صقر الظلام

صقر الظلام ٣٠

صقر الظلام ٣٠
*************
يارب اللهم يا عزيز يا جبار اجعل قلوبنا تخشع من تقواك واجعل عيوننا تدمع من خشياك واجعلنا يا رب من أهل التقوى وأهل المغفرة يا رب الذي يرسل هذا الدعاء اجعله مع حبيبك ورسولك المصطفى في الجنة اللهم اختر لي لأفضل في كل أمورَ حياتي.
اللهم إني أستخيرك، واحتجب بك من كل شيء خلقته واحترس بك من جميع خلقك، وكل ما ذرأت وبرأت، وأحترس بك منهم، وأفوض أمري إليك، وأقدم بين يدي في يومي هذا، وليلتي هذه، وساعتي هذه وشهري هذا.
اللهم إني أسألك إيمانا يباشر قلبي، ويقينا صادقا حتى أعلم أنه لن يصيبني إلا ما كتبته على، والرضا بما قسمته لي يا ذا الجلال والإكرام.
اللهم صل وسلم وبارك على سيدنا محمد وعلى آله وصحبه أجمعين
❤❤❤🧡🧡🧡🧡💛💛💛💛💚💙💙💜🤎🤎🤎

عصام خرج برا قعد مكانه .. يعنى هى بتعمل كدا عشان يخلصها من زياد مره تبوس اخوه وتحضنه ومره هو وكأن بقى أى شئ مباح لها تعمله حتى لو حرام للدرجه دى هو مايعرفش ساميه ولا يعرف اخلاقها .. طلعت هى ومنال حطو الاكل قدام محمد
محمد بص لعصام  : تعالى كل معايا
عصام مسد على ضهره : بألف هنا ليك .. قام وقف وساميه بصاله .. لما ماما تخرج قولها إنى مشيت وهما مروحين خلى بابا يكلمنى اجى اخدهم
ساميه وقفت قدامه : خليك قاعد معانا مستعجل ليه
عصام بعدها عن طريقه وماردش عليها حاسس بصهد بيخرج من جسمه من شدة الغيظ والكبت .. مشى  جريت وراه ونزلت على السلم مسكته وبعصبيه : فى إيه يا عصام أنت كل شويه بحال انت جننتنى حرام عليك
عصام زق إيديها بعصبيه : أنا إلا جننتك .. روحى شوفيلك واحد غير عصام يخلصك من زياد زقها لما مسكت فيه تانى .. وسعى ونزل  سمعت الكلمتين منه طارت وراه تعالى هنا مش هاتمشى غير لما أعرف راسى من رجلى معاك تجاهلها وركب العربيه قامت راكبه جمبه قدام
عصام بعصبيه : أنتى عايزا إيه
ساميه بعياط : عايزاك .  انت ما بتفهمش عايزاك
عصام اتعدل وبصلها : أنتى كدابه يا ساميه .. كدابه .. طول عمرك بتسعى تفرحى نفسك وتسعدى نفسك وطظ فى إللى حواليكى يولوعو هما مين دول أصلااا .. راجل زى زياد بترطبتى بيه ليه لما أنتى عايزانى هاااا .. بتعلقى واحد تانى بيكى ليه ..  اعتبر دا مرض
ساميه بعياط جااامد : والله بحبك انت وارتبط بيه خوف انا ما بكذبش عليك ياعصام أنا واضحه معاك وضوح الشمس وأخر واحد ممكن يقول عليا كدا أنت  .. أنت اخر انسان ممكن أتخيل إنه طول الوقت يكدبنى ومايصدقنيش طب ليه هااا ليه
عصام رفع حاجب : عايزانى
ساميه بتاكيد ؛ أيوا
عصام دور العربيه : إثبتى إنك عايزانى
ساميه بصت على ايده وهو بيدور العربيه وباصص قدامه مش عارفه هو بيفكر فى إيه او عايز يعمل إيه بالظبط وبصوت مغشلق : أثبت ازاى
عصام بصلها وشاور : يا تيجى معايا يا تنزلى ولو نزلتى ماتفتحيش موضوعنا تانى
