عايز أغير رأى فيكى خرجى اى حاجه تعمل مشكله قادره تخرجيها  برا حياتنا والله أنا ما بكرهه هدى على قد إنى خلاص كرهت افعالها أو أسلوبها
منى : خلاص ياعمرو صدقنى ها أكلمها ولايمكن اخلى حد يسبب مشكله بينا تانى إن شاء الله
عمرو شال لقمه حطها فى بوئها وبدء ياكل .. حمزه فتح فى العياط ماقفلش ناولها : خدى خدى أعوذ بالله
منى بضحكه : هات .. عايزا اقولك هو دايما ظابط نفسه على الأكل
عمرو ناولها حمزه وضحك : طفس زى أبوه بيقولكم انا موجود مين هناك
منى رضعته وقعدته على رجليها كل ما يبص لعمرو ويعمله أى حركه يضحك ويكركع بصوت عالى ... هههههههه .. أنت ما صدقت تشوف بابا يا شيخ .. خلاثى على الكميل وباسته
عمرو بياكل مبتسم وفرحان  : عارفه نفسى أعمل إيه دلوقت
منى بتاكل : إيه
عمرو : البس وانزل اقعد مع اصحابى
منى تنحت : صاحبك يعنى يوم مانرجع وإلا نصلح الامور تبقى عايز تنزل تقعد مع اصحابك
عمرو ضحك بصوت عالى : أنتى مش فاهمه كل ما الراجل يكون مبسوط وطاير بينزل على طول ودا تعبير عن كلمة مش عارف أعمل إيه وإلا إيه وإلا إيه
منى بصت لحمزه : اوعى تعمل ايه والا أيه وإلا إيه دى .. ماتطلعش لأبوك اطلع لأمك بيتوتى
عمرو شاور له بنفى : أطلع من أم اللفه دى وبعدين نشوف عايز تطلع إيه
منى : هههههههه أيوا فعلا والله 
**
ذكريا نازل من البيت قبل ما يروح الإداره كلم أدم يقابله وفعلا نزل قابله برا .. أدم حكالو على إلا حصل كله ذكريا فضل باصص له بغيظ وضربه ضربه جامده جدا فى كتفه
أدم حط إيده على كتفه : ذكريا مش عايز غباء
ذكريا : وجعتك .. هى موجوعه أكتر منك بكتير كل حاجه بتحصل مدايقاها .. كفايه إنها حامل ومين عارف انها متجوزه زمايلاها فى المدرسه بيشككو فى وجودك أصلاااا يعنى بيشككو فى أخلاقها .. لا لبست فستان ولا فرحت زيها زى البنات ليه يا أدم كدا .. مشاعرها مكسوره بمعنى الكلمه اتحملها
أدم بصله بقوه : أنت عارف ومتاكد انى متحمل لو واحده غيرها قسما بالله ماكانو عرفو لها طريق
ذكريا : ليه ياعم
أدم شوح بإيده : من غير ليه يا ذكريااا من غير ليه  .. فهمها إنى بحبها أدام بتسمعلك ومش عايزا تسمعلى
ذكريا : بتسمعلى عشان كلامها معايا اكتر منك .. قرب منها واحده واحده
أدم : تاليا لايمكن تقبل أقرب منها وانا بتجوز عليها .. أى ست كدا حتى لو بتكره جوزها أدام فيها جواز مش هاتقبل هاتحار.بنى  بكل الطرق الممكنه والغير ممكنه
ذكريا : وبعدين
أدم : ولا قبلين ولا وبيتكى على الكلمه .. قبلين .. سيبك من تاليا هاتهدى وهاترجع  .. خبط بإيده على الترابيزه .. الواد ابن عمها بكرا يكون عندى ها اعدى انا وانت نخط.فه بالعربيه عشان ها اسافر بنفسى أنكش ورا عمها وإخواتها فاهمنى قبل ما أنشغل مع راندا ..فتح إيده وانا مش ها انشغل مع راندا لوحدها لاء أنا ها افوق للاتنين قسما بالله لأدبهم
