صقر الظلام

صقر الظلام ١١

صقر الظلام ١١
************
سبحان الله والحمد لله ولا إله إلا الله والله أكبر
سبحان الله وبحمده وسبحان الله العظيم
اللهم انصر الأسلام وأعز المسلمين فى كل بقاع الارض .. اللهم انصر اهلنا بفلسطين على القوم الكافرين اللهم سخر لهم جنود الارض وملائكة السماء
اللهم صل وسلم وبارك على سيدنا محمد وعلى آله وصحبه أجمعين
❤❤❤🧡🧡🧡🧡🧡💛💚💚💙💙💙💙💙💜💜🤎

ذكريا اتعدل على المكتب وقال بخضه : تاليا انتى كويسه .. تاليا
تاليا ماسكه التليفون بالعافيه وبعياط رهيب :  أنا مش كويسه يا ذكريااا مش كويسه .. ليه بيعمل معايا عكس إلا بتمناه منه صدقتك لما قولتلى أعذريه ..  كنت قاعده بعد الايام والدقايق والساعات بعد كل حاجه حصلت يمكن يرجعلى بسرعه وأشوفه يطمنى ويريح قلبى 
ذكريا بأسف : مش عارف أقولك إيه غير إنى مستغرب أدم وافعاله بخصوص راندا لو أعرف حاجه كنت قولتلك ..  أدم إلا اعرفه ما يعملش كدا إلا إذا فى حوار
تاليا : ااااه يا كسرة قلبى .. هو قالى مش ها يسيبها وتبريره إنى خ.طفته منها مش هى إلا خ.طفته منى هى الاولى وانا التانيه فى نظره ..   انا غلطت يا ذكريا لما وافقت أقلل من نفسى واتجوزه زى الحراميه .. كل واحد بيعمل حاجه غلط لازم يدفع تمن غلطه بس انا بدفع كتير .. كتير فوق طاقتى بستحمل والله بس تعبت  .. اتحمقت بالعياط وتعبت من كتر ما بقول تعبت
ذكريا بزعل كبير عليها وتعاطف معاها : حقك عليااا والله ما ها اسيبه ورايا حاجه مهمه  اخلصها وكل إلا نفسك فيه ها اعمله
تاليا صوتها اتكتم بعياط كله حرقه : طلقنى منه .. مش عايزا اشوفه ارجوك خليه بعيد زى ماهو بعيد قوله إنى مش طيقاه ولا عايزا اعرفه .. قوله انت غدرت بيها وهى مش مسمحاك 
ذكريا : استهدى بالله
تاليا : انا هاديه وهديت .. أنا اتهديت يا ذكريا ..  منهم لله كلهم .. كلهم كسرو بخاطرى  .. ذكريا أعتبرنى اختك أنا مش قادره اروح حتى لأبن عمى اقوله على حقيقة الوضع بينى وبين ادم .. ازاى ها اقول لأخواتى ..  أنا عايشه بالأمل عايشه ببركة ربنا مليش حد ولا قادره أقول حاجه لحد .. اعتبرنى اختك عيطت قوى قوى .. مش سهل عليا أطلب منك طلب زى دا  أبوس إيدك أعتبرنى أختك وساعدنى
ذكريا بديقه : بطلى هبل انتى فعلا اختى وعهد عليا لو اقدر أعمل اى حاجه عشانك ها أعملها بس عايز افهمك حاجه أدم بالنسبه ليا أكتر من أخ بكتيرررر .. إدينى فرصه افهم ..  بس مش ها اسيبه غير لما أفهم وأنا إلا ها اريحك من ناحيته يا ها أخليه يكمل معاكى يا ييسيبك فى حالك
تاليا بإعتراض هزت راسها بنفى : لاء مش عايزا افهم ولا اعرف ..  جبت أخرى ها اتحمل ايه والا ايه والا أصبر على مين والا مين  قوله يرحمنى ويطلقنى والله ما بقيت طايقه اكلمه ولا اشوفه مهما برر او قال .. خلاص قفلت منه بجد
ذكريا قفل معاها وأتصل على أدم  اول ما رد : أنت فين يا زفت
أدم بعصبيه : مالك يا ذكريا اتجننت
ذكريا زعق : انت إلا اتجننت لسا نازل عشان تعلن جوازك من الهانم وتتحرق البنيه إلا متحمله غتتك معاها ياخى حرام عليك
ادم ضم حواجبه وقلبه اتخلع من مكانه اتكلم بتوتر : أعلنه فين
ذكريا : نايم على ودنك لدرجة إنك مش عارف ان راندا نزلت المعاد وكل تفاصيل حياتكم بتاعت كتب الكتاب والفرح
ادم مسك الفون إلا بيفتح منه الفيس بالهفه جاب صفحة راندا وقرء البوست رفع راسه لفوق وغمض عيونه بمنتهى الأسف ماكنش حابب الخبر يوصل لتاليا بالطريقه المهينه دى لسا بيستعد عشان ينزلها جرى ويعمل احلى مفاجأه لتاليته  وحشته وحشته وحشته ..