ساميه بخوف من إلا دار فى دماغها : ايوا يعنى هانعمل إيه
عصام قبل ما يقولها على صوته وبحده : حددى    .   ياتنزلى يا أمشى عايزا إيه
ساميه أتعدلت على الكرسى  : أمشى بس قبل ما تتحرك هاتقولى الاول هاتعمل إيه معاياااا 
عصام بإصرار : كلامى واضح جداااا أمشى وإلا تنزلى وأى إن كان إلا ها اعمله هاتوافقى عليه أى إن كان وقالها بالهجه حاده جدااا
ساميه بعصبيه : أنا ما بحبش كدا حرام عليك ماتحطنيش تحت ضغط وإختبار سيبنى اختار وانا عارفه بعمل إيه
عصام نفخ : أنزلى
ساميه بجدال  : ياعصام
عصام زعق نفضها من مكانها : انزلى
ساميه نزلت وهو مشى على طول طلعت وفضلت تعيط ومحمد قاعد جمبها واميره يادوب طالعه من الاوضه أول ما شافتها راحت عليها : انا قولت أجى أغير جو مش اتعكنن واحده بتعيط جوا وواحده برا دا كتير
محمد : إقعدى وإهدى أنتى خارجه من مرض سيبك منهم
أميره قعدت : مالك يا ساميه
منال بصتلها  : نزلت جرى ورا العسليه إبنك وطلعت متشقلب كيانها ولا إللى رنانها علقه معتبره 
محمد بص لساميه : حتى العيال خدو بالهم فضحتيناااا يا شيخه
أميره زقته وخدت ساميه فى حضنها : اسكت أنت ملكش دعوه .. مالك يا ساميه حصل إيه
ساميه بعياط  : عصام اتغير بجد مبقاش يحبنى ولا طايقنى ولا مصدقنى خلاص يا ميرو كل حاجه انتهت  لايمكن يكون دا عصام إلا اعرفه هو راح فين معقول  ها يتخلى عنى خلاص
محمد قام نفض إيده وبيشرب الميه وبجديه شديده : أنتى إللى غبيه وهاتتخلى عنه انا لو منك امسك فيه بإيدى وسنانى ..
أميره بصتلها وبجديه : إلا انتو شايفينه صح إعملوه يا ساميه أنا ماعنديش أى مانع تتجوزيه أو تقربو من بعض إلا ها يريح إبنى ها يريحنى
ساميه بصتلها : يعنى عمو عزت موافق
أميره بحيره : عزت صعب او مستحيل يغير رأيه فى حاجه هو مقتنع بيها موضوع عصام بالنسباله مجرد وقت وهايرجع تانى لطبيعته دا تفكيره .. أتكلمت بعاطفتة الأمومه .. أنا صعبان عليا إبنى .. إبنى بينهار واحده واحده .. سنين قافل على نفسه وعلى قلبه أكتفى بيكى حتى وأنتى بعيده عنه .. أكتفى وبعد عن ملذات الدنياااا داهايكون عقابه يا ساميه منك .. كفايه لأنه بقالو سنين بيتعاقب يابنتى حددى أنتى عايزا إيه وعايزا مين وبطلى بقى تستنى عصام يقلب الكون عشانك
محمد وهو داخل على الحمام وبياخد الشنطه إلا معاه : أمى جابت من الأخر ماتستنيش عصام يعملك حاجه عشان هو دلوقت حبك بالنسبالو بيفرفر جواه يا تلحقيه وتعمليله إنعاش يا تسبيه يمو.ت للأبد ..
ساميه اتعدلت بتسمع لهم بإهتمام ودموعها مانشفتش هاتعمل إيه .. هاتقف قصادهم ازاى لوحدها سبق وعملتها بس هى فعلا مش زى زمان .. مفيش إنسان فى الدنيا بيمر بتجربه ويعاند ويكمل طريقه ولو اتحط فى نفس الموقف  لايمكن يعمل إلا عمله لأنه بإختصار طالع بتجربه عارف عواقبها إيه ..