ذكريا بزعل : عارف تاليا لو عملت معاها اى دقة نقص
أدم بعصبيه أتعدل : والله لأدبها على قلة سمعانها لكلامى وازاى طول الوقت بتتحدانى على حساب نفسها .. ذكريا أنا أسامح فى أى حاجه إلا إنها تعرض حياتها للخطر بمنتهى التخلف وقافله مخها .. زعق فيه .. حضرتك حذرتها كام مره
ذكريا : كتير
أدم : أدم وحش وشيفاك اخوها ما بتسمعش لسيتك ليه
ذكريا : مخ ستات يا أدم
أدم : مفيش حاجه اسمها مخ ستات .. فى حاجه اسمها واحد + واحد = اتنين  .. أدم وحش .. أدم راجل بياخد إلا هو عايزه ويجرى .. ماشى بس عمك واخواتك مش هايسسيبوكى بالساهل .. الغبيه مش فاهمه ولا عارفه إن ثروة أبوها تتخطى العزبه بمراحل  ..  كان حوت إستثمار بيصدر برا كميات مهوله بيلم تقريبااا ربع الشغل إلا فى الاراضى عندهم   تخيل حسام باشا بنفسه  عنده علم بيه لمجرد إنى ذكرت أسمه
ذكريا : طبيعى ادام ثروته كبيره لازم المخابرات تعمل تحريات عنه وتعرف مدى علاقاته إيه إفرد داخل فى حوارات غير مشروعه 
أدم رمى ملف قدام ذكريااا : بص الملف إلا حضرتك باعته ليا ودا بصوره مبدئيه فيه كمية بلاوى ترعب .. هى عايزانى اشدها وأفهمها دا كله عشان تتطب ساكته  .. اتكلم بتريقه .. أهلى اهلى .. دى هبله ومتهوره ولازم تبطل تهور
ذكريا بجديه : أنا معاك فى دا كله بس راندا ليه يا أدم
أدم بتحدى : قسما بالله ما أسبيها لو هاتبقى سبب إنى اهد علاقتى بالكل مش ها أسيبها متحاولش معايا موضوع راندا مفروغ منه خلصان
ذكريا : واخوها يا غبى
أدم : نفسى يرجع نفسى .. فى كتير لازم يتحط له حدود وانا خلاص فضيت بمعنى الكلمه ها أخد اجازه بدون مرتب واقعد ارسم لهم كل واحد حدوده فين  وبحذرك تاليا ريحها نضف مخها إنما تعمل أى حركه فى حقى كدا والا كدا لمجرد انها تنتصر عليا زى ماهى متخيله أنت حر يا ذكريا
ذكريا أتنهد وبصله : مش ها أقدر أجى عليها
أدم هز راسه بنفى : وانا مش عايزك تيجى عليها  بس بلاش تجاريها فى كل حاجه تاليا طموحها ما بيقفش فى إلا هى عايزاه ولما بتقفل دماغها .. خبط ايد فى ايد .. شكرا
ذكريا : ربنا يسهل
أدم قام وقف : أعمل حسابك بكرا إن شاء الله إبن عمها يكون تحت ايدينا ها استضيفه بنفسى
ذكريا قام وقف وولع سجاره خد نفس : تمام
لما الليل هجم عليهم كلهم .. حسام اتصل جمعهم  
عصام وأدم وذكرياااا .. قاعدين فى أوضه خاصه بيهم حسام لوحده مفيش اى حد من القيادات الاجتماع كله مسجل بالصوت والصوره .. 
..