ذكريا بمهاجمه : انا مش عارف ليه مصر ترتبط بيها بعد إلا عملته ازاى قابل يا أدم  على نفسك الوضع دا لو إلا فى دماغى ها أزعل منك وها اتصل أهزقه
أدم بنرفزه : خلاص يا ذكريا مش وقته .. تاليا قالتلك إيه
ذكريا : قالت الا قالته انا عايز افهم الحوار بالظبط عشان قسما بالله لأنصرها عليك واجننك 
أدم بزهق : ذكريا ماتزهقنيش أنا تعبااان قولى قالتلك إيه ها اروح لها ياعم بس أبقى فاهم راسى من رجلى
ذكريا : مش قبل ما توعدنى تصلح كل إلا عملته معاها
أدم : ها اقولك تانى لايمكن اتخلى عن تاليااا ريح نفسك هاتقولى قالتلك ايه والا اقفل
ذكريا : ها اقولك .. لا ها ابعتلك المكالمه كلها اسمعها عشان يوصلك إحساسها وأد ايه فقدت الثقه حتى فيك قفل معاه وبعتله المكالمه لانه مسجلها لما لقائها منهاره ..
أدم قاعد منتظر المكالمه تتحمل عشان يفتحها .. أخيرا اتحملت وفتحها بيمسع كل كلمه قالتها تاليا وذكريا .. حط التليفون جمبه وبيمسح وشه بإيده بزهق وخنقه ماكنش حابب الأمور توصل للطريق دا بسرعه كان عنده أمل يروح يترمى فى حضنها يطمن عليها ويطمنها ويفهمها .. عنده امل إن الامور هاتمشى هاديه زى ماهو مخطط بس كل أموره مشيت عكس التيار
***
عصام قاعد فى عربيته مخنوق .. وقف قدام كافتريا كان بيحب كل ما ينزل يقابل فيها ساميه ويعزمها على مشروبها المفضل مانجه تقيله شحط محط زى ما بتسميها .. نزل ودخل قعد على نفس الترابيزه بتاعتهم وطلب قهوه .. بعد وقت نزلت القهوه وبيشرب مع نفسه بهدوء شديد .. اتفاجئ با إلا داخل عليه وفارد إيده : وحشنى يا شيخ ياعصااام أنا قولت أدام نزل لايمكن يروح فى حته غير هنا
عصام قام ببتسامه وحضن أخوه بحراره شديده .. مسد على ضهره جااامد وقعدو قصاد بعض 
عصام : كنت حالف اضر.بك بس مش قادر
محمد ميل براسه : أهون عليك دانا حبيبك
عصام هز راسه : ليه يامحمد وإشمعنا انت
محمد : والله كنت بهزر والكلام كبر فى دماغ عمك .. ساميه مرات اخويا وبس فى عيونى .. طب عارف من اللحظه إلا عرفت إنك بتحبها وأنا فرحان ومبسوط . كفايه إنتظار  ساميه لازم تاخدها على خو.انه مع واحده سو بلكس بتسلم على طول
عصام اتنهد ملوش نفس يضحك
محمد مسك إيده : أنت حبيبى لايمكن أك.سر عينك ولا أك سر قلبك فاهم يا عصام عمرى ما ها أكون جلا.دك ابدك مهما عملو
عصام بخنقه : ساميه عامله إيه
محمد ريح ضهره : هاتصدقنى لو قولتلك اتغيرت كتير وبقت حذره حتى فى تعاملها معانا غير ساميه بتاعت زمان قربت تبقى زى مانت حابب تكه وتعلن توبتها
عصام : خلاص يا محمد كان موضوع وأنتهى اتمنى تختار  كويس واحد محترم يصون عشرتها 