محمد لبس لبسه وبيحط الكاب على راسه  وبيبص فى المرايه ضبط اللياقه .. شال الكاب حطه تحت دراعه وبجديه قرب على أميره باس راسها وإيديها : عايزا حاجه يا حبيبتى
أميره مسدت عليه : مع الف سلامه يا حبيبى طمنى على سامى ما اتصلش عليا وفونه مقفول 
محمد هز راسه ومنال متنحه وهى بتتفرج عليهم : حاضر يا حبيبتى .. قال سلام عليكم ونزل ..
ساميه حطت راسها على كتف أميره ومش مبطله عياط .. أدم ماسك تاليا وخارج بيها بصالهم بإستفسار : فى إيه
أميره بزعل فردت ايديها ومنال ما صدقت حكت إلا حصل
تاليا بصت لأدم برجاء : أرجوك يا ادم عقله أتصرف
أدم بص لساميه : ممكن تبطلى عياط عشان انتى وهى كرهتونى فى الستات الزنانه
ساميه بصتله وبحده : أنا كتب كتابى بعد بكرا 
أدم : مش عايزا أمه بتكملى ليه أنتو ناس غريبه فعلاااا
ساميه : أعمل إيه  حرام عليكو إلا حصل حصل انا مبقاش ليا كلمه ولا رأى الكل بيتحكم فيااا .. عمى هارون ها يقلب الدنيا فوق دماغى لو عملت حاجه كدا وإلا كدا
أدم بجديه : أقولك على حاجه وماتزعليش منى
ساميه بعياط : والنبى ماتدايقنى يا ادم والله بحب عصام وعايزاه والله
أدم : الحب مش كفايه ولا عمره كان كلام الواحد طاقه يا ساميه طاقه مش ها افضل اتنازل كتير بدون مقابل بدون إشاره تبين إذا كان الحب يستاهل وحقيقى وإلا لاء ..
تاليا بصتله وبجديه : زهقت منى
أدم بصلها وأبتسم : أنا ماعرفش ازهق من روحى
تاليا دموع لمعت فى عيونها : بس انت قولتلى أختارى عشان أنا جبت اخرى لو عايزا تطلقى اتطلقى
أدم همس : أنا باخدك على قد عقلك أنتى بتقولى طلقنى اكتر مابتقولى سلام عليكم ..
كلهم ؛ ههههههههه
أدم نطر إيده : ذكريااا قالى اتحملها وعمرو قالى دى هرمونات حمل وحسام حالف ينفينى لو زعلتك ويرمينى أخر الدنيااا ها اهون عليكى ابعد تانى
تاليا بإستسلام رهيييب أدم عمره ماحسه منهااتخنقت بالعياط : لاء ماتبعدش عنى محدش شالنى ولا خدمنى غيرك
أدم شد راسها على صدره جااامد وشاور عليها : شاهدين واخدانى خدامه فلبينيه
منال : ههههههههه نسيوكى يا أبله ساميه ونسيو الراجل إللى ها يطير من إيدك يا حوستك السودا
ساميه بعصبيه : بطل بقى انت وهى وخليك معايامش انت إلا خطفت رهف مرات مهند الله يرحمه .. أخطفنى أرجوك
أميره : ههههههههه
أدم : طب مهند عايز كدا إنما عصام ممكن يخطفنى انا وانتى ويتاويناااا
تاليا بصتله : ليه هو انت ها تخطفها ليك
أدم شوح بإيده : هو خلاص حكمتو عليا انى ها اخطفها 
ساميه برجاء : ارجوك يا أدم اخطفنى ارجوك
تاليا مسكت فيه : لا والنبى اخطفنى أنااا
منال رفعت إيديها لفوق : يخطفتى أنى وأهو كله بصوابه
كلهم : ههههههههههههه
أدم قام وقف : بصراحه انا مش عارف ايه مقعدنى وسط ستات دماغها فاضيه 
تاليا عيونها اتعلقت بيه : رايح فين
أدم : ها انزل اكلم عصام وزكريا  اقعد معاهم لحد ما  ياسين يرجع هو وعمى أدهم وعزت  بعد إذنكم مشى وساميه قامت جريت وراه وقفت عند الباب اتكلمت معاه وتاليا شيفاها بتهز راسها وقفلت ودخلت جوه  ..