حسام ابتسم : نورتو مصر يا شباب
عصام وأدم : بوجودك يا فندم
حسام : منتظر اسمعكم شخصياااا وبهنى نفسى عليكم وعلى المعلومات إلا جبتوها عن جيش الإحتلال  .. أنا ها اسكت وها اسمعكم
أدم شاور لعصام : اتفضل يا عصام اتكلم
عصام : إحنا سافرنا وزى ما بلغنا حضرتك التدريبات كلها كانت على السوشيال ميديا .. طبعااا بيتم تجنيد الشباب أو البنات بالمؤهل بتاعهم .. تعالى أنت إعلام ماشى .. أنت محاسبه .. تمام .. أنت كميا .. انت كذا أنت كذا .. دورهم الحقيقى بيتمحور حول هو حاصل على إيه وهانستخدمه ازاى .. أدام مش مفكر او عالم أو مخترع لأن المواهب دى بيحتفظو بيها لنفسهم ممنوع يرجعو بلدهم بيستفيدو او بيسر.قو علمهم ومجهودهم لصالح بلادهم ويطلعو يتباهو إن دا تقدمهم ودا علمهم
أدم قاطع عصام : مع العلم يا فندم.. بيعتبرونا جميعا أداه يوصلو بيها لغايتهم  فقط هما لايعترفو بينا مطلقااا لا كا  دول ولا شعوب
حسام : وإيه هى غايتهم
أدم طلع عمله من جيبه وقلبها وحطها قدامهم على الترابيزه : هى دى غايتهم .. شاور على وجود خريطه خلف العمله .. دولة إسرا.ئيل الكبرى .. 
حسام : المخطط دا قديم يا أدم
أدم بتاكيد : قديم جدا بس إحنا نسينا يافندم  وهما ابدا ما نسيوش فضلو يعملو تنويم مغنطيسى للشعوب لحد ما سيطرو عليهم وعلى عقولهم
عصام : وطبعا يا فندم عشان نسيطر على الناس دى كلها ها أشتغل على كذا جزء من حياتهم لمده طويله  .. أنا ها أكبر فكريا وأدمرهم هما فكريا .. أنا أكبر إقتصاديا وأدمرهم هما اقتصاديا  .. أنا  افضل صحيااا وأدمر صحتهم وهكذا وهكذا .. سلسله كبيره كل شئ يخص المعيشه  .. بيعمل  شعب وبلد  ومستقبل لهم  يبتدى من العراق ينتهى فى مصر وأدمر كل الدايره دى وإلا فيها تدمير سا.حق وأعمله حاله من التخبط والبلبه إلا صعب يقوم بعدها تانى .. 
إسمعو الفديو 👇
https://www.facebook.com/reel/1443963289512408?s=yWDuG2&fs=e&mibextid=Nif5oz
حسام رجع ضهره لورا وفرد رجله :  وبعدين
أدم : بعد التخطيط لأقامة دولة مزيفه تم زقها فى منطقة الشرق الاوسط بالتحديد لإحداث بلبله فيه .. زى ما قولنا لحضرتك تم تحضير مخطط عظيم وكبير من الكيان الزائف ألا وهو التحكم والسيطره على كل ماهو  يخص بناء الإنسان فى العالم كله .. زى  .. أكله .. شربه .. شهوته .. علاجه .. لبسه إنتاج اخلاق تتماشى مع دا كله طمث هوية الأنسان الحقيقيه وتشويها ولاده أو الأجيال الصغيره