محمد خبط على الترابيزه : محدش ها يصون عشرتها غيرك خلاص كلمه وانا قولتلها عاجبك عاجبك مش عاجبك مش مهم
عصام بصله : تصدق اخر واحد فكرت أشوفه دلوقت انت .. هو انا ناقص صداااع ياربى قوم روح وإبعد عن دماغى
محمد برجاء : ماتتخلاش عنها مش هاتيجى على الاخر وتستسلم ألاقى منين مرات اخ اطلع عنيها وماتفتحش بوئها
عصام ضحك اخيرا : انت فاكر لو اتجوزتها هاتقدر تقولها بم
محمد : دانا ها اقولها بم بم
عصام ؛ نعم
محمد : بقولك ها اجيب لها بم بم .. لبان يعنى
عصام : هههههههه
محمد قرب عليه : نفسى اعرف حبيتها امتى وازاى لفتت نظرك
عصام افتكر أول يوم قلبه مال لها ومن اللحظه دى مش قادر يبعد عنها أبداااا كان بيحبها والحب اتقلب لحب وعشق
فلاش بااااك
*********
عصام متعود على وجود ساميه حواليه طول الوقت أدام موجود بحكم إنه تقريبا مربيها .. فى يوم نزل من شغله كان لسا متعين جديد وهى يدوب فى اولى جامعه .. أول مره عصام يغيب فتره كبيره عنها لأنه فى مكان بعيد .. كانت قاعده وسط العيله وعصام دخل بهوليله كبيره سلم عليهم كلهم  وساميه نطت فى حضنه زى مابتعمل وتحضن وتبوس فيه بعشوائيه
الكل ضحك على منظرها وادهم قام مسكها : تعالى فاكره نفسك ساميه الصغيره كبرتى بطلى الحركه دى عيب
ساميه كشرت وقلبت وشها قعدت فى جمب مربعه ايديها وباصه لعصام بزعل عشان ما اتكلمش  وعصام بصلها وهو مبتسم سرحان ..  فجأه كبرت فى عيونه إحلوت قوى كدا ليه شاف خوف أدهم وترجمه بس أتحول لمشاعر عنده لأول مره يتبنى بينه وبين ساميه سور  وممنوعات .. . سابهم ودخل اوضته بعد ما قعد معاهم شويه وساميه مقموصه فى جمب كل شويه يتابعها بعيونه ومن جواه فرحان بمشاعرها الجميله تجاهه إلا مهما مر الوقت ما بتتغيرش بالعكس بتزيد  .. بيريح على السرير من غير  مايغير  وساميه أتسحبت ودخلت الأوضه بشويش قفلت الباب عصام أتعدل وقام وقف قربت حضنته بمنتهى الحريه قالتها بدلعها المعتاد .. وحشتنى يا اوس أوس هو بابا مرخم عليا ليه المره دى
عصام ضاممها بإيده وواقف قدامها : خايف عليكى
ساميه : خايف عليا من مين منك دانت روحى روحى روحى .. أوسه اتاخرت ليه
عصام : شغل .. مسك ايديها وبعدها عنه .. وبعدين يا مأزعره اسيبك ارجع الاقيكى عروسه
ساميه بضحكه عسل : عروسه إيه بس انا لسا مازعره بس أنتو إلا عيونكم وسعت
عصام : هههههههههههه .. هى وسعت منك بس ماشى .. ياله أخرجى عايز أغير
ساميه : ماشى خلص وتعالى العب معايا انا ومحمد جايبين لعبه جامده هاتعجبك بتاعت عفاريت
عصام : ههههههههه انتى ناقصه عفرته ..  روحى وانا جاى وراكى ..