ياسين بعد ما وصل كريمه راجع بإخواته وعزت وأدهم .. جالو تليفون قاله على الحموله زعق: يابنى أنت ما بتفهمش على طول دماغك ماشيه عكس شغلناااا .. عندك الورقه فى درج المكتب فيها الحموله كامله بتتعب الرجاله شيل وحط وتبهدل فى البضاعه ليه ..
أدهم : ياسين تعالى نروح نشيك على الحموله إللى هاتطلع ونروح مختار دماغه تعبانه فعلااا لازم نشوف واحد غيره يباشر الشغل
ياسين بجديه : فعلا لازم اشوف حد بيفهم كفايه كدا الواد دا جننى
عزت : أى شغل من غير صاحبه بايظ وبيحصل عك كتير  وبعدين شوفو محاسب وكام حد يشتغل تحت منكم ماينفعش تعتمد على العمال أدام ماشاء الله شغلكم بيكبر ويوسع منكم
أدهم : إن شاء الله قريب  
وصلو عند المخزن  والرجاله نزلت من قدام راكبين عربيه نص نقل بكابنتين ..  البنات فضلت زى ماهى بيتفرجو وهما راكبين جمب بعض 
ياسين دخل جوااا وأدهم دخل وراه لحظات وخرج على طول 
عزت بيولع سجاره ادهم طلع واحده ولع منه واقفين يشربوها جمب بعض .. بص لأخوه وبجديه : اتجوز واحده من إخوات ياسين بنات محترمه وغلابه
أدهم بصله بصدمه : أتجوز مين .. لا ياخى دول صغيرين عليا
عزت نطر ايده : صغيرين ازاى يعنى مايفتحوش بيت كلهم ماشاء الله عدو سن الجواز  بالنسبه لهم الأرياف بيجوزو بناتهم صغيره  وبعدين انت لسا ماتمتش ال٤٥ سنه   عشان ساميه طولك تبقى كبير
أدهم هز راسه وهو بياخد نفسه عيونه على راحت على البنات توحيده وثريا وأمانى : لالالالا .. دول اد ساميه بنتى دى كانت  ساميه كلت كبدى أنت ماتعرفهاش مفتر.يه
عزت رفع حواجبه : خايف من بنتك ياأدهم
أدهم بتاكيد : طبعا ..دى مجنونه يا عزت بتصحى كل يوم تتطمن أنا نايم فى السرير لوحدى والا اتجوزت على أمها ههههه أسكت أسكت .. الاتنين لفو بصدمه كبيره لما اتفاجئو بنا.ر كبيره ظاهره  من المخزن والعمال طلعت جرى ماعدا ياسين ..
توحيده نزلت هى وثريا وأمانى  يجرو ورا بعض  ويصوتو  ينادو على ياسين بحرقه وخوف
ثريا قربت :  ياسين .. يالهوووى إلحقوه ياناس  .. عيطت .. ياسين
أمانى داخله تجرى على المخزن بدون أى تفكير وتوحيده مسكتها وهى بتعيط وجسمها بيترعش : النا.ر ها تاكلك ياختى ..  يياسين رد على إخواتك يياسين اطلع يا حبيبى
عزت بصوت عالى جدا زعق : ارجعو لورا ..  وطالع يجرى ناحية المخزن هو وأدهم يبصو على ياسين
أدهم بص لمختار : فين ياسين ومخرجش ليه معاكو
مختار برعب : ماعرفش هو كان جوا فى اخر المخزن بيشوف الموز
عزت طلع التليفون اتصل على المطافى وكلم عصااام
الرجاله كلها اتجهت لجوا بيحاولو يوصلو لياسين او يسمعو صوته بس مفيش لا حس ولا خبر .. ..