عصام : بمعنى السيطره التامه على كل دا فى مقابل يخلق قيم ومفاهيم وحياه يقدر يكسب منها مكاسب مهوله مديااا يسيطر بيها على العالم كله ويبقى هو الدوله الحاكمه إلا بتأمر وتتحكم فى كل إلا حواليها  .. بيخترع حاجه أسمها موضه ويكسب من ورانا بأسمها .. بيخترع المرض والمصل بتاعه عشان  يكسب مكاسب مهوله من كل دول العالم .. بيخترع العلاج للأمراض وبعض الاثار الجانبيه المدمره لحاجات تانيه  برغم وجود الاعشاب إلا بتقضى على بعض الامراض نهائيااا بأقل تكلفه  بيرفضها وبيق.تل الفكره وصاحبها عشان يفضل مسيطر على سوق الادويه فى العالم فايدخل له ثروه طائله ومهوله لا حصر لها .. بيهد إقتصادك وبيقلل مصانعك وحرفك  عشان تفضل تحت محتاج له طول الوقت تحت سيطرته بتدفع من قوتك الضعف والضعفين لأنك معتمد على إلا جايلك من برا بتستورد حتى بنس الشعر  .. بيعلمك الجهل على طبق من دهب وبيقولك اتفضل بريقه بيلمع خد واكبش الدهب دا ملكك لازم تلبسه وبتلبس توب الجهل فى صورة السوشيال ميديا والبذائات إلا عليها واللهث ورا الفلوس إلا خلت اغلبنا عواطليه العيله كلها فنانين حتى لو بطريقه مهينه وفجه   المهم اقبض بالدولار وأعيش ملونير على حساب مين وليه وعشان إيه مش مهم  وماعرفش
عصام : يافندم التدريب ليا ولأدم على السوشيال ميديا كان فى صورة دراسه مكثفه لبعض المعلومات إلا بيقنعونا بيها إنها صح وكل إلا عايشينه دا تزيف  .. شاور .. أدم انت كاريزما فيك حاجه مجبوبه وعندك قبول شديد أول حاجه ها تحصل معاك ها يبقى ليك جمهور كبير جدا من البنات خصوصا المراهقات والكبيره عادى هما يسمعو ليك مهما كان كلامك مناقد لافكارهم عشان واجهه وشكل بيجذبهم .. ومع الوقت ها يتأثرو تأثر شديد ويقتنعو بفكرك
أدم نطر إيده : خد عند حضرتك خبط فى الدوله وطلعها من سيئه لاسوء بالأدله ااااه .. خبط فى الدين وأسرح بيهم وقول انا بفكر او بتتدبر طب مافى رجال دين ومفسرين كبار .. لااااااا ألا تتدبرون .. طب أسئلو أهل الذكر إن كنتم لا تعلمون .. لاااا هما عندهم مخ وانت عندك بطيخ برغم إنه دارس حاجات كتير جدااا عشان يبقى راجل دين يعرف يرد عليك بس هو ركن الدراسه وسفه من أمرها وركنها على الرف وقالك هو مش احسن منك .. عشان يهئ دماغك للتمرد على أى حاجه وعلى كل حاجه ..  هو مش احسن منك اه بس فى مكانته العلميه أنت جاهل بيها وهو عالم بيها  .. كل شئ يا فندم لازم رده يبقى جاهز على لسانا بالمنطق والحجه إلا يخليهم يقولولى أنت صح وكل دول غلط فى غلط .. المهم نخلق دماغ طول الوقت مش بتفكر .. طول الوقت ثايره بتخبط فى كل إلا حواليها قت.لنا فيها العقيده والإنتماء وكل ماهو بيقوى عزيمة الشخص  .. ها ننضف جيل جاهل متخلف وفى ثانيه يكبر ويبقى هو إلا مسيطر على السوشيال ميديااا ونلفت انتباه الناس ليهم  فانحب الجهل والتخلف والبذائه ونكره العلم .. العلم إلا صدرناه لدولهم .. العلم إلا بنو بيه منظومه كامله برغم إجرا.مهم  ..