باااك
***** 
محمد : أنت بتحبها وهى فى أولى جامعه وكابت دا كله جواك
عصام : أنا خدت بالى إن ساميه كبرت بقت عروسه حسيت او بدأت احس إن لازم يبقى فى حدود بينا  لأنها طول الوقت متشعلقه فى راقبتى حتى عمك بدء يغير عليها منى ومن أى حد شايفها كبرت عايز اقولك طول ماهى فى ثانوى كانت طفله جسم وشكل وكل حاجه فى لحظه كدا اتغيرت اتبدلت بقت عروسه بنخاف عليها كلنا بننتقد أفعالها  وكتير كانت تهاجمنا عشان لا أتعودت على دا من صغرها ولا حد كان بيلفت نظرها فاطبيعى تشوف افعالنا أوفر وطريقتنا رخمه وكلنا جاين عليها أنا عاذرها
محمد هز راسه : هى رخمه اصلا وكل حاجه بتشوفها رخمه
عصام ضربه : والله مافى أرخم منك
محمد : هههههه يعنى حد يسيب القمر والحب والاهتمام ويجرى ورا أوهام وورا على
عصام : هى ما شافتش جديد عشان تترجم ان دا حب هى طول عمرها عايشه معانا واحنا بنهتم ونحب فيها بنديها كل حاجه بدون مقابل ومشاعرنا تجاها بزياده .. ساميه البنت الوحيده الموجوده فى العيله كلنا رجاله والبنت والعيل الوحيد لعمك طبيعى تلاقى إهتمام وحب كبير من كل إلا حواليها وخوف وطبيعى هى تشعر ان دى مشاعر عاديه عشان طول الوقت عايشه فيها .. تخيل يامحمد أنا جه عليا وقت كنت بحس ان ساميه لايمكن هاتخرج من تحت ايدينا ولا تبص وتحب حد تانى  من شدة الحب والدلع إلا بتشوفه من الكل
محمد : كلنا كدا بنحسب حسابات وتطلع غلط برغم ثقتنا المطلقه إنها صح بس فى رقم دايما بيغير مجرى الحساب كله صعب ناخد بالنا منه
عصام شاور : صح  .. ركز يا محمد وأوعى تحلم حلم وتعيش جواه طول الوقت .. إحلم بس دايما خليك جاهز لأى تعديل او تغير ممكن يعكنن عليك ويلخبط تخطيطك له  .. الاحلام بالذات يا بتحقق اكبر من حلمك يا ماتطولش ربع حلمك مفيش وسط
محمد أبتسم : ماخبيش عليك كنت منتظر رجوك بفارغ الصبر عشان أقولك إنى طبيت وعايز أتجوز
عصام بفضول :  مين
محمد : ساميه  وضحك بصوت عالى جدا
عصام ضحك هو كمان عارف إن أخوه صعب يقول كلمتين من غير هزار برغم ان فى شغله عملى جداااا شاور : قوم يالا
محمد بضحكه : ههههههه خلاص والله .. بنت اللوا أسامه حبيب
عصام بتذكر سريع : مش دا فى الاداره عندك
محمد بتأكيد : أيوا 
عصام : ربنا يسعدك يا محمد بس أهم حاجه اخلاق البنت ماتجريش ورا المظاهر
محمد : أنا مش ها أخد خطوه غير لما انت تشوفها الاول  وتحكم بنفسك
عصام بصله : إشمعنا أنا انت إلا هاتتجوز وترتبط بيها أسأل عليهم وشوف مناسبه والا لاء مش عشان أبوها لوا يبقى كل حاجه تمام أسال حتى على اخلاق أبوها من رؤسائه
محمد :  المهمه دى ها أسيبها لأبوك إنما البنت أنا عايزك تشوفها وتقيم أخلاقها من بعيد لبعيد أنا بثق فى  رأيك مهما إن كان
عصام أبتسم : ماشى يا حبيبى .. أنا جعان ممكن نروح عشان لو كلت برا ماما هاتزعل
محمد ديق عيونه : هى الوليمه إلا معموله هناك ليك
عصام بتاكيد : طبعا يابنى  انا عصام بردو
محمد : اه يا اميره مانتى ماخلفتيش غير عصام .. قام وقف .. ياله بينا وابقى قابلنى لو اتبقى ليك حاجه دا زمانهم كلو أمك فى البيت
عصام : ههههههههه ياله يا لمض .. حاسب على قهوته والعصير الا طلبه لمحمد ومشى روح وهو فى الطريق محمد قاله تعالى نسلم على عمك أدهم رفض وقاله لاء ها أقابله بكرا إن شاء الله برا البيت
محمد سكت ماحبش يدايقه او يضغط عليه لأول مره عصام مايجريش على بيت عمه ولا يفكر يروح يشوف حب عمره .. 