خرجو برا الموضوع اكبر منهم بكتيرررر ولو فضلو جوا هايرحو فى الرجلين
أدهم بص حواليه وافتكر إخواته البنات بقى يجرى يمين شمال  لا شايفهم ولا سامع صوتهم بردو .. اتكلم بجنون : فى إيه ..راحو فين
عزت ضم حواجبه وطار ورا المخزن طلع الطبنجه إلا فى ضهره وبقى يلف بحذر وادهم معاه  وكأنهم شئ لم يكن .. بص لأدهم .. معقول يكون ال.... وضرب على أورته
ادهم مبرق جااامد : ازاى يا عزت بالسهوله دى .. الوقت إحنا ملحقناش  يدوب لسا واصلين يدوب
عزت طلع يجرى وهو بيقول مش وقته يا أدهم وركب العربيه دورها وأدهم جمبه والعمال متنحين مش فاهمين حاجه جرى بالعربيه يمسح المنطقه  يمكن يشوفو حد او يلحقو إخواته البنات
أدهم عيط : إفرد ياسين جوا زمانه بقى فحمه الواد يا عزت الواد راح وبيضرب إيد على إيد
عزت اتصل وزعق جااامد : صفوت اتحرك شرق قاعة ال..... عند ال.... بالمطافى مش عايز برود خمس دقايق وتكون قوه هناك بالمطافى
صفوت بالهوجه قام : حاضر يا فندم  .. بيمر الوقت والكل اتجمع وطفو المخزن الحمد لله وأدم وعصام دخلو المخزن بيدورو فيه خرجو برا  و لسا عزت وأدهم مارجعوش لأنهم بيلفو فى المكان كله
أدم بتوتر بص لعصام : الراجل اتحرك أسرع مما نتخيل عرف طريقهم منين
عصام بتفكير : مش عارف يا أدم .. المهم نلحقهم  .. شاور .. ياسين مش عارفين هو راح وسط النا.ر والا خده مع إخواته إلا يطمنا إن مفيش حد جوا أو مش باين الصراحه النار اشتعلت بسرعه وقوه رهيبه ومعنى كدا المخزن مرشوش حته حته
واحد من العمال طالع جرى وبيعيط شاور : ياسين بيه جوا تعيشو أنتو
أدم بصله بصدمه كبيره : جوا فين انا دخلت جوا مفيش حد
مختار بعياط : فى الحمام .. كان فى الحمام خلاص مبقاش له ملامح لا إله إلا الله الحمام كان حواليه خشب كتير كنا هانقفله رفوف
عصام غمض عيونه : لا إله إلا الله.. إن لله وإن إليه لراجعون ..
أدم دخل جرى هو وعصام فتحو باب الحمام اتفاجئو بالمنظر الصعب والمؤلم معقول دى نهايته معقول خرجو ورا بعض الاتنين وهما فى حالة صدمه كبيره جدااا أدم  جرى  بص لعصااام .. مسح شامل لازم نجيب الراجل ابن ال...
عصام كلم القوه الموجوده والظابط إلا معاهم ومشيو لفو المنطقه واى كاميرات مراقبه مداخل او مخارج للمكان قعدو يفرغوها او ياخدو نسخ من تسجيل اليوم كله
أدم اتصل على تالياااا : أيوا يا حبيبتى عامله إيه
تاليا : الحمد لله يا أدم أنت فين دا كله عايزا اروح وأنام
أدم  : اسف يا تاليا مضطر أسيبك شويه مع ساميه فى شغل ضرورى لازم أخلصه
تاليا : طب ها أروح أنا
أدم لحقها وبنبره عاليه : لاء ماتتحركيش من عندك ماشى  إعقلى ادخلى نامى براحتك كدا كدا  عمى أدهم وعزت ها يتأخرو .. ممكن تدينى ساميه
تاليا بإستفسار : ليه فى حاجه حصلت مع عصام
أدم : مفيش حاجه بس  ها اقولها ان عمى ادهم ها يتأخر شويه .. تاليا مدت ايديها بالتليفون لساميه وهى ردت على طول : الوو 
أدم : ساميه قومى من جمبهم وكلمينى بعيد عنهم ..