عصام أبتسم : فى النهايه هما ها يمسكو الكتاب واحنا هانمسك التليفون  ونبقى بشر أسيره لفكرهم  هما ومعلوماتهم هما
أدم : يافندم موجودين على السوشيال ميديااا بكثره شديده بأسامى عربيه وبيتكلمو ويكتبو عربى كويس إدخل على إيملاتهم عباره عن ايات قرأنيه كل غرضهم الوقعيه ونشر الاكاذيب والترويج لها بصوره مستمره  .. توضيح ( دا انا شفته بعينى واتعاملت مع حد فيهم والله على ما اقوله شهيد )
.. بدليل دلوقت أى بوست أى فديو يخص أى بلد هاتلاقى تعليق مستفز قايم عليه خناقه صاحب التعليق ما بيردش والناس هى إلا بترد وماسكين فى بعض .. الضغط والعبئ يا فندم كله دلوقت على مصر بدون مبالغه .. نازلين دق بقوتهم والانحطاط الاخلاقى مصور للبعض إنه قادر على زعزعة أمن واستقرار البلد .. البلد إلا مش شايله اهلها وبس لا شايلهم كلهم امن وامان كل من لجئ لها
حسام : أغلب الكلام دا على  علم بيه واحنا فعلا شغالين عليه انتو عارفين وفاهمين مش كلمه هاتودينا وتجيبناااا  .. الشعوب بتتعامل بالعاطفه إحنا لاء عشان رؤيتنا لكل  الأمور واسعه وشامله .. ريح ضهره  أنا عاصرت وسمعت وشفت إلا انتو شخصيا ما شفتهوش .. فى بعض الصر.اعات إلا الناس كانت مغيبه عنها وحذر منها الراحل والرئيس السابق حسنى مبارك واتكلم فيها الرئيس الشهيد انور السادات وإلا للاسف حسبها غلط وأتهور وقدم خطوه خسرت مصر كتير فيها  الرئيس جمال عبد الناصر الله يرحمهم جميعا .. ومن قبلها بمراحل كتير .. مصر كلمه بتخض عدوها حقيقى مهما كان عشان كدا بيسعو لتقليل دورها ومكانتها وبيستخدمو الشعوب العربيه كا أداه لضرب وزعزعة الصورة الحقيقه لمصر .. شاور .. أنا عايز اشوف دور موجود على الساحه غير الخطابات  .. مسح ايده فى  بعض .. مفيش .. والوضع الحالى كارثى .. الناس مش فاهمه إن مصر قدمت ١٢٠ الف شهيد فى فلسطين واليمن .. ١٢٠ الف أسره أترملت والا ابنها اتاخد من حضنها وإللى وإللى  .. ومن البجاحه إن مصر تتهم بالخيا.نه .. الناس مش فاهمه إن لما أنوى على حر.ب مش سهل اقول ها احار.ب فا اجرى احا.رب .. شاور على نفسه .. أنا قادر على حر.ب . ايوا بفضل الله قادر  بيتكلمو على الفتوحات الإسلاميه وصلاح الدين وخالد ابن الوليد .. بس سؤال الناس إلا بتغنى وترد على نفسها .. جيوشهم ومعداتهم كانت منين نازلين عليهم من السماااا .. لاء خالد بن الوليد  لو جمع الجيش كان بيجمعه من بلد واحده .. لاء .. أنت بتتكلم عن ناس حكمت المسلمين فى كل بقاع الارض .. بتتكلم عن ناس لو اتكلمت عن الحر.ب بيتقدم لها صفوف المسلمين من كل مكان بدون ما يأخرو رجل ويقدومو رجل .. بتتكلم عن مسلمين كانو فى بلادهم أعزاء حتى غير المسلم كان معاهم يشعر بالأمن والامان والاستقرار فى حياته محدش فيهم مد ايده خد فلوس عشان قاعده امر.