**
ياسين راكب عربيه نص نقل  إلا جابها هو وادهم ورايح بيها على المخزن إلا أجروه وصل وفتح المخزن دخل جوا بقى يشيل ويحط بإيده بعض الحاجات وصل عمال ها يشتغلو معاهم .. شاور لهم على جوا بتعب .. خرجو كل الحاجات إلا فى المخزن صاحبه ها يجى يستلمها الصبح ان شاء الله
العمال دخلو جوا عملو كل حاجه طلبها ياسين منهم .. لحظات وترله كبيره قربت عليهم  وقفت قدام المخزن بدئو ينزلو الشغل إلا فيها ويرصوه بطريقه معينه .. أدهم دخل عليهم سلم على ياسين وببتسامه باصص للشغل : ربنا يجعلها فاتحة خير
ياسين رفع ايده : يارب 
أدهم : لما يخلصو رص  الحموله جوا المخزن يحملو  العربيه عشان نتوكل على الله
ياسين دخل جوا المخزن معاهم هو وادهم ظبطو ترتيب كل حاجه وبعد ما خلصو المخزن حملو العربيه ركبو مع بعض ومشيو على طول بيلفو  على اكبر الهيبرات والفنادق  إلا اتفقو معاها ينزلو ليهم شغل وخلصو الحموله وقبضو الفلوس وراحو لعزت على طول 
ادهم بيرد على التليفون : ايوا يا ساميه لا اتاخرت ولا حاجه لسا بدرى .. أنا مع ياسين ولسا واصل عند عمك .. لا ما قابلتوش ولا شوفته انا زعلان منه اعرف إنه رجع منك كل مره بينزل يسلم ويتصل عليا ويقعد معايا .. ..  خلاص ماشى لاء روحى وانا مروح ها أعدى عليكى  اخدك  سلام
عزت :  هى راحه فين
أدهم : راحه لأخوات ياسين تقعد معاهم
ياسين : احسن بدال قعدتهم مش مبطلين رن عليااا جننونى فرحانين بالتليفون
عزت : طبيعى  بلد وحياه جديده ومختلفه عليهم
ياسين ابتسم : خربو بيتى  ايس كريم .. كل ما يشوفو وشى تعالى ننزل ناكل أيس كريم وعاملين زى الهبل بيجرو فى الشارع وانا أطير وراهم ههههههههه
الاتنين : هههههههههه
ياسين : ريحت نفسى ودماغى بقيت اجيبه وانا مروح اخترعولى إختراع جديد .. تعالى نتمشى ونشم هوا نضيف على البحر .. اقولهم أم الهوا هنا زى على البحر يقولو لاء عايزين نشوف الاجانب ونتفرج عليهم اصلهم قال.عين .. ملط
عزت : ههههههههه والله كنت متدايق وانت هونت عليااا إخواتك على كلامك طول عمرهم محبوسين ها يتجننو لما يشوفو ويعيشو عيشه زى دى مره واحده لازم تسيطر عليهم ليضيعو منك هنا
ياسين بالهفه : يتوهو يعنى
أدهم : لا يا حبيبى حد يضحك على عقلهم ويستغل طيبتهم والفتره إلا ربنا خلقهم بيها ويضرهم ضرر كبير
ياسين هز راسه : ربنا يسترها وينجيهم أنا بحميهم مش بضيعهم
عزت : شغلى يياسين يابنى عملنى كتير أول حاجه أتعلمتها إن كل حاجه ربنا خلقها تعيش فى بيئه معينه عشان تغير بيئتها لازم حاجه اسمها تهيئه .. بعض  الجر.ائم .. هو من تغير وطبيعة البيئه وخصوصا الضحايا إلا بيستغلو دا فيهم .. بيستغلو إختلاف الثقافه والعرف وكل حاجه  ..  فى مثل بيقول الغريب اعمى لو كان بصير ودا كلام صحيح ميه فى الميه .. الغريب بياخد وقت على ما يفتح ويعيش الاجواء ويفهم لإن مليون واحد ها يستغله