ساميه هزت راسها : اااه سمعاك ثانيه بس عشان عطشانه خدت الفون دخلت المطبخ
أدم : مش عايز أى حد ياخد باله .. منال وتاليا ما ينزلوش من عندك غير لما انا اجى أخدهم شخصيااا  ها ابعت قوات أمن تحاوط البيت عندك ومحدش يقلق تمام
ساميه بهمس : أنا قلقت قبل ما تبعت .. فى إيه حصل حاجه يا أدم
أدم بأسف : عم تاليا وصل لاولاده للاسف وحرق المخزن بتاع ياسين وأبوكى والموضوع كبر
ساميه شهقت جااامد : فى حد حصله حاجه
أدم : ساميه .. إهدى مش عايز حد فيهم يحس بحاجه كلهم ،ءبخير الحمد لله لحد ما نوصل لهم .. فضل إنه ما يقولش حاجه على ياسين  لحد ما الأمور كلها توضح قدامه كامله .. خلاص
ساميه عيطت : بابا
أدم : كلميه .. ابوكى بخير مفيش حاجه .. ماتندمنيش إنى اعتمد عليكى وبلغتك .. تاليا يا ساميه تاليا عينك مفتحه عليها ارجوكى لو فى اى حاجه مش مظبوطه كلمينى
ساميه هزت راسها  : ماتقلقش 
أدم بتنبيه : الباب ما يتفتحش لحد غيرى او عصام او ابوكى او عمك كلامى واضح تمام
ساميه هزت راسها وطالعه برا : ماشى يا ادم ما تتحايلش عليه ..لا سلام  وقفلت معاه
أميره : فى إيه
ساميه : ولا حاجه يا ميرو بيقولى أتكلمت مع عصام ولسا قافل دماغه ..
منال بتتواب : هو ياسين راح مارجعش ليه وتليفونه مقفول غلوبت أتصال عليه
ساميه :  إخواتك معاها تليفونات زيك جابو والا لاء
منال : لاء أنى بس اكمنى ناصحه وبعرف فى كل حاجه
أميره أبتسمت : عسل أنتى يا منال  وشكلك عاقله
منال ببتسامه هزت راسها : إيوا عاقله ورزينه الحمد لله وبتغمز لساميه . صح يا أبله ساميه
ساميه بتغمز بعنيها وشفايفها : إيوا يا أبله منال عاقله وست العاقلين كمان
تاليا ضحكت بهداوه وهى حطا ايديها على بطنها : ههههه خدت منال فى حضنها وباست خدها : حبيبتى يا مونمون .. ماروحتيش معاهم ليه كريمه تزعل منك
منال شهقت وضربت على صدرها : أنى اسيبك وأنتى تعبانه كدا إفردى ولدتى  أبقى  جارك لحد ما  ربنا ينتعك بالسلامه
ساميه : يا إيه ينتعها .. يعنى إيه ينتعها
منال نطرت ايديها : تقوم يعنى يا ابله ساميه
ساميه بتطلع ايديها وتنزلها : ماهى قايمه نايمه لحد مازهقتنا
أميره  : ههههههههه تقوم بالسلامه يعنى تولد وتبقى هى والبيبى بخير 
ساميه هزت راسها : أاااه .. هبت فى وش منال .  أنتى لو اتكلمتى زى ما بنتكلم لسانك هايتعوج ..
منال : كل واحد وله كلامه بقى الدنيا  ماقمتش على لون واحد ولا  على كلام واحد
تاليا قبل ما ساميه تتكلم : أستنى قبل ما تتكلمى : هى قصدها ان ربنا نوع فى البشريه يعنى اسود .. ابيض .. أحمر .. قمحى ..شديد البياض وهكذا اتنوعت بشرتهم وعرقهم ياساميه فاطبيعى تتنوع لكنتهم وكلامهم ..
فضلو وقت على كدا وفى خلال الوقت دا كان أدم وعصام وزكريا لما عرف قالبين الدنيا بمعنى الكلمه  الفديوهات مفهاش اى شئ بيوضح أو بيقول ان فى عملية خطف .. مفيش ظهور لإخوات ياسين ولا ياسين  ... إيه عفاريت إختفت مثلاااا ..
عصام بص لأدم وشهق : إحنا ازاى ما فكرناش إن البنات ممكن تكون راحت فى الحريقه
أدم بصله : تفتكر .. ضرب على اورته .. عصام تعالى نرجع بسرعه
عصام : إيه فى حاجه ظهرت قدامك
أدم بلهوجه شديده بص فى ساعته : كلم صفوت قوله يتحفظ على كل الموجودين هنااااك وما ينقلش الج.ثه
❤❤🧡🧡🧡🧡💛
بقلم : لبنى طارق
💛💛💚💙💙💙💜