يكيه تقعد فى بلده لماتنضر.ب فلسطين تنضر ب منها والا تنضر.ب العراق تنضر.ب منها ولما تنضر.ب دى او دى تنضر.ب منها .. الكلام إلا بين الرؤساء كتير عمر ما يتم الإعلان عنه لأنه حقيقه للوجوه إلا بتترسم وتزيف الموقف  إسمعو الفديو دا عشان تعرفو إن مصر هى إلا أقبلت على الحر.ب لا أدبرت وهما إلا رفضو لأن موافقتهم جميعااا هاتجبرهم على طرد كل القواعد الامريكيه الموجوده فى بلادهم او تجبرهم على التحرر من عقدة الخواجه  👇
https://www.facebook.com/reel/641722831484217?s=yWDuG2&fs=e&mibextid=Nif5oz
لما اقولك إن غزه والا بيحصل فيها بتنضر.ب من اكتر البلاد إلا بتطلع تعمل شوووو وينددو با إلا بيحصل .. نضف ايدك من د.مهم واطلع أتكلم وندد لما تبقى قادر على منع دا بالفعل ومابتمنعوش يبقى بلاش تعمل شو عشان تكسب تعاطف الجاهله بأمرك الحقيقى 👇
https://www.facebook.com/737375955096777/videos/303619215774217/?idorvanity=781738589175310&mibextid=Nif5oz
بعض الشباب فى تركياااا هجمو على مكان القاعده الامر.يكيه هناك وطالبو برحيلها بس كان الرد ضربهم وفض المظاهره دا حقيقة الوضع إلا الكل بينكره وبيغمض عيونه عنه .. عايزين تضحو باكتر من ١٤٠ مليون عايشين على ارض مصررر بدون تأمين .. طب أمنو نفسكو الاول وعدو جيش صلاح الدين واوعى تنسو رجالته عشان فعلا فعلا ترجع هيبتنا كلنا وارضنا كلنا ..  ربنا سبحانه وتعالى قال .. ( وَأَعِدُّوا لَهُم مَّا اسْتَطَعْتُم مِّن قُوَّةٍ وَمِن رِّبَاطِ الْخَيْلِ تُرْهِبُونَ بِهِ عَدُوَّ اللَّهِ وَعَدُوَّكُمْ وَآخَرِينَ مِن دُونِهِمْ لَا تَعْلَمُونَهُمُ اللَّهُ يَعْلَمُهُمْ ۚ وَمَا تُنفِقُوا مِن شَيْءٍ فِي سَبِيلِ اللَّهِ يُوَفَّ إِلَيْكُمْ وَأَنتُمْ لَا تُظْلَمُونَ )
اقرئو وتدبرو هنا كلام الله واضح وكافى للمغيبين فى الحق كل من باع وطالع يعمل بطل .. ربنا بيقولكم وأعدو لهم ما أستطعتم من قوه ورباط الخيل ... فين قوتكم وفين وحدتكم ..فين خيلكم يا متعلمين الخيل كل ماهو بيساعدك على الاقبال على عدوك والتقدم فى صفوف القتا.ل .. لو زمان كان فى حروبهم بيركبو  الخيل والله يعلم بتطور الزمان ولكن يقص عليك مواقفهم ويقص عليك وصاياه لعباده .. .. ترهبون به عدو الله وعدوكم .. لعلمكم بقى كل معتدى عدو لله كل معتدى عليك عدوك مهما كان مين .. ركزو فى باقى الأيه .. ركزو واعرفو أن الله حق وكل كلامه حق وصدق .. واخرين من دونهم لاتعلمونهم الله يعلمهم .. الخيانه والغدر لايمكن تظهرلك فى المشهد بصورتها الحقيقيه  الكامله .. الخيانه والغدر بتدبر دايما من ورا ضهرك  .. عشان كدا ربنا قال فى ناس تانيه بتساعدهم عشان يدمروك انت ماتعرفهمش ولا ظاهرين قدامك خد بالك بس انا عارفهم .  خد بالك انك لما بتحارب اعرف إن فى وسط حربك ها يطلعلك أعداء تانيه وايدى خفيه فى الظلام تقدم على هدمك وقت.