أدهم : تخيل بقى الحد دا خمس  بنات ماخرجوش من بيتهم حتى..   عينك تبقى فى وسط راسك   قرب منهم فهمهم  طبيعة الناس هما  وإحمد ربنا إن تاليا كانت جمبك فهمتك وعيشتك الاجواء وسعت إنها تعلمك وتعملك علاقات
ياسين أبتسم : تاليا خلقت من أخلاقى وطباعى إنسان جديد .. عندكم حق مسؤلية إخواتى كبيره ولازم أكون قدها طالما أسريت أجيبهم يعيشو عيشتى
عزت : كدا انت فهمت ربنا يحفظهم
ياسين رفع ايده : يارب
***
ساميه لبست ونزلت راحت لأخوات ياسين واخده العده معاها خبطت والخمسه بيتخانقو مين فيهم تبص من العين السحريه .. ساميه قربت بوئها من الباب : افتحو دانا ها افتح نفخكم يا شلة المجانين
امانى  بضحكه : دى الابله ساميه وسعى يابت يا ثريا جاتك ضر.به
منال : ابله ساميه جت يا كريمه إلبسى الكعب اوعى تتقطم راقبتك يابقره وريها بقيتى تتكعورى ازاى
أمانى فتحت الباب وساميه زقتهم : أنتو كل يوم فى أم الموال دا مين ها يعبركم غيرى والا تاليا
مناب قربت عليها بتوشوشها : لابويا يبعت ورانا وتبقى حوسه
ساميه بعصبيه ؛ ابوكى يبعت وراكو إيه انتى بتوشوشينى ليه مين ها يسمعك غيرنا
منال لوت شفتها وهزت ايديها : ليكون في أواسيس كدا وإلا كدا
ساميه قلبت وشها : أواسيس  .. مين دول نوع بشر جديد أسمه أواسيس
منال قربت منها بتكمل  : أواسيس إلا بيراقبونا ويروحو يبلغو أبا
ساميه بفهم  : جوا.سيس
منال شاورت وبتأكيد  : إيوا هما دول
ساميه زعقت وبصتلهم كلهم  : دانتو أكبر أواسيس .. دانتو حرا.بيق  .. تعالى يا توحيده بالعه لسانك ليه إنهارده
توحيده : يادى الحوسه جيتى على غفله ملحقتش احفظ أسمى
ساميه بجنون قربت عليها : انتى حافظه انا عايزاكى تكتبيه
توحيده هزت راسها : إيوا إيوا انى كتبت حرفين والباقى نسيته
ساميه مسكتها من ودانها شدتها  : نسيتى  تاكلى .. نسيتى  تشربى .. نسيتى تنامى
توحيده قالبه وشها : لاء مش كدا .. يا ابله ساميه أنا افتكر أكنس أمسح اروق أعمل لهم طفح يطفحوه إنما اكتب ليه اتكتب على جنانكم يابعده
ساميه : تكتبى عشان ماتبقيش جاهله .. محدش يستغلك 
منال : متبقيش بقره يابقره
ساميه بصتلها : لو تتشكى فى لسانك ها ارتاح
كريمه لابسه الصندل وطالعه فارده ايديها كانها ماشيه على حبل والكل بيضحك عليها اول ما قربت من ساميه طررراخ اتقلبت تحت رجلها : اه يانى يا روكبى يندعقو الاجانب  على إلا عايز يلبس زيهم انا جايه اتاوى والا أتك.سر يابقر
ساميه :  هههههه قومى ياختى قومى دانا ها يطلع عينى  على ما اصنفر دماغكم  .. فضلت تناكف فيهم طول الوقت لما طلعو عينيها وهى طلعت عينهم