لك   .. يعنى أنت مش هاتحا.رب بلد واحده لاء كتيرررررر . كل من بيحقد عليك ها يحا.ربك .. كل من فى قلبه عداوه تجاه عقيدتك .. ها يحا.ربك .  بصلهم بجديه شديده .. ودا إحنا شوفناه بعيونا وقابلنا كتير منهم  ..  حتى فى حر.ب ٧٣ .. مصر ماكنتش بتحارب إسر.ائيل فقط لاء كان بتحارب إتحاد كامل من عدة دول بتدعمهم .. ودا بيتكرر تانى ودلوقت بس المشهد اتعدل واختلف لانهم مزروعين بأحدث طيران حر.بى وقواعد حر.بيه مترشقه لسيتك فى كل مكان
أدم : يافندم عشان نشرح الموقف ونفهمه للكل محتاج مجهود كبير وأول حاجه لازم يفهموها إن الحرب دى دينيه عقائديه  .. حرب تدمير دين وهدمه والتخلص كل من ينتمى إليه وإقامة دوله زائفه لا تختصر على فلسطين فقط 👇
https://www.facebook.com/reel/6897153253675547?s=yWDuG2&fs=e&mibextid=
Nif5oz

خد بالك يا فندم التحركات سريعه وغريبه وموريبه الفتره القادمه لازم نشتغل على وعى الناس ولازم يفهمو حقيقة الوضع
فضلو يتكلمو وقت كبير جدااا مع بعض وبعدها نزلو الشباب سهرو سهره لطيفه وكلمو عمرو راح لهم  
**
مر يوم أخر بحلوه ومره على الجميع وأول حاجه عملها أدم وذكريا هو ياسين .. انتظرو أخر النهار لأنه مارجعش البيت وقرب عليه ذكرياااا  .. وأدم واقف بالعربيه بعيد خطوتين : تعالى معايا عايزك
ياسين بصله بإستغراب : أنت مين وعايز منى إيه
ذكريا : أنا عارف حكايتك وأبوك قرب يوصلك أنت واخواتك البنات انا هنا من طرف عزت باشا عشان حمايتك .. تعالى الموضوع حياه او مو.ت
ياسين شد إيده بخوف حس إن الموضوع فيه إنا دا عارف عنه كل  حاجه وهو كان عند عزت إمبارح ماجبلوش سيره : سيبنى .. بيزق ذكريا  أنت كداب انا كنت قاعد مع عزت بيه إمبارح ماقاليش حاجه ولا جاب سيره
أدم نزل قرب منه لما حس إن ياسين ها يعمل شوشره ..  فى اللحظه إللى تاليا بتعدى الطريق بعد ما ركنت عربيتها  لسا مخلصه المدرسه قالت تروح لساميه عند ولاد عمها شافت أدم وذكريا بيشدو فى ياسين طلعت تجرى جامد تلحقه خافت لأدم ينت.قم منها فى ياسين ..  وصلت عنده وقربت من أدم مسكته وهى بتنهج جامد نزلت ايد مسكت بطنها وصرخت فى وشهم : سيبوه عايزين منه إيه  
أدم بصلها ومسكها : أنتى اتجننتى بتجرى ليه تعالى معايا .. مسكها وماشى تاليا تبت رجليها فى الارض  ووقفت : لاء مش ها أروح معاك ملكش دعوه بياااا
ياسين قرب عليه وهج.م على أدم بدون وعى لما شافه ماسكها بيشدها وهى بتصرخ وتقوله أبعد عنى  لسا ها يضر.ب أدم بقوته فى وشه كان أدم سابقه بضر.به طيرته لحد رجل ذكريااا قرب عليه بمنتهى الجنون والغيره إلا جواه تجاه مراته وبدال ماكان ها ياخده فى هدوء تاليا قلبت الموضوع لحاجه اكبر بكتير الكل ممكن ينضر فيها
❤❤🧡🧡💛💛
بقلم  : لبنى طارق
💚💚💙💙💜💜