***
أدم نايم على السرير كل تفكيره فى تاليااا وبس بيرتب أفكاره ازاى ها يواجها برجوعه  لاء وكمان ها يتجوز راندا فى وقت قصير وقريب جدا ممكن يبرر دا بإيه بعد ما قرت بنفسها العشق والهيام وطريقة راندا المبالغ فيها على الفيس  ..  عنده شوووق لو حست بيه لايمكن تكلمه او تعانده أو تجرحه بكلمه .. الوقت بيمر و الفجر  خلاص ها يأذن قام أتوضى وصلى ماقدرش يمنع نفسه لبس ونزل ركب عربيته وراح لها لما عرف من ذكريا إنها استقرت فى شقتها من أسبوعين . طلع المفتاح إلا عامل عليه كذا نسخه وفتح الباب بشويش وقفله بردو بهدوء .. خد نفس  ودخل أوضتها لقائها نايمه تخنت وشها عباره عن حتة قمرررر إحلوت قوى بطنها عاليه جدا جدا  من الحمل  ... حط حاجته وأختار لحظه صمت وقرب من غير إزعاج نام جمبها براحه ماحستش بيه وقرب بهدوء شديد منها واضح إن نومها بقى تقيل جداااا لدرجه إنه باس شفايفها وخدودها ماحستش بيه .. لحظات وعيونه راحت فى النوووم تعب وإرهاق جسمه أستسلم زيها وأكترررر  مر الوقت والضهر أذن وهى لسه نايمه بس فى حضنه وبين إيديه حاسه بالأمان والراحه برغم تعبها ووحدتها .. فتحت عيونها بتقل ولسا بتتحرك حست ان حد مكتفها أول ما شافته صوتت بصوت عالى قلبها كان ها يقف من الخضه  .. أدم بهدوء فتح عيونه وباصص لها
تاليا زقته : أوعى .. صرخت .. إيه جابك .. وليه راجع انت بجح قوى جايلك قلب تيجى وكمان تنام جمبى
أدم أبتسم : ووخدك فى حضنى
تاليا نزلت من على السرير وأدم بيفصصها بعيونه شايف واحده جديده تمامااااا.. رفعت ايديها بتلم شعرها وبطنها بانت .. أتعدل وشدها قعدها على رجله وهى بتفلفص منه همس : تاليا إهدى
تاليا بزعيق : مش ها اهدى سيبنى
ادم سابها لتأذى نفسها بحركاتها العنيفه .. خرجت برا وهى متوتره بتمسك نفسها من  العياط بالعافيه  خرج وراها  وأستنى تصرخ وتقول إلا هى عايزاه بس ساكته تماما .. حبيبتى
تاليا بهجوم : ماتقولش حبيبتى على الله أسمعها منك تانى .. بص يا أدم عشان أنا تعبت .. والله تعبت وجودك فى حياتى تعبنى ووجعنى قوى .. عيطت  .. أنا طول الوقت بسمحلك وبسمح لغيرك تغلطو فى حقى وتهمشونى بعيش معاكو قهر وأ.لم محدش يتحمله من أول عمى إلا المفروض يبقى مكان أبويا وإخواتى الضهر والسند .. شاورت عليه .. وختمت بيك دور الناس القريبين منى فى حياتى مؤذى .. نطرت إيديها .. مؤذى لأبعد الحدود بس أنت قدرت عليااا .. قدرت تكسر تاليا إلا بتتحدى ظروفها وتقع وتقوم أشد وأقوى .. عيطت قوى لدرجه خنقته بمعنى الكلمه .. أنا بقيت على إيدك ضعيفه ومشتته مش عارفه انا عايزا إيه
أدم قعد قدامها مسح دموعها وباس عيونها الأتنين : عايزانى وأنا عايزك وبحبك بكل التخبط إلا أنتى فيه .. بحبك بضعفك وبقوتك وصعب أستغنى عنك إلا بيبعدنى عنك شغلى .. شغلى وبس لازم تتقبلينى زى مانا لو بتحبينى يا تاليا ظروف شغلى مش ها اقولك صاعبه بس بحتاج  اوقات كتير مجبر على سفر
تاليا بوجع رهيب وكسره نفس هزت راسها : لاء المره دى لاء .. أنت كسرت نفسى عملت زى الحرامى إلا خطف أغلى حاجه عندى وهرب ياريتك ما عملت كدا كنت ها أفضل احبك .. نبرة صوتها هديت .. هاتصدقنى لو قولتلك إنى مش حاسه بأى مشاعر تجاهك دلوقت .. كل مره بتدينى درس قاسى  بس المره دى خالفت توقعاتى .. جريت على خطيبتك نزلت من غير ما أعرف وبتحدد فرحك وانا إيه .. فين مشاعرى وإحساسى ما.تو بالنسبالك  ... أتكلمت برجاء وبنبرة صوت حزينه .. أدم ارجوك سيبنى
أدم بزعل : أسيبك لمين .. وأسيبك أزاى دانتى أسرانى عندك لو تعرفى أنتى بالنسبالى إيه والله ماتقولى الكلام دا .. مد إيده .. أنا إيدى مش مربطين بس أنتى كتفتى قلبى وربطيه بيكى يا تاليااا وكلامك دلوقت بيشد الرباط وبيخنقه يوم ما تفكرى تبعدى هايمو.ت بمعنى الكلمه أنتى لو مظلومه فى الدنيا قيراط .. شاور على نفسه .. غيرك مظلوم ٢٤ قيراط غيرك مجبر يعيش بطريقه ووضع صعب حد يتحمله
تاليا بإصرار : سيبنى يا أدم أرجوك أنت عندك الصلاحيات تعيش حياتك فى أى مكان بس أنا لاء .. أنا إلا مربوطه بكلمه منك .. بص .. حطت إيديها على بطنها وعيطت .. برغم زعلى وحزنى من إلا عملته بس ربنا بعتلى عيله جديده اعيش معاها .. عيله هاتحبنى وترتبط بيا مش هاتسيبنى أبداا ولا تتخلى عنى أنا عايشه معاهم وبيهم دلوقت .. بنفرح سوا وبنحزن سوا وبنتكلم كتير
أدم حضنها جااامد : أسكتى ماتعذبنيش أكتر منا متعذب بسببك أنا غبى بس بحبك سامحينى وخليكى معايا
تاليا بعدته عنها وصرخت : لاء .. أنت بتفهم .. لاء .. لايمكن أبقى معاك ولا مع غيرك ها أعيش زى ماكنت وبس طلقنى سيبنى فى حالى أبوس إيدك
أدم وقف : بلاش تقفلى مخك كل إلا عايزا تعرفيه ها اعرفك واريحك
تاليا ضربت ايد على إيد : هو أتقفل .. قلبى أنتهى وما.ت و أتقفل بالضبه والمفتاح .. أنا بكرهك .. بكرهك بمعنى الكلمه مش طايقه لمسة إيدك ولا طايقه قربك  و لا طايقه أشوفك ولا عايزا أعرف أى حاجه
أدم بتحذير : تاليا هاتندمى على كلامك بلاش احسن ليا وليكى
تاليا : مش ها أندم ... شاورت .. اتفضل مع السلامه شوف حياتك وإبعتلى ورقتى
أدم هز راسه : كدا ماشى براحتك بش أفتكرى انك أنتى إلا اختارتى طريق مسدود  وعايزا تكملى فيه .. أنا بقى محدش بيقولى أعمل إيه وماعملش إيه وقت ما يجيلى مزاجى اطلقك ها اطلقك زق كتفها .. فاهمه
تاليا بصتله بشر : أنسى تلعب بيا عشان مزاجك
أدم ميل راسه  : ها ألعب وأفتكرى  كلامك كويس عشان محدش ها يندم غيرك وبس
تاليا ضحكت وسط دموعها : أنا لسا ها أندم ندمت وإلا كان كان أتفضل وأعلى ما فى خيلك أركبه
أدم  بغيظ : خيلى والله ماتتحمليه ساعه واحده إلا مانعنى عنك حبى ليكى غير كدا جز على سنانه افرمك فرم تحت إيدى .. سابها ودخل الأوضه لبس التيشرت ولبس جزمته وخد المفاتيح ونازل  من غير ما يبصلها
تاليا زعقت وبثبات : أستنى فى حاجه لازم تاخدها عشان ما يبقاش فى جمايل ليك عليا
❤❤❤🧡🧡
بقلم : لبنى طارق
💚💚💙💙